الخميس، مارس 26، 2009

طرووق 2 : اصطبح ببوكى ، وامسى ببويا

فرحة غامرة ، مكنتش اعرف ان الواد العفش دا هيتحب كدة ، فرحة غامرة ، عادت الى من جديد بسعد ابتكارى لشخصية طرووق ، لإن فى اللى عاش معاه وكان بيكتبله هوة الكومينتات ، وفيه اللى حب شخصيته ، وفيه اللى انتقذها ، وفى اللى افتكرانها قصتى مع انه مش انا خااااالص ، طروق يا جماعه مجرد احساس بكتبه ، شخص حاسس انه اعرفه ، بس هو ميعرفنيش ، بس بجد انا فرحان ، اشكركم .


اولاً ازيكم وعاملين ايه يا بشر ؟ ، النهارضة انا رجعت من الجامعة ، راجع مع جمعة السواق ، اه متشتغربوش كل السواقين صحابى ، بس المشكلة انى اتخانقت معاه فى وسط الطريق علشان سألته ليه الاهرامات 3 مش 2 ؟؟ طبعاً علشان هو مش بقدر ذكائى فضايق وضربنا بعض ونزلنى ، مع ان الاجابة سهلة جداً (علشان يكفوا الشلن) .
وانا نازل ناديت على سواق ، وشه مليان فحم وعربيته غريبة الاطوار ، وعنده شعرتين معزبهم فى راسه ، وفك سنانه اللى تحت طالع لبره وحالته حالة ، المهم ركبت العربية ، وقعدت على كرسى واطى اوى ، وانا استمع الى صوت المطربة "اليسا" فى شريط مسفوف ، خدنا وادينا فى الكلام وحصل حديث كدة :
السواق : على فين يابيه ؟؟
طرووق : ع البيت يا فتحى
السواق : ايه يابيه انتا بتعايرنى ولا ايه ؟
انا بصراحة خفت منه ..رحت حاطت ايدى على ودنى وقلت
طرووق : ايه يافتحى بقولك استنانى على البيت ...انتا مش بتفهم ولا ايه يا بنى
الحمد لله...فهم انى بعمل مكالمة
طرووق :لامؤخذة ياسطى ..شارع سلطانية البواب من فضلك

قعد السواق ساكت ، وانا استمع الى صوت المطربة "اليسا" المجعر وهى تقول : علللللللللللللى سسسسسسسسسسهووووواااااااا ليييييييييييه الدوووونيااااااااا بعد ما عشمممتتنيبتلاااااااااا

السواق : يخربيت كدة ، قلت للواد يعمل الكاسيت صح ميت مرة وكل مرة بياخد الفلوس ومبيعملش حاجة ، مش عارف اعمله ايه .

طرووق : لامؤخذة ياسطى .. هو اللى كان بيغنى دا اليسا ولا اخوها؟؟

السواق : لا واحد صحبى يعرفها هع هع هع هع هع .

طروق فى سره : يخربيت ظرفك
السواق : هى البلد دى مش هتجبها البر ولا ايه ياجدعان ...بأمانة الواحد زهق ...مش عايزينى يعنى الواحد ياكل عيش ولا ايه ياجدعان ؟؟ ، دا الشحات بقى بيقبض دولارات
بصراحة انا اتفزعت لما لاقيته مرة واحدة راح مزعق فى وشى ، وقمت مرة واحدة من الكرسى
طرووق: اهدى بس اهدى ، هو ايه اللى حصل
السواق : اديك شايف ياعم ، واحد لابس زى الكتكوت المخطط (قصده امين مرور) ، عمال يكتب فى مخالفات زى العيل اللى بيحضر الواجب ، دى حاجة تخنق ياعم ولله ...ودينى لأعملهم اضطراب بكرة (قصده إضراب).
طروووق : تعمل اضطراب ايه بس؟
السواق : ايوة هعمل اضطراب ، هو احنا شوية ولا ايه ، لازم ناخدحقوقنا بقى يا جدعان ..الله...طيب استنى بقى شوف انا هعمل ايه
طرووق فى سره : ولله انا عارف انى هركب مع سواق مجنون رسمى ، الله ينتقم منك يا جمعة
بالصدفة اكتشف طروق ان جمعه جامبيه وبيوصل واحد
طرووق : يارتنى كنت افتكرت بريزة فكة ، كنت هخلص نفسى واروح مكروباص ، وشك عفش يا جمعة
السواق بيتكلم فى الموبايل : ايوة ...ايه يا حسين ..اعمل جروب دلوقتى وانفيتيجينات(قصده دعاوى) لكل الرجالة واكتب فيه هنعمل اضراب ياهنخليها خراب...، بتقول ايه..ماشى ماشى ظبط انتا العمل عقبال منتقابل على القهوة ونتفق
طروووق: ايه ياسطى ؟؟ جروب ايه دا؟؟ ، هو مين اللى سمعك الكلمة دى؟؟
السواق : انا يابنى فى رابطة سواقين مصر الحرة على الفسبوك ، اوعى يغرك بس انى راجل عجوز وعندى 60 سنة ...لا دانا افهم فى الكومبيوطر والحاجات بتاعت زمانكم دى اوى
طبعاً انا لما سمعت كلمة الفسبوك ومصطلح الكومبيوطر دى حسيت بأحساس غريب
احساس بإن الفيس بوك دا موجود من قديم الازل ، وان دى شخصية من العصر الحجرى كانت بتستخدمه وجاية تتكلم عنه
انا ولله استغربت...فيس بوك بقى كدة؟؟
المهم بعد ما وصلنى ووصلنا للطريق راح مطلعلى الكارت بتاعه
السوااق : بص يابرنس ، دا الكارت بتاعى ، رقم الموبايل اهوه والبوروفايل بتاع الفس بوك كمان ، اى خدمات؟؟
طروووق : اشطة ، شكراً ياريس
السوااق : سلام يا مان
لا إله إلا الله ، ولا حول ولا قوة إلا بالله ، الشعب خلاص بقى عامل زى طبق الكشرى


المهم طبعاً روحت البيت ، كالعادة اتسحبت علشان مسمعش اى كلام ملوش لازمة من الحاج او الحاجة او اى فرد فى البيت
لما دخلت الاوضة ، طبعاً اول حاجة اعملها انى ابص من الشباك على بيت روح قلبى وحياتى وعمرى وكل ما املك من شعور حسى مفرط ، جى جى تفاريح ، المهم لاقيتها موجودة ، قعدت تسبلى واسبلها ، فجأة راحت باصة وراها ومن غير ما تعمل باى باى راحت قافلة فى وشى الشباك...ليييه الغلاسة دى يابنت تفاريح؟؟؟ ، لسة هقفل الشباك لاقيت اللى راح رازع المية فى وشى
طبعاً من الاستعجاب انهرت ، طلع ابوها
بكل احترام وسياسة : ازيك ياعمو ، هههههههه عارف انك مش واخد بالك عارف ، طيب سلام بقى علشان الحاج بينادينى عن اذنك
طششششششششش


طبعاً مستحملتش مع انة كنت ناوى اعمل حاجة تانية ، بس علشان خاطر عيون جىجى لازم نحترم نفسينا
رحت رايح واقف قدام صورتها وانا بقولها بشبه توسل : ههه دا النبى وصى لسابع جاار ...ابوكى يعمل فيا كدة ..ماشى
لسة رايح اقعد على الكتاب ، وبتقدم اول خطوة لاقيت اللى بيقول
واااااااااااد يا طاااااااااااااااااارق ، انتا يلاااااااااااااااااااااااااا



اه ، صوت الحج ، مميز من التجعيرة ، مهو طول عمرك وش فقر يا جىجى يا بنت تفاريح
انتم عملين رباطية عليا بقى
اصطبح ببوكى وامسى ببويا

سلام بقى علشان شكلى مطرود النهارضة


اليومية القادمة : طروووق : دا خراب بيوت

جميع الحقوق محفوظة لمدونة اصحى يا مصر

هناك 88 تعليقًا:

  1. اولا عاوز احييييك علي علي هذا المستوي الرائع من الفن في تميم البلوج بتاعك اللي حقيقي ماشفتش اجمل منه لحد دلوقتي
    ولو كان الامر بايدي لاديتك جايزة اجمل بلوج من حيث طريقة التصميم
    اما فيما يتعلق بمحتواه فانه حقا يبعث علي المرح والفكاهة وينم عن خفة دم طبيعية غير متكلفة في شخصية صاحب المدونة.
    الحوار بتاع طروووووووووق مع سواق التاكسي كان اكتر من رائع وانا فعلا استمتعت بيه وضحكت من قلبي

    ردحذف
  2. والله انتا جااااامد اوى مشاء الله
    وطريقتك جميلة اوى وممتعة بجد
    تسلم ايدك

    ___________
    بس انا واخد على خاطرى ياطروق يعنى اليسا حد يقول عليها بتجعر دى لو خارسة بردو هتبقى ملكة الأحساس :D:D


    تسلم ايدك ومتابع ان شاء الله
    سلاااااااام

    ردحذف
  3. ههههههههههههههه

    طرووق دا حكاية

    بس بجد بجد يستاهل رزع الميه بوشه ال ايه ال مش عاجبه صوت اليسا ولا اغنيتها التوووحفة

    اجرررري اش فهمه بالاغاني الرقيقة

    دا لو بعت البوم اليسا لجيجي هتاخده بالاحضان ههههههههههههه

    ومخصماك اهوو

    بووووووست يجنن يااسلاموو

    ومنتظرين جديدك

    ردحذف
  4. حلو أوى الإسلوب
    تسلم إيدك
    دمت بكل الولد

    ردحذف
  5. هههههههههه
    ايه البوست الجامد ده
    ازاي البلوج ده انا معرفوش
    لا لا, كده مينفعش
    انا هجيب الكمبيوطر بتاعي وهعمل استعصام على باب البلوج ده
    ههههه

    لا بجد برافو على الشخصيه الجكميله طرووق
    واعتبرني زبون دائم عند سيدتك

    ردحذف
  6. بجد يا سمسم انت فوق الروعه والاداء متميز وكمان البلوج فى التصميم الجديد والفكره الجديده فوق الروعه
    تسلم ايدك
    وبجد بحييك على حوااااااار طرووووق لأنه تحفه انا كنت هموت من الضحك بس لميت ضحكتى عشان الجيران كانوا هيتلموا علينا :D بهظر شبه الكمبيوطر هههههههههههههههههههههه
    منتظره باقى الحلقات
    تسلم ايديك

    ردحذف
  7. اول زيارة

    وان شاء الله ليست الاخيرة

    اسلوب بسيط وجميل جدا

    تعلقت بتلك الشخصية الجميلة

    والمرحة بكل معانيها وعوالمها


    دمت اخى

    smilyrose

    وردشان

    روح الحب الصادق

    ردحذف
  8. السلام عليكم / جميله أخى إسلام من زمان ودعت الروايات وانت بتسعدنا برواياتك ، وفقك الله للقادم .

    ردحذف
  9. خواطر ليست عابرة

    اشكرك على تعليقك الجميل والمتميز دائماً ، وبارك الله فيك على كلامك الذى ذادنى من الثقة والروع المعنوية اضعافاً مضعفة

    من ناحية طرووق فهو فكرة جديدة ، علشان انا شايف ان فى مدونين كتير همهم الحزن ، فقولت اعمل حاجة تسعد ولو واحد فى الميه حياتنا

    تحياتى اخى الفاضل

    ردحذف
  10. امبارح كان عمرى العشرين

    اشكرك على كلامك الجميل

    بس انتا مش فاهم الشريط كان مسفوف وشغال على كاسيت خربان فلازم يحصل كدا ، حتى انتا لو تلاحظها لو ركبت مع اى سواق تاكس وعربيته قديمة هتلاقى صوت ام كلثوم مشابه لبد الوهاب عشان الكاسيت بيبقى خربان

    اشكرك على كلامك الجميل ولا تقطع الزيارة
    دمت بكل ود
    تحياتى

    ردحذف
  11. اختى نوارة

    لا طبعاً طروق عارف اليسا وبيسمعها على طول
    بس انتى مش واخدة بالك (الشريط كان سافف) ، والكاسيت خربان
    فمطلع صوت مجعر اوى ، هذا المثال هتلاقيه فى كتيير اوى من سواقين التاكس

    واشكرك على تنويرك ليا فى المدونة
    ومنتظرك فى اليومية الجاية انشاء الله

    ردحذف
  12. اخى الفاضل mohamed ghalia

    اشكرك على تعليقك الجميل ورأيك الجميل
    ودام الله تواصلنا بإذنه

    تحياتى

    ردحذف
  13. اخى احمد ابو العلا

    انت تنور البلوج من غير اى حاجة
    كفاية انه يعجبك دى عندى بالدنيا
    تحياتى اخى الفاضل
    ودمت بود

    ردحذف
  14. اختى الفاضلة اسماء جمعة
    اولاً تحياتى لك
    ثانياً الحمدلله انه عجبك ودا شئ انا اتمناه

    بس يارب تتعودى انى اشوفك على البلوج هنا
    فى انتظارك دائماً انشاء الله
    تحياتى

    ردحذف
  15. smilyrose

    بإذن الله مش الأخيرة
    وشكرك على كلامك الجميل
    وعلى ان نتواصل بإذن الله

    ردحذف
  16. اختى حياتى نغم

    بارك الله فيكى ، طروووق ليست برواية فقط
    رواية وقصة وحل مشكلة
    ثلاثة افكار فى ابداعية واحدة
    اشكرك على مرورك الكريم وعلى ان نتواصل بإذن الله

    ردحذف
  17. السلام عليكم

    ازيك ياعم اسلام

    اخبارك اية


    بوست مميز

    وعجبنى كتير

    بس اليسا يعنى فنانة بجد
    دة على الاقل راى

    تحياتى

    ردحذف
  18. السلام عليكم ورحمة الله وبركاته
    ايه الحلاوه ديه ياستاذ اسلام
    اما الواد طرووووق ده شقي شقاوه
    بس بجد نشكره انه عرفنا الامكانيات اللي بتتمتع بيهاوتمتعنا احنا كماوكويس انك معرفتنيش من زمان
    والا كان زماني حكايتك قبل طروووووق
    وبعدين اشكرك علي الوقت الجميل
    اللي قضيناه مع طرووووق
    وربنا ميحرمناش من اسلوبك الرائع

    ردحذف
  19. أزال المؤلف هذا التعليق.

    ردحذف
  20. أزال المؤلف هذا التعليق.

    ردحذف
  21. هههههههه
    حلو اوووووووى .. ايه يا عم اسلام الابداع الجميل ده .. بجد تسلم ايديك .


    تحياتى ،،


    نفرتارى

    ردحذف
  22. طارق باشا
    لا لا أأقصد إسلام باشا

    مساء الخيرررررررررر
    طبعا انته حد جامد أروبه بتعرف ازاى تتضحكنا من غير ما ناخد بالنا
    ربنا يديم عليك دى نعمه

    بس برضه مجاوبتنيش جى جى تفاريح بتروح عند حلاق منين لا سورى أأقصد كوافير مين أصل قصة شعرها تفرس لالالالالالا تجنن

    سلام بقى أصلى جعانه وعندنا محششى

    سلام


    سهوره

    ردحذف
  23. أول مرة أشوف البوست بس بصراحة رائع و الشخصيات كمان حلوة بتدل على واقع حقيقى
    كل واحد بقى قاعد على الفيس بوك و عنده جروب و كل واحد مش عاجبه حاجة بقى بيعمل اضراب هههههههههههههههه
    دنياااااااااااا

    و تقبل تحياتى

    ردحذف
  24. بسم الله الرحمن الرحيم
    السلام عليكم ورحمة الله وبركاته
    صديقى العزيز اسلام
    تحياتى
    اضطراب ؟؟؟ وجروب على الفسبوك والكمبيوطر ؟؟
    لألأ انت مشكلة بجد
    .........
    بس الحمد لله ان الاضطراب محصلش وانا فى القاهرة والا كانت هتبقى مشكله كبيرة واخوك كان اتلحوس
    هههههههههههههههههههه
    وبعدين لما هو عارف ان جىجى وش فقر بيحبها على ايه طيب ؟؟؟؟؟؟؟؟؟؟
    جميل يااسلام
    مستنى الباقى
    تحياتى ودمت بكل خير وود
    والسلام عليكم ورحمة الله وبركاته

    ردحذف
  25. اصلي يا ديو ايه احلاوة ديه يا معلم بس خد بالك بقا عشان جمعة غبي و ايده تقيله
    وقد احذر من افظر

    سلاموز

    ردحذف
  26. والله بجد يا اسلام
    انت جااااااااااااااامد وفلته فعلا
    وطرقتك فى الكتابه ممتعه خالص خالص
    بجد انا كنت مبسوطه خالص لما قريت الموضوع ده
    ديه اول مره زياره لمدونتك اتمنى ان تتقبل مرورى

    ردحذف
  27. السلام عليكم ورحمة الله وبركاته
    بصراحه جامده قووووووووووى
    والله العظيم أنت هايل
    وأمانه عليك تسلملى على طروووووق الجامد بالقوووى
    خلتنى أعيش مع القصه فى شكل واقعى
    ربنا يكرمك يارب ويوفقك
    تقبل مرورى
    سلامى .......
    إيناس

    ردحذف
  28. هههههههههاى
    تانى يوميةوجامدة جداً جداً ، ومقالاتك اجمل بكتيير

    انتا اضايقت المرة اللى فاتت علشان مقلتلكش اسمى

    انا يا سيدى ريم واسفه انى مكتبتش الاسم
    سلالامى يا فنان

    ردحذف
  29. Tamer Nabil
    ايه يا تموور عامل ايه
    اخبارك ايه؟؟
    ووحشتنى ولله

    لا اليسا انا بحب اسمعلها طبعاً بس الشريط كان سافف انتا مش واخد بالك
    تحياتى

    ردحذف
  30. 10/10
    بوست رائع ومدونة اكثر من رائعة
    الله ينور
    ويبقى التواصل

    ردحذف
  31. أولا : - المدونة دى من اكتر المدونات اللى دخلتها وكانت مميزة جدا

    أسلوب حضرتك فى الكتابة ممتع جدا ودمه خفيف

    واضح ان شخصية طروووق دى فعلا تتحب لأنى قريت الموضوع كله ومملتش بالعكس انا كنت عايزة اعرف الباقى

    ربنا يوفقك ..

    تحياتى ,,

    ردحذف
  32. اخى محمد الفارس
    اشكرك على كلامك الجميل
    وعلى تعليقاتك اللى بتدينى دفعة قوية للأمام

    تحياتى دائماً لك ، اليسا صوتها كويس يا سيدى بس للأسف الشريط سف

    ردحذف
  33. نفرتارى
    اشكرك على مرورك الجميل
    ونورتى المدونة
    تحياتى

    ردحذف
  34. سأظل أشبه نفسى بالانسانه ...

    اولاً انا بحب المحشى جداً ولو كان كرنب :)

    ثانياً : جى جى تفاريح بتعمله فى البيت ، واى تفاصيل اكتر هقولك عليها اكيد طبعاً

    نورتى المدونة ، وعلى ان نتواصل بإذن الله

    ردحذف
  35. ضحكات الحياة

    مشمشكلة ان الواحد يعبر عن رأيه بطريقته
    بس المشكلة ان كل شوية يطلع برأى شكل ، ويكون للأسف غير هادف ، وغير بناء برضه

    نورت المدونة اخى الفاضل ولنتواصل بإذن الله

    ردحذف
  36. معتصم بيه
    صاحب الأشعار الغريبة والمعقدة
    اولأ وحشتنى يا صديق التدوين
    تانى حاجة بقى حمدلله على رجوعك

    ومتقلقش الاضراب شكله فشل
    ههههههههههههههه
    نورت يا جميل

    ردحذف
  37. aMr tA3LaB

    هههههههههههه يجيى ايه جمعة يعنى فى طروووق
    اكيد طرووق ايده اتقل
    استنة بس دا فى بلاوى جاية عليه كتيير من جى جى تفاريح ، مش عايز احرق بقى :)

    نورت المدونة يا حبيب قلبى

    ردحذف
  38. حواديت بنوتة
    اشكرك على تعليقك الجميل دائماً
    احب اقولك ان دى مش اول مرة ولا حاجة
    لا انتى دخلتى هنا قبل كدة
    بس افتكرى بس
    بس نورتى المدونة

    ردحذف
  39. اختى ايناس عائقة الأحزان
    اشكرك على كلامك الجميل
    وشعورك الطيب

    وتحياتى لك

    ردحذف
  40. ريم
    اشكرك على تعليقك الجميل
    ونورتى المدونة ، وياريت تتابعى اليوميات القادمة
    اشكرك

    ردحذف
  41. استاذى الفاضل معتز شاهين
    اشكرك على مرورك وتشريفك للمدونة

    ونورتها بجد
    تحياتى لك استاذى الفاضل

    ردحذف
  42. aidy

    اشكرك على كلامك الجميل
    ثانياً : نــــورتى المدونة

    وعلى ان نتواصل بإذن الله

    ردحذف
  43. ههههههههههههههه
    جميل اوى يا طررررروق.
    الفيس بوك ده امره عجيب.
    انت عارف انا رايح فى يوم المحكمة لقيت الراجل بتاع البوفيه بيقوللى يا استاذ مسدس عايزين نعمل جروب على الفيس بوك. انا بازبهلال : انت عرفت الفيس بوك منين وكمان عرفت الجروب..
    طبعا موقف يموت من الضحك واحد زى ده يقول الكلمتين الجامدين دول.
    حوار رائع وكلام جميل.
    احييك على البوست الاكثر من رائع وعلى الرسوم الكاريكاتورية الرائعة

    ردحذف
  44. بجد بحيك على اسلوبك الرائع ده
    حسيت باحساس مختلف تماما في مدونتك
    بحس اني في حاله من الاسترخاء والمرح
    وبجد الشخصيه عجباني جداا
    والبلوجر كله اكتر من رائع
    تحياتي لك

    ردحذف
  45. النبى وصى على سابع جار ههههههه
    تسلم ايديك يااسلام جميلة اوى فى انتظار الباقى بس ابا كبرها بئا ولا انت عايزنا نفضل على نار كده
    بس تعرف ان موضوع هوس النت والفيس بوك والكمبيوتر والكلام ده بئا صحيح تلاقى الشعب كله بيتكلم فى التكنولوجيا لمجرد انه يقولك انه فاهم ولا هوا فاهم اى حاجة

    ردحذف
  46. هههههههه جميله
    بس كلله كوووووم وسلام يا مان كوم تاني
    يعني السواق أبو 60 سنه بيقول يا مان
    عجبي ههههههه

    متشوق للحلقه القادمه
    في الإنتظار

    خالص تحياتي

    ردحذف
  47. مسدس صغير
    طبعاً نـــورت المدونة

    ويمكن اللى حصل مع طرووق اللى هو حوار التاكسى دا شفناه كتير وبنشوفه كل يوم مع سواقيين كتير بيمروا بحالة من التعصب لما يشوفوا عسكرى مرور بيقعد يكتب كدة المخالفات وهو ميعرفش هو بيكتب ايه


    تحياتى ولنتواصل بإذن الله

    ردحذف
  48. اختى الفاضلة حنان سعيد

    اشكرك على تشريفك وتنويرك للمدونة
    واشكرك على كلامك الاكثر من جميل

    تحياتى لك ودمتى بصحة وعافية بإذن الله

    ردحذف
  49. اختى العزيزة ايوشة

    دايماً احنا طيبين
    دايماً بجد شعبنا طيب
    عايز يواكب العصر بس مش عارف
    او من ناحية تانية بيكون تواكبه غلط
    وفى نواحى اخرى بتؤكد الفشل او الجهل

    تحياتى لك ودمتى بسعادة وخير

    ردحذف
  50. استاذى الفاضل ahmed_k

    اكيد انتا مش مصدق انه قال يا مان
    طب وحياتك الحوار دا حصل وقدامى
    وانا فعلاَ حضرته ، وركبت مع سواق كدة

    تحياتى لك وأؤكد ان اليومية القادمة بإذن الله ستحتوى على اكثر من ذلك

    ردحذف
  51. بصراحة وزى ما انت كاتب
    (عايز رأيك بصراحة)
    شربااااااااااات
    الحوار بتاع جىجى
    والحاججججججججج
    اللى رزع الميه
    كان هايل جدا

    ردحذف
  52. بس بجد صحيح يعنى
    اليساااااااا
    بتجعرررررررر
    يارررررررررجل
    حرام عليك :)
    دى كلها تجعير:)
    وخدلى بالك :)

    ردحذف
  53. بجد اسلوبك تحفه
    والصور كمان ملهاش حل
    والمرة دى حوارك مع السواق كان ايه هايل
    بجد واضح ان طروووق بقى صاحبنا كلنا
    عموما فى انتظار المغامرة الجاية مع طروووووق ومواقفه الجميله

    ردحذف
  54. بسم الله الرحمن الرحيم
    الأستاذ/إسلام
    السلام عليكم ورحمه الله وبركاته،،،
    شخصيه ظريفه جدا...أكيد وراءها رجال اكثر ظرف . لكن عايز اعرف طرووووق دا اسم الدلع اكيد ...و اسمه الحقيقي طارق ...شويه معلومات كده عنه علشان افهم هو بيتكلم في ايه ؟
    بس برضه انا لم افهم ليه الأهرام ثلاثه مش اتنين.
    بشكرك جدا علي زيارتك و اطرائك الطيب ...بس بعد كده آخد قلم في نفسي.
    يدوم الود والوصال...

    ردحذف
  55. السلام عليكم و رحمة الله و بركاته


    طبعا ف البدايه تصميم راقى جداا و هادئ

    المحتوى رااااااائع و فعلا نحتاج اننا نطلع بره شويه النكد و المواضيع الكآيبه حتى لو كانت تحمل معلومه و اتصور انك جيت ف وقتك

    و شكلك هطول عندك كتير

    اقبلى اخ و صديق

    تمنياتى لك بدوام التميز :-)

    ردحذف
  56. هههههههههههه

    بجد يا اسلام ملكش حل

    جامد جدا استمررررررررررررر

    ردحذف
  57. السلام عليكم

    جميله يوميات طروق والله يا سلم

    بس كنت المفروض اخدت السواق الأورجينال ده على الصحراوى وكنت عملت فيه زى الإعلان بتاع ميلودى تتحدى البلل لما جابت لينا الملل

    المهم جميله جد والله واهنيك عليها

    ردحذف
  58. حلوة المدونة جدا ومش مملة خالص ودمج الصور والتصميمات مع الكلام شىء رائع فعلا
    الله ينور

    ردحذف
  59. اولا السلام عليكم احب احييك يا اسلام على روح المرح والفكاهة الساخرة اللى بعدتنا شوية عن جو الاحزان يارب من نجاح لنجاح يا حج طرقوووووووووووع

    ردحذف
  60. تصدق لظاهر انت وانا الوحيدين اللي ماعندناش اكتئاب في البلوجر
    ضحكتني خالص

    ردحذف
  61. أسلوب ساخر ناقد لطيف...أحييك على مدونتك و كتاباتك...سعيدة بالتعرف على المدونة...

    ردحذف
  62. Fantastic posting!!!!
    Have a nice Day!!!!

    ردحذف
  63. norahaty
    ازيك واخبارك ايه؟؟
    نورتى المدونة طبعاً

    ثانياً اليسا صوتها مش مجعر بس انتى مش واخدة بالك ان حاجة

    الشريط كان ساااااافف بس
    هى دى النظرية

    تحياتى

    ردحذف
  64. طائر الليل الحزين

    اشكرك على تعليقك الجميل ومتابعتك لأحداث طروووق

    اليومية القادمة هتبقى شديدة جداً بإذن الله

    نورتى المدونة ولا تقطعى الزيارة
    تحياتى

    ردحذف
  65. فعلا يا استاذ اسلام

    طروق دا مش حيجيبها البر
    طب ربنا نجاه من العربيه الاوليه
    ووقع فى سواق عجوز عامل جروب على الفيس بوك
    طب مش يلمها بقى وما يعاكسش جي جى من الشباك
    على العموم هو خد واجبه بدش ميه على وشه

    امانشوف بقى الحلقه الجايه طروق حيعمل ايه
    باين عليه ليلته مهببه خالص
    تحياتى

    ردحذف
  66. استاذى الفاضل فشكوول

    فعلاً الواد دا مش هيجيبها البر

    نورتنى يا استاذى العزيز
    وهنشوف اخرتها مع الواد دا ايه :)

    ردحذف
  67. استاذى الفاضل الاستاذ حسين رئيس التحرير

    اولاً اهلاً على رجوعك فعلاً المدونة كانت مفتقداك

    ومنتظرك بإذن الله تنورنا من تانى
    تحياتى استاذى الفاضل

    ردحذف
  68. اخى احمد عمر

    على فكرة نتا مدونتك احلى من تصميم مدونتى بكتير

    انا نسيت اعلق على التصميم عندك بجد رائع ولله

    اشكرك على كلامك الجميل دا واتمنى ان يكون طروق عجبك واتمنى من الله ان انتا تكون على متابعة دائمة معه

    بإذن الله

    ردحذف
  69. الفراشة الصغيرة
    اشكرك على تعليقك الدائماً متميز
    والحمدلله ان البوست عجبك

    تمنياتى لك بالصحة الدائمة

    تحياتى

    ردحذف
  70. اخى ابن مصر

    لا دى غير دى خالص ، يمكن دى من قلمى الخاص

    اهم حاجة هيا عجبتك ولا لا ؟؟
    اتمنى من الله انها تكون عجبتك

    ودمت بكل سعادة

    ردحذف
  71. enjy
    ربنا ما يجيب الملل يااااااارب :)

    اشكرك على كلامك الجميل وتعليقك الجميل

    ونورتى المدونة

    تحياتى

    ردحذف
  72. اختى الفاضلة بسمة مسلم
    اشكرك على كلامك الدائماً اتأثر به
    وتعليقك اللى لازم يكون من اولى التعليقات فى المدونة
    ههههههه
    بس اهم حاجة ان انتى علقتى ، يلا هى جت متأخر بس اهم حاجة ان انتى متبعانى
    اشكرك شكراً جزيلاً

    تحياتى

    ردحذف
  73. البنت المشمشية

    مش هقولك ان الحمد لله ، ولله الحمد ان احنا اطمنا عليكى

    كنتى فيييييين بس ؟؟؟

    تحياتى ونورتى وياريت متتأخريش :) وتبقى تطمنينا عليكى

    ردحذف
  74. شمس النهار
    ههههههههههه هيجى علينا يوم وهنكتئب

    هيا الدنيا كدة ، مهو الواد طروووق مكتئب الايام دى مش عارف ليه

    هههههههه انتى اللى بجد ضحكتينى لأنى فعلاً لاقيت ناس كتير جداً عندهم نفس المشكلة

    تحياتى

    ردحذف
  75. rosie

    انا اللى ليا الشرف انى دخلت مدونتك
    واشكرك من اعماق قلبى

    تحياتى اختى الفاضلة

    ردحذف
  76. Mr Daived

    Thanx for ur comment

    an we will contacting
    Inshaa Allah

    Greetings

    ردحذف
  77. مرحباً طروووق

    أحببتُ المرور هُنا والسلام عليك وشكرك لمرورك على مدوّنتي المولود الجديد.

    أسلوبُك رائع وخفة دمك ليست بغريبة على الشعب المصري الأبيّ.

    تحيتي

    ردحذف
  78. عموماً لم اخسر شيء والعكس صحيح فقد كسبت اشياء

    مع كثير الشكر على هذه التباريح

    ردحذف
  79. شكلك كده المياه قاطعه و الراجل حب يساعدك
    بس يا رب تكون جى جى
    تستاهل كل ده
    وعلى العموم يا صحبى لو ملك مكان سرير واسع ممكن يأخذنا معا
    مناصفه
    هههههههههههههههه
    دمت بإبداعك

    ردحذف
  80. السلام عليكم
    وفقك الله لما يحبه ويرضاه
    وجزاك الله خيرا على زيارتك
    أم أنس

    ردحذف
  81. اختى الفاضلة افروديت
    اشكرك على كلامك الجميل
    ونورتى المدونة

    ردحذف
  82. اخى فارس عبدالفتاح
    انت لم تخسر شئ على الاطلاق
    انت اديت معلومات مفيدة جداً اشكرك عليها
    سلامى وانا اللى كسبت شخص زيك بجد
    تحياتى

    ردحذف
  83. اخى اعشق الليل فى ضوء القمر
    اشكرك على تعليقك الجميل
    والمية مش مقطوعة ولا حاجة دى اترمت فى وشه فجأة
    بس هنقول ايه
    دا نصيب
    ويستاهل
    تحياتى

    ردحذف
  84. المجاهد الصغير
    اشكرك سيدتى على الزيارة الجميلة لمدونتى
    وعلى امل ان نتواصل بإذن الله
    تحياتى
    ديو

    ردحذف
  85. جميلة جدا مدونتك بحييك عليها

    ردحذف
  86. ههههههههههههههههههههه

    تستاهل يا طروووق
    إييييييييييييييييه داااااااااااا؟؟؟؟

    هو لسه حد بيسبل من الشباك يابنى
    الوقتى فى موبايل بكاميرا بيسبلوا منه الوقتى
    هههههههههههههههههه



    معلش ماشية بالعكس بس مش مشكلة
    ياللا مستنيين الجزء الخامس


    سلام

    ردحذف
  87. كان لازم يعني طروق يستزرف علي جمعه ؟؟
    هو اللي جابوا لنفسه :)))

    دانا كنت هدخل هنا اقولك زاي اليسا بتجعر :@
    لحد ما عرفت ان الكاسيت هو السبب ..:D

    وبعدين ايه السواق المودرن دا
    مثقف الصراحه وبيتعامل مع الكومبيوطر والفسبوك
    ههههههههههه
    فظيع اوي بجد
    كارت موبايل وبروفايل كمان
    :))))

    انا برضو حسيت ان الفيسبوك ده حاجه قديمه اوي :))))

    بس حلوه اوي شوية المايه اللي ادلقوا علي طروووووق
    ههههههههههه

    يلا بقي خليه يستحمل عشان خاطر عيون جي جي

    وبعدين يا طارق؟؟
    انت هنا بتقرا الكومنت بتاعي ليه؟؟؟

    روح كلم بابا

    :)))))))))))))


    بجد بجد يا اسلام تحفه تحفه
    تسلم ايديك بجد

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم