إضرابات مصرية جديدة - وحكاية 5مايو

وانا ياخويا نازل ورايح علي الشغل ...، لاقيت ست كبيرة عجوزة قالتلي ونبي يابني هاتلي ب 2 جنيه عيش فينو علشان أأكل الأولاد - ضحكت لها وقولتلها يا أمي ان تحت أمرك ، وروحت أجيبلها العيش أتاريها مش قادرة ياعيني تروح تجيب عيش مدعم ، المهم ببص فجأة علي يميني لاقيت 4 تشكيلات أمن مركزي ، ضحكت ودنتني ماشي في الطريق ، قمت بصيت علي ميني لاقيت فرقة ضباط قاعدين يضحكوا وبرضة موضوع تشكيلات الأمن المركزي والدنيا هس هس ، وأفاجئ أني أروح الشركة ومش الاقي غيري أن والمدير والرئيس وعامل نظافة واحد ههههههههههههههه ، والباقي لا نانفصل ولا حتي اتخصم له علشان واحد من الموظفين غاب يقرب لصاحب الشركة (قطاع خاص بقي وانتا فاهم الكوسة) ، المهم وانا في طريقي لبيتي لاقيت 4 شباب زي الورد عمالين يحكوا وانا مش عارف بيحكوا في أيه وفجأة نزلت عليهم عربية بوكس عاملة زي العنكبوت لما ينقض علي فريسته ويكتفها لحد ما تموت ، أدي حالنا ، 4 شباب زي الورد ، ولو كان معايا كاميرا كنت صورت ، اصل انتم مش فاهمين يعني دي القهوة الوحيدة اللي شغاتلة يعني برضة مهما كان دا أكل عيش يا أخونا ، المهم أكملك بقي لاقيت راجل محترم ماسك طفلتين في ايده ، وقاعد يتكلم معاهم ويقول (( تصدقوا يا عيال العيش هيغلي ، خلاص بكرة بقي أن هحاول أجيبلكم رجول فراخ واسلقاهلكم ، وهعملهالكم مع شوربة ، ولا أقولكم ممكن نوفر ونعمل شوربة مية ....، وأختتم بقوله حسبي الله ونعم الوكيل)) راجل كبير وباين عليه ابن ناس ماشي بيكلم نفسه ، وعياله ياعيني بيبصولوا بغرابة مهم مش عارفين ولا مدركين اللي فيها ، رجعت شقتي ببكي علي اللي بيحصل ، وقولت كلمة واحدة :- اللهم لا تحملنا ملا طافة لنا به وأعف عنا وأغفر لنا وأرحمنا أنت مولانا فأنصرنا علي قوم الكافرين ..... مع إنتظار اللي هيحصل يوم 5 مايو