الأربعاء، مايو 20، 2009

قرار جديد ..هنأمم المدونة

اخوانى واخواتى ، ابناء الشعب المصرى المكافح ،المدونون منكم والمدونات
انا خدت قرار مهم ولازم تعرفوه
من النهارضة ...الأسم الرسمى هيبقى اسلام جاويش
اما ..ديو.. هيبقى الاسم المستعار ، فكرت انى اشيله من حياتى بس مش هينفع لأنه بيحمل ذكريات ليا ربما تكون حلوة
الامتحان خلص على خير ، ورجعنا تانى ، من ناحية اسرار الفراعنة انا اهو بحافر فيها وبجمع لكم حاجات جديدة ،اما من ناحية طرووق فهو فى امتحانات دلوقتى ادعولوا بالشفا بقى ، ولما يرجع هيقولنا هو عمل ايه ، ويا جماعة انا وسحر غريب واحمد صباغ وبسمة عبد الباسط ومجموعة كبيييييييييرة جداً هنعملكم مفجأة جمييييييييلة جداً اسمها مجلة ميكانو ، ودا اللينك بتاع الجروب

النهارضة انا قولت مش هسيب البوست فاضى ، بس انا جايبلكم رسومات ارتجالية حلوة يارب تعجبكم
---------------------------------------







جميع الحقوق محفوظة لمدونة اصحى يا مصر

هناك 19 تعليقًا:

  1. الف مبروك التغيير
    التغيير حلو برده

    والرسومات جميلة طبعا
    بالتوفيق إن شاء الله

    ردحذف
  2. مبروك علي التأميم
    وكمان مبروك علي المجله

    ومبروك انك خلصت امتحانات بس امتحانات ايه اللي خلصت بدري اوي دي
    انت اممتها هي كمان
    الرسومات لطيفه

    ردحذف
  3. كل سنه وانت طيب بمناسبه نهايه الامتحانات ....وعقبال طرووووق
    المهم مجله ميكانو دى عماله اسمع عنها....لما تظهر باذن الله هات اللينك
    الرسومات جميله جدا
    دمت بخير....تقبل مرورى

    ردحذف
  4. مش عارفه اقول ايه
    بجد انا كنت بتكسف اجي هنا عشان لقيت حضرتك بطلت تيجي قلت يبقى مش حابب تكون في زماله تدوينيه

    بس بصراحه انا بحب مدونتك جدا وهعلق عندك حتى لو حضرتك مجيتش

    مبروك على التغيير
    ومستنين المفجأة

    وماشاء الله تبارك الله خلصت امتحاناتك انا لسا فاضلي شهر ونص واااااااااااااااء

    ربنا يعيني ويعين طروق

    والرسمات ابداع تبارك الله

    عقبالي لما اكون فنانه شاطره
    على فكره استغل موهبتك
    بأي طريقه

    تقبل مروري
    لك مني كل التقدير والاحترام

    ردحذف
  5. مبروك التأميم ياخويا

    ومبروك خلصت اكزمااااات ياحظك :((

    والف مبروك علينا وعليك المجله

    مستنيين بشووووووووووق

    ردحذف
  6. مبرووووووووووووووك انك خلصت الامتحانات

    وعلى التأميم :D

    والمجلة بقي عايزين نشوفها قريب

    اما الرسومات فإبداع بجد

    رسوماتك حلوة اوى انا كنت مفكراك بترسم كاريكاتير بس

    ردحذف
  7. طب مفهمتش ياعنى موضوع التاميم ده في فلوس ياعنى ولا هنطلع كده من غير حاجه

    وبعدين تعالى هنا انت لحقت خلصت امتحنات عموما بالشفا قصدى بالنجاح
    عقبال طاروقه كده يارب

    تقبل مرورى

    ردحذف
  8. السلام عليكم

    ازيك أستاذ اسلام

    ايه ياعم الحاجات الحلوة دي كلها

    والله بجد مجهودك رائع وبارك الله فيك

    ومبروك على التأميم .. بس انا كنت منتظرك تعمل له حفلة زي بتاعة تأميم قناة السويس وتقول :

    قرار من رئيس الجمهورية بتأميم اللللل.. الخ ههههههههههههه

    والرسومات رائعة بالفعل سلمت يداك يابطل

    مزيد من التوفيق

    في حفظ الله

    ردحذف
  9. بسم الله الرحمن الرحيم
    السلام عليكم ورحمة الله وبركاته
    اسلام الفنان
    تحياتى
    اولا مبروك انتهاء الامتحانات
    (ولو انا مش عارف امتحانات ايه اللى خلصت بدرى كده دى !!!!!!ماعلينا)
    ثانيا ايه بقى سر التغيير من ديو لجاويش ؟؟؟(طول عمرى فضولى ومش هقدر ابطل)
    ثالثا مبروك المجله ويارب دايما من نجاح لنجاح
    تقبل مرورى وتحياتى
    ودمت بكل خير وود
    والسلام عليكم ورحمة الله وبركاته

    ردحذف
  10. خلصت امتحاااااااااانات لا بجد هعيط داخلة احسدك ابقى خلى مامتك تبخرك اوعى تنسى ده ايه الناس اللى ماشاء الله عليها دى سريعة فى الامتحانات بجد أخر سنة فى الجامعة دى تطلع الروح يالا ربنا يعديها على خير على الجميع وربنا يوفقك

    دمت بكل خير

    ردحذف
  11. اسلام جاويش
    اسلام ديو
    والله بنحبك
    حتى لو سميت نفسك اسلام ابو لهب
    جميله الرسومات
    وفى انتظار الجديد

    ردحذف
  12. صباحك سكر

    حمد لله على السلامة يا إسلام
    والف مبروك على التاميم وجعل المدونة مدونة مصرية مساهمة

    يالا الحمد لله انتهت الامتحانات على خير بس امتحانات ايه دى اللى هوب هوب خلصت دى ناس سريعة بقى

    ربنا يعينك يا طرووق يارب

    الف مبروك على المجلة واحنا فى انتظارها ان شاء الله

    رسوماتك حلوة اوى تسلم ايدك
    تحياتى
    يويو

    ردحذف
  13. حاضر هدخل و اشوف المفاجئة
    على فكرة بيعجبنى رسمك

    ردحذف
  14. مبروووووووك التغيير
    والرسومات راااااااائعه
    ما شاء الله موهبة جميله
    اتمنى نشوف رسومات تانيه كمان

    ردحذف
  15. ازيك ويارب تكون حليت كويس فى الامتحانات وتكون النتيجه بخير مبروك على المجله ويارب تنجح وتكسر الدنيا والصور بجد جميله تسلم ايدك ايد فنان بجد ....rock...

    ردحذف
  16. اولا مبروك المجله
    ومبروك نهايه الامتحانات
    وعقبالنا
    ومدونتك اكثر من رائعه
    تحياتى
    رامى واصل

    ردحذف
  17. نعيماً:)
    ومبروك النجاح
    بأذن الله تعالى:)

    ردحذف
  18. بما ان التغير مطلب فا مبررررروك على الاسم الجديد وعلى فكره فكرة الجروب جميله
    http://kot-cha.blogspot.com/

    ردحذف
  19. مبروك التغيير

    الرسومات حلوه

    بس الملامح تخوف شوي :)

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم