يعني إيه دولة مدنية ؟؟

بسم الله الرحمن الرحيم

إزيكم يا شباب عاملين إيه؟
دا تاني مقال من المقالات الخاصة عن تعريف الليبرالية والدولة المدنية ، النهاردة المقال بعنوان "يعني إيه دولة مدنية"؟؟ ، الكتير بدأ يسأل السؤال دا ، والكتير مننا فهمها الحمدلله واقتنع ، وفي اللي خاف منها ومقتنعش بيها ، وفي اللي لسة ميعرفشي يعني ايه دولة مدنية .
طيب... يعني ايه دولة مدنية بقى؟؟
الدولة المدنية هي الدولة التي يمارس فيها المواطن حقوقة كاملة ، وحريته التي لا يتدخل فيها أحد غيره ، كذلك هو سيد قراره .
لو خدناها بالمعنى العام إجتماعياً وليس كفرد فهنقول ان الشعب هو سيد قراره ، له مجلس يحدد الخطوات ويناقشها ، ويحدد القرارات ويتخذها من خلال "إجماع عام بالتوصيت" يشارك فيه طوائف الشعب كافه .
يساعد فيها الطبقات الغنية الطبقات الفقيرة ، برده مننساش نقول ان الطبقات الغنية بتساعد السلطة في نمو وتنشيط الإقتصاد ، ودا للإكتفاء بإحتياجات المواطنين المستخدمة من المأكل والمشرب ، .. نيجي لحقوق المواطنة .
حقوق المواطنة هي ان يتعامل فيها الغني كما الفقير ، مفيش وساطة ..مفيش محسوبية .. مفيش رشوية ..مفيش فساد ، مفيش تعذيب مفيش اي حاجة من الكلام دا ، لو رئيس اللدولة غلط يتحاسب ، وان كانت الدولة ماشية على نظام  رئاسي اي ان هناك رئيس دولة فلا يسبق له عمله كعسكري ، ودا اهم شرط من شروط الدولة المدنية ان الرئيس او رئيس مجلس الوزراء ميكونش سبق له العمل العسكري من قبل .

في الدولة المدنية لا يختلط الدين بالسياسة إطلاقاً ، السياسة ابعادها ووجهتها تكون فقط في السلطة اللي بتتكون في (الحكومة والمجلس الرئاسي او الرئيس) مرتبطة بدستور يحدد اهمية الابعاد دي ووجهتها . تمام كدا
من ناحية التشريع .. هنا يختلط الدين بالتشريع في الدولة المدنية ، والتشريع اي الأحكام التشريعية الصادرة ، أي انها قوانين بتشمل المنظومة القضائية في الدولة ، وبالتالي هكذا تطبق الدولة المدنية بحذافيرها

البوست الجاي : حوار المادة التانية من الدستور

جميع الحقوق محفوظة لمدونة اصحى يا مصر