لما يكون الليل احزان
وانتا هواك مليان احزان
حاسس بيك .. ونفسى ألاقيك
علشان اديك ..م الحب حنان
عيني عليك
كلمة اكتبها تكون فرحان
ببقى سعيد ..ايوة بعيد..
بس اكيد.. جوايا تعبان
شوقى انا ليك
ولو م البرد تكون سقعان
قلبى لوحده اللى يدفيك
بس اكيد مش واخد راحته
لما تكون ف حياه انسان
والأنسان..
دمع عنيك
لو عليا.. انا اجرى امسحها
اواحطها على عيني كمان
واهديلك الوردة الطرحة
جوا جناين الحب اهديك
واهديك عصفورة قلبى
بس أمانة ..أمانة عليك
لو مسألتش انت عليها ..
مين غيرك ..يديها امان؟
شفت ازاى انا عايزك تفرح؟
علشان انا هفرح
لما اشوف الفرحة ف عينك
واشوفك بتطير فرحان
هفضل ساكت.. باصص ليك
و قلمى يدونلى امانى
ولو اقطع واكتب من تانى
ولا كلمة راح تغلى عليك
دا مهما عزفت لهواك الحان
ولله ما هيعبر ليك
لا نصه ولا ربعه ولا تلته
ولا كلام العالم كله
يوصف فيك
وبتأسفلك ..انا الخسران
مش قادر ازاى اوصفلك
اه محتاجلك
بس فى يوم اكيد هيبان
وتلاقيني ساعتها بندهلك
بس انا خايف
مكنش ف بالك
وارجع تانى ..للشوق ندمان
يارتنى كنت مكان انسانك
واشيل منك ألمك ..احزانك
مش زيه بيقلل بيك
إديني فرصة
اروح واقوله
خسارة فيك
جميع الحقوق محفوظة لمدونة اصحى يا مصر
نرجو التكرم بالاطلاع على الفكره ونقدر مساعدتك
ردحذفتسلم لإختيار الكلمات
ردحذفروعة يا اسلام
ردحذففي تناغم موسيقي رائع ف الكلمات
تسلم اياديك يا مبدع ^_^
لو ادينا للحبيب كل حاجة هتبقى قليلة عليه
ردحذفلان الدنيا كلها هتبقى قليلة عليه
بجد حلوا جداااااااااااااااااااااااااااااااااااااااا
ردحذفاستمر ياولدي:)
حلوة يا فنان جدا
ردحذفمعلش مش عارفة اكتب اي كومنت على النوتس في الفايستوك :).. معرفش الاكونتات بتاعتي مالها
بس سيبك انت.. هي الرومانزية مالها معاك اليومين دول؟؟ :P
هايل .... كويس ان لسه في ناس بتتغنى بالحب
ردحذفمش قادر ازاى اوصفلك
ردحذفاه محتاجلك
بس فى يوم اكيد هيبان
وتلاقيني ساعتها بندهلك
بس انا خايف
مكنش ف بالك
وارجع تانى ..للشوق ندمان
دايما بيقولو بيكون بين اللي بيحبو بعض كيميا عاليه يعني مش لازم توصفلها انك محتاجلها فعلا اكيد هيا هتحس وتشعر بكل ده
ولا ايه رأيك
اشكركم ندا سونى والمجهول كمان
ردحذفرحاب .. دى مجرد اعترافات هههههه انا قولت ابقى رومانسى حبة بقى انا بقالى كتبر مبعملش حاجة
ومن ناحية النوت فمتقلقيش تعليقك وصل اكيد
ساسو .. جوانا اكيد حاجات بتتكلم .. وتغني ، الاحساس لوحده مش كفاية
مرمر .. هنا انا بقصد الحب من طرف واحد
انك بتكونى فى عز حيرتك لما تكونى عايزة تقوليله .. لكن مش قادرة لتنجرحى ، او تندمى انك قولتيله .. فهمتيني؟؟ :)
بشكركم جميعاً ونورتونى
كلمات رقراقة وعذبة فى المشاعر .
ردحذف