بورتريه خالد محمد سعيد .. الله يرحمه

ضمن موجه من الكاريكاتيرات اللى هقدمهالكم خلال الشهر الجديد ان شاء الله ومن النهاردة هبدأ معاكم بأول رسمة وهى عبارة عن بورتريه لشهيد الطوارئ وضحية التعذيب / خالد سعيد ..، وبما انى ملحقتش اشارك فى حداد المدونين على روح خالد .. فدى اقل هدية اقدر اقدمهاله

على روحه .. ولكم منى كل تحية ، وتصبحوا على وطن من غير عذاب

بوجميع الحقوق محفوظة لمدونة اصحى يا مصر

بروفايل عتريس الديلر .. صاحب اول وكر مخدرات على الفيس بوك

جت الفكرة من خلال شخصيات رسمتها كان "عتريس" واحد منهم ، وكان الاسم الحقيقي ليه هو مرعى ، لكن بعد احتياطات ، ومواجهات بالحشاشين ومغامراتى فى الكلام معاهم ، عملت الفكرة ، وهى استخدام الفيس بوك فى تجارة المخدرات هههههه .
فليصبح اول تاجر مخدرات الكترونى عبر التاريخ "عتريس" الديلر ، ودلير هنا بمعنى التاجر ، اى تاجر المخدرات
ارفع الصورة

اللى عايز ينقلها ينقلها بس يسيب حقوق التصميم .. ويذكر مصدر النقل .. تحياتى
جميع الحقوق محفوظة لمدونة اصحى يا مصر

نحنُ لا نزرع الـكـوسـه

دول المخبرين اللى قتلو خالد على فكرة

مــنــوريــن
الفرق بين مصر والدول الاخرى ..ان الدول عندها منهج ومبدأ وقوانين
.. لكن هنا ف مصر ...الدستور ماشى بالعكس
الفرق بين مصر والدول الاخرى .. ان اى دولة فى العالم بتحارب الرشاوى والفساد ...لكن هنا ف مصر ..،فالرشاوى عملولها وزارة
الفرق بين مصر والدول الاخرى ... ان الشرطة فى اى دولة ف خدمة الشعب ...
اما ف مصر ( مصر والشعب) فى خدمة الشرطة
الفرق بين مصر والدول الاخرى .. ان صح غلط ، وغلط صح
واللى مش عاجبة يرفع طلب احاطة
الفرق بين مصر والدول الاخرى .. ان طلب الاحاطة فى اى دولة علشان تسقط شئ ما
اما فى مصر فهو (علشان يتحط عليك) وبالذات لو مش وطنى
الفرق بين مصر والدول الاخرى ...ان اسرائيل بقت بتصنع الطائرات بدون طيار
واحنا البلد الاولى فى استيراد... التــوكــتوكـ
الفرق بين مصر والدول الاخرى .. ان فى اى دولة بيكون فى احتفالات بالأنتماء للوطن
اما فمصر .. فالأنتماء هو للمنتخب ...الوطنى.. المصرى !! والباقى فكك منه
الفرق بين مصر والدول الاخرى .. ان الشرطة ف اى دولة بتحاول احباط تجارة المخدرات
اما ف مصر.. فالشرطة بتتاجر فيها (لإحباط) المواطنين !!
الفرق بين مصر والدول الاخرى .. ان حكومات الدول الاخرى بتحاول تطور من مصانعها
اما مصانع مصر ... فمشاء الله .. تلات تربعها اتخصخص
اللى يخلي خالد سعيد يبقى شهيد البانجو .. هو هو نفس الشخص اللى قدر يخلي سليمان خاطر منتحر
اللى خلى مراته وابنه يسافروا يتعالجوا برة مصر(على نفقة الدولة) .. هو هو نفس الشخص اللى يبيع المتر لقرايبه ب 250 جنيه !
اللى قدر يصدر الغاز لإسرائيل .. هو هو اللى قدر يقفل علشان خاطر عيونها معبر رفح
اللى قدر يزود نسبة البطالة ... هو هو اللى قدر يخلى الشباب يموت منتحر بعد فقع المرارة
وبيقولولك العنوسة كترت ليه؟؟؟ .. علشان طنط سوزان مش مهتمية يابيه
واخيراً
نــحــنُ لا نزرع الكوسة .. لكن الحكومة زرعتها

جميع الحقوق محفوظة لمدونة اصحى يا مصر