تصدق بأيه .. ؟؟ لو كان بأيدى تقدر تطولك وتمسح دموعك ..لجريت عليكعايزنى تانى احلف بأيه؟؟ .. بنور عنيك ؟؟
من عينى حاضرلوكنت قادر
اوصل أليك ..
واصفى حساباتى ب شوقى
وبأغلى حاجة عندى اهديك
***
قولي بس .. عايز ايه؟؟
حياتى؟ قلبى ؟ عمرى؟
مهو كله ملكك
واحب اعيشلك
ماخدش منك
بس اديك !
لو كان على حياتى هفديك
ولو عمرى راح ياعمرى انا بيك
ولو قلبى كان محتاج لحنانك
اكيد من غيرى هتحس بيه
***
تصدق بأيه..؟؟
.. لو كان طول جرحك قد ايه ..، ليطيب جرحك من حبى ليك
انا عارف .. جواك هموم
وبتمنى ليك .. يكون فى يوم
ابقى معاك..
نقدر سوى نشيل الغيوم
ونبدله ..بفرحة لقاك
ايوة بعيد ومش شايفك
لكن قريب اوى اوى منك
مقدرش اوصفلك ازاى فرحان
كل ما اسرح وافتكرك
منا طول الوقت بكون سرحان
انا وصورتك
وحتى غنوتك
ارتاح من الشوق شوية
وارجع تانى اشتاق انا ليك
*****
تصدق بأيه ؟؟؟ هتصدقنى؟ ، يمكن معرفش كتير عنك
بس الروح لما تحس
بتكون اقوى منى .. ومنك
والقدر بعدنى عنك
بس ع الاقل بكون فاكرك
ولا حاسس بكلامى ليك
بس عارف انى بندهلك
فى منامى بسمعلك
وبمسك اديك
ساعات بتكون السما صافية
وسحابة تعدى ..ترسم صورتك
ساعات لما اكون ماسك قلمى
وانا بكون ف عز ألمى
بفتح على الورقة ملامحك
واسيبها بالكلام تغنى
عرفت بحبك قد ايه؟
تصدق بأيه؟؟ ، وبأغلى حاجة بعترف ليك
والرسمة اللى رسمتهالك
فى الحيطة متعلقة
كفاية ابص على لون عنيك
وروحى فيها متعلقة
خايف اجرب واقولها
يمكن افرحك ..
او يمكن اصدمك؟؟
او يمكن مكنش ف حساباتك
او مجرد ورقة ف حياتك
ومسيرها هتتفرك
فعشان صراحتى
اخترت اكون فى وحدتى
احبك براحتى ..
واقعد على الكرسى
وابص ف مكانى ع الحيطة !
ناحيتك
واقعد فيك واكلمك
واعيد وازيد بحلفانى
تصدق بأيه؟؟
إسلام
جميع الحقوق محفوظة لمدونة اصحى يا مصر
اول تعليق في اول زيارة " يا حظي "
ردحذفرووووووووعة طبعا من غير كلام
حسيتها كلمة كلمة
تسلم ايدك يا سمسم متابعاك ان شاء الله
ولو انى متأخرة اوى على المتابعة دى
تسلم ايدك بجد
ردحذفأزال أحد مشرفي المدونة هذا التعليق.
ردحذف