الأحد، مارس 29، 2009

طروووق 3 : دا خراااب بيوووت


اول ما صحيت شميت ريحة البطاطس المقلية ، واول ما قولت اروح على الأوضة بتاعت اخويا شميت برضة ريحة تقليه بتاعت طشششش دى ، حصل معايا كونفليكت فى الغدة المنفاوية قولت بسسسسسسسس هتحصل مصيبة النهارضة وربنا يستر ، اصل لما بشم روايح الاكل الكتير دى نفسى بتتصد عن اى اكل وعن اى حاجة بس نرجع ونقول ربنا ستار
معداش دقيقتين ، انبعتتلى ورقة على البيت مكتوب فيها انى متخلف.. ينهار اسوح .. مين اللى أتجرأ ويشتمنى كدا عينى عينك ، طب دا جبان ، ليه بقى بعت ورقة مكان جه قالهالى فى وشى ..، مفيش برضة ثانيتين لاقيت ابويا راح رازعنى الرازعة
الحاج : تعالى يا متخلف تعالى
طرووق :....نعم يا حاج ؟؟
الحاج : انتا ياخويا عايز تجيبلنا الكلام ؟؟ ، انبعتلنا ورق من الجيش بيقول ان انتا متخلف سنة ولازم تروح تسجل يأما هتروح اجبارى
طرووق : مشش انا قولتلكم ان الريحة حلوة وهتحصل مصيبة سودة وهتهف على دماغى...اهى جت اهى
خد طروق الورقة من الحاج ، ودخل قوضته وقفل عليها ، وهو بيفكر ومش عارف يفتكس اى حوار علشان يخلص حكاية الجيش دى
طرووق: ياربى يعنى انا هلاقيها منين ولا منين ، لا بأيدى وصطة ولا اى حاجة ، يارب ساعدنى يااااااااارب ، ...طب انتحر ؟؟ منا لو انتحرت هموت ومش هستفاد حاجة ، طب اعمل ايه ؟؟ اعمل ايه بس ؟؟
الواد ياعينى دماغة من كتر التفكير طرقعت ، فجأة قعد يتخيل نفسه وهو هناك ، وبينتهك ادميته ، فجأة وهو سرحان بص فى الورقة وركز فى كلمة متخلف
متخلف!! ، اه فعلاً ، متخلف
طروق : هيييييييييييييييييييييه انا متخلف ، الناس دى بتفهم ولله ، ولله بتفهم ، طب كانوا كتبوا اهبل كانت هتبقى احلى برضة ، بس ولله بيفهموا ..
فكر طرووق انه يعمل طريقة مبتكرة فى انه يبقى متخلف ، وبالتالى لو لاحظوا كدة هيدولو براءه ...اقصد اعفاء
طرووق : انا هتنكر فى شخصية عم كحلاوى وهروح ، وربنا يستر .
طلع طروق من الاوضة للصالة ، علشان يكلم جىجى وبالمرة ترفع من روحه المعنوية ، تانى يوم راح الأخ لمبنى التجنيد ، وحصل اللى حصل
وهو داخل قابل شاويش صعيدى : رايح فين يا وش الفجلة انت ؟
طرووق : لا إله إلا الله ، هو حد غلط فيك يا اخ ؟؟ ، وبعدين انتا بتكلمنى كدة ليه ؟؟
الشاويش : بطل طولة لسان ياض وروح على الكشف يا متخلف .
طرووق :حتى انت بتقول متخلف..ماشى مقبولة ، ياعم هو انا اتكلمت ، وبعدين كشف ايه ؟؟ منا كويس قدامك اهوه .
بعد فين وفين ، راح طرووق للأسف على الكشف الطبى ، وهناك انتهك عرضه بشكل قاسى جداً ، واضطر انه يقتبس شخصية "المتخلف"
الدكتور : ههههههههه كان غيرك اشطر يا شاطر ، العب غيرها
ثما انتقل الى لجنة العرض ، واقتبس نفس الشخصية
الشاويش بس ذكى شوية : يلا ياض بطل هبل وفكك من العب دا ، انتا هتعملهم عليا؟
ثم انتقل بعد ذلك طرووق بعد ما حس بروح اليأس إلى الهيئة ، واقتبس نفس الشخصية
المقدم : ههههههه دا احول يا سيادة العقيد
العقيد : دخلوه القصف العشوائى ، محتاجين ناس زيه هناك
طروووق : نفسى اعيط بس الدموع بتتفرطط وتقع جوا ، مش بتطلع لبرة ، حتى الدموع مش فرحان فيها .
وصل طروق للبيت ، ولما وصل طبعاً وهو زعلان ومضايق علشان الريحة بتاعت الاخبار السودا اللى هى ريحة التقلية ، كانت بتفكره بأيام الحضانة والابتدائى لما الاستاذ حنفى والملقب ببوجى كان بيضربه (هنحكى عنه بعدين) ، واللى كان على طول بيسأل اسئلة غبية ، لفت نظره ان جىجى رجعة معيطة اوى ، مش عارف معيطة ليه ، ليه الاستهبال دا بقى ؟ ، وهو اصلاً من عادته انه يقف يتصنط على الجيران ، او على اللى رايح واللى جاى .
المهم راح جارى ، وهو بيجرى قابل الحاجة ام طرووق ، سألته :عملت ايه يا مضروب؟ ، بص وقالها : وشك فل يا ست الكل ، كدة فهمت انه هيدخل الجيش رسمى
طبعاً الاستاذ ابو جى جى ، الدكتور كمال التهابات ، كان قاعد قدام الباب ومنتظر الباب يرن
طرووق : هههههههههه جىجى هتاخد علقة ناااااااااااار (واد دماغة شر)
ابو جىجى : رحتى فين ياختى ؟؟ رحتى فين ؟؟ كنت هنزل ادور عليكى
جىجى وهى بتعيط : اتحرشوا بيا يابابا ، اتحرشوا بيا
او جى جى : طيب ياختى التحرش مبايخدش ربع ساعة ، رحتى فين بعديها؟؟
طرووق : هههههههه ولله انتا راجل اهبل زى منا قولت ، المفروض كنت تقوم تديها بالقلم ، بس مينفعش دانا كنت اقطع ايديك ، مع ان وشك فقر يابنت تفاريح وكمال التهابات ، بس هاخدك هخرجك يوم كدة علشان تغيرى من المود اللى انتى فيه .
واتصل بيها واتفقوا على يوم يخرجوا فيه مع بعض
اليومية القادمة : خروجة مع جي جى








جميع الحقوق محفوظة لمدونة اصحى يا مصر

هناك 73 تعليقًا:

  1. هههههههههههههههههه

    اتاري طروووق متخلف واحنا مش عارفين

    متفهمش غلط متخلف عن الجيش يعني ههههههههههه

    وال اليه التحرش مبايخدش ربع ساعة ، رحتى فين بعديها؟؟ ال هههههههههههههههههههههههههههههههه
    ههههههههههههههههه

    تسلم ايدك يا اسلام

    كالعادة البوست يجنن ويموت من الضحك

    بانتظار خروجه مع البت الصايعة دي ^ـ^

    بالتوفيق يارب

    ردحذف
  2. لالالالالالالالالالالا
    انهاردة طروووووق كانت حكايته حكاية
    كده تمام قوى . هى فيها من جيش
    ده ربنا بيحبه حب
    الجيش عندنا فى مصر اااااااااااااااااه
    يانا يابا
    وايه موضوه جىجى
    ابوها اسمه كمال التهابات
    بجد انت مش ممكن يا اسلام
    يوميات طرررروق تحفة وطريقة كتابتها فى منتهى الجمال
    تسلم ايدك ودايما فى انتظار المزيد
    تحياااااااااتى

    ردحذف
  3. السلام عليكم

    نفسى اعرف هو طروق بس معجب بالبت جى جى ازاى ده فعلا متخلف هههههههههه اصله كده هيكون ولموأخذه يعنى إريال زى ابوها التهابات هههههههه
    التحرش مش بياخد اكتر من ربع ساعه
    كانت بتدور على تحرش تانى يا اخويا ههههههههه
    بجد تسلم ايدك ورسمك الجميل يا إسلام

    منتظرين الجديد
    ناجح

    ردحذف
  4. أزال أحد مشرفي المدونة هذا التعليق.

    ردحذف
  5. هههههههههههههههههههههههههههههههه
    يخربيت دماغك
    بوست كا العادة من الأخر

    بس اجمل حاجه ( التحرش بياخد ربع ساعه ) والله مش قادر ابطل ضحك

    تسلم ايدك يا طروق وربنا يكفينا شر التخلف :D

    سلاااااااااااام

    ردحذف
  6. اولا ضحكت جدا
    ثانيا رسوماتك وطريقتك تحفه بجد

    روعه

    ردحذف
  7. بسم الله الرحمن الرحيم
    السلام عليكم ورحمة الله وبركاته
    صديقى العزيز اسلام
    تحياتى
    ايه ياعم اللى عملته فى الواد ده ؟؟
    وهان عليك
    بتوديه الجيش يامفترى
    هههههههههههههههههههه
    عارف
    انا حاولت اعمل الحركات دى وانا داخل الجيش انما على مين الدكتور حلف طلاق ليدخلنى هههههههههههههههههههه
    وبعدين ايه عمك تفاريح ده
    هو عارف مدة التحرش منين بالتحديد كده؟؟؟؟؟
    بس صحيح يااسلام
    ماقولتش هى جى جى اتاخرت فين بعد التحرش
    لأ كروته انا كده هزعل منك
    ههههههههههههههههههههههههههههههه
    يخرب عقلك يااسلام
    بجد يفطس من الضحك
    تسلم ايدك
    تحياتى ودمت بكل خير وود
    والسلام عليكم ورحمة الله وبركاته

    ردحذف
  8. بوست هايل بجد مضحك جدا

    بس هو طروق وجىجى راحو فين لما خرجو

    وبعدين جىجى كانت فين بعد التحرش

    تسلم يا اسلام بجد تحفة

    عاشقة الاحزان

    ردحذف
  9. هههههههههههههه تسلم يا اسلام ليه الاختفاء اظهر يا عفركوش علشان الجريدة

    ردحذف
  10. ههههههههههههههههههه ايه كل ده كان جالى وانا كان ممكن اعلمه التخلف ازاى
    بس بجد حكاية لطيفة
    تقبل مرورى صحافية حرة
    ملحوظة :بما انك صحافى فأنا بدعوك تكون معانا فى جمهورية شباب مصر
    زور مدونتى وانت تعرف كل حاجه

    ردحذف
  11. هههههههه واضح ان عندك لمحه كوميديه جامده جدا فى المدونه
    اسلوبك سلس جدا و بصراحه شدنى اعرف ايه النهايه
    بس انا عارف هى راحت فين بعد التحرش
    اصلها حبت الموضوع قوى
    و معلش على التجنيد يا طرووق
    و خلى الساح مديها العبيطه
    تحياتى

    ردحذف
  12. هههههههههههههه

    حلوة اووووووووى .. تسلم ايديك .
    على فكرة حرام عليك اللى بعملوا فينا ده يا عم اسلام بجد خلاص مش قادرة من كتر الضحك .

    دمت بكل ابداع ،،


    نفرتارى

    ردحذف
  13. الحل اية معاك والله لازم تنشر الكلام دة فى كتاب ويبكى كتاب الجيب لطروووووووووق

    دمك زى العسل بس معلش يعنى هو التحرش ربع ساعة دة دقيقتين ولا انت ايامكم كان ربع ساعة


    بجد تسلم ايدك كلامك يموت من الضحك

    ردحذف
  14. ههههههههههههه
    لعبة الأهبل والعبيط ديه لعبها ناس كتير
    ديه أول لعبه بيلعبها كل واحد داخل الجيش

    الحمد لله, انا أصلا مليش اخوات أولاد يعني شفت الجيش بس فيديو بس
    هههههه

    حلو أوي موضوع الربع ساعه تحرش بس
    هههههههه

    الراجل ده فاهم بنته أكتر من أي حد تاني
    بنته من زمان بأه

    بوست جمييييييييييييل

    ردحذف
  15. السلام عليكم / وبعدين فى الكوميديا العاليه والموهبه الجامده دى :)
    أضحك الله سنك ، ننتظر أخرتها مع طروووق لما نشوف حيقدم لنا إيه ؟

    ردحذف
  16. طب والله تحفة بجد


    هتبقى مدونتك ملجأى من الاكتئاب

    بجد ضحكت بدون وعى


    ربنا يخليلك طرووووووق


    يا اسلالام

    هههههههههههههههههه


    على فكرة مش بطمن لما برجع من الشغل


    والاقى الروايح مفحفحة


    اصلى بدبس فى المطبخ ساعتها

    هههههههههههه

    smilyrose

    وردشان


    روح الحب الصادق

    ردحذف
  17. هههههههههههههههههههههههه

    طيب ما صحيح متخلف لما يخرج مع بنت كمال التهبات يا اسلام


    جميله اوي يلا استمر يا باشا

    ردحذف
  18. السلام عليكم
    سبق وأن طلبت منك مساعدة ومساندة في تصميم مجلة رؤية مصرية ووافقت ووعدتني بالرد قريبا ياترى هترد عليا ولا نسيتني
    ياريت تفيديني لو سمحت
    مودتي

    ردحذف
  19. على فكره انا كده خلاص ماليش دعوه
    حاسه شويه ولو اتاخرت في كتباتك يحصلي تخلف انا بقى
    ويتسلام لو كنت مضايقه وعايزه حاجه تخفف عني
    يبقى الموضوع الي هتنزله بعد كده هقرئه وانا في مستشفى المجانين
    بجد تسلم اديك
    ومتتاخرش علينا
    تحياتي لك

    ردحذف
  20. ههههههههههههه
    جيش كمان
    لاء صعب عليا
    انتا مشكلة بجد
    بضحك ضحك هنا
    انا عايزة منك طلب
    عايزاك تعملى صورة
    زى الحاجات اللى بترسمها الجامدة دى

    ردحذف
  21. هههههههههههههههههههههههههههههههههههه
    والله انت نكتة
    لا بجد انا فضلت اضحك كتير اوووووووووووووووي
    هي دي جي جي؟؟؟؟
    ههههههههههههههههههههههههههههههههههههه
    ده التحرش في حالتها مايخدش نص دقيقة

    لا بس بجد اسلوبك تحفففففففففففففففففففففففففففففة وكوميدي جدااااااااااااااااا
    والله انا ما عارفة امسك نفسي من الضحك
    واسماء الشخصيات هايلة
    في انتظار القادم ان شاء الله

    تحياتي
    :)

    ردحذف
  22. تحرش ايه بياعم اللي ياخد ربع ساعه هو 5 دقايق ويخلص ده شيء معروف ده ابوها ده اهبل فعلا هههههههه

    الجيش وحكاويه ياااااااه كانت ايام الله لا يعيدها ياارب

    بوست مسخره اول مره ادخل عندك بس مش هتبقي اخر مره باذن الله

    ردحذف
  23. طائر الليل الحزين
    بما انك احتليلتى اول تعليق
    وان الحمدلله ولله الحمد القصة عجبتك
    امال لو قولنا بقى عن الخروجة بتاعت الواد طروووق وجى جى تفاريح
    ربنا يسسسسسسسستر
    تسلمى على تعليقاتك الجميلة
    وتحياتى

    ردحذف
  24. نوارة ملكة الجمال

    تحياتى اولاً
    يعنى بسم الله ماشاء الله ابوها كمال التهابات هههههههههه عايزاه يفكر ازاى
    اكيد برضة دماغة ملتهبة
    صح؟

    ردحذف
  25. ابن مصر الغالى
    ونبى ياخويا كانت فى كذا تحرش مش واحد
    ههههههههه
    تحياتى

    ردحذف
  26. امبارح كان عمرى العشرين
    يابنى هو ابوها دماااااااااااغه كدة

    هههههههههه عم كمال

    تسلملى على تعليقك يا جميل

    ردحذف
  27. حنان الشفعى
    اولاً شرفتى المدونة
    ثانياً نورتى المدونة
    ثالثاً اشكرك على كلامك الجميل
    رابعاً تحياتى

    ردحذف
  28. معتصممممممم
    هههههههه امال نوديه فين يا خويا

    مهى هى ريحة التقلية اللى بتودي فى داهية ، فعلاً بتودي فى داهية

    ربنا يستر يارب ومنشمش حاجة تانية :)

    ردحذف
  29. gogo!sf
    اولاً فينك؟؟؟؟
    الحمدلله ان احنا اطمنا عليكى
    تانى حاجة بقى ودى الاهم
    طرووق وجىجى هيخرجوا بس مش دلوقتى
    اليومية الجاية وعليكى خير :)
    متنسيش تتابعيها

    ردحذف
  30. بسمة مسلم
    ازييييييييك
    تانى حاجة انا زعلان منك لأنى بكلمك على الميل ومش بتردى
    ياريت تبقى تردى ومش تفضيلى
    من ناحية الجريدة انا بجد نفسى اروح والوقت موجود بس ابقى ردى على الميل
    تحياتى بسمة

    ردحذف
  31. حور نور
    اولاً نورتى المدونة
    ثانياً مرحباً بيكى فى كل وقت

    وانا بالفعل علقت عندك والفكرة عجبانى جداً
    تحياتى

    ردحذف
  32. shrif gharib
    وانا عايز اقولك ان انتا عندك كوميديا كبيييييرة اوى
    ههههههههههههههههههههههه
    خلتنى اضحك
    شكلها فعلاً حبت الموضوع ، ربنا يستر
    نورت المدونة يا استاذى

    تحياتى

    ردحذف
  33. نفرتااارى
    مدام انتى ضحكتى يبقى انا وصلت للى انا عايزه

    تحياتى اختى الفاضلة ونورتى المدونة

    ردحذف
  34. عاشقة حبيبى

    حاولت انى انشرها بس ملقتش مكان افضل من المدونة

    لأنها افضل مكان اقدر اعبر بيه ، بس هحاول اوصل صوته للشارع على قدر من الامكان

    تحياتى ونورتى والحمدلله ان سكريبت النهارضة عجبك

    ردحذف
  35. احمد ابو العلا
    طب قول الحمد لله يا اخى انك مش هتدخل
    انا بقى اللى اعمل ايه
    ههههههههههههههههههههههه
    اما من ناحية عمو كمال اتهابات فربنا يعينه بقى :)

    ردحذف
  36. اختى الفاضلة حياتى نغم

    تقريباً اول مرة اشوف لك تعليق عندى مكتوب باللغة العامية ودا اللى خلانى ابقى سعيد جداً
    تانى سعادة ليا انك منتظرة اليومية الجاية ، وانا هبذك كل جهدى علشان اقدر انزلها واظبط السكريبت بتاعها بإذن الله

    تحياتى

    ردحذف
  37. smilyrose
    لا داعى للأكتئاب بدل طرووق موجود

    واجمل حاجة لما يكون الواحد مدبوس فى المطبخ ، يااااااااااه بيكون فى غاية السعادة
    :d
    نحياتى

    ردحذف
  38. صبرنى يارب
    وللللله ما ناسى الصورة والصورة اتعملت بس لسة الطباعة

    بس مهما كانت
    اسمها جىجى تفاريح وبنت كمال التهابات

    تحيااااااااتى

    ردحذف
  39. استاذى الفاضل كاتب مصرى
    فعلاً انا وعدتك ، بس صدقنى طرووق اخد وقت كبير منى لتحضيرة وتحضير الفكرة كمان
    وبإذن الله هراسلك على الايميل اللى كتبته ولو انت عندك ماسنجر يااااريت تكتبه هيوفر كتير اوى

    تحياتى واعرف انى ولله ما ناسى

    ردحذف
  40. حنان سعيد

    اشكرك على تعليقك وكلامك الجميل
    بس ولله انا بتأخر يومين فقط عن كتابة بوست اخر ودا علشان طبعاً اى حد فى نفسه حاجة يكتبها ، وادى فرصة لكل الناس تتابعنى علشان فى ناس معانا فى ثانوية عامه وناس مغتربين وناس اجانب

    تحياتى على تعلقيك الجميل جدا :)

    ردحذف
  41. البنت المشمشية

    من عيننننننى ههههههه
    بس مش تبقى تضحكى بقى
    خلاص طلبك راح ديوهيات
    كلها كام يوم وصورتك هتنزل مع صورة صبرنى يارب

    تحياتى

    ردحذف
  42. سفرووتة
    اولاً نورتى المدونة
    ثانياً اشكرك على كلامك الجميل

    ومنتظرك تشرفينى تانى وتالت ورابع

    تحياتى لك

    ردحذف
  43. dr lecter
    مع انى بصراحة بخاف ادخل مدونة دكاترة
    بس انا دخلت مدونتك وحبيتها اوى اوى

    المدونة مفتوحة فى اى وقت ، والبوست الجاى انا منتظرك تعلق عليه

    تحياتى

    ردحذف
  44. جميلة الحلقة دى جدااااااااا

    وكمان قصيرة :(

    بس حلوة اوى بتاعة المقدم والعقيد

    لما قاله ده احول يا سيادة العقيد

    قاله ودوه القصف العشوائى

    يعنى مفيش فايدة داخل داخل

    ربنا معاه

    تحياتى ,,

    ردحذف
  45. المدونة شكلا ومضمونا تحفة ..

    الحس الساخر فيه جميل ، من الواضح انك متعدد المواهب ،، فى الكتابة والرسم

    دى اول زيارة لك وان شاء الله تواصل
    تحياتى

    ردحذف
  46. مش قادر من الضحك هاموت والله
    طريقتك واسلوبك زى العسل يا إسلام
    أدعوك لحفل نجاحى
    وكمان محتاج خدمة منك
    اولا بشكرك لتواجد رابط إشراقة أون لاين فى مدونتك
    لكن تحتاج إشراقة أون لاين لتعديل الرابط لديك
    سلام...مستنيك ..متنساش هديتك وانت جاى

    ردحذف
  47. جىجى وهى بتعيط : اتحرشوا بيا يابابا ، اتحرشوا باو جى جى : طيب ياختى التحرش مبايخدش ربع ساعة ، رحتى فين بعديها؟؟
    الاستاذ العزيز((((اسلام))))
    هي التحرشات بقت شئ عادي عند ابو جي جي وكل اللي يهمه الوقت
    والله انا خايف لتكون هي ديه ايامنا اللي جايه وانت مسابق الزمن
    مع خالص تحياتي
    واسف لتاخري في التعليق

    ردحذف
  48. يعني هو عامل نفسه متخلف وهو احول اصلا ... ولا دي عدت ولا دي عدت ؟؟؟

    ماهو حتى الاحول بينفع ف القصف العشوائي

    جميلة جدا
    تحياتي ليك
    واعتبرني من اصدقاء المدونة

    ردحذف
  49. السلام عليكم
    بصراحه انت هايل قووى
    ومش لاقيه تعبير أوصف بيه مدى سعادتى
    التى لا توصف وانا بقرء مدونتك الاكثر من رائعه
    وبصراحه انا بموووووووووووووت فى طروووووق
    مزيد من التوفيق
    وربنا يوفقك يارب ويسعد ايامك
    زى ما رسمت البسمه على شفتاى
    وانا بجد محتاجه للضحك خاصة انى بمر بظروف صعبه شويه
    لك حبى وتقديرى
    ايناس

    ردحذف
  50. بسم الله الرحمن الرحيم
    السلام عليكم ورحمه الله وبركاته..
    بلاش الجيش يا اسلام ...و مالكش دعوه بالصعايده ...ما تجبش الأسيه لطرووووق الغلبان... خليه يقضي خدمته في أمان وسلام ...وقله يطيع الأوامر كمان .
    لك مني الف تحيه ....وسلام.

    ردحذف
  51. السلام عليكم / أخى إسلام سعيدة لسعادتك ولقوة ملاحظتك ، عادى لو تحب أعلق بالعامية لايوجد عندى مانع :)
    والسبب فى تعليقى باللغة العربية هى مجال دراستى وحبى لها .
    ولو تحب تتعرف علىّ أكثر أدعوك لزيارة تدوينتى الجديدة .

    ردحذف
  52. ياعم متزعلش كلنا متخلفين عقليا
    انا متخلف عقليا
    بس بصراحه تسلم ايدك واصحى يا مصر

    ردحذف
  53. ههههههه



    لا تعلق

    تحفه ^^

    مبيت عندك هنا لفتره :))

    ردحذف
  54. السلام عليكم
    بالعكس لو عملت متخلف ذى ما بتقول كانو اخدوك هوى وعينوك فى منصب مهم كمان.. ولو عملت مثقف ولك رئ كانو اخدوك بس فى حته تنيه؟؟؟؟
    وفقك الله لما يحبه ويرضاه ...
    اللهم اهلك الظلم والظالمين وارفع رايه الحق والدين..امين.

    ردحذف
  55. هههههههه

    بجد مدونتك جامده جدا

    فينك من زمان بس

    على فكرة انا بشترى الجرايد عشان اشوف الكاريكاتير بس !

    خلينا على اتصال على فكرة انا سجلت ايميل حضرتك ياريت تقبل الدعوة

    تحياتى

    ردحذف
  56. والله بوست لذيذ جداً وكفاية إنك تقدر تدخل البسمة فى قلوب الناس فى جو الإكتئاب العام اليومين دول
    تحياتى

    عاشقة الورد

    ردحذف
  57. aidy

    اشكرك على تعليقك الجميل
    بارك الله فيكى

    تحياتى

    ردحذف
  58. اخى احمد على نصار
    ويزيد الله من تواصلنا انشاء الله
    ونورت المدونة
    تحياتى

    ردحذف
  59. اخى اشراقة

    اناجاى على مدونتك

    تحياتى واشكرك على الزيارة الكريمة

    ردحذف
  60. اخى محمد فارس
    لا أسف على تأخيرك
    الحمدلله ان احنا اطمنا عليكى
    اصل الدكتور كمال التهابات شايف كدة
    هههههههههههه

    ردحذف
  61. اســــــر ياسر

    تحياتى الفاضلة لك ، ونورتى المدونة
    ويشرفنى انك تكونى من اصدقاء المدونة
    وعلى ان نتواصل بإذن الله

    تحياتى

    ردحذف
  62. اختى عاشقة الاحزان
    اشكرك على تعليقك الجميل
    والدنيا لا تحتاج للحزن
    مادمنا عايشين...لازم نضحك

    تحياتى واسعد الله ايامك

    ردحذف
  63. استاذى الفاضل رئيس التحرير
    اشكرك على تعليقك الجميل جداً والمميز دائماً
    انا قولت اطمن عليك استاذى الفاضل
    ولاتحرمنا من تعليقاتك
    من ناحية الصعايدة فإحترامى ليهم لأنى شرقاوى يعنى ابن عمهم هههههههههه

    تحياتى

    ردحذف
  64. حياتى نغم
    يارييييت تعلقى بالعامية

    لأنى بحبها فعلاً ولله

    تحياتى

    ردحذف
  65. صوت من مصر
    وبإذن الله هنعلى صوتنا علشان نقدر نصحيها
    ومين يعلم
    يمكن طرووق ...يقدر يصحيها
    يااااااارب

    تحياتى

    ردحذف
  66. احمد عمر
    تنووور المدونة
    وشرفت المدونة
    وتحياتى لك دائماً

    ردحذف
  67. المجاهد الصغير

    كويس ان دا بيحصل فى الجيش
    بس على اعتقادى انها بتبقى حظوظ

    تحياتى وبارك الله فيكى

    ردحذف
  68. المبرمج المحترف
    وانا طبعاً متقبل الدعوة

    ونورت المدونة
    واهو انت مش بحاجة لشراء الجرايد
    الكاريكاتير كله عندك

    تحياتى

    ردحذف
  69. صدى الصمت / عاشقة الورد

    ربنا يصلح حال الجميع ، ولا داعى للإكتئاب

    اشكرك شكراً جزيلاً

    ردحذف
  70. ههههههههههههههههههههههههه

    التحرش بياخد ربع ساعة
    بعد كدا رحتى فين؟؟؟؟

    يانهار ابييييييييييييييييييض عـ الرجالة

    ايه دا؟؟؟؟


    لا جامدة جامدة

    تحياتى

    ردحذف
  71. هههههههههههههههههههههههههههههههههههههههههههههههههه
    ابو جيجي ده مش ديموقراطي خالث
    مش عارف ان ايامنا غير ايامهم

    ردحذف
  72. ههههههههههههههه

    والله انت زي العسل يا اسلام :))))

    يعني طروق صعبان عليا اوي
    كده هيدخل الجيش وكمان قصف عشوائي كان لازم يحول يعني
    هههههههههههه

    وبعدين هو الاستاذ كمال التهابات دا طبيعي يعني :))))))))))
    التحرش مبياخدش ربع ساعه كنتي فين بعديها يا بت

    دانا لو من طروق كنت دخلت عضيته والله :)))

    بس بجد تحفه

    هو دا الساخر اللي بجد

    تسلم ايديك ..:)

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم