الأحد، يوليو 12، 2009
كراتين اثرت فينا .. -- البوكيمون وكابتن ماجد
|
ازيكم وعاملين ايه؟؟ بعد ما طلعنا من مواجهة حشاش ، اللى فات دا ، وبعد التأهب لعودة ســــــــــى طرووق ، جبتلكم بوست بيتكلم عن حاجة معينة كان نفسى من زمان احكيهالكم بس مجاش الوقت ولله غير الايام دى انى احكيهالكم بقى واحنا صغيرين ... يعنى 10 سنين كدة ، بطلنانتفرج على توم وجيرى اعتقاداً بأنه بقى للأطفال خلاص الصغنططين وان احنا كبرنا وعايزين نتفرج على كارتون للكبار اللى زيينا :)) ، وكان اياميها مشهور اوى ثورة الكارتون اليابانية واللى كانت من اهمها : مازنجر
الكابتن ماجد من اشهر العبارات : كرة الصقر المزدوجة لما باسم كان بيرخم عليه كان بيأجل الجون للحلقة اللى بعده النمر المقنع  امتازت النمر المقنع حلقاته بين الحقيقة والخيال ، بس مقتنعش ان فيه دلوقت ، اصل لو واحد شاف كلب هيقوم يجرى ، بيقولوا بقى ان النمر المقنع صارع نمر وعمل مغامرات علشان ياخد قناع النمر واتصاحب على نمر وحارب اسود وكام ديب كدةمن اشهر العبارات : سأنهى على عصابة محاربين الفضاء البوكيمون  الكارتون دا كان المكسب الوحيد لشركات البطاطس الشيبسى ، العيال ياعينى ادمنوا الشيبسى علشان يجمعوا البوكيمونات ، والمفروض علشان تجمع كل البوكيمونات ان انتا تدور على صاحب البوكيمونات دى كلها اللى هو اش ، ولو مش لاقيته يبقى انتا كدة معرفتش تعمل حاجة الكارتون اللى اتسبب فى جنون اكتر من 20 الف طفل حول العالم ، وبعد مشاكل وقف بثة فى مصر من اشهر العبارات : دمرهم يا بيكاتشو ---- يــــتـــبــع اشوفكم فى بوست اخر جميع الحقوق محفوظة لمدونة اصحى يا مصر التسميات: لا تعليق |
اول تعليق الله
الله انا بحب اووى الكرتونات دى
وبالذات بيكومون
وكابتن ماجد
اما ل ياراجل مش جبت كابتن رابح لية..؟؟
ههههههههههههههههههه
البوست هااايل
بس بجد الكرتونات دى بتدمر مخ الاطفال..
تانى تعليق
ربنا يجزيك خير يا طارق
فكرتنا بايام جميلة تعرف سنين من غير مااقدر اتفرج على كارتون
بجكانت بتبقى لحظات فى الخيال بنعيشها بادق تفاصيلها
لكن المه انه كان فى وعى يقول لنا الفرق بين الخيال والواقع وليس كمثل الوالدين المشغولين عن ابنائهم هذه الايام
والذين انتهى الحال باطفالهم الى تقيلدهم تقليدا اعمى ووصل الامر ببعض الاطفال الى القفز من النوافذ
معلش احنا اقدم شويه
يعنى اخر حاجه شفتها وانا صغير كابتن ماجد
بس الحمد لله
لسه لغايه دلوقتى بتفرج على تزم وجيرى على mbc3
ادمان بقى
هههههههههههههه
انا بموت فيهم كلهم
او كنت يعني :D
ماعدا مازنجر ده عمرررري ماشفته والله
بس ضحكت ضحـــــــــك ع كابتن ماجد
كن بيجيب الجون على مدار 6-7 حلقات
ههههههههههههههههههه
والله انت عسل يا اسلام
مستنيين البوست الجاي
وبعدين هو انت ليه مش بتكتب ف مدونتك التانيه
ههههههههههههه
انا وصغيرة مكنتش بتفرج على كرتون اصلا
انما دلوقتى بشوفه اجبارى عشان اخويا
عن نفسى بموووووت فى كرتون عهد الاصدقاء وريمى
المشكله ان الكارتونات دي مالهاش دعوه بينا خالص والا بحضارتنا والا مجتمعنا والا عادتنا والا تقاليدنا والا دينا
وطبعا المفروض ان الطفل بيتكون نفسيا وفكريا في المرحله دي
ازاي بقا نسمح بكده
انا شخصيا ماخالتش بناتي يتفرجوا علي العته ده اصلا
السلام عليكم و رحمة الله و بركاته
صحححححححححح
عندك حق
انا كنت باتفرج على مازنجر و النمر المقنع
و شوية كابتن ماجد بس ماكنتش باحبه
بوكيمون بئه ماشفتوش
بس انا باوافق شمس النهار فى اللى قالته
و نفسىفعلا نعمل احنا كارتون هادف لاطفالنا يعلمهم القيم بدل ماهو طالع مش عارف حاجة
نفسى بجد
سلااااااااام
يااااااااااااااة فكرتنى بالذى مضى فاكر افروديت وصاوريخها ولا الضربة المذوجة فى الكابتن ماجد وعمر الاهبل الى كان معاة ولا ماما نجوى وبقلظ كانت ايام حلوة والله
يالهووووووووووى يانى عليك
ماتفكرنيش انا كنت مجنونة كرتون الوقتى لو شفته مش باخد بالى والله يا اسلام
تحياتى
اسلام باشا
فكرتنا بأيام زمان
ربنا يسعدك دايما
انا كنت مدمنة مازنجر :D
بس لما خلصتوا دخلت على عروسة البحر
وبعد كده سابق ولاحق كنت بتفرج عليه وانا فى ثانوى
طبعا انا تقدمت كده عنكوا
حتى فاتنى بكار
السلام عليكم
والله انا شخصيا لحد دلوقتي بتفرج على مسلسلات كرتون بس
ارقى شوية من دي وعلى فكرة في كابتن ماجد التاني كان اسمو بسام مش باسم
على العموم اتمنى يكون في كرتون خاص بينا وراقى كمان
لعلمك بقي انا مكنتش بتفرج علي كل الكارتون اللي بره ده :))))
ولحد دلوقتي مش بتفرج غير علي توم اند جيري .. ولما يبقي عندي 60 سنه برضو هتفرج عليه :))))))))))
على فكرة
انا لسه محتفظة بيها
ولما بتعب من الشغل او المذاكرة بتفرج
عليها وبحس فى العالم دا براحة
ملهاش حدود وبقدر استمد قوتى منه
هههههههههههههههههههههه
بجد مش هزار
ليهم تاثير عجيب علينا
أمال فين كعبول والقط مشاكس..ههههه رايق وربنا
ابتدينا
وبتمني تشاركنا
وتكون معانا
في
آفشنا حرامي
في انتظارك
السلام عليكم
نعم هذه الافلام الكرتونية أثرت فينا من قبل وتؤثر في أولادنا
لذلك علينا أ نختار ما يناسب قيم مجتمعنا وحياتنا
لنربي نشأ علي ما نريد نحن ولا ما يريده صانع تلك الافلام الكرتونية
هههههههههههههههه
فكرتنا بالذي مضى يا اسلام
انا كنت عااااااشق لماذنجر بشكل غير عادي
وكنت بأعيد تمثيل الحلقات مع اصدقائي واحنا صغار سنا ، خد بالك انا كنت صغير
مش مولود كبير كده
ههههههههههههههههه
دمت في تميز
ههههههههههههه
هههههههه
ههههههه
اسلام موضوعك يجنن
انا عماله اضحك وافتكر مش قادرة بجد
بس انا من جيل ماسنجر وماجد بس
ماليش فى البوكيمون
والله رجعتنى لايام جميلة
اطفال اطفال
دلوقتى مافيش اطفال
تحياتى للدماغ الجامدة
انا بشكرك جداااا علي البوست ده
مش علشان فكرني بذكريات جميلة وبس
لاء علشان انا بعشق الكارتون لغاية دلوقتي
ومينفعش يعدي يوم وانام من غير ا اتفرج علي ديزني او سبيس تون او اي قناة ليها علاقة بالكارتون
عالم تاني من الخيال
بجد الاطفال بيكونو في نعمة هما مش حاسين بيها
ومش يحسها غير الاطفال اللي زيي
هههههههههه
تسلم ايدك
سلام
ياااااااااااااااااااة
ذكرتنا بالذى مضى يا اسلام
بس الكراتين دى بالنسبة لكراتين اليومين دول
فرق شاسع
دا العيال دماغها باظت خلاص من الكراتين بتاعة اليومين دوووووووول
وبالذات القنوات المتخصصة فى كراتين ..والواد من دول تلاقية قاعد مبحلق فى الشاشة يجى بالعشر ساعات ..لما اتلحسوا ياعينى
تحياتى
والله فكرتنى بالأيام اللى كنا فيها عيال وقعدين مستنين الكرتونات اللذيذة
حلوة يا اسلام بجد فكرتنى بأحلى الأيام الواحد ساعتها مكانش شايل هم الدنيا ولا حاجة وبالنسبة لتوم وجرى أحب أطمنك انى لسه من عشاقهم اوعى تقول لحد ده سر
ولا انا كده اتفضحت
ههههههههه
دمت بكل الخير والسعادة
نحن فى انتظارك دوما
البداية بدات اليوم
ونتمنا نشر لينك هذه المدونة بين كل اصدقائك
وتقوم بوضع لينك المدونة على قائمة المدونات بمدونتك للتواصل الدائم
مع تحياتنا
آفشنا حرامى
السلام عليكم
اولا ازيك يا سمسم ليك وحشه والله انت وطرووووق وسلام كبير لطروق
اما بالنسبه للكراتين دى كلها كنت بتفرج عليها او كلنا الشله يعنى وكانت بتمثل لنا اكثر من نصف الكلام بينا وكنا بنتوقع كابتن ماجد لو مكانى مثلا كان عمل ايه ولو انا ماهر كنت عملت ايه فى وحش النهارده وكنا بنقدر نقيم الحلقات
يلا فكرتنا بالذى مضى بس والله اللى مضى وياريت يرجع تانى ولو انه مستحيل ان الماضى يرجع تانى لأنه ببساطه اصبح مااااضى
تحياتى واعتذر للتأخير
وسلامى لطروق
هههههههههههههه البوست ده هقرا لابنى
هيفرح بيه قوى
اسكت يا ديو ده كان مازنجر ده عامل فى مخى عمايل
فاكر الاغنييه مازنجر مازنجر مش فاكره الباقى
ايام بئه
ولاا فيه كارتون مصرى علم معانا
ده دليل على ضعف الصناعه دى فى بلدنا صاحبة م
مدينة الانتاج الاعلامى
السلام عليكم / فكرتنا بأيام زمان فعلاً وقتها كنا مبهورين بيهم ودلوقتى نضحك على طبيعة سير الأحداث الهزليه اللى كانت بتحتوى عليها الحلقات ...
تحياتى .
نسيت أذكر بعض البرامج القديمه المصريه الجميله اللى أثرت فينا وياريتها تعود .
بابا ماجد ، سينما الأطفال وماما ساميه ، بقلظ وماما نجوى ، بوجى وطمطم .... وغيرهم من البرامج الهادفه اللى نفتقد وجودها الآن .
ولا عزاء لأطفال هذا الزمان !