بضايق اوى لما اسمع رزعة الباب وانا فى اوضتى ، بنتبه لصوت جزمة مناخير الفيل وهى بتعدى بهدوء ، وبعد كدة مسمعش غير صفارة الصراصير الليليية ، وبعدها بشوية اسمع صوت طرقعة شبشب محترمة ، والاقى الحاج واقف على الباب علشان يفتح لى ديوان من القصايد والقذف ، ولما اكون ساكت يسيبنى ويمشى ، ولما اتكلم يرمى اول فردة فى وشى ، ولما احاول انى ارجع المناقشة تانى الاقى الفردة التانية اترمت من اول كلمة .
مش عارف ولله ليه كدة ، يعنى يابابا بدل منتا ناوى ترمى الشبشب فى وشى ، بتلبسه ليه؟ ، هاته من الصالون وادخلى كالعادة وارميه ، بس ارجع واقول انا اللى عملت كدة فى نفسى ، انا فعلاً السبب ، لما اروح لماما يمكن تحنن عليا حبة .
طرووق : ماما بجد انا معنتش قادر على اللى بيحصل دا
ام طرووق : ليه يا حبة عينى ، اكيد يا ولا عملت حاجة غلط
طرووق : يا ماما منا قاعد فى الوضة مبعملش حاجة اهو ومستنى فرج ربنا ، انا مش عارف بيزعقلى كل شوية كدة ليه؟
ام طرووق : معلش يا ضنايا .. كل شئ وله سببه ، وبعدين تعالى يا ولا هنا ، انتا ايه اللى خلاك تاكل الجمبرى كله يا موكوس .
طرووق : حتى انتى يا ماما ،طيب..فوتكو بعافية.
ابو طرووق : هو دخول الحمام زى خروجة ياخويا ، ورينا عرض كتافك ، برررررررررررررررررة
ام طرووق : خد ياخويا الجواب دا ، كنت هديه للى مايتسمى ، واحد جاللى وقالى دا ظرف طارق
ابو طرووق : ظرف طارق ايه يا ولية يا هبلة ، يقصد ظرف فيه خبر مهم يا جهلة
ام طرووق : ايه يا صبحى يعنى انت اللى متعلم اوى ، افتحة وشوف فى ايه خير ياخويا متخضنيش
ابو طرووق : يالهوى ...امى مااااااااااتتتتتتتتتتتتتتتت
ام طرووق : ياخويا وهو انتا يعنى عايزها تعيش اكتر من كدة ايه ، الله يرحمك يا حماتى
طبعاً ابو طرووق وام طرووق خدوا بعضهم وراحوا على البلد ، وطرووق ماشى فى الشارع عمال يتأمل فى الحارة ، اول حاجة زارها كان عم حسنى تسعيرة البقال
طرووق : ازيك ياعم حسنى
حسنى تسعيرة : ازيك يا طاارق
طرووق : بقولك ايه ياعم حسنى ملاقيش عندك سجاير فرط
حسنى تسعيرة : ال 3 سجاير بجنيه
طرووق : هو انا رايح هشترى سجاير من حسنى ستارز ، وبعدين دىى كلوباترا ، سجارة البلد ، هتبقى انت والحكومة ياعم حسنى
حسنى تسعيرة : ولله يا طرووق كله حسب التسعيرة
طرووق : تسعيرة ايه ياعم ، مش عايز سجاير فرط ، انتا اصلاً دماغك مفرطة لوحدها..سلام
مفيش دقائق عدت وبعد كدة راح العبدلله يتأمل فى باقى الحارة ، وفيما بينها بيت جى جى تفاريح ، لاحظ ان فى يفطة متعلقة عند البيت مكتوب فيها عيادة الدكتور كمال التهابات
استكمل المشى ، وفجأة لقى قدامة زيزو صاحبة مادد اديه علشان يسلم عليه ، طرووق خدها بسخافة وراح مركبه الهوا ، وبعد كدة دار حديث
زيزو : ايه يا طروووق مالك فى ايه؟
طرووق : مهو اللى يتصبح بأشكال زيك لازم يحصلة معجزات
زيزو: ليه ياخويا كفالله الشر ؟
طرووق : ادينى انطردت من البيت ، هروح فين يعنى
زيزو : منا قولتلك ياهبل 1000 مرة تعالى عندى وهخلى دماغك زى الفل ، وبصراحة حماتك بتحبك
طرووق : منتا عارف انى مليش فى الكلام دا يا صحبى
زيزو : ياعم وهو انتا هتدفع حاجة ..تعالى بس تعالى
وراح طرووق مع زيزو العفش وكان هناك سمير شد لجوة ، وهناك صوت كاسيت فيه اغنية بتقول : ياعم ولللللللللللع يا سيدى وللللللللع
طرووق : متولع ياعم فى الكاسيت احسن
زيزو : معلش يا صحبى ، مهو دى الاغانى اللى بنحط عليها المنهج ، استنى بقى لما الف السجارة علشان الدماغ تبقى صح
وبعد ما زيزو لف السجارة
سمير شد لجوة : شد لجوووووووة يا طروق شد لجووووووووة يا طروق شدددددددد لجوة
طرووق : اييييييه ياعم انتا بطاردنى ولا ايهه؟
زيزو : لا يا صحبى بس علشان دماغك تظبط
وبعد ما طرووق شرب السجارة ، طبعاً كل اللى حواليه مزغلل ، فلما القعدة خلصت نزل هو وزيزو علشان يروحو
طرووق : هههه زيزو .. الشارع دا بيروح على فين؟
زيزو : ولله يا صحبى من ساعة ما شفته مبيتحركش من مكانه
طرووق : طيب يا زيزو، طخخخخخخخخخخخخ
طرووق اتخبط فى عمود نور
طرووق : يخربيت شركة المية ياعم ، يعنى ملاقوش مكان يحطو فيه برج الارسال غير هنا
زيزو : معلش يا صحبى ، يلا بينا ناخد تاكسى
وهما فى التاكسى ومروحين خلاص بقى ، لاحظ السواق ان فى نقطة تفتيش ، وزيزو وطرووق فى عالم تانى ، راح الشاويش سأل على البطايق فراح السواق مطلع بطاقته وفجأة
زيزو : ايه ياعم الحج بتعمل ايه؟؟ لا لا مينفعش الحساب عندى
السواق : انتا بتهظر يا بيه ؟؟ ، الراجل بيقول طلع البطاقة
وبعد ما الحمد لله عدوا بأمان وروحوا ، دخل طروق البيت فلقى الحاجة والحاج نايمين بعد التعب اللى شافوه فى البلد ، بس الحاجة قامت من النوم
ام طرووق : واد يا طروووق اقفل الشبااااااااك
طرووق : حاضر يا ماما لحظة اصل الخلاط على النار
ام طرووق : خلاط ! خلاط ايه يا ولا؟
طرووق : لا يا ماما مفيش
وفجأة طروق وهو ماشى لقى قدامة الطرابيزة المتنقلة بتاعت الفطار ، راح دخل فيها
طروووق : اوعىىىىىىىىى السريييييييييع
وفجأة دخل هو والطرابيزة جوة النيش
الف سلامة عليك يا طروق
لكل من البنت المشمشية وصبرنى يارب يستنونى النهارضة علشان الصور اللى طلبوها خلصت وهتنزل النهارضة
السلام عليكم ورحمة الله وبركاته
ردحذفحمدا الله علي السلامه
يااااااااااااه
ردحذفلك وحشه قلقتنا عليك
الف حمدا لله علي سلامتك
هو يعني ان ما كانش طروووق يجيبك
ما تجيش دانا كنت عزمك علي احلي
بيض اتعمل فيكي يامصر
لكن يلامافيش نصيب
ولا اقولك ممكن تيجي تلحق اخر لقمه في الطبق وتقول رأيك
الا هو انت سبت طرووق ليه من غير ما تفوقه
الواد ده لو فضل علي كده ها يتعبنا معاه احنا مستنيين تفوقو في اقرب وقت
مع خالص احترامي وتقديري
يااااااااااه فضلت طول النهار اعمل رفيريش للصفحة عشان اشوف البوست الجديد من طرووق
ردحذفياااااااااااااه اخيرا شوفته وفطست كالعادة من الضحك علي شباب اليومين دول
ربنا يسترها علينا
ويحمي كل شباب المسلمين
هههههههههه يا عينى عليك يا طروق خبط ورزع طول اليوم ههههههه يسلم قلمك يا اسلام
ردحذفوالله يابنى ليك الجنة
ردحذفبس انا زعلان من طروق
يعنى ما كلنا ببنحدف بالــــــــــ
ايا كان بس مش نمشى ورا اصحاب السؤ
ياريت مش يتكرر تانى
وكويس انها جت على النيش وترابيزة
الفطارهههههههههههههههههههههه
وحشتنا حكايات طروق
smilyrose
وردشان
روح الحب الصادق
السلام عليكم
ردحذفحمدلله على سلامتك ويارب تكون احسن دلوقتى
_____________
بوست كا العاده جميل اوى ومن الاخر
هههههههههههههههه
بس سجاير ايه الفرط الــ 3 بجنيه
هو السجاير غايت اوى كده دول بربع جنيه يا سولم هههههههههههه
السلام عليكم ورحمة الله وبركاته
ردحذفإذيك يا إسلام أخبارك أيه
طبعآ انت ما بتلحقش توحشنى لأنك معايا كل يوم على الميل
يارب يطمنى عليك والف سلامه عليك ياسمسم
بسم الله ماشاء الله ايه الابداع ده
يابختك ياطرووووووووق
انا حاسه ان طروق ده تخليص حق
ههههههههههههههههه
ربنا يوفقك يا اسلام ويحقق ليك ما تتمنا
تقبل تقديرى وحبى الكبير
أختك إيناس
الف الحمد لله على سلامتك
ردحذفكيفك ان شاء الله بخير
كالعادة البوووست توووحفة
ههههههههههه بس طروق صعب عليي بجد ياعيني حاسس انه مظلوم ومضطهد هههههههههه
تسلم ايدك يا اسلام
وربنا يوفقك يارب ويريح بالك
الف سلامة على طرووووووووق
ردحذفبس حد قاله يعمل كده (( وش بيضرب كف على كف ))
بجد فطست على نفسي من الضحك ربنا يخلى طروق ويضحكنا كمان وكمان
وكالعادة الكاريكاتير حلو جدااااااااا
تحياتى
ايه ده فى حد بالشكل ده ياحرام صعب عليا مضطهدينه خالص فيها ايه يعنى لما نفسى كانت مفتوحة حبتين وخلص الجمبرى أذنب كان جعان يا جماعة والظاهر ان جوعه مش طبيعى بس كويس ان أكل الجمبرى ومش أكل الأطباق معاه بس أخرت الاضطهاد ان وقع فى ايد واحد زى زيزو ... ياعينى عليك ياطروووق متبهدل فى الدنيا دى ربنا معاك يا ابنى هتلاقيها منين ولا منين وانت ياعينى خلاص قربت تبقى صرصار من كتر الشباشب ايييييييييييييييه دنيا........
ردحذفيالا ربنا معاك ويعينك......
ديما متألق وفى تقدم ان شاء الله
تقبل مرورى
عجباني ام طرووق قوي
ردحذفاكتر حته ضحكتني لما اتسطل
ههههههه
الخلاط ع النار
في يوم هبقى اشوف الحلقات كلها ان شاء الله
لانها عجبتني
تحياتي
صباااااح الخيييييييييير
ردحذفههههههههههههههههههههههههههه
فكرتنى بفيلم الكتكات
مااعرفش ليه
جميله جدا
ردحذفهو ده للاسف اللي بيحصل دلوقتي مع الشباب
الكاريكاتير تحفه والله
تسلم ايدك
منتظره البقيه
السلام عليكم
ردحذفحلوة اوى الخلط الا فى الشباك والدماغ العالية دى
بس المهم تكون انت كويس لان حاسة انك مختفى يارب تكون بخير وصحتك كويسة
تحياتى
طروق ده دماااااااااغ علي الاخر
ردحذفبس معرفناش ابوة صحي علي صوت النيش اللي ادشدش ولا لاء
شكله الحلقة الجاية حيأخد علقة سخنة
هههههههههه
بس اسلوبك جميل والقصة دمها خفيفي جدااااا
عاوزين باقي الحلقات بسرعة
سلام
ازيك يا اسلا م واخبارك ايه
ردحذفيا رب تكون بخير دايما
---------------------
والله طروق ده شكله دماغ
مطرقعه ويستاهل اللى يجراله
وعقابا ليه يتجوز جىجى تفاريح
بس هو كل اللى يعمل دماغ كده
يتخيل ان فى خلاط على الشباك
ده غريب طروق ده مش اد الشرب
بيتهبب ليه بس ربنا يهديه يا رب
يا رب تكون بخير يا اسلام
جوجو
السلام عليكم / لا ده طروق طلع مشكلة سجاير و....... يارب يصحى ويفوق هوه واللى زيه . وفقت للقادم .
ردحذف(:
ردحذفههههه
بحب أدخل انا هنا عشان بتجبرني على الابتسام
(:
بالمناسبه
لفت انتباهي البوست اللي فات
انت بتعرف تنحت (:
يعني كتابه وتصميم ونحت
فنان شامل (:
تحيـــــاتي
تعجبـــني في ابناء مصر ابتسامتهم الملونة!
ردحذفرزقني الله كهذه الابتسامات..
طرووق ده مش هيجبها البر خالص وصلت لعمايل الدماغ
ردحذفاهو دماغه ان شاء الله اتفتحت صح:)
السلام عليكم
ردحذفبرغم الضحك والهزار إلا انى دايما بنبه على اى اب انه يعاقب ابنه اى عقاب غير انه يطرده من البيت لأن بيكون سهل جدا انه يقع مع صديق السوء وده لأنه بيكون المأوى الوحيد زى ما حصل مع طروق
المهم النيش بقا كله على الأرض صح ؟
يلا اللى اتكسر يدغدغ بقا هنعمل ايه
:)
دمت مبدعا يا إسلام
رنبا يستر علينا ان شاء الله ونكون قدوه لى اولدنا وحمدله على السلامه
ردحذفطروق يعينى متكحرت خالص
ردحذفصعب عليا
فين صورنا يا واد انتا
ههههههههههههههه
ردحذفالف سلامه عليك يا طروق
بس يا ترى هيعملوا فيك ايه اكتر م الكرش من البيت
وكمان بتقول اوعى السريع
يعنى هما نايميين وانت بترزع فى تدشدش فى البيت
رووووووووووعة
ردحذفولو انى عاتب عليه انه يتسطل بسهولة كدة
معروف عن المصريين انهم احسن ناس تشرب ك حاجة من غير ما يتأثروا
لكن فى الاخر نال جزاؤه
تحياتى على الحكمة الجميلة
إزيك يا فنان
ردحذفإيه أخبار وصبح لنا على طرووووووووق
بس حد قاله يعمل كده (( وش بيضرب كف على كف
بجد فطست على نفسي من الضحك ربنا يخلى طروق ويضحكنا كمان وكمان
وكالعادة الكاريكاتير حلو جدااااااااا
دمت مبدعا
إزيك يا فنان
ردحذفإيه أخبار وصبح لنا على طرووووووووق
بس حد قاله يعمل كده (( وش بيضرب كف على كف
بجد فطست على نفسي من الضحك ربنا يخلى طروق ويضحكنا كمان وكمان
وكالعادة الكاريكاتير حلو جدااااااااا
دمت مبدعا
هههههههههههههههههههههههه
ردحذفيا عينى يا طروووق
كان لازم تشد لجوه؟؟؟
ماكنش ينفع تشد لبرا
حتى كنت خرجت الكبت اللى جواك دا ياخى
ههههههههههههههه
(طروووق : اوعىىىىىىىىى السريييييييييع
وفجأة دخل هو والطرابيزة جوة النيش)
سلامة النيش
ماكنش يومه
الا الحاج عمل ايه بعدالمغامرة دى
بتهيألى جزم و شباشب البيت ماكفتهوش
ههههههههههههههههه
سلام
خلصت جمبري لوحدك ياطرووق ?ده انت مفتري هتنور بالليل من كتر الفسفور
ردحذفياعم انا هابلغ عن عم حسني بتاعك بتاع السجاير ده حرام يعني بجد
اسف جدا على التاخير يا باشا بس الكمبو كان عملها معايا بقالوا اسبوعين لغاية اما عملتوا الادب
ردحذفوبجد حلوة اوي قصة طرووق
لاني قريت البوستات كلها بجد جميلة ودمها خفيفي
وبجد مبدع يا ديو يا ريتك كنت في كايرو كنا اتقابلنا
تحياتي يا مان
بجد الحوار بتاع طروووووق جااااامد قوى
ردحذفوكان لذيذ قوى موضوع فردة الشبشب اللى كل شوية يتحدف بيها
لاء ومامته كمان تجنن بصراحة منتهى الوفاء لحماتها
انا شايفة ان كل مرة بتكون الذ من اللى قبلها
تحياااااااااتى
ههههههههههههه
ردحذفكلام جميل جدا
متابعة كمان.
اول حاجه لازم اشكرك علي زيارتك لمدونتي وردك الجميل
ردحذفوبجد بعد متجولت شويه في مدونتك
اقدر اقول ان الشرف ليا انا انك تبقي ابن بلدي :)
بالتوفيق باذن الله ...
يوميات طروووق حقيقى دمها خفيف وروعة فى الأفكار والرسم
ردحذفانت فعلا فنان ((:
بالتوفيق دايما