الجمعة، مايو 08، 2009

ومازلنا فى كشف اسرار الفراعنة الخارقون - بصوا بقى الخبر الغريييييب دا

فعلاً انا مجاليش لحد دلوقتى رد من الدكتور زاهى حواس مع انى بعتله الميل مرتين وبإذن الله لو مجلناش رد هحاول انى ابعت نسخة تالتة
طيب دى حاجة انا لاقيتها بالصدفة من خلال تصفحى على الانترنت ، والحاجة دى بدعم الكلام اللى قولناه ، طيب حاولوا تدخلوا على الصورة وتعملوا زووم وتاخدوا بالكم من دية :
غرفة اسرار البناء تفتح فى عام 2002 طبقاً لنظام نجمى محسوب بدقة ، طيب هى مفتحتش ليه؟؟
مازلنا فى عملية البحث ، ويا جماعة صدقونى
وناخد بعض التعليقات اللى اثرت فى الموضوع : تعليق استاذى العزيز فشكول

السلام عليكم اسلام تحياتى ...شوف يا اسلام انا تعبت من حكاية الاهرام دى .. انا قريت كتير عن الاهرام واكتر من 10 كتب والاشعه الكونيه وهجرة الدفن وحاجات كتير عن الاهرام تصدق بالله بعد دا كله ما انا فاهم حاجه ولا وصلت لحاجه فيه ناس بتقول ان البناء كان بالطوب المحمى على النار - بمعنى انه بيجيبوا الطين ويرصوه وبعدين يحموه بالنار وبعدين يبقى صخوروفيه ناس بتقول ان الاهرام بنيت بالراوفع الهيدروليكيه.وفيه ناس بتقول انه تم بناؤه بواسطة جر الاحجار فى شك حلزونى بواسطة البشر وفيه ناس بتقول انهم وصلوا الى سر انعدام الجازبيه وكانوا يجرون ذلك على الاحجار ويرفعونها الى مكانها وفيها حكايات كثيره واساطير كثيرهومن كل دا مش فاهم حاجه ولا عارف حاجهفيه بعثه امريكيه جات وعملت مسح بالاشعه الكونيه.. وما قالوش لنا ايه اللى حصل وفيه بعثه يابانيه جات وجابت معاها روبوت فى حجم الصرصار ودخلته الهرم وراحوا وما قالوش لنا حاجه وفيه بعثه فرنسيه برضه بروبوت واشتغلوا وراحوا وبرضه ما قالوش لنا حاجهوفيه بعثه صينيه وفيه بعثه انجليزيه وفيه بعثه روسيه والدنيا كلها صاحبة زمام العلم والتكنولوجيا جم وما حدش قال لنا حاجه والارجح انهم ما وصلوش لحاجهكله بيدور على غرفة الدفن وايه اللى فيها وما حدش وصل لحاجه او على الاصح لو كانوا وصلوا لحاجه ما قالوش لنا حاجهاوؤمن ومتأكد من انه هناك علوما مخفيه عن العامه وعن المتخصصين ايضا تقوم بها امريكا وروسيا. وهم من يملكون نواصى العلم والمعرفه.ولا يعرف الناس عنها شيئا ومخفيه عن الناس انا دى الوقت حاروح اشوف اللينك اللى عندك واشوف فيه ايه؟تحياتى
اما الاستاذ ادم المصرى فقال :
اكيد الفارعنه كان مصدر ازعاج لكل علاماء العالم وعلماء الاصار ولكن اخى العزيز منز خلق الله ادم عليه السلام حتى جاء نبينا محمد صلى الله عليه وسلم لا يكون ولا يأتى ولا خلق الله احد ألا على وجه الارض ولم يخلق احد فى اى مركذ من الكواب او الفضاء وهذا ما اتانا بهى سيدنا محمد صلى الله عليه وسلم والله اعلم ولكن هذا ما حكمهو عقلى انا قرأت فى السيره والفقه والسنه وجلست مع علماء حتى تأكت من وجه نظرى والله اعلم ايضا ولكن اخى العزيز الحقيقه واضحه من نحيت هذه الغرفه فما هيه الا غرفه ولا تنسو ان الفراعنه كان يشركون بلله فلا يجوز ان نأخذ بوجهت نظر هؤلاء القوم ترك لنا سيد الخلق محمد صلى الله عليه وسلم علمات الساعه الصغرى والكبره ويوم الحشر وشرح لنا احوال كل شيئ واسباب الساعه ونزول المسيح عيسى ابن مريم وظهور الدخال وخروج يأجوج ومأجوجولا يقول ان الغرفه ستهلك العالم فما هيا الا وجهت نظر علماء لا يعرفون العقيده الاسلاميه ولا يقدسون كتاب الله ولا سنه رسوله فأكيد مش هيكون وصقين فى تركتنا من السنه والعقيده وشرح دقيق لعلمات الساعهاتمنى تكون وصلت وجه نظرى وهذا على حد علمى والله اعلم وما انا الى عبد من عبيد الله لا اعلم شيئ ولا افقه شيئ ان هوا الا كتاب الله وسنه رسوله
رجع تانى استاذى الفاضل فشكول وقال :
اسلام قرأت كثير من التعليقات وكلها على ما اعتقد تعليقات تنقصها الدقه فان رسولنا الكريم فى رحلة الاسراء والمعراج علمه الله علما لم يطلعنا عليه لان عقولنا قاصرة على فهمه. ولم يقل لنا الرسول الكريم عليه الصلاة والسلام عن تلك العلوم والمعرفه التى عرفه الله بها اى ان هناك اشياء يعرفها الرسول الكريم لم يقل لنا عليها لقلة عقلنا وعدم استيعابه لمعطيات كثيرة واشياء كثيره والعلوم الدينيه تقول ان هناك دابة ستخرج من باطن الارض من علامات القيامه وما يدريك انها ستخرج من تحت الهرم الاكبر مثلا او من اى مكان آخر ... مثلا مثلاغيبيات تخفى علينا.وتحياتى

واضافت aidy
بالنسبة لموضوع بنى الاهرام انا درسته وكمان هما اكتشفوا كم جثة ظهرها محنى نتيجة لعملهم فى بنا الاهرام وده نتيجة جر الاحجار وعمليات رفعها وطبعا لأننا فى مصر منزلناش وقتها اى رحلات ميدانية عشان اقدر افيد اكتر كل الكلام اللى عندى نظرى بس اللى درسته ان البناء كان عن طريق جر الاحجار فعلا وتفريغ الهواء فيما بينها وبالتالى مكنش فيه اى مثبتات للأحجار دى وكمان الفراعنة كانوا بيعملوا جبانة للعمال فى بناء الاهرام مكان يندفنوا فيه يعنى وكل الصور والكتابات التاريخية اللى اتعرضت علينا كانت بتؤكد ان الاهرامات مكان للدفن فقط ولذلك يتم تجهيزه إعتقادا منهم بالحياة الاخرى والخلود انا فى الموضوع ده ممكن اجيبلكم نصوص الاهرام المسجلة ومعانيها
ياريت يا aidy

استاذى الفاضل صاحب المطعم واستاذى مهندس حر اشكركم على تعليقاتكم الجميلة وعلى ما اعتقد هنقتبس بعض كتابات انيس منصور انشاء الله
واشكر جزيل الشكر لكل اللى علقوا معانا فى الموضوع ، ومنتظر تعليقاتكم فى الخبر الجديد دا

جميع الحقوق محفوظة لمدونة اصحى يا مصر

هناك 24 تعليقًا:

  1. شوف ياعم إسلام لقد قرأت كتابا عن سر بناء الأهرامات وكان فيه
    أن حجارة الأهرامات تسمى بالحجارة الكلسية الناعمة وقد أقتلعت من جنوب الجيزو ثم وضعت فى برك مائية تتغذى من نهر النيل
    وبعد ذلك قام الفراعنة بإيقاد النار على هذه الحجارة وبعد ذلك خلطوها بالملح وبد ذلك تبخر الماء وبدأوا يشكلون الحجارة بعد ذلك
    والله تعالى أعلى وأعلم

    ردحذف
  2. أزال المؤلف هذا التعليق.

    ردحذف
  3. السلام عليكم اخى
    بعد البحث عن بناء الاهرامات فى اقوال تقول بأن الذين بنوا الاهرامات هم قوم عاد وليسوا الفراعنة..هو الرأى قد يكون صحيح او قد يكون خطأ ..وان اول من دخل مصر هو مصر بن يافث بين نوح..اى حفيد سيدنا نوح ...ولم ينجب الا شخص وحد فقط وهو قبط الذى انجب سلالة كبيرة وهم بيعتبروا المصريين..لذلك يطلق علينا المصرين اقباط..فالمصرى قبطى ..وليس المسيحى
    المهم ..انا مش هعرف اتكلم على الموضوع دة فنا جبتكلم لينك تقرأوة عن ان بناء الاهرامات من سبعين الف سنة وليس من 7000 سنة .
    http://www.msatta.com/Aad.html#
    ليس من قبيل الاعلان ولكن من قبيل الاستفادة

    واى جديد نحب تستفيد
    تحياتى

    ردحذف
  4. استاذ اسلام@
    والله حيرتنا معاك....انا موش بصدق الا الحقائق.....وكلامك اشبه بالحقائق.....ايه الحيره دى...اصلى موش كنت بصدق كلام اللعنه والاهرام وكده....بس بدأت اصدق
    دمت بخير......تقبل مرورى

    ردحذف
  5. شوف يا اسلام

    انا لما درست الاهرامات الثلاثه

    مدرست كيفيفه بنائها ولكن الموضوع ده كان شدننى قى قريت فيه كتير على النت

    وغالبا كان الملك فى دذلك العصر لا يشركون بالله ويمكن ان يسخروا الجن لرفع
    مثل هذه الاحجار

    اما بالنسبه للحجره اللى اللى بتتكلموا عليها فانا اتفق مع فشكول فى كلماته

    انه ربنا قالنا ان فى دابه

    ستخرج على الناس
    ممكن تكون دى هتطلع من تحت الهرم الكبير
    والله عليم قدير

    ردحذف
  6. اسلام انا قريت البوستين الى فاتوا

    شوف انا مؤمنه بعبقرية الفراعنه

    انما شطحه الفضاء دي ابدا مش عاجباني

    ومش سناريو ينفع يكون واقعي


    ازاي بنوا الاهرامات الى اعرفه انهم قعدوا سنين وسنين يبنوا فى الهرم الاكبر

    باي طريقه ان كانت مش دي المشكله

    لكن موضوع الفضاء دي وسعت منهم بصراحه

    وانا شايفه انه مجرد راي يعبر عن انهم مش متخيلين ان ناس عاديين وولادهم متخلفين زينا وكانوا عباقره فعلا لواحدهم من غير ما حد يساعدهم

    ازوريس بالذات انا فاكره انى قريت تحليل عن كونه هو نبي الله ادريس

    وكمان قريب قريت برضه تحليل عن ان تقريبا الانبياء الى كانوا قبل عهد الفراعين مذكورين فعلا فى حضارتهم

    يعنى ان كان احنا كمسلمين عندنا فى القرآن ذكر فرعون موسى
    وقصة يوسف عليه السلام كمان

    يعنى اكيد الاثنين دول على الاقل موجودين فى التاريخ الفرعوني ولكن جايز الاسامي شكلها متغير

    كمان حكاية المصطلحات الى انت قلتها دي

    دي ممكن تكون بس فرق ترجمات
    لان فعلا لحد الان مافيش ترجمه للهلوغرفيه دقيقه

    لا دي كلها تكهنات

    ومش مع الاخ الى بيقول ربنا ما خلقش حد الا ادم وذريته

    لان ربنا بيقول ويخلق مالا تعلمون

    وما خلقش على الارض جايز

    انما الكون اكبر مما نستوعب احنا
    وعلم الله اكبر من اننا نفسره ولا نفهمه

    الموضوع كبير كبير كبير

    الواحد يقرا ويقرا ويقرا ويتعلم لما يشبع ويرجع يقول جايز ويمكن والله اعلم


    تحياتي لك وانا من المولعين بالحضاره الفرعونيه فعلا

    ردحذف
  7. انا الصراحه مدرستش عن تاريخ مصر ولا اعرف عنه حاجه بس اكيد الاهرامات بناء يستحق الاعجاب بس كل الانت نقلته ده ممكن يكون حاجه عاديه بس الناس كلها مهوسين بفكره انو في سكان في الفضاء وانه في منطقه عبور لزمان الصراحه موضوع شيق بسا انا مش مؤمنه بيه ياااسلام عموما بحث جميل ويستحق الاعجاب


    تقبل مرورى

    ردحذف
  8. على فكرة قبل ما اعلق على الموضوع الجديد

    بالنسبة للعنة الفراعنة يا جماعة

    فانا هقولكم على الحقايق العلمية اللى اتقالت لنا ان مفيش حاجة اسمها لعنة الفراعنة

    الغرف المغلقة فى المقابر الفرعونية بمعنى اصح هى غرف مقفولة آلاف السنين صح

    طيب نتيجة انعزالها عن الهوا الطبيعى اللى احنا نتنفسه
    ونتيجة عدم تجدد الهواء بداخلها بيتم بداخلها ايضا نتيجة لتعفن الجثث وغيره ايجاد مكان صحى للبكتيريا وبالتالى عندما تفتح المقبرة ويت دخولها بسرعة بيتعرض من يدخلها للموت لأنه بيتعرض لهذا الكم من البكتيريا اللى بتكون فى المكان

    فالعلماء حاليا بيقوموا بفتح المقبرة اولا ثم ينتظروا حوالى ثلاثة ايام حتى يتجدد الهواء بداخلها ثم يقوموا بدخولها

    اما النصوص التحذيرية اللى موجودة على جدران المقابر بان كل من يدخلها سيتعرض للموت فده كانت نصوص تحذيرية المقصود بيها اللصوص

    كلنا عارفين ان مقابر القدماء المصريين كانت معرضة للسرقة من قبل اللصوص نتيجة ما تحويه من كنوز

    دى بس ملحوظة حبيت اوضحها

    اما النصوص يا اسلام هجيبهالك انتظرنى انا بكرة عندى امتحان لما ارجع هحضرهالك

    ردحذف
  9. بصيت على الخبر وشوفته
    دماغى بتحاول تستوعب

    بس جزاك الله خير
    ومتابعة مزيد من الحقائق

    ردحذف
  10. السلام عليكم و رحمة الله و بركاته

    طبعا بما ان ثقافتى ضحلة فى هذا الاتجاه
    فسأكتفى بالاطلاع

    و ربنا يبارك لك يارب
    و فى كل من أدلى بدلوه فى هذا الموضوع



    دمت بود

    ردحذف
  11. السلام عليكم

    معاكم حق بناء الأهرام
    بيطرح أسئلة كتير بس اعتقد
    أنهم اتبنوا بطريقة بدائية او تقليدية
    واتفق مع رأي AIDY
    بالنسبة لموضوع بنى الاهرام انا درسته وكمان هما اكتشفوا كم جثة ظهرها محنى نتيجة لعملهم فى بنا الاهرام وده نتيجة جر الاحجار وعمليات رفعها وطبعا لأننا فى مصر منزلناش وقتها اى رحلات ميدانية عشان اقدر افيد اكتر كل الكلام اللى عندى نظرى بس اللى درسته ان البناء كان عن طريق جر الاحجار فعلا وتفريغ الهواء مكنش فيه اى مثبتات للأحجار دى وكمان الفراعنة كانوا بيعملوا جبانة للعمال فى بناء الاهرام مكان يندفنوا فيه يعنى وكل الصور والكتابات التاريخية اللى اتعرضت علينا كانت بتؤكد ان الاهرامات مكان للدفن فقط




    تحياتي
    تسلم ايدك يا اسلام

    ردحذف
  12. استاذى العزيز

    السلام عليكم

    اخى العزيز

    احيك على أثاره الموصوع بين المعلقين

    وقبل ما أعلق على البوست انا قرأت تعليق هنا كان فيه أسلوب غير مهذب مع المعلقين

    وهيه الاستاذه صبرنى يارب

    وانا اقول انها لما توجه الحديث الى احد فأما تقول استاذ او المعلق او اى شيئ يدل على اداب المحادثه
    واسف جدا
    ـــــــــــــــــــــــ

    واما عن كيفيه بناء الاهرمات فهى شيئ عظيم ويافع فى تاريخنا وكنت أقرأ فى يوم كنت فى الجيش فجأ احد الى بكتاب واسمو لعنه الفراعنه وكانت يتحدث عن بناء الاهرمات وهكذا وفى يوم ايضا تفرجت على فيلم انجلش واعتقد انك قد شاهته وهوا 1000 سنه قبل الميلاد

    وكان يتدحث عن بناء الاهرمات ايضا وجاء فى الفيلم انهم كانو يأتو بى الفيله المقرنه وهوا نوع انقرد فى القرن 14 او لا اذكر والله اعلم

    وكان يربطوها ببعضهما ويجعلو خيط كبير وبينه الطوب وكانو يجرون وحده تلو الاخره وكان يجرونها على شيئ مثل الكبرى مصنوع من الحجاره بس كان متساوى وهذا ما قد جائنى فى الكتاب ايضا كان شبه ذالك

    ــــــــــــــــــــــــــــــ

    واما تعليق استاذ فشكول فهوا قنعنى بعض الشيئ حين قال ان الله تعالى قال سنخرج لكم دابه من الارض تكلمك كانت فى صوره النمل اخى العزيز واعلم انهو لا يأتى فى الايه بمكان خروجها ولكن يا اخى القرأن يكمل السنه والسنه تكمل القرأن ولكن فى السنه ايضا لا يتبين مكان خروج الدابه واذكر اخى العزيز الله حين قال فى تفسير الجلالين وابن عثيمين فى خروج ناقه صالح عليه السلام من باطن الجبل الايه العظيمه الذى اتى بها قوم ثمود

    فأنا معاك يا اخى ان الله قادر على كل شيئ ولكن انتا لا تفهم قظدى اى نعم يوجد لعنه لئن نبينا صلى الله عليه وسلم كان يؤمن ان يوجد سحر وحسد وهكذا ولعنه الفراعنه شيئ من هذا القبيل ولكن لا يجوز انها قد تكون تفنى او تدمر الكون او تفنى بشريه بذاتها فهذا لا يصدقهو عقل ولا يتفق معه اى انسان فقيه او مدرك بأن يوجد احديث تبين كل شيئ لنا وتبين الحق من الباطل والبدايه والنهايه والخير والشر والفناء والطلاء

    الاخت صاحبت الاسم المميز برنى يارب

    انا معكى ان الله خلق مالا نعلم من الاشياء

    ولكن الله لا يكذب على نبيه حاشا لله عندما اوصاه وعلمه وفهمه بعلامات الساعه وما بكون الله وما بخارجه وداخله وما البدايه والنهايه يعنى مثلا منقولش وخلق ما لا تعلمون نقول بقه انو خلق اشباح ومصاصى دماء ودركولا والرجل الاخضر دا ميكنش اسلوب تفكير او فقه علم او اسلوب انسان بيقول لا اله الا الله محمد صلى الله عليه وسلم رصول الله

    الفراعنه سر رهيب من اسرار الكون مثلا يؤجوج ومؤجوج

    وهؤلاء لا نعرف اين هم بلئرض ام بخارجها وان كانو بل أرض اين يكونو فى المحيطات او الانهار او بمكان لا يعرفهو الا الله تعالى ولئن بعض العلماء لما جاء رسول الله صلى الله عليه وسلم وأشار بوصف دقيق لهم انهم قصار زو اعداد ضخمه وهم سلس أهل الارض وعيناهم كل مجارى المطرقه بعض العلماء وأفضلهم قالو انهم قد يكونو اهل الصين لئن صور الصين العظيم كما جاء لوصف الصور الذى بنا الرجل الفاضل زو القرنين كان نفس طريقه بناء صور الصين العظيم كان مبنى من زبر الحديد والنحاس وهكذا مثلا ولكن ايضا قال العلماء هذا قد يكون والله اعلم

    انا قلت ما يخلو بهى ضميرى ولكن ارجو من الساده عندما يخلو بهم قلمهم وينو الكتابه فليحسنو الكتابه لئنها تحبب الاقلام فبعضها واجرو ذالك واستاذى الفاضل فشكول عندما قال على التعليقات انها لا تتميز بلدقه يا اخى فلله وعزيزى لا تبلى بهذا الحديث واجعله بلاء حسنى وتقبل الله مننا جميعا

    ــــــــــــــــــ

    استاذى الكاتب الجميل المبدع صاحب الموضيع الشيقه المميزه
    اعجبنى فكرك واعجبنى ما تتكلم به وما تتكلم عنه ونشطاتك المميزه

    اتمنى ان تدوم على هذا فهذا نشتاق أليه حتى نبعد من الجو الذى يعيش فيه التدوين هذه الايام
    السلام عليكم

    ردحذف
  13. اخى العزيز تذكرت شيئ قد يفيد فى هذا الموضوع المثير وهو الغرف المغلقه التى تنتثب الى الفراعنه فقال اكثر العلماء عن ثر ما يوجد بداخلها ويتسبب فى موت الانسان

    فهوا قد يكون غازات امتدت ألاف الثنين وتكومت وهذا ما قرأت وفى كتاب لعنه الفراعنه الذى قرأته كان يتكلم عن العلماء الذين كانو ينبشون الارض وكتشفو اصار الفراعنه تكلم الكتاب عن انهم كانت تحدث لهم امو بعد ذالك رهيبه مثل حريق فى بيت احدهم او مثلا حادث أليم او موقف غريب جدا

    وهذا والله اعلم

    ردحذف
  14. والله انا دخت يا اسلام بجد
    الفراعنة بالنسبة لي لغز
    وانا بقدرهم وهما بالنسبة لي مثل اعلى في التفكير والتخطيط

    البوست انا خرجت بعد ماقريته ودماغي بتلف مش عارفة اقول لك ايه بصراحة!!

    تحياتي

    ردحذف
  15. اخى العزيز انا نزلت عندى كيف تم بناء الاهرمات بكل ما يقنع ابن ادم من احداث وبراهين واتمنا اكون قد افت به حراتكم

    وهذا لئنى اهتميت بموضوع حضرتك طبعا بعد مخرجت من هنا جبت كتاب من مكتبه صديق لى وقرأته كان يشمل احداث كثيره ودخلت على بعض المواقع وجمعت جميع احداث بناء الاهرام ونزلتها على هذا البوست وأرجو الحضور http://amablal.blogspot.com/

    ردحذف
  16. للاسف الكلام مش واضح كويس بالصورة

    بس انا معك لو في اي حاجة جديدة

    بالتوفيق يارب

    ردحذف
  17. يظهر إنى لازم أعيد اللى قلته قبل كده بس بكلمات تانية..

    فى نوعين من الناس بتكتب عن التاريخ و أسراره .. ناس بتقضى عمرها معفورة بتشتغل فى الحفريات و تجمع أدلة و تدرس و تحلل و تموت و هى مغمورة.. و ناس بيلموا فكرة من هنا أو هناك على الطاير كده و يكتبوا كتب ملونة مليانة صور و حكايات منها حادثة تكون حقيقية و عشرة ما أنزل الله بها من سلطان بس المهم فى كتبهم هو الإثارة و التسلية و عشان كده كتبهم بتبيع ملايين النسخ و بتصبح لهم شهرة كبيرة و تبدأ محطات التليفزيون تستضيفهم و الجرايد تقتبس كلامهم و تقولك و يؤكد البروفسير فلان الفلانى إن كذه و كذه و كذه..

    المهم إنه ما فيش مانع نقرى حاجات من دى و نتسلى عقبال ما فيلم السهرة يبتدى لكن لما نحب نعرف الأهرمات إتبنت إزاى و مين بناها و إمتى يبقى نحدف الكتب دى على جنب و ندور على اللى قاله الناس الأولنيين اللى إتعفروا و إنغمروا.. صحيح كلامهم مش ها يبقى مبهر و مثير بس هو أقرب ما يمكننا الوصول إليه من الحقيقة..

    ملحوظة تانية.. ربنا سبحانه و تعالى لم يبعث نبيه المصطفى عليه الصلاة و السلام و ينزل عليه كتابه الكريم عشان يكون كتاب تاريخ و لا جغرافيا.. و لو أراد الله إنه يخلى القرآن مرجع فى التاريخ كان قادر على إنه يخبرنا فيه كل حوادث التاريخ بأدق التفاصيل و بأوضح و أفصح عبارة ممكنة و ما كانش سابنا نتكهن و نلخبط و نجيب اللى ورا قدام..
    قصص الأنبياء و غير ذلك من أخبار الأولين فى القرآن لها أكثر من حكمة و فى تدبرها أكتر من فايدة إيمانية و عقيدية و أخلاقية.. و مش من الصحيح إننا نسيب ده كله و نحاول نحشرها وسط نظريات ضعيفة فى التاريخ و العلم لأن كتاب الله أعظم و أجل من ربطه بإجتهادات بشرية يجوز عليها الخطأ و التدليس و النصب المبين.

    ردحذف
  18. اشطات اسمع يا سيدي
    عندك كتاب انيس منصور اللي بتكلم عن الموضوع ده (لعنة الفراعنة)

    عندك كمان الذين هبطوا من السماء و الذين صعدوا الي السماء

    ربنا يوفقك في الامتحانات

    ردحذف
  19. بعد التحية .. يعنى لما رسول الله ينبئ الأمة فى الحديث الصحيح ان سيدنا ادم منذ 100000 عام ؛ و ان طوله كان فى السماء 60 ذراع ؛ و ان الخلق مازال يتصاغر حتى يومنا هذا و الى قيام الساعة.. ؛ ومع ذلك يأتى اليهود ليسخروا من السنة - بل تطاولوا على القران الكريم - الذى يشير صراحة الى قوم عاد فيقول : ( و اذكروا اذ جعلكم خلفاء من بعد قوم نوح و زادكم فى الخلق بسطة ) - الاعراف 69 ؛ ( وقالوا من أشد منا قوة ) - فصلت 15
    يتركون عمالقة قوم عاد التى تكتشف هياكلهم كل يوم بالمعادى ( عاصمتهم ) بالجهة المقابلة لأهرام الجيزة وفى كل صعيد مصر ؛ و يستخفون بعقولنا بالنظريات العبقرية - و منها
    1- الفضاء و سكان المريخ و خلافه
    2- انعدام الجاذبية و .... و ماتريكس أيضا
    3- العمال تشد ؛ و الثيران تجر ؛ و القافلة تسير
    و غيرها و غيرها .. و لا حول و لا قوة الا بالله
    ولكن أهمها هو الادعاء بأن الفراعنة هم البناة !!
    الفراعنة الذين ادعو الألوهية و كذبو على الله هم البناة ..يجب ان نصدقهم .. لمجرد انهم ورثوا تلك الصروح العملاقة من عمالقة قوم عاد ( سبعون ألف سنة ) و نقشوا عليها ؛ و كذلك المعابد و طريق الكباش .. و كل ما نسبوه لأنفسهم .. ولكن هل لنا فى وقفة بسيطة للتأمل ؟؟
    دون الفراعنة على جدران تلك المعابد كيف كانوا يزرعون و كيف يحتفلون و كيف و كيف ....و لكن للأسف الشديد لم يتركوا لنا فى أى من عصورهم الممتدة كلمة واحدة عن كيفية البناء !! معقول!!
    الفراعنة التى تضاربت نقوشهم و بردياتهم الى درجة حيرت هيئة الآثار ؛ بل و المؤرخين جميعا - لأنها ببساطة شديدة توضح ان كل ملك كان يمحو نقوش من قبله من على الجدران و ينسب لنفسه ما ليس له
    و الله يفضحهم و يحذرهم فى اياته: ( و سكنتم فى مساكن الذين ظلموا أنفسهم وتبين لكم كيف فعلنا بهم و ضربنا لكم الأمثال ) - ابراهيم 45
    يا اخوانى .. الحق ابلغكم :
    بعد طوفان نوح عليه السلام .. اتجه ابنه سام الى وادى النيل ؛ و أنجب مصرايم ( أبو كل المصريين ) و أنجب مصرايم قفطايم ؛ و الذى أخذنا منه الاسم الدارج
    ( قفطايم..قفط..قبط..جبت..ايجبت ) و أنجب قفطايم ابنه عاد و ابن عاد هو شداد ؛ و أحفادهم قوم عاد العمالقة هم بناة الاهرام و المسلات و المعابد .. و كل ما نسبه الفراعنة لأنفسهم بعدما أهلك الله عاد بالريح الصرصر العاتية
    - تلك الحجارة المعجزة لنا فى قطعها و شطفها و نقلها الاف الاميال .. كانت مجرد قوالب من الطوب بالنسبة لهم
    (الهياكل المكتشفة لهم طولها يتراوح بين 10 - 15 متر )
    و الا .. كيف امكن بناء الهرم الاكبر وحده فى 23 عام فقط !! وبعشرات الالاف من العمال !! حيث كان يتم تقل الحجارة الضخمة عبر النيل بالقوارب المصنوعة من.. ورق البردى..!! انه يحتاج حسابيا ما لا يقل عن 10 مليون عامل قوى ماهر وفترة اكبر من المذكورة بكثير - بالاضافة الى ان تعداد مصر ( و ما حولها ) بالكامل لم يكن يصل الى هذا الحد وقتها
    أو رأس أبو الهول - والتى تزن حوالى 1000 طن و هى قطعة واحدة مستقلة نقلت من مكان اخر و رفعت .. و الكل يعلم ذلك جيدا .. و لكن هناك عقبة بسيطة .. ان هذا لايتحقق الا بواسطة 7 طائرات جامبو .. !! و كذلك تزن أى مسلة حوالى 300 طن .. وعندما سرقت من مصر بعضها .. احتاجت فى نقلها الى سفن ( حديدية )
    ثم .. أين هى قصورهم ؟ انها موجودة بالطبع - لمن يريد ان يشاهد - ولكن من الطين !!
    يعيشون فى جحور حقيرة من الطين .. و يبنون مقابرهم بهذا الاعجاز !!
    من المعروف ايضا ان أى بناء أو حضارة ترتقى و تتقدم مع مرور الزمن .. الا بناء الاهرامات !!
    حقا .. انها تصاغرت مع مرور الزمن .. لأن من قامو ببنائها تصاغروا أيضا .. وكذلك احجام التماثيل بالمعابد تصاغرت لأنها كانت تمثل الحجم الحقيقى لمن أنشأها
    يا اخوانى ان الصفقة فى غاية الوضوح .. يجب الا يكون هناك ما يسمى ب ( قوم عاد ) ارم ذات العماد التى لم يخلق ( و لن يخلق ) مثلها فى البلاد
    حيث ان المكونات نفسها غاية فى الضخامة و الاعجاز فى حين ان اى مبنى اخر فى الماضى او الحاضر - مهما عظم - مكوناته صغيرة الحجم..
    و لكن لماذا ؟؟
    حسدا من عند انفسهم .. لأن القران الكريم هو الكتاب الوحيد الذى تحدث عن قوم عاد وحضارات مماثلة أخرى ؛ و لم يرد ذكرها فى التوراة أو التلمود الذى كتبوه بأيديهم.. و من الواجب طبعا ان يتم صرف الاذهان بأى طريقة عن مسألة وجود قوم عاد.. لكى يستمروا فى السخرية منا !!
    ويجب ان يستمر عمر الانسان على الأرض 7000 سنة فقط كما تدعى كتبهم المزعومة - وليس 100 ألف عام كما نبأنا خاتم المرسلين

    ردحذف
  20. لقد قرأت كلاما وبعض الكتب عن بناة الاهرام ولكن الاقرب للتصديق وللعقل هو كلام الباحث محمد سمير عطا
    والذي يقول ان قوم عاد بناة الاهرام
    الكلام الذي يتفق مع العقل
    وسيبكم بقى من جن وجاذبية ونيلا وهم ما يتلم

    http://www.islamicdawa.org/
    وبشكر صاحب المدونة لك مني اجمل تحية

    ردحذف
  21. انا بصراحة فهمت بس مش اوي لكن خلونا نكون اصحاب عقول هو في بجد لعنة فراعنة ده الاصر فيكم

    ردحذف
  22. بصراحة انا استفت جدا

    ردحذف
  23. جزاكم الله خيرا

    ردحذف
  24. جزاكم الله خيرا

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم