الأربعاء، يونيو 03، 2009

سيادة الرئيس اوباما...نورت مصر


متهيأ لى الموضوع باين اهو ، وهما كلمتين هقولهم ورد غطاهم


انا مش رافض زيارة اوباما بلدى ، وبلاش امور التعصب دى ، ومرحب بيه لعل وعسى يكون غير اللى قبلة

احنا شعب ...فينا صفة مش لذيذة ، ويمكن فيا انا كمان لانى واحد من الشعب دا

ان احنا بنظيط مع الظيطة ، بمعنى اخر ، ان احنا عايزين حد يعمل حاجة يبقى يعملها والا لازم ننتقده علشان يعملها

واحد لسة ماسك حكم ، خلاص بقى ارهابى ، خلاص بقى مش عارف ايه وانزلين عليه كلام

دا لسة لاحنا عارفين هو زى اللى قابلة ، ولا هيبقى زى اللى بعدة

يعنى الراجل لسة فى بداية حكمة اهة ولسة مشوفناش ميته فيها ايه ولا عرفنا هو هيعمل ايه

وانا بقوله يالف مرحب بيك يا اوباما فى مصر ... نورت مصر
انتم بقى رأيكم ايه؟؟؟
تحياتى ليكم جميعاً



جميع الحقوق محفوظة لمدونة اصحى يا مصر

هناك 20 تعليقًا:

  1. فعلا عندك حق يا اسلام

    لازم الاول نشوف طريقة حكمه عشان نحكم عليه

    وغالبا لعبة السياسة احنا مش بنملك كل خيوطها

    واحنا لسة معرفناش سياسته شكلها عامل ازاى

    ولسة الخطاب بتاعه بكره

    وادينا هنشوف هيقول فيه ايه

    ردحذف
  2. انا باحب الراجل دا
    ومرحبة بيه جدا
    رغم ان البلد هاتقف في خلال زيارته
    بس مالبلدطول عمرها واقفة عشان اي صعلوك بيعدي مافيهاش حاجة لما تقف عشان اوباما حبيب الكل

    ردحذف
  3. اناا مرحب بالزيارة و بعيد عن شعارات الحنجورية ايها خلونا نغير العالم و نحسن صورة السلمين و العرب في الخارج

    و الزيارة تؤكد ور المصري المؤثر مش دول الراعية ل الارهاب زي ايران و حزب لله و دويلة قطر

    ردحذف
  4. ازيك يافنان
    تحياتى
    يعنى ياعمنا هى جت على زيارة اوباما ؟؟
    طب وايه يعنى ماييجى يزور
    بالعكس ممكن الزيارة تييجى بفايده
    وكمان لو طلع زى اللى قبله
    ايه اللى هيحصل يعنى
    ماضربوا الاعور على عينه قال خربانه خربانه
    ياعمى هو مش جه خلاص اهلا وسهلا بيه
    مش فارقه كتيير
    تحياتى ومبروك مجلة ميكانو
    دمت بكل خير وود

    ردحذف
  5. بصراحة يا أسامة الراجل من البداية كده باين عليه محترم بس الله أعلم ومين عارف يمكن يكون حقيقى كويس هى البوادر كويسة واحنا فعلا بنرحب بيه فى مصر هى مصر بلد الخير و عندى احساس ان بعد المفاسد هيكون فى اصلاح مين عارف يمكن ربنا يجعله سبب للإصلاح وده شئ هيفرحنا أكيد احنا نأمل خير واللى ربنا عايزه هيكون ان شاء الله

    دمت بكل خير وسعادة

    ردحذف
  6. الراجل من ساعة ما وصل للرئاسة بيتكلم بأسلوب مختلف يعني مش بيجيب سيرة الحرب ومحور الشر والدول المارقة والفوضي الخلاقة الخ الخ لكن بيركز عل الحوار ودا كويس دا في حد ذاته تغير في أسلوب إدارة العالاقات الخارجية لامريكا

    ردحذف
  7. انا رجعت البيت مخصوص علشان اسمع الخطاب بتاعه
    من يوم الانتخابات وكلامه بيقول انه عاقل وناوى يغير
    ويا رب يتم عليه على خير

    عسى ان يكون افضل من غيره

    ردحذف
  8. تقريبا التعليق دا اول او تانى تعليق ليه عندك
    مدونتك فعلا جميله

    انا معاك ان احنا بلاد بنظيط مع الظيطة
    بس انا شيفه ان اوباما اللى بيفرقه عن بوش انه ذكى اوى وسوسه كمان
    بس دا ما يمنعش اننا مصلحتنا معاه لحد دلوقتى بس بعد كده مش عرفه ليه مش داخل دماغى يمكن علشان عندى احساس انه بيلعب بينا الكوره

    ردحذف
  9. اولا مرحبا بأي حد عاوز يزور بلدنا الجميلة
    ثاني حاجة الراجل ده باين عليه كويس هو اي نعم مقيد بشوية حاجات اولهم اللوبي الصهيوني بس احسن بكتتتتتير من غيره
    كفاية ان اسرائيل بدأت تخاف من ان اوباما يقف مع الفلسطنين
    وكفاية انه قلهم ووصلهم رسالة مع كلينتون وزيرة الخارجية بوقف الاستيطان
    وده عملهم ربكة كبيرة اوووي
    كفاية ان قرر يقفل معتقل جوانتانامو
    اي نعم حيستبدله بمحاكم عسكرية
    بس حتكون ارحم من الذل بتاع السجن ده
    قرر يسيب العراق بغد فترة
    كل ده ياجماعة وهو لسه في اول كام شهر
    يتحسبه انو عرف قيمة مصر وقرر يوجه كلمته للعالم الاسلامي من عندنا
    انا شايفة ان الراجل ده يمكن يحقق جزء من طموحاتنا في علاقتنا بأمريكا
    اتمني نشوف منه حاجات كويسة الومين الجايين
    سلام

    ردحذف
  10. عندك حق
    واهلا بيه فى مصر
    وادينا بنقدم السبت والحد

    ومنتظرين سياسه اوباما
    بس انا خايف يوافق على التوريث

    دى بقى المصيبه

    ردحذف
  11. سورى يا اسلام حالة زهيمر بس مش قصدى كنت ساعتها بتكلم مع واحد صاحبتى عن مدونات اختفت ومنها مدونة صديق ليا بالاسم ده وبعدين اعذرنى يومها كنت لسه جاية من الامتحان ولو كنت أعرف انى لما ألخبط هلاقى تعليقك منور عندى كنت لخبط من بدرى واسمك طبعا مقدرش ألخبط فيه أكيد الكيبورد خانتنى am soooooooooooooooo sorry بلاش تزعل منى بلييييييييييييييييييييييييييييز اوك و سورى مرة تانية

    ردحذف
  12. افلح ان صدق
    الكلام سهل
    واحنا نفسنا نشوف التنفيذ
    اللى هو الصعب
    تحيااااااتى

    ردحذف
  13. اه على فكرة يا اسلام المجلة فعلا تحفة
    تسلم ايدكم
    تحيااااااااتى
    دنيا الحب

    ردحذف
  14. السلام عليكم و رحمة الله و بركاته

    عندك حق اننا نديله فرصة

    لكن عاوزة اقول ان دى سياية الكل بيمشى عليها

    مش واحد بيمشى بدماغه

    و بصراحة خطابه النهاردة ماطلعتش منه بحاجة مفيدة

    كله كلام عايم
    و شاطرين نصقف بين كلمة و التانية

    ردحذف
  15. والله الراجل خطابه عجبنى انه حدد و بكل وضوح اختلافنا و مشاكلنا و قال الحقائق بكل صراحه،باين والله اعلم انه رجل سلام وليس رجل حرب ،و كلام جد او بيريحنا بيه مننكرش انه ادالنا فرصه عشان نتفاهم ونصلح صورتنا قدام العالم الغربى و العكس صحيح ،ورغم ذلك برضه حرص ولا تخونش

    ردحذف
  16. صباحك سكر

    بصراحة انا عجبنى اوى ذكاء الراجل دا وثقافته الواسعة وروح التواضع اللى موجودة جواه
    هو تقريبا عاوز يغير صورة امريكا للعالم و خاصة العالم العربى اعتقد انه ماشى بخطوات ثابتة وعارف هدفه
    بس اتمنى انها مش تكون مجرد كلمات ووعود وخلاص
    الايام هتورينا ياترى ايه ممكن يحصل

    بالنسبة للمجلة مبروك والله شغل جميل وان شاء الله فى تقدم
    تحياتى
    يويو

    ردحذف
  17. انا مش فارق معايا مين جه ومين راح المهم الفايدة ليا و لـ بلدي ده كفاية الشغل اللي اتعمل في جامعة القاهرة.

    ردحذف
  18. الحقيقة هوه أحسن بكتير من ال قبلة وكلامه موزون وواثق من نفسة ومحايد إلى الآن
    تحياتى

    ردحذف
  19. فعلا
    وانا كمان برحب بابوما فى مصر لان الراجل لسه فى بداية الطريق ولسه مش شوفنا منه حاجه
    وخطابه كان حلو
    اتمنى ان تتقبل مرورى

    ردحذف
  20. خلاص ياسيدى
    نقوله..نورت مؤقتا..

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم