الاثنين، يناير 18، 2010

انا شايف دلوقتى قدامى فرخة... وازازة بيبسى لتر

دعوة اطلقها الاخ تامر حسنى .. لتخفيف العبق المخنوق منه تلات تربع او تمن تسبع او تسع تمنع شباب مصر ..
وقال تامر حسنى : انا اغنيتى الجديدة زى ما نزلتهالكم مفيهاش اى ايحاءات جنسية عشان الوك لوك بتاع الصحفيين زى الاغانى اللى فاتت ..، ولكن اغنيتى دى طبعاً كلها مواعظ للشباب ، وبوصف فيها "الفيلينج" اللى بيعيشه الشاب لما يشوف البنت قدامه وعايز يكلمها (عندو حق طبعاً) بغراءزها التى تتسم بالرشاقة ، اللى بتمشى تتسم مشيتها بالحنيه ، واللى (بتتعب) كل الناس .
فطبعاً كان تامر محق ان اغنيته لم تحتوى على اى ايحاءات جنسية ، بالعكس ، هى دعوة صريحة للتحرش الجنسى ، ولما جينا سألناه اشمعنى يعنى كدة ..رد وقال : علشان متتعبش الناس تانى .

طبعاً جه المدعو (اسلام بيه ديو) علشان ياخد حقوق اعلانات بيبسى بدل من صاحب حملة (ياتاعبة كل الناس) ...، وبما انه بيحب جدا الغلابة وبيعمل كل شىء علشانهم وعلشان رضاهم ... فأتفق مع شركة بيبسى على تغيير الحملة من (انا شايف قدامى واحدة ) الى (انا شايف قدامى فرخة..هيجرالى حاجة لو مدبحتهاش) .. وقد اكد على اعتقادة الشخصى فى ان دى الحاجة الوحيدة اللى (اللى تاعبة كل الناس خلقه) .
دمتم ولافاشكيرى

جميع الحقوق محفوظة لمدونة اصحى يا مصر

الجمعة، يناير 08، 2010

وظيفة ماتمت .. عيش وتاخد غيرها ..احبنى لتعرف من انا .. اجمل كتب فى معرض الكتاب 2010

النهاااااااااارضة احتفالى بالبوست 101
وفرحان جداً جداً
علشان معرض الكتاب 2010
نازلين بيه بأحلى 3 كتب
جامدين اوى

مايكل محسن .. كاتب جميل جداً جداً .. يا وظيفة ماتمت ..فى الادب الساخر

سحر غريب ..صاحبة حماتى ملاك ..عاملة كتاب جامد منها وزى ما اتعودنا كل مرة تعيش وتاخد غيرها ..عن دار كيان..معرض الكتاب 2010 فى الادب الساخرثنائي حميل جداً ..هما ايناس حليم ..ولبنى غانم
هيقدموا مجموعة قصصية من الادب الرومانسى
عن دار المصرى للنشر
الدار لسة جديدة بس قوية جداً وانا متوقع ليها نجاح مبهر
وبصراحة برسل تحياتى ليوسف المصرى لأنه هو اللى قدر يوصل رأى الناس دى للنور
واتمنى له كل التوفيق

وربنا يوفقكم جميعاً
واللقاء يجمعنا يوم حفلات التوقيع






جميع الحقوق محفوظة لمدونة اصحى يا مصر

الاثنين، يناير 04، 2010

تانك البنزين فضى .....جه وقت التفويل

كل سنة واحنا اصحاب ..واخوات .. وقرييبين من يعض..وبنحب بعض ..ومتابعين بعض..ومش سايبين بعض
بلوجر لمنا..، وفيس بوك قربنا اكتر ..بس المشكلة ان احنا نكرنا جميل البلوجر وانا كنت اول واحد اسيبه واتجه.. للفيس بوك
بس طبعا السمك مينفعش يطلع من المية ......
اه هى كانت مجرد حالة من الركوض والوقوف خلال الامتحانات ..ونسيت شغل الكاريكاتير واتجهت للإذاعة ... ولكن انا معاكم دايماً ان شاء الله
ممكن نعتبرها بدل حالة ركوض ... حالة من البيات الشتوى هههههههههههههه
او ممكن تانك البنزين فضى ..
بس جه وقت ان احنا نراجع حسابتنا ونبدأ نظبط الشغل
يعنى جه وقت التفويل
تحياتى ليكم جميعاً ... إسلام
جميع الحقوق محفوظة لمدونة اصحى يا مصر