الاثنين، مارس 16، 2009

اليوم اللى كلنا بنحلم بيه

فى الاول بحب اشكر كل اللى شارك وقال رأيه فى البوست الى فات وعلى فكرة حالة مواطن هو ديوان فيه حوالى 14 حالة كتبتهم من زمان قبل ما اعتزل الشعر ، وطبعاً قولت لازم تشوفوه وتدونى رأيكم اللى بجد ادانى دفعة قوية علشان اكمل مشوار التدوين .

بسم الله الرحمن الرحيم نبدء الرغى ، وقبل ما نرغى لازم تتفرجوا على الكليب دا وتابعوه وانتم بتقروا كلامى



طبعاً...، اى بنت فى الدنيا نفسها فى يوم الحلم ، ولازم تعرفوا ان برضة الولاد عندهم نفس الشعور ويمكن اكتر ، اليوم اللى بجد نفسنا نشوفه ومنتظرينة بأحر من الجمر ، اليوم الوحيد فى حياتنا اللى هيبقى ذكرى خالدة بتعيش ويانا على طول وبتفضل ويانا طول العمر ، بنستنى ونقعد نفكر ، ياترى هيكون عامل ازاى ...؟ ، ياترى هنظمه ازاى ؟؟... وممكن كمان...نحلم ، نحلم بالقعدة على الكوشة وجنبينا شريك حياتنا اللى بقى زى الروح جوانا ، نحلم بأننا هنعيش معاه بقيت عمرنا وندعى لربنا انها تكون ايام سعيدة مش وش فقر ، نحلم كمان هنعمل ايه وهنعزم مين ؟؟ ، بنحلم ازاى ننظمه وازاى هيكون زى ما فى دماغنا ، يااااااااااااااااااالله ، حاجات كتير عايزين نعملها علشان بس نفهم شريك حياتنا انه بجد حاجة كبيرة اوى اكبر من الدنيا دى كلها ، نقعد برضة ونقول هنعمله اميريكان ولا فى قاعة عادية ولا فى ايه؟؟ ، وبنختار الاغانى اللى بنحبها علشان نشغلها ........، بنقعد نفكر ونحلم بحاجات كتير اوى ، وصدقونى مع انى مش بحب اوى اروح افراح او حتى اروح اعزى ، بس كل لما افكر فى الموضوع دا بحس بحالة غريبة ، حالة ان انا نفسى اليوم دا اشوفه فى اسرع وقت ، والحاجة الوحيدة اللى بتصبرنى انى اقعد احلم ، زى ما بقية الخلق تقعد تحلم بيه ، اصله بصراحة يوم عمره ما هيتكرر فى حياتنا خالص ، فلازم نعمله يوم يكون بدماغنا ، انشالله ميعجبش حد بس اهم حاجة ان احنا الاتنين متفقين عليه ، بحلم برضة انى اجيبلها فستان مشافتهوش سندريلا ، واخلى كل صحابى يجو ببدل سودا وقمصان بيضا ، وانا فى وسطيهم وبروحلها ، يااااااااااه ، ولله لو عارفين اليوم دا لو يتكرر 14 مرة مش هنزهق ، بس مينفعش للأسف يتكرر هى مرة واحدة بس ، فلازم نعمل كل حاجة احنا عايزينها ، وبصراحة الكليب دا انا ملقتش زييه يفسر حالتى لأنى بحبه جداً ثانياً لما شوفته فكرنى بأيامى وانا بحاول افكر واحلم باليوم دا ، فقولت اعملكم بوست خاااص بيه ، لأن البوست دا مش هيتكرر خالص غير لما ربنا يتمم لنا الخير . بس يا ترى ..هل انت بتحلم بيه ؟؟ ، ولو بتحلم هتعمل ايه؟؟ .


اسلام ديو

هناك 47 تعليقًا:

  1. اممممممممممم
    انا بقول بلاش نحلم هههههههه
    على العموم انا ناوى اعمل موضوع كامل إن شاء الله تلاقى الإجابة

    ردحذف
  2. ربنا يوفقك يا اسلام و تلاقى اجمل انسانة تكون النص الحلو بحياتك بس فى احلام تانية كتير لازم برضو نحققها تسلم كتيير

    ردحذف
  3. ههههههههه يااااه يااسلام قلبت علينا المواجع بس نعمل ايه ادينا صابرين
    اما حلمى اللى بجد مش هعمل فرح يكن حاجة غريبة شوية بس ان شاء الله هيكون كده نظام فرح على الضيق وبعدها نروح نعمل عمرة ان شاء الله
    ربنا يكرمك يا اسلام وتحقق اللى نفسك فيه ويكون قريب اوى

    ردحذف
  4. ابنى اسلام ان اردت لحلمك ان يتحقق فعليك بالدعاء والاستغفار والاخذ بالاسباب ،والزوجه الصالحه رزق من الله فتقرب اليه بالعمل الصالح سيرزقك من حيث لا تحتسب (وفى السماء رزقكم وما توعدون)دمت طائعا لله

    ردحذف
  5. اها فعلا يوم جميل بس انت عارف اهم حاجة ان يكون الشخصين متوافقين لانه ده الهيخلي اليوم اسعد كتير وكمان مفروض مانسرفش فيه قوي

    انا عن نفسي وبما اني قاعدة في السعودية فبروح افراح كتير في فنادق جميلة جدا

    وبتعجبني هناك حاجة ايه هيا
    انهم بيعملو الستات في مكان والرجالة في مكان تاني

    بس بيدخلو العريس عند العروسة في اماكن الستات بس طبعا بعد ماالستات يلبسو فمابيكونش في القاعة راجل غير العريس بيقعد معاها شوية ويمشي وبتكون لابسة على راحتها وطبعا قدام ستات وعريسها فمش حرام طبعا وبيتصوروا وكل حاجة وطبعا مابتكونش عرضة لانظار الرجاله الغريبين عنها ومابتكونش لابسة حجاب ولا متقيدة

    وبعد الفرح بياخدها ويروحوا فندق يقضوا فيه 3 ايام بعدين يروحو بيتهم

    عارف ليا صاحبة عزيزة جدا عليا واتجوزت بس لما دخلت بيتها لقيت مفاجاة عارف ايه

    عريسها عملها بيتزابايده وجهزها على السفرة مع عصير وحط شموع عشان يعملها مفجاءه اول يوم عرسها فكان موقف جميل جدا منه

    عموما شكلي طولت ورغيت كتير

    ربنا يرزقك ببنت الحلال اهم شئ تكون بنت حلال لازم تدور كويس

    لان دي حياة مش يوم ولا اتنين
    وكمان لازم نحاول نرضي ربنا فيه


    تحياتيييييييييييييييييي

    ردحذف
  6. السلام عليكم / إن شاء الله يتحقق ولا يكون مجرد حلم ، نعم أتذكر أشياء كثيرة جميلة مرت ولكنى دائماً على يقين أن السعادة الكاملة والدائمة فى الجنة رزقنا الله جميعاً بها إن شاء الله . دمت فى سعادة .

    ردحذف
  7. هههههههههههه اصحى يا نايم وحد الدايم
    ربنا معاك يا اسلام يا ابنى ويوفقك بس وما نيل المطالب بالتمنى
    امشى معاك واحد واحده بقى عشان انا تخصصى فى الدنيا دى احباط
    1 الاغنيه حلوه بس اللى بيغنيها عاوز الحرق
    2 اليوم دا الكل بيحلم بيه بس انا عاوزه اقولك حاجه ان فستان الفرح بفلوس يا جميل كعع بقى براحتك
    3 ساعات الواحد بيفكر فى ظل الظروف الماديه البايظه للشباب انه ممكن يتنازل عن اليوم دا لمجرد انه يكون مع حد فعلا بيحبه.
    4 عشان بقى الواحد متاكد ان مفيش حاجه اسمها حب فى الزمن دا فحتضطر تعمل الاتى
    تحلم بعروسه تحبها تحلم بفلوس تكون نفسك وتحلم بفلوس تعمل بيها الفرح وتحلم ان الانسانه دى تطلع كويسه
    ....
    وفى النهايه تروح مستشفى المجانين تيجى تشرف عندى من الاخر
    تحياتى ليك سومه احباط
    ندونتك هايله سعدت بيها فعلا وحضيفها عندى ان شاء الله

    ردحذف
  8. بسم الله الرحمن الرحيم
    السلام عليكم ورحمة الله وبركاته
    صديقى العزيز
    اسلام افندى
    تحياتى
    لأ بقى
    دا انت قاصد ؟؟
    يعنى ادخل الساعه 4 الفجر البوست مش موجود
    يبقى انت استنيت لما انا خرجت من ع النت ونزلت البوست
    كده بقى يامعلم فيها ان ولازم نظرية المؤامرة تشتغل
    بس خلى بالك انا بضرب بايد من حديد على كل من تسوله له نفسه بانه يتأمر عليا(ركز علشان الموضوع قلب نحوى وهبتدى اهيس منك)
    ......
    احلم ياعم براحتك يعنى هو حتى الحلم مش هنعرف نحلمه ؟
    بس عارف انا بقى عاوز او يعنى نفسى او يعنى بحلم
    انه تكون حاجه كده على الهادى ومن غير زيطه وهيصه اصل انا مش بحب الدوشه
    وبعد كده لما نروح انا والعروسه نبقى نعمل فرحنا براحتنا بعيد عن المخاليق
    بس يعنى هو كل واح بيحلم بحاجه بيحققها !!!
    ماعلينا
    الممهم ربنا يكرمك ببنت الحلال ويحققلك كل احلامك
    تحياتى ودمت بكل خير وود
    والسلام عليكم ورحمة الله وبركاته

    ردحذف
  9. طب حد زيي انا يقول ايه بقى

    هههههههههههههههههههههههههههههههه


    انا دلوقتي بافكر فى فرح مريم وعليك خير
    هههههههههههههههههههههه

    وعلى فكره انا ما عملتش فرح تقريبا

    لانى كنت مسافره لجوزي

    بس ده ما يمنعش انى لبست فساتنى برضه الى طلعت روح المحل الى اخدته منه تعديل وتوضيب

    وجننت محل الكوافير الى روحته على ما خلصلي

    وعملت حفله صغيره فى البيت يوم الحنه

    ولما روحت لجوزي برضه لقيته جايب كل شعب مصر الى ابو ظبي يقابلنى فى المطار

    ابو ظبي كلها شافتنى وحضرت فرحتي لان هناك مافيش عرايس بيمشوا فى الشارع وزفة عربيات والحركات دي

    وكان مخطط الى حفله على مركب صغيره كده بس بقى يا اخويا كانت القرشينات خلصت فى الشقه وما الى ذلك

    بس عمري ما ندمت انى ما عملتش فرح بالعكس انا ربنا عوض عليا كتير الحمد لله وفرح قلبي كتير

    وتحياتي لك وربنا يكتبلك كل خير يارب ونشوفك اجدع عريس يا باشا

    بس تعزمنا بلاش بخل

    ردحذف
  10. انا عن نفسى

    هعمل زى الصورة اللى انت حاططها دى

    هجيب العريس من قفاه

    هو انا هسيبه ده انا مصدقت

    ردحذف
  11. ممممممممممم
    هجواب على سؤالك بكل بساطة
    انا لا احلم :)

    تحياتي

    ردحذف
  12. انا مشوفتش الكليب مش عارفه مش طالع عندي ليه
    بس انا بحلم زي ما كل البنات بتحلم بس يمكن عشان انا مجنونه فبحلم اني اعمل فرحي مختلف كليا عن اي فرح تقليدي
    يعني مثلا اعمله عل بسين في فيلا كبيره ويكون كل البسين ورود وبلالين وشموع على كل الارض وكل الترابيزات عليها ورود وشوموووووع كتيره
    يارب حلمي يتحقق وحلمك انت كمان يتحقق بشريكتك اللي قلبك يختارها وتحققو كل امنياتكم سوا
    على فكره المدونه بتاعتك جميله جدا وديكورها حلو وعجبتني اعلانك عن نجاح كذا بنت كده على فكره انا كمان نجحت الفصل الاول في الجامعه الامريكيه وطلعت الاولى عل دفعه و عيد ميلادي بكره كمان هههههههههههههههههه
    يلا كل سنه وانا طيبه وبالف خير يارب هههههههههههههههههههههه
    تحياتي

    ردحذف
  13. هتقولى هو دة حلم كل مصرى دلوقت
    هتسأل اى مواطن عايز ايه هيقولك اريد عريسا او اريد عروسه
    المشكلة فى الاختيار دى مشكلة كبيرة ودةفى نظرى اكبر مشكلة فى الزواج
    وربنا يحقق لك احلامك يارب
    تحياتى الطيبة لك

    ردحذف
  14. طبعا انا برضه رغم اني اتجوزت من 26 سنه بس لسه بحلم باليوم ده لبناتي
    ولما كنت بجهز بنتي الكبيره وهي بتتجوز كنت حاسه اني برضه بتجوز تاني معاها
    وكنت بنقي احلا حاجات ليها

    ردحذف
  15. انشاء الله ربنا يحقق الحلم الجميل ده لكل بناتنا واولادنا وعلى فكرة انا عامله بوست فى مدونتى اسمه حلم الربيع يصور هذا الموقف
    وكمان انا اشترك معاك وع كثير من المعجبين بالفنان الجميل صلاح جاهين
    تقبل مرورى

    ردحذف
  16. كدا ياأستاذ إسلام
    أنا زعلانة من حضرتك طيب اسأل مش لازم تعلق
    ....
    ربنا يسعدك ويرزقك بسندريلة قلبك
    اللي تهننك ويارب كل أحلامك تتحقق
    أنا بقى قلت ترتيبات الفرح في التاج عندي لو حضرتك فاكر
    يلا بقى بلاش رغي أنا اساسا بعلقلك من الموبايل
    والنت ع الموبايل رخم جدا
    سلام

    ردحذف
  17. لو مش لاقي عروسه عروستك عندي
    بس أنت قول
    :)
    بيس يا سمسم
    موضوعك عالي قوي
    بس ما كنتش فاكر أنك هتموت علي الجواز
    قوي كده
    ربنا يتمملك علي خير يا برنس
    تحياتي

    ردحذف
  18. ربنا يحقق لكل واحد احلامه

    (ربنا هب لنا من ازواجنا وذرياتنا قرة اعين واجعلنا للمتقين أماما)

    جزاك الله خيرا

    ردحذف
  19. الله على الرومانسية
    والله على الكلام الجميل
    والله الله على الفيديو الرائع
    احييك وارفع القبعة لرومانسيتك التى يفقدها الكثيرون
    ولعلمك اليوم ده اجمل ايام العمر وعمره ما يتعوض وبعدها عينك ما تشوف الا النور ده اذا شافت اصلا
    تحياتى شفقة

    ردحذف
  20. احلامك حلوة ويارب تتحقق وتلاقي اللي بجد تسعدك وتحس انك بجد هي هاي اللي قلبك اختارها
    وويــــــارب تكون سعيد
    بس علي فكرة هزعل خاص لو معزمتنيش
    هههههههه
    واسفه جدا علي عدم متابعتي بس والله العظيم المذاكرة هتجنني
    هههههههههه
    ادعيلي
    بتمنالك التوفيق
    تحيــــاتي

    ردحذف
  21. ياااااااااه
    فكرتنى بالذى مضى
    ههههههههههههه

    أكيد طبعا بيبقى يوم العمر .. ومن اسمه باين صفته هههههههههههه

    بجد أنا سعيدة بالبوست ده اوى
    عجبتنى الحالة بتاعتك جداااااااا
    أول مرة اشوف شاب بيتكلم عن مشاعره بصراحة لليوم ده ... المعتاد ان البنات هما اللى بيحلموا


    ربنا يحققلك كل احلامك يارب ويرزقك الزوجة الصالحة والذرية الصالحة وتعمل فرح احلى من فرح عمر وسلمى بإذن الله ويسعدكوا طووووووووووول العمر
    آمين يارب العالمين

    ردحذف
  22. غبت كتير
    ارجع الاقي حلم
    اجمل حلم
    حلم العمر
    ربنا يوفقك للانسانه الصالحه
    ويسعد ايامك يارب

    ردحذف
  23. صديقى mohamed ghalia

    صدقنى اى حلم بيبقى جميل بس لو استخدمناه صح

    ردحذف
  24. اختى بسمة مسلم
    اشكرك جزيل الشكر على مشاعرك الجميلة
    ودمتى بكل توفيق

    ردحذف
  25. اختى الفاضلة ايوشة

    حمداً لله على رجوعك
    وحلمك اكتر من جميل
    اشكرك على مرورك الطيب

    ردحذف
  26. امى العزيزة بستان الحب

    تذكرى "الطيبون للطيبات"
    وانا طيب ولله :d
    واشكرك على دعائك الجميل

    ردحذف
  27. اختى الفاضلة افنان

    ولله اللى اعرفه ان السعودية اتغيرت وبقى نظام الحفلات للزواج نفس النظام هنا
    بس الله اعلم

    وطبعاً احنا لازم نرضى ربنا لأن دا مشوار حياة ولازم نبتديه صح
    تحياتى لك

    ردحذف
  28. اختى حياتى نغم
    طبعاً الحياة الجميلة اكيد فى الجنة
    بارك الله فيكى

    ردحذف
  29. الفنانة / سومة
    هههههههههه
    مش قادر اقولك انا عمال اضحك ولله

    فعلاً يا سومة الكل بقى بيفكر فى الفلوس وبس بس اشمعنى؟
    ولله مش عارف
    على العموم بقى يا ستى انا كدة كدة هجيب المدونين كلهم ونيجى نتشرف عندك
    بس هقولك كلمة اخيرة
    لو المدونين مجانين يبقى بيتكلمو صح

    تحياتى ليكى وانا هضيف مدونتك عندى بإذن الله

    ردحذف
  30. معتصم
    ايه ياعم الحج بلاش نحلم يعنى ؟؟
    هههههههههههههه
    ولله يابنى صدقنى انا ماخدت بالى خالص
    بس هوعدك مرة تانية ان انا هبقى اخد بالى معلش
    مع ان البوست ياخويا نازل الساعة واحدة
    مش عارف بقى انتا جبت اربعة دى منين بعدين انتا فى مصر مش فى نيويورك
    هههههههه

    كل واحد يا سيدى بيحلم علشان يجيب صبر وبعدين يحقق حلمه
    مش عارف بقى انتا بتحلم ليييه??
    ههههههههههههههه

    ردحذف
  31. صبرنى يارب
    هههههههههههههههههههههه
    ربنا يارب يخليك مريم ويفرحك بيها قادر يا كريم
    وتشوفيها عروسة على الكوشة كدة

    اما من ناحيتك بقى
    شوفتى اللى حصل
    ههههههه اكيد اليوم كان حلم اكيد
    كفاية ان ابو ظبى كلها شافته

    بارك الله فيكى ومتقطعيش الزيارة

    ردحذف
  32. اختى الفراشة الصغيرة
    ههههههههههههه

    بس خلى بالك ممكن يخاف

    نورتى المدونة

    ردحذف
  33. اختى دينا حامد

    مش مشكلة ان احنا منحلمش
    بس المشكلة ان احنا منقعش فى الوهم
    فبالتالى لازم نحلم علشان نحقق
    اشكرك على تعليقك الجميل

    ردحذف
  34. اختى مرمر
    بجد مش عارف اقول ايه
    يارتنى كنت فرشت المدونة رمل ههههههههه
    نورتى المدونة وعلى امل ان نتواصل بإذن الله
    لكى تحياتى

    ردحذف
  35. اختى رئيسة حزب الأحلام

    فعلاً دا حلم اى مصرى
    بس يارب يحققلنا حلمنا
    ومش عيب ان احنا نحلم

    دمتى بخير

    ردحذف
  36. امى شمس النهار
    اعجبتنى طريقتك فى المعاملة مع ابناءك
    التى نفتقدها كثيراً

    اشكرك

    ردحذف
  37. بس خلاص
    اشكرك على التعليق الجميل
    وفعلاً اليوم دا يوم فعلاَ ميتعوضش ولازم كلنا ناخد بالنا من دا
    وصلاح جاهين هو مش مثلى الاعلى وبس هو رجل اللى مشيت على نهجة فى كل شئ

    ردحذف
  38. بسمة صلاح
    صدقينى انا اسف جداً جداً جداًُ لأنى ولله العظيم كنت بظبط شوية حاجات فى المدونة الصغنونة بتاعتى دى اصل انا كل شوية افكر فى شكل جديد واروح عامله مش عارف الشكل الجديد دا كويس وللا لا :d

    عموماً ثدقينى انا هزور مدونتك دلوقتى متقلقيش

    لكى تحياتى

    ردحذف
  39. حقوووووووودى
    لا لا انتا فهمت غلط
    انا مش هموت يعنى
    مش للدرجة دى
    هههههههههههههه
    انا بس بحلم مهو كدة كدة الواحد هيتجوز
    بس الحلم ليه طعم تانى
    ههههههههههههههههههههههههه

    ردحذف
  40. اختى الفاضلة ghorbty
    جزاك الله الف خير
    ونورتى المدونة الصغيرة

    ردحذف
  41. شفقة هانم واحسان بك
    ولله مش مهم متشفش النور
    هههههههههههه
    المهم انها هتشوف اليوم دا
    بس دا اللى انا بتكلم فيه

    ردحذف
  42. ايمان روحى
    ربنا معاكى
    ويارب يارب تجيبى اعلى مجموع علشان انور بيه المدونة عندى
    وفقك الله

    ردحذف
  43. اختى الفاضلة سالى

    اشكرك على احساسك الجميل
    اما للفرح فبإذن الله هيكون احلى من اللى انتى شفتيه 100 مرة ودا طبعاً لأن بإذن الله كلكم كدا هتكونوا معايا وفرحانين معايا

    اشكرك وعلى ان نتواصل بإذن الله

    ردحذف
  44. اختى حنان الشافعى
    عودة حميدة
    ومنتظرين منك التواصل معنا
    واشكرك

    ردحذف
  45. اللهم امين يارب بس ادعيلي
    ومتهربش
    اكيد هتعزمني لانك بجد لو معزمتنيش هحرض كل اصحاب المدونات عليك
    ونعمل حملة مقاطعه
    ههههههههههه
    بهزر طبعا
    بالتوفيق يارب دينا ودنيا
    تحيـــأتي

    ردحذف
  46. فنان ديو
    السلام عليكم
    إخلم براحتك زمن حق كل مواطن أن يحلم وربنا يحقق لك كل أحلامك والحلم الكبير الجنة بمشيئة الله
    دمت بكل الخير

    ردحذف
  47. bgd 72i2i awy kolna bnfkr fi kda ledrgt eni lma bfkr ana h5tar A w nfsi el o3'nia D ash3'lha ba5af l7sn akon mavwara wetls3t

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم