فى جميع الاحوال انا مع اللى يقول ان الدماغ هى الالة الوحيدة اللى من خلالها نقدر نطور نفسينا ، ولكن ليك الحق الايام دى انك تقول انها الالة الوحيدة برضة اللى من خلالها نقدر نبوظ نفسينا ونتنيل بستين نيلة .
من خلال ابحاثى الانترنتية - ويارتنى ما بحثت ، .. شوفت حاجات كتير اوى يمكن الشباب بقى بيعملها زمان - حصلها تطوير مفاجئ بما يسمى بالتأهيل السلبى ، فى ال 70 سنة الاخيرة .
عندك مثلاً .. دماغ شاب مصرى قديم :
1-بنت الجيران اللى عمره ماشاف وشها ولا هيشوفه .
2- الراديون علشان يسمع عليه عب حليم وفريد وسيد درويش .
3- تذكرة او اتنين بسينما مصر ام اتنين تعريفة وعليها فوندام هدية .
4- البسكلته الجديدة قبل ما يخترعوا الاوتومبيل .
5- هشاية الدبان ، لأن كان ساعتها الدبان موضة جديدة وبتعفرت الواحد لو دبانة جت جنبه .
التطوير المفاجئ واللى حصل بعد عصر الانفتاح للشاب المصرى الحديث ، وحتى الدبان مستحملش وبقى بينقرض :
1- لسعانه الشديد بالكورة .
2- ممكن يبيع ابوه ويشترى عربية .
3- المخدرات (شىء اساسى فى حياته) .
4- الفيس بوك كوسيلة ل (شقط البنات) .
5- الـــــنــســــوان (علامة مسجلة) .
6- البلاى ستيشن والدورى الاوروبى .
7- سيجارة دنهيل وولاعة زيبو (لزوم الشهيصة) .
جميع الحقوق محفوظة لمدونة اصحى يا مصر
اضحكتنى ياسمسم...
ردحذفتمام كلامك
بس ده فيه بلاوى
انت يمكن جبت ملخص المخلص او اهم تفاهات الجيل الصاعد الواعد,
الصوره تحفه ,
ممكن تكمل الموضوع باجزاء تانيه ,بس جديده حتة ان الدبان زمان كان لسه موضه هههههههههههههههههه
تقبل مرورى
الله عليك ...
ردحذفانا شفتها وعجبتني كتير