ازيكم ، اسمى طرووق ، هو اسمى كدة ، السن بلاش تعرفوه احسن ، ابويا جتله سكتة قلبية وسكر ومرارة واضطراب فى الاذن الوسطى لما سقطت فى الثانوية للمرة التالتة على التوالى مع انى كنت مجتهد ، كنت بحب اوى اتفرج على ماتشات مصر علشان اغنية "مبروك مبروك مبروووك عليكم وعلينا..يارب كتر افراحنا" ، اللى بيجيبوها على الفضائية لما مصر تاخد الكاس ، وبعد ما تتفرج تلاقيه ماتش فات عليه 100 سنة ، بحب انزل اقعد على قهوة "السكوت علامة الرضا" ، مفهاش غير طربزتين ، ولا فيها حاجة تتسمع ، وكمان من هواة البلاى ستيشن على اللى يشيل ، وعلى طول انا اللى بشيل ، كانت بحلم انى اشتغل ، بس طلع انى بشتغل نفسى .
انضحك عليا وقالولى خش ثانوية عامة..هههه يااااااااااه على دى ايام ، كنت اجيب اقلام كتيييييير الاحمر والازرق والاصفر ، وكشاكييل عليها صور بنات ، واظبط المكتب علشان ابدء بقى مزاكرة ، ولما اجى ازاكر ، تهف عليا انى اشرب كباية الشاى ، ولما اعمل كباية الشاى ، تهف عليا اسمع اغنية ، اروح فاتح نجوم اف ام وموصل السلك للشباك علشان اسمع اغانى كويس ، وحتى بعد ما افتح الراديو وافتح اول كشكول ، الاقى عينى راحت لصورة البنت اللى فى الجلدة ،اقعد اتكلم معاها ، وبعد ما يدور الحديث لمدة ساعتين واكتر ازهق واقوم انام ، يجي ابويا يصحينى الصبح ويقولى : ايه يابنى ، المكتب متنظم كدا ليه؟؟ ارد واقوله : ايه يابابا امال انتا عايزه متبهدل يعنى؟؟ ، برد بابا ويقول : اه طبعاً ..اللى بيذاكر لازم يكون مكتبه متبهدل ، ودا دليل على انك ماذكرتش امبارح ، شوفتو ...شوفتوا الدماغ اللى بجد فظيعة ، فهم انى مذاكرتش علشان المكتب مش متبهدل ، نظرية ولا نظرية فيزاغورس .
ولما زهقت خالص رحت وقلتله : بابا انا عايز اكمل دراستى برة ، رد عليا وقال : خلاص هبقى اخد المكتب واحطهولك فى الجنينة، بأمانة...حاجة تغييييييييييييييظ.
تانى يوم قعدت ازاكر ، والحمد لله قدرت بقدرة قادر انى افتح الكتاب ، ولما بدأت مذاكرة لاقيت اغنية دار يا دار قولت ليه النكد دا من اولها بقى؟ ، فجأة لاقيت حبايب الدار جايين ، صوت شبشب جاى من بعيد ، وانا عمال بحدد صوت طرقعة الشبشب دى جاية منين اتاريه ابويا ، فى ثانية رحت مبهدل الدنيا ودعكت عينى لما احمرت علشان يعرف انى بذاكر ، واول ما دخل بصيتله وابتسمتله ، المهم قعد يبص على المكان ، وراح قايل بزعيق :"هو انتا يعنى فاكر ابوك ايه ياض ، فى حد ياخويا بيزاكر وهو فاتح اغانى ، طب هتركز ازاى ؟" ، وراح سايبنى وماشى وهو نازل بقايمة من الكلام والشتائم وانا معملتش حاجة ،بعد ما تعبت ووصلت السلك بالشباك وظبطت الموجة ، مش عارف اعمل ايه الحقيقة ، انتحر واخلص ولا ايه؟؟ ، وطبعاً ماما اول ما سمعت الكلام راحت طايرة عليه وقالتله : الواد اللى ينشك فى قلبه دا عمل ايه؟؟" ، هو انا هلاقيها منين ولا منين ؟؟ اعيط ولا فى اختيارات؟ ، اصلاً دى مش مناهج ، دا اسطبل مناهج ، بس الحمدلله عديتها بعد ما ضربت سكور عالى فى شيلان المواد ، ودخلت حاجة اضل "كلية حقوق" .
نيجى بقى للحاجة الأهم ، وهى جارتى وحبيبة قلبى ..جى جى تفاريح ، هو اينعم انا كنت مراهن عليها انا و 15 شخص ، وانا اللى كسبت وخدت عليها كمان خمسين جنيه ، بس محدش يروح يقولها الكلام دا سر ، انا حبيتها فعلاً من كل قلبى ، حبيت فيها جنونها وهبلها وكل حاجة ، معايا صورتها بس لما سبقتنى ودخلت تجارة انجلش ، كلية الكعب العالى بس هى بتحب تلبس الملاتلبرية دى ولا اسمها ايه ، هى شوز الموضة الايام دى ، وعليها حتة نضارة بلاستيك ايييييه اوعة اللى واكلة كل وشها ، والشعر الاصفر المحروق من كتر الفرد ، رقيقة اوى، بس ابوها شخص غلس اوى ، نفسى يقتنع ولو لمرة بيه ، بس مش عارف هيحس امتى .
يلا اشوفكم فى يوم تانى
طروووووووووووق
جميع الحقوق محفوظة لمدونة اصحى يا مصر
يا..طروووق..باشا..انت..ماشي..وسيبها
ردحذفكده..مكبر..ومطنش..مش..فارق..معاك
كده..ليه..ياابني..ربنا..يكرمك..ويوفقك
شوف..اللي..إنت..بتحبه.."بس..يكون
حلال..طبعاً"..وابدأ..ركز..كل..جهدك
عليه..كل..اللي..فيك..إنك..مش..عارف
هدفك..إيه..حدده..وربنا..هيوفقك.
كل اللى قلته ده سن المراهقة وكلنا عدينا بيها بس احب اقلك من موقع المجرب وليس من موقع الاكبر او الوصي او المصلح الاجتماعي انت على خطأ ووالدك لديه الحق في كل ما يفعل واظن ايضا من منطق وتفكير المراهقة اني افعل نفس الشيء الذي تكرهه
ردحذفلكن انصحك نصيحة اخوية لوجه الله انتبه لدراستك جيداً حتى ولو لم تكن تحبها هذه واحده
الثانية لا تقول اني لان اشتغل بهذه الشهادة في مصري اقول لك نعم ولكن قد يأتي عليك يوم تسافر فيه خارج مصر او اي مكان يحتاج الى هذه الورقة التى تثبت انك متعلم وقد تخطيت كل الاختبارات الى وصولك الى الليسانس او البكالريوس
الثالثة انسى حكاية الحب البنت المشمشية وابوها الغلس هذا ليس حب ولا يوجد حب مطلق كما تعتقد هناك المادة الفلوس فقط لا غير ثم اذا وجدت هذه الفتاة من يملك الفلوس او المادة فاعلم تمام العلم انها لان تمهل نفسها ولو للحظة في التفكير فيك فانتبه الى لنفسك واعلم ما ان تفعل
طروووووق ل: mr president
ردحذفشكراً شكراً
اقول ايه انا بقى بيتكتبلى شعر كمان
ايه النور والهنا دا
شرفتنى بتعليقك الجميل يا جميل
طرووق : يا استاذ فارس
ردحذفصدقنى حاولت كتير ، ويمكن مقصرتش مع حد فى حاجة
واشكرك على النصايح دى بس للأسف فات الأوان
دى اول يومية ليا
ياريت تتابع يومياتى مع اللى رسمنى وألفنى ...إسلام ديو
ههههههههههههههههههه
ردحذفاولا طرقيتك جميله اوى وممتعة لغاية أخر شارعنا وشارعنا دة طويل لتفكر انى بقول اى كلام :d
_____________
كل الاقولتله أخوك كان فيه بس كنت بنجح متعرفش بدعا الوالدين ولا ايه بس كنت بنجح وخلاص
فى لحظة حسيت انى بتحكى عنى خصوصا فى موضوع الشاى ونجوم اف ام هههههههههههه
________________
تقبل تحياتى وأعجابى البوست من الاخر والمدونة بجد جاااااااامدة
سلاام
ههههههههههههههه
ردحذفهههههههههههه
اسلوووبك يجنن يا طروق
ذكرتني بماما كانت بتعمل فيي ايه وقت الاختبارات والمذاكرة كانت تمنع عني الهوا والميه ههههههههههه
بس كنت انجح وبتفوق كمان^_^
وخلي بالك من البنت ام نظارة دي هههههههههههه
بوست جميل اووي
بالتوفيق يارب
السلام عليكم ورحمة الله
ردحذفاولا دوون اي مجامله والله العظيم مدونتك رااااااااااااااااائعه
وخفة دم اروع وانا سعيده اني اتعرفت على كتاباتك ورسوماتك الجميله وكل سنه وحضرتك بصحه وسعاده دمت بخير
المبدع الراقى الجميل: إسلام
ردحذفصاحب الريشة والقلم
السلام عليكم ورحمة الله وبركاته
أسلوبك الشيق الممتع جعلنى ألتهم اليومية بكل سهولة ويسر ودن إصابة بعسر هضم....
كل التقدير والاحترام
وفى انتظار المزيد
أخوك
محمد
اسسللاام ازيك ازيك عامل ايه ؟؟
ردحذفاخبارك ايه؟
ههههههه طروق دى شخصية جامدة جداً عجبتنى
ياريت تباركلى على المدونة الجديدة
سلامى
محمد
يااااااااه,
ردحذفالحمد لله انها عدت ايام الدراسة وسنينها,
والواد طروق اتجوز البت ام بالارينا ولا لسه ابوها مش راضي بيه؟
ازيك يا اسلام
ردحذفتحياتى
طروق دا واد عسل
ان شاء الله حيروح فى داهيه
وحيكون محامى بايظ
بس احسن له يشتغل رقاص
ولا مغنواتى معنواتى رقاق قانونجى بياع نواتى(نوته موسيقيه)
واحسن شغله له تكون جرسون فى قهوه بلدى
كان الله فى عون ابوه
تحياتى
ايه ده هوه انت طروق ولا ايه
ردحذفعموما يوميات ظريفة
تقبل تحياتي وتقديري
فنونة
السلام عليكم ورحمة الله وبركاته
ردحذفبصراحه وبدون مجامله مدونتك جميله قوووى ودمها خفيف وبتدخل القلب والوحده بتعيش معاه قوووى
وبجد ده اول مرور لى
ربنا يوفقك
تقبل تحياتى ومرورى
السلام عليكم / قصه مضحكه :) ما هو شر البلية ما يضحك وطروق ده واضح إنه من اللى حيزود عدد النايمين اللى عندك فوق واللى بتحاول تصحيهم :)
ردحذفمع تحياتى .
السلام عليكم
ردحذفهم يبكى وهم يضحك
اللهم اصلح شباب المسلمين ووحد رايتهم ..امين
دى اول زيارة ليه بس اكيد مش هتكون الاخيرة . بجد مدونتك دمها خفيف جداااا وبتقول كلام مهم فى اطار كوميدى ظريف
ردحذفوطروووووق ده حكاية وفيه زيه كتير قوى الايام دى
تسلم ايدك على الكتابة والرسم كمان
تحياتى يا فنان
طرووووووووق
ردحذفنفسى افهم الربط بين اسلام وطرووووووووق ماعلينا ولة فى خلقة شئون بس تصدق انا مكنتش بعرف اذاكر الا والتسجيل شغال وصوتة عالى واغانى اجنبى مع ان مش فاهمة شئ بس هو كدة
ايام الثانوى دى بجد اجمل فترة فى حياتى اكتب يومياتك وعيش وانا هقرا واموت من الضحك بجد كتاباتك لذيذة
تحياتى
مش انت لوحدك ياطرووووق اللي بتعاني في طروووقات بردو زيي كدا بيعانوا
ردحذفههههههههههههههههههههههههه
بجد اسلوب لذييييييييييييييذ جدا جدا
مستنيه اليوميات التانيه بتاعتك
سلملم وربنا يعين
الله عليك بجد هايل
ردحذفالإسلوب جامد جدا
ويارب طروق يبطل فشل بقى
هههههههههه
طروق دا توجه عام لشباب البلد
ردحذفواكيد اكيد نهايته هاتبقي علي القهوة اللي علي الناصية قاعد يقول ظلموه والبت جي جي ولا هاتعبره بنكلة لانها كعب عالي وهو ولامؤخذة ماحصلش نص نعل
ربنا ينفخ في صورة طروق ويصحي قبل مايفوت الاوان ويلاقي نفسه بيغني عشانا عليك ياكريييييييييييم
ههههههههههه
ردحذفالسلام عليكم
طبعا ده هيستريا ضحك من الحقيقه اللى انت جسدتها فى صوره كاركاتيريه جميله
يوميات جميله جدا وياريت تستمر
ومنتظر اليوم التانى لطروق
تحياتى وسعيد جدا بمعرفتك اخى الكريم
ايه الجمال ده
ردحذفبس بابا ده كلاس خالص ياعنى
ومامى كمان
دووووووووول عسولين خالص
اما بنت الجيران الرقيقه دى ملهاش حل ربنا يوفقكو و50 جندى خدتهم ولا ايه
بجد تدوينه جميله خالص
بجد مش عارفه أأقولك إيه يا إسلام انته يا بنى عبقرى
ردحذفعبقرى عبقرى والله
اه نسيت اقولك نورت البلوج بتاعى وياريت فعلا متبقاش اخر مره
وانا سعيده جدا بالبوست ده
وإوع تنسى تسلم لى على طرووووقه
وتسأل لى جى جى تفاريح هى جايبه نظارتها منين وياترى هى بأستك ولا لأه
عامة يا باشا انا سعيده بيكى ومستنيه دايما مرورك
أزال المؤلف هذا التعليق.
ردحذفهى دى ازمة الثانوية العامة والكتب اللى مليانة رغى ، كتر خيرهم شبابنا اللى بيعدى بيبقى نفد ماهم شايفين الحال وعارفين انهم لو حتى ذاكروا هيعملوا ايه بعدها هياخدوا الشهادة ويفضلوا مستنين
ردحذفربنا يصلح الأمة وشباب الامة .
تحيااااااتى .
امبارح كان عمرى العشرين
ردحذفاشكرك اخى العزيز على كلماتك الطيبة
وشعورك الجميل والصادق تجاه المدونة
وربنا يستر وطرووق بيه ميخزلنيش ، بس بكلامك كدة فعلاً مخزلنيش
شرفت المدونة ، وكلامك سأحتفظ به كوسام على قلبى
دمت بكل ود
نواااااارة
ردحذفطروووق : نوارة ، شرفتى اولاً المدونة ، ثانياً مش تشكرينى انا اشكرى اسلام ديو لأنه هو اللى مخترعنى هههههههههههههه
اسلام ديو :وبجد اشكرك على تشريفك ليا ومرورك الطيب والجميل واللى اسعدنى فى المدونة الصغنونة دى
تحياتى لك
بجد مبروك على الشخصية الجميلة دى اللى من خلالها رسمت حياة مراهقين كتير فى السن ده تسلم يا طروووووووووق ههههه
ردحذفاليوميات دى حلوة اووووووى .. ودمها خفيف جداً .. ايه يا سيدى الجمال ده ..
ردحذفبجد انا حسه انى مش قادرة من كتر الضحك .
انا فى انتظار الحلقة القادمة .
كل بوست وهو اخف من اللى قبله .
تحياتى ،،
نفرتارى
ايه يا واد داااااا
ردحذفحلوة أوي
جي جي
هههههههههههههههههههههه
حلو الحوار دا
ابقي كلمني عنه عاوز أسألك عن حاجة كدا
تحياتي
هههههههه لا حلو طرووق ده وولد من الاخر يعنى مستنين الباقى
ردحذفهى دى قصتك ولا ايه متقوليش :)
ردحذفالاستاذ العزيز **اسلام **
ردحذفالله ينور عليك وعلي يومياتك
وبعدين انت مصر اني احقد عليك ليه
فنان شامل
عموما ان كان الخط الفري الحر يعني خطك
مش هاسيبك الا لما تتبرع لي بكام حرف منهم.
مع تمنياتي لك بالسعاده الدائمه
ان شاء الله
ما شاء الله قصة جميلة
ردحذفاسلوب ورسم رائع
كلية الكعب العالى بس هى بتحب تلبس (الملاتلبرية) دى ولا اسمها ايه ، هى شوز الموضة الايام دى
ههههههههههه
أعتقد انك تقصد الباليرينة
ربنا يوفقك
هههههههههه يييييييه كلنا طروق بقى على كدا
ردحذفاحساس نفس هادئة
ردحذفاشكرك على احساسك الصادق
وعلى كلامك الجميل
ونورتى المدونة وزادها تشريفاً بتعليقك
دمتى بكل خير
استاذى الفاضل محمد الجرايحى
ردحذفعودة حميدة يا استاذى الفاضل
اشكرك على تقديرك الجميل
ودمت بكل خير وود
الدنيا نضارة
ردحذفازيك يا ممممحممممد عرفت بقى التدوين حلو ازاى ؟؟
يلا انا منتظر منك ابداعاتك
سلام يا جميل
اختى الفاضلة سلمى
ردحذفلا لسة الايام جااااية كتييير
هنعرف بقى ازا كان هيحقق حلمه ولا لا
سلامى لك ونورتى المدونة
استاذى الفاضل شكوول
ردحذفياما فى الدنيا مظاليم
وبعدين الواد دا انا حاطت فيييه امل كبير اوى مش عارف ليه
حاسس انه هيبقى ليه قيمة
ربنا يستر عليه وعلينا
انا عمال بكتب فى اليومية التانية وكل شوية الاقيه بيغلس مش عارف ليه
هو طرووق كدة ، انسان
اختى العزيزة افنان
ردحذفعلى فكرة طروووق مش انا خالللص
طروق دى شخصية انا مألفها
بس حاسس بيها
وحاسس انى اعرفها من زمان بس مقابلتهاش
اختى الفاضلة عاشقة الأحزان
ردحذفنورتى المدونة واشكرك على كلامك الجميل
وبإذن الله مش هيكون اخر مرور وسنتواصل بإذن الله
اختى الفاضلة حياتى نغم
ردحذفطروووق حكاية شاب زى اى شاب
بس قد تدور الاحداث فى اطار الواقع
وهادف بالنسبة للمدونة
مش يمكن يعمل حاجة ونصحى بيها؟
..ربما
بارك الله فيكى، ونورتى المدونة
اخى المجاهد الصغير
ردحذفامييييين يارب العالمين
وبارك الله فيك وجزاك الله خيراً
نورت المدونة
اختى طائر الليل الحزين
ردحذفاولاً نورتى المدونة
ثانياً طرووق دا حاجة غريبة بس هنعرف بعدين
شرفنى مرورك
وبإذن لله سنتواصل
اصحى يا مصر : اسلام ديو:ـ
ردحذف---------أنت الأجمل
تسلم أنت حقيقي...وربنا ما يحرمناش منك.
مشكور علي زيارتك لي...
ومشكور علي المجهود الممتاز في مدونتك الرائعه...
احنا ولا حاجه جنبك.
===هوهو==
ازيك يا بسسسسمة
ردحذفاخبارك ايه؟؟؟
انا كتبت دى مخصوص علشان اقولك ان انتى مش لوحدك اللى بتعانى من الثانوية العامة وانا فى ناس كتير بيعانو منها
وفى انتظار تعليقاتك على اليوميات اللى جاية
سلامى
اسلام ديو
عاشقة حبيبى
ردحذفاولاً نـــــورتى المدونة
ثانياً اسلام حاجة ، وطروووق حاجة ، من ناحية طروق ، دى شخصية من ابتكارى ، بس قبل ما اكتبها حاسس انى عارفها ، وحاسس اعرفها من زمان ، بس مشوفتهاش
ودا بما انى مبكتبش ولا بدون غير اللى انا حاسه
تسلمى على مرورك الكريم بمدونتى
وبجد بجد نورتى المدونة
اخى الفاضل mohamed ghalia
ردحذفاشكرك جزيل الشكر على مرورك الكريم
طرووووق : لسة لسة الفشل خد مننا راقات ياعم محمد
دمت بكل ود وتحياتى لك .
المفقوعة مرارتها
ردحذفاولاً : نورتى المدونة
طروووق مش مجرد توجه
طروووق شخص غير عادى
شاب ظريف ، شاب غريب ..فى الحقيقة مش عارف
اكيد هنعرف معاه هو ايه بالضبط
تحياتى لكى ومنتظر تعليقاتك على اليوميات الاخرى
اخى son of Egypt
ردحذفانا اللى اسعد جداً بمعرفتك
واشكر الله انها بجد حازت اعجابك
وباين انها حازت اعجاب الجميع ودا شئ يفرحنى
نورت مدونتى ، وبارك الله فيك
انا مش عارفه دي يومياتك الشخصيه والا قصه انت كاتبها في شكل مذكرات لشاب اخر بس من تجاربك
ردحذفبس عارف يااسلام المشكله تكمن في ان في انفصال بين الابناء والاباء لادول عايزين يسمعوا لدول والا دول يسمعوا لدول
في فجوه جامده والحوار مفقود
الشباب مش لاقي حد يحاوره ويحس ان قلبه عليه صح الاب عايز ابنه يعمل اللي هو ماعرفش يعمله وده غلط ماحدش بيعمل حاجت غيره
الشباب تحت اسباب كتير مش عارف يحدد ميوله خالص ويلعب عليها
اصبحت الدراسه ممله حتي الطالب المتفوق بيقول عليها ممله
ياريت كل اب وابن يحاولوا يفتحوا حوار عاقل بينهم مايكنش في هجوم ويكون فيه سعت صدر من الطرفين
ياااااااااااه ايه الجمال ده
ردحذفبس سؤال كده على الماشى
هيه مصر بتصحى الساعه كام
ههههههههههههه
هاكمل قرأه و راجع تانى
Thanks. I am intent and am I am to show the truth. Until always!
ردحذفDavid Santos - Portugal
شخصية طروووق شخصيه كاريكاتيريه تجسد بمنتهى الظرف واشاقة وخفة الظل عن مشاكل الشباب فى هذه السن وصراع الاجيال مابين حياة الاباء والابناء .. شكلنا كده هنشوف من طرووووووق العجب
ردحذفبجد بجد فنان جميل يا اسلام فى انتظار ابداعاتك
مع ارق تحياتى
انا من رأيي يا بنى اسمع كلام ابوك اللى خنقك
ردحذفاهو منها تريحة ومنها ترتاح من خنقته ليك
كمان يعنى اللى حبوا خدوا ايه
ما احنا حبينا اهوه وفى الاخر قعدنا جنب الحيطة
هههههههههههه
يا ما نفسى خد يعرفنى طريق جيجي تفاريخ اللى انت بتحبها دى واعمل فيك مقلب
ردحذفواقول لها على الكلام اللى انت قلته دة
هايله قوى أيام طروووق
ردحذفجامده جدا وكمان الرساله إللى فيها مفهومه
اختى ماء تشرين
ردحذفاشكرك على تعليقك الجميل
وعلى فكرة الخمسين جنيه معاه ولسة معاه
انا اسف على تأخيرى ودا بسبب بوظان النت
سلامى وبالتوفيق
سأظل اشبه نفسى بالإنسانة
ردحذفاشكرك شكراً جزيلاً على كلماتك
ونورتى المدونة الصغنونة بتاعتى
وبإذن الله هتابع مدونتك يومياً
لا النضارة بلاستيك مش بأستك
سلامى وتحياتى الخالصة لك
اختى الفاضلة نبض الحياة
ردحذفوانا اتمنى .. ان يكون الامر غير ذلك
ولكن طروووق له نظرة اخرى
نورتى المدونة ، وسلامى لك
السلام عليكم ورحمة الله
ردحذفازيك يا أستاذ اسلام يارب تكون بخير
انا اكيد متابعة مدونة حضرتك ويوميات طروق الفزيع على الاخر دا
ومدونتك بجد ماشاء الله بجد مميزة جدا بصراحه حضرتك مبدع يعني
وعلى فكرة من زمان نفسي ابدي اعجابي بالكلمه اللي على جنب دي للحبيبه اللي لسا متعرفهاش
اه كنت عايزة اسأل حضرتك ازاي عامل اللوك بتاع المدونه كدا يعني الاقسام اللي على جنب دي ازاي عاملها
وازاي كاتب بالخط دا وملون بالطريقه دي وعامل الصور كدا
بجد انا محتاجه مساعدة حضرتك هي مش لمدونتي بس في مجله كدا شغالين فيها
والمجله محتاجه تكون متميزة شويه
فياريت لو تقولي على الطريقه
ربنا يجزاك كل خير بجد هيكون جميل عمري ما هنساهولك
ولو حضرتك محبيتش تقول عن سر المهنه
بجد سوري يعني على الازعاج
براحتك دي بردو حاجه تخص حضرتك
بس ياريت ترد عليا في مدونتي
معلش بجد على الازعاج والاطاله
دمت بود
مودتي
اه ياريت لو حضرتك حابب تشارك في المجله دي وتكون من فريق التحرير فيها يعني
ردحذفهتلاقي عندي في المدونه حاطه اللينك بتاعها ((مجلة رؤيه))
والايميل بتاع رئيس التحرير بتاعها موجود تحت اللينك لوحابيت تشارك
بجد هتكون مميزة بمشاركات حضرتك
اختى الفاضلة بسمة مسلم
ردحذفاشكرك على تعليقاتك الدائماً جميلة
شفتى بقى يا ستى طروووق
هو دا اللى كنت بحكيلك عليه ، ولسة هنحكى تانى
اختى نفرتارى
ردحذفاشكرك على كلامك الجميل
وبإذن الله قريباً اليومية التانية
جوهرى
ردحذفاخيراً رديييييت
كنت فين يابنى
من عينى الاتنين انا موجود على الميل وهكيلك على قصصه كلها
تسلملى يا جميل
اختى ايوشة
ردحذفلا دى مش قصتى
بس قصة شايفها
وبحكى عنها بطريقتى الخاصة
اشكرك على مرورك الأكثر من جميل
استاذى الفاضل محمد الفاضل
ردحذفالخط الحر انواع كتير اوى بس انا لاقيت ان فى نوع منه جمعته بالفوتوشوب ورسمت بيه توقيعى
وانا عنيا ليك يا صديقى
تسلم لى
حاجات جوايا
ردحذفاخت سالى
اهههه هى البلارينة دى
انا مش عارف الاسماء دى بيجيبوها ازاى
بس الحمد لله عرفت اترجمها بسرعة :)
اشكرك على مرورك الجميل
سومة
ردحذففعلاً كلنا طروووق
بس هتفضل شخصيته هى اللى راسمة نفسها على اجيالنا والاجيال اللى بعدنا
تسلمى على مرورك الجميل
هو مش نو
ردحذفدى اقل حاجة انى ازور مدونتك ، واقل حاجة انى برضة اعلق ، لأن مدونتك هادفة وصادقة وانا بصراحة اعتدت على زيارتها
اشكرك على تعليقك الجميل
وفقك الله
شمس النهار
ردحذفاول حاجة نـــورتى المدونة
تانى حاجة بقى دى مش قصتى بس انا ابتكرت شخصية بجسد احداث الواقع بأحداثها الجميلة بس انا مش عايز احرقها لأنها يوميات وليست قصة ، وكل مرة هنجيب قضية ونحكى عنها
دمتى بكل ود ، وسلامى لك
الجواز وسنينه
ردحذفاشكرك على تعليقك الجميل
وعلى رأيك ايضاً الجميل
ونـــورتى المدونة ، وعلى ان نتواصل بإذن الله
تحياتى
Mr David Santos
ردحذفThanx for ur comment
and we will go to show that "truth"
thanx
and greetings
اختى الفاضلة بس خلاص
ردحذفاشكرك على رأيك الجميل
وبإذن الله قريباً هتزل اليومية التانية
مع تحياتى
ragabhpl
ردحذفطروووق : طب ليه بقى كدا؟؟
ليه بس بتفول ؟؟ دانا بحبها وهى بتحبنى ، ثانياً مش هتقدر طبعاً تقولها لأنها مبتكلمش ولاد غيرى ..
إسلام ديو : انا اسف جدا ragabhpl الواد اللى اسمه طرووق العفش دا بيحب يغلس كتير انا اسف.. ، عموماً منتظرك تشوف التدوينة التانية
ونـــــورت المدونة
اعشق الليل فى ضوء القمر
ردحذفاشكرك اخى العزيز على مرورك الطيب بالمدونة الصغيرة
وعلى امل ان نلتقى بإذن الله فى اليومية الثانية ، انشاء الله
تحياتى
بصراحة لما صديقتى كلمتنى عليها انا مصدقتش انها هتكون جمييييييلة للدرجة دى
ردحذفبس بإذن الله هتابعها
اختى بسمة صلاح
ردحذفاشكرك على تعليقك الجميل
وانا تحت امرك فى اى شئ
تسلمى
غير معرف
ردحذفاشكرك على تعليقك الجميل ونورت المدونة
وياريت تبقى تدينا اسمك علشان احنا منعرفش مين :)
دا بقى يا سيدى طرووق اللى حكيتلنا عنه فى مقالك؟؟؟
ردحذفولله تحفة ، وعموماً يا استاذ اسلام متبقاش تهاجم الشباب كتير لأنهم صدقنى غلابة
دا بقى يا سيدى طرووق اللى حكيتلنا عنه فى مقالك؟؟؟
ردحذفولله تحفة ، وعموماً يا استاذ اسلام متبقاش تهاجم الشباب كتير لأنهم صدقنى غلابة
السلام عليكم
ردحذفايه الروعة دي بجد والله إبداع
في كل حاجة في المدونة من التصميم للكلام
أنا عجبني التصميم قوي قوي وعاوزه ممكن
أصلي عملت مجلة والحمد لله لها زوار كتير وناس هتشارك معايا بس الحكاية ان تصميم المجلة مش نافع خالص ولما شفت التصميم بتاعك بجد طمعت
لو تأذن يكون تصميم للمجلة عندي مع التعديلات طبعا وتكون حضرتك أحد كاست التحرير
مستني ردك ع الميل ده
ibrahemaladawy@gmail.com
لينك المجلة
http://roayahmg.blogspot.com/
مودتي
غير معرف
ردحذفاه هو دا طرووق اللى حكيتلك عنه فى المقال ، اشكرك على مرورك الكريم
رئيس التحرير
ردحذفاشكرك على مرورك الكريم
بإذن الله سوف إراسلك فى اقرب فرصة
دمت بكل ود وخير
الذ ما عجبنى فى الموضوع
ردحذفجى جى تفاريح ..شخصيه تفرح فعلا
سيدي
ردحذفاول مرة ادخل مدونتك و اول شيء لفت نظري اسمها "اصحي يا مصر"
اسم له معنى و دلالة كبيرة و انت و اللي زيك من المثقفين و المدونين و احرار مصر هم اللي يقدروا يصحوها
**********
اكيد ممكن نقول ان المناهج التعليمية اللي بتدرس مملة و تافهة احيانا بس كمان احنا لينا نصيب في الفشل الدراسي و نترك نفسنا و راء اوهام و نقول اهوا التعليم وصل للكارثة و ما فيهوش حاجة عدلة و نسيبوا نفسنا نفشل
انا متفق ان ممكن الحاجات ديه تكون متجمعة سبب في فشلنا بس لازم نتحدى الواقع اللي مفروض علينا و نذاكر و نبدل مجهود يمكن احنا لو عملنا كده نقدرفي المستقبل نقدر نغير هذا الواقع
مودتي
أخي إسلام السلام عليكم
ردحذفمدونتك بالفعل أكثر من رائعه
ومواضيعك وقصصك شيقه وجميله جدا
أهنيك عليها
وأشكرك لأنك اتحت لي الفرصه للتعرف على مدونتك المميزه هذه
وإن شاء الله يدوم التواصل
بالنسبه لطرووووق خليه يشد خيله
ويسيبه من البت جي جي دي دلوقتي
وينتبه لمستقبله هي طبعا بتذاكر وتدح
وهو يا عيني هيمان وسرحان
وهي حتتخرج قبله وتتجوز واحد متريش وجاهز
وهو حيفضل يا عيني يآكل في بعضه لحد أما ياكل فمه ويختفي
فنبهوا قبل ما تقع الفاس في الراس
خالص تقديري وإعجابي
نسيت أقولك حاجة مهمة
ردحذفمبروووووووك على النيولوك
جمييييييييل جدا بجد واحلى من اللى قبله
ربنا يوفقك دايما
بسم الله الرحمن الرحيم
ردحذفالسلام عليكم ورحمة الله وبركاته
صديقى العزيز اسلام
تحياتى
عامل ايه ؟؟ يارب تكون بخير وفى احسن الاحوال
ايه ياعم ده ؟؟
طروق باشا دا روقان اخر حاجه
هو فيه دماغ كده ؟؟
يابخته
لو يدينى شويه من الروقان بتاعه ده
لا بس جامده يوميات طروق دى
وهستنى الباقى لما اشوف ايه ظروفه
ههههههههههههههههه
بجد يااسلام البوست شديد
مستنى الباقى ياعمنا
تحياتى ودمت بكل خير وود
والسلام عليكم ورحمة الله وبركاته
اهلاً مييييييييس محاسن
ردحذفطول عمرك مع البنات
ههههههههه
سلامى
اخى العزيز احمد ahmed_k
ردحذفوانا ليا الشرف طبعاً
ونـــورت المدونة
ويارب مواضيع المدونة تعجبك
سلامى
assafo anaroze
ردحذفاليومية دى كوميدية ساخرة
بس طبعاً كلامك اكتر منجميل
واشكرك على تشريفك المدونة
ودمت بود
اختى حاجات جوايا
ردحذفاشكرك جزيل الشكر
ودمتى بكل ود
تحياتى
هههههههههههههههه
ردحذفبس الحمد لله ياسى معتصم انه عجبك
ويارب يعجبك على طول
شرفت يا حبيب قلبى المدونة وفى انتظارك انشاء الله
لا بقي
ردحذفانا حبيت طرووق ده اوي
وماليش دعوه بقي
انا عايزه اجزاء تانيه كتير مش 3 بس :((((