السبت، نوفمبر 28، 2009

اعترافات قلب ساذج -- الاعتراف الثانى

عــــارفة؟؟
عنيا لما تقول يا دمـــوع
بتجرى بين وســـط الجموع
لحتة ساكنها ضلام وهـــدوء...
لا فــى نهار ولا فى شموع
والضوء مسروق
سيناريو فى كل يوم بشوفه
اخفى حزنى للناس تشوفه
لا الحب عمره ما كان انهـــيار
ولا كلمة عــــار
بس اختيار ومش بأدينا ...
.بتجرى علينا
ومفيش هـــروب من جنه ونـــار
-------------------------
فــــاكرة؟؟
فاكرة لما الليل كان بيعدى ؟؟
وانتى معــاية .
.وعيوننا لبعض تهمس
بخفوة تقول بحبك
فى اخرها ايدين بتلمس
وبصرخة قلب
رسم قلبك
ونده بنبضه اسمك
دلوقتى الصرخة صبحت صمت
متستاهلش دمـــعة
من تحت جفنك !!
ودا قدرى وقدرك
ينتهى الموضوع
وعارفة عنيا لما تقول يا دموع ؟
جميع الحقوق محفوظة لمدونة اصحى يا مصر

هناك 6 تعليقات:

  1. السلام عليكم
    كل سنه وحضرتك طيب اولا
    ثانيا ليه قلب ساذج ؟!!!
    ثالثا ليه الدموع في العيد
    وعندي مثل اللي يقلبك اقلبوه
    ههههههههههههههه

    ردحذف
  2. السلام عليكم

    كل سنة وانت طيب

    وعيد سعيد عليك

    يعنى مش لوحدى اللى بكيت يوم العيد

    يلا ما علينا كله بيعدى

    ذكريات جميلة وحزينة فى نفس الوقت

    عايشة جوان ودايما ملازمانا

    ردحذف
  3. على فكرة دا قلب موجوع

    مش قلب ساذج

    والمفروض نقول قلب لم يتعلم كيف

    يواجه جراح القلوب

    ردحذف
  4. عيد سعيد أتمناه لك
    سؤال هي شوطة في مصر ولا ايه مدونات كتيرة دخلتها كلها تتكلم عن الدموع ده احنا في أيام مفترجة اللي عنده هم يحاول ينساه وحتى لو مقدرش ينسى يتناسى
    مع تحياتي

    ردحذف
  5. السلام عليكم ورحمة الله وبركاته
    تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .
    نتمنى قبول التاج ونشر إجابته بمدونتك مشاركة منك فى افتتاح المدونة
    نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة
    مع خالص تحيات
    أسرة رابطة هويتى إسلامية
    فريق عمل إحنا شباب النهارده

    ردحذف
  6. حلوووووو اوى...فعلا قلب ساذج فى زمن عايز قلب مات و بيموت و هيموت كل يوم

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم