الأحد، يوليو 12، 2009

كراتين اثرت فينا .. -- البوكيمون وكابتن ماجد

ازيكم وعاملين ايه؟؟
بعد ما طلعنا من مواجهة حشاش ، اللى فات دا ، وبعد التأهب لعودة ســــــــــى طرووق ، جبتلكم بوست بيتكلم عن حاجة معينة كان نفسى من زمان احكيهالكم بس مجاش الوقت ولله غير الايام دى انى احكيهالكم بقى
واحنا صغيرين ... يعنى 10 سنين كدة ، بطلنانتفرج على توم وجيرى اعتقاداً بأنه بقى للأطفال خلاص الصغنططين وان احنا كبرنا وعايزين نتفرج على كارتون للكبار اللى زيينا :)) ، وكان اياميها مشهور اوى ثورة الكارتون اليابانية واللى كانت من اهمها :
مازنجر


اول اختراع لتكوين انسان الى ، كانوا بيضحكوا علينا من ابو اخر
، من اشهر العبارات : انطلق يا مازنجر

مانجحر كان من اشهر افلام الكارتون وقتها ، او بمعنى اخر يعنى قبل ما يموت مسلسل الاطفال المصرى تعلوبنا ، اتعمله اعلانات كتير اوى عن الشخصية الانسان الالى اللى بتتحرك وبتنقسم ل 100 حتة وكنا بنحس بأستمتاع مفرط واحنا بنتفرج عليه

الكابتن ماجدالكابتن ماجد ، كن بيجيب الجون على مدار 6-7 حلقات ، ومن العجيب ان الجون كان بيجى من تسديدة فى وسط المعلب او من حارس المرمى !! ، ومن المشهور برضة انه لحظة تسديد الهدف كان يقعد يفتكر حبيبته وصحابة كأنه بيموت .

من اشهر العبارات : كرة الصقر المزدوجة

لما باسم كان بيرخم عليه كان بيأجل الجون للحلقة اللى بعده




النمر المقنع
امتازت النمر المقنع حلقاته بين الحقيقة والخيال ، بس مقتنعش ان فيه دلوقت ، اصل لو واحد شاف كلب هيقوم يجرى ، بيقولوا بقى ان النمر المقنع صارع نمر وعمل مغامرات علشان ياخد قناع النمر واتصاحب على نمر وحارب اسود وكام ديب كدة
من اشهر العبارات : سأنهى على عصابة محاربين الفضاء



البوكيمون

الكارتون دا كان المكسب الوحيد لشركات البطاطس الشيبسى ، العيال ياعينى ادمنوا الشيبسى علشان يجمعوا البوكيمونات ، والمفروض علشان تجمع كل البوكيمونات ان انتا تدور على صاحب البوكيمونات دى كلها اللى هو اش ، ولو مش لاقيته يبقى انتا كدة معرفتش تعمل حاجة
الكارتون اللى اتسبب فى جنون اكتر من 20 الف طفل حول العالم ، وبعد مشاكل وقف بثة فى مصر
من اشهر العبارات : دمرهم يا بيكاتشو
---- يــــتـــبــع
اشوفكم فى بوست اخر








جميع الحقوق محفوظة لمدونة اصحى يا مصر

هناك 29 تعليقًا:

  1. اول تعليق الله


    الله انا بحب اووى الكرتونات دى
    وبالذات بيكومون
    وكابتن ماجد
    اما ل ياراجل مش جبت كابتن رابح لية..؟؟
    ههههههههههههههههههه
    البوست هااايل

    بس بجد الكرتونات دى بتدمر مخ الاطفال..

    ردحذف
  2. تانى تعليق
    ربنا يجزيك خير يا طارق

    فكرتنا بايام جميلة تعرف سنين من غير مااقدر اتفرج على كارتون

    بجكانت بتبقى لحظات فى الخيال بنعيشها بادق تفاصيلها
    لكن المه انه كان فى وعى يقول لنا الفرق بين الخيال والواقع وليس كمثل الوالدين المشغولين عن ابنائهم هذه الايام
    والذين انتهى الحال باطفالهم الى تقيلدهم تقليدا اعمى ووصل الامر ببعض الاطفال الى القفز من النوافذ

    ردحذف
  3. معلش احنا اقدم شويه
    يعنى اخر حاجه شفتها وانا صغير كابتن ماجد
    بس الحمد لله
    لسه لغايه دلوقتى بتفرج على تزم وجيرى على mbc3
    ادمان بقى

    ردحذف
  4. هههههههههههههه

    انا بموت فيهم كلهم

    او كنت يعني :D

    ماعدا مازنجر ده عمرررري ماشفته والله

    بس ضحكت ضحـــــــــك ع كابتن ماجد

    كن بيجيب الجون على مدار 6-7 حلقات

    ههههههههههههههههههه

    والله انت عسل يا اسلام

    مستنيين البوست الجاي

    وبعدين هو انت ليه مش بتكتب ف مدونتك التانيه

    ردحذف
  5. ههههههههههههه

    انا وصغيرة مكنتش بتفرج على كرتون اصلا

    انما دلوقتى بشوفه اجبارى عشان اخويا

    عن نفسى بموووووت فى كرتون عهد الاصدقاء وريمى

    ردحذف
  6. المشكله ان الكارتونات دي مالهاش دعوه بينا خالص والا بحضارتنا والا مجتمعنا والا عادتنا والا تقاليدنا والا دينا
    وطبعا المفروض ان الطفل بيتكون نفسيا وفكريا في المرحله دي

    ازاي بقا نسمح بكده
    انا شخصيا ماخالتش بناتي يتفرجوا علي العته ده اصلا

    ردحذف
  7. السلام عليكم و رحمة الله و بركاته


    صحححححححححح
    عندك حق

    انا كنت باتفرج على مازنجر و النمر المقنع
    و شوية كابتن ماجد بس ماكنتش باحبه

    بوكيمون بئه ماشفتوش


    بس انا باوافق شمس النهار فى اللى قالته
    و نفسىفعلا نعمل احنا كارتون هادف لاطفالنا يعلمهم القيم بدل ماهو طالع مش عارف حاجة
    نفسى بجد



    سلااااااااام

    ردحذف
  8. يااااااااااااااة فكرتنى بالذى مضى فاكر افروديت وصاوريخها ولا الضربة المذوجة فى الكابتن ماجد وعمر الاهبل الى كان معاة ولا ماما نجوى وبقلظ كانت ايام حلوة والله

    ردحذف
  9. يالهووووووووووى يانى عليك
    ماتفكرنيش انا كنت مجنونة كرتون الوقتى لو شفته مش باخد بالى والله يا اسلام

    تحياتى

    ردحذف
  10. اسلام باشا
    فكرتنا بأيام زمان
    ربنا يسعدك دايما

    ردحذف
  11. انا كنت مدمنة مازنجر :D

    بس لما خلصتوا دخلت على عروسة البحر

    وبعد كده سابق ولاحق كنت بتفرج عليه وانا فى ثانوى


    طبعا انا تقدمت كده عنكوا

    حتى فاتنى بكار

    ردحذف
  12. السلام عليكم
    والله انا شخصيا لحد دلوقتي بتفرج على مسلسلات كرتون بس
    ارقى شوية من دي وعلى فكرة في كابتن ماجد التاني كان اسمو بسام مش باسم
    على العموم اتمنى يكون في كرتون خاص بينا وراقى كمان

    ردحذف
  13. لعلمك بقي انا مكنتش بتفرج علي كل الكارتون اللي بره ده :))))


    ولحد دلوقتي مش بتفرج غير علي توم اند جيري .. ولما يبقي عندي 60 سنه برضو هتفرج عليه :))))))))))

    ردحذف
  14. على فكرة

    انا لسه محتفظة بيها

    ولما بتعب من الشغل او المذاكرة بتفرج

    عليها وبحس فى العالم دا براحة

    ملهاش حدود وبقدر استمد قوتى منه

    هههههههههههههههههههههه

    بجد مش هزار

    ليهم تاثير عجيب علينا

    ردحذف
  15. أمال فين كعبول والقط مشاكس..ههههه رايق وربنا

    ردحذف
  16. ابتدينا

    وبتمني تشاركنا

    وتكون معانا

    في

    آفشنا حرامي

    في انتظارك

    ردحذف
  17. السلام عليكم

    نعم هذه الافلام الكرتونية أثرت فينا من قبل وتؤثر في أولادنا

    لذلك علينا أ نختار ما يناسب قيم مجتمعنا وحياتنا
    لنربي نشأ علي ما نريد نحن ولا ما يريده صانع تلك الافلام الكرتونية

    ردحذف
  18. هههههههههههههههه

    فكرتنا بالذي مضى يا اسلام

    انا كنت عااااااشق لماذنجر بشكل غير عادي

    وكنت بأعيد تمثيل الحلقات مع اصدقائي واحنا صغار سنا ، خد بالك انا كنت صغير

    مش مولود كبير كده
    ههههههههههههههههه

    دمت في تميز

    ردحذف
  19. ههههههههههههه
    هههههههه
    ههههههه
    اسلام موضوعك يجنن
    انا عماله اضحك وافتكر مش قادرة بجد

    بس انا من جيل ماسنجر وماجد بس
    ماليش فى البوكيمون

    والله رجعتنى لايام جميلة
    اطفال اطفال
    دلوقتى مافيش اطفال

    تحياتى للدماغ الجامدة

    ردحذف
  20. انا بشكرك جداااا علي البوست ده
    مش علشان فكرني بذكريات جميلة وبس
    لاء علشان انا بعشق الكارتون لغاية دلوقتي
    ومينفعش يعدي يوم وانام من غير ا اتفرج علي ديزني او سبيس تون او اي قناة ليها علاقة بالكارتون
    عالم تاني من الخيال
    بجد الاطفال بيكونو في نعمة هما مش حاسين بيها
    ومش يحسها غير الاطفال اللي زيي
    هههههههههه
    تسلم ايدك
    سلام

    ردحذف
  21. ياااااااااااااااااااة
    ذكرتنا بالذى مضى يا اسلام

    بس الكراتين دى بالنسبة لكراتين اليومين دول
    فرق شاسع
    دا العيال دماغها باظت خلاص من الكراتين بتاعة اليومين دوووووووول

    وبالذات القنوات المتخصصة فى كراتين ..والواد من دول تلاقية قاعد مبحلق فى الشاشة يجى بالعشر ساعات ..لما اتلحسوا ياعينى

    تحياتى

    ردحذف
  22. والله فكرتنى بالأيام اللى كنا فيها عيال وقعدين مستنين الكرتونات اللذيذة

    ردحذف
  23. حلوة يا اسلام بجد فكرتنى بأحلى الأيام الواحد ساعتها مكانش شايل هم الدنيا ولا حاجة وبالنسبة لتوم وجرى أحب أطمنك انى لسه من عشاقهم اوعى تقول لحد ده سر

    ولا انا كده اتفضحت
    ههههههههه

    دمت بكل الخير والسعادة

    ردحذف
  24. نحن فى انتظارك دوما

    البداية بدات اليوم

    ونتمنا نشر لينك هذه المدونة بين كل اصدقائك

    وتقوم بوضع لينك المدونة على قائمة المدونات بمدونتك للتواصل الدائم

    مع تحياتنا

    آفشنا حرامى

    ردحذف
  25. السلام عليكم

    اولا ازيك يا سمسم ليك وحشه والله انت وطرووووق وسلام كبير لطروق
    اما بالنسبه للكراتين دى كلها كنت بتفرج عليها او كلنا الشله يعنى وكانت بتمثل لنا اكثر من نصف الكلام بينا وكنا بنتوقع كابتن ماجد لو مكانى مثلا كان عمل ايه ولو انا ماهر كنت عملت ايه فى وحش النهارده وكنا بنقدر نقيم الحلقات
    يلا فكرتنا بالذى مضى بس والله اللى مضى وياريت يرجع تانى ولو انه مستحيل ان الماضى يرجع تانى لأنه ببساطه اصبح مااااضى

    تحياتى واعتذر للتأخير
    وسلامى لطروق

    ردحذف
  26. هههههههههههههه البوست ده هقرا لابنى

    هيفرح بيه قوى

    اسكت يا ديو ده كان مازنجر ده عامل فى مخى عمايل

    فاكر الاغنييه مازنجر مازنجر مش فاكره الباقى

    ايام بئه

    ولاا فيه كارتون مصرى علم معانا
    ده دليل على ضعف الصناعه دى فى بلدنا صاحبة م
    مدينة الانتاج الاعلامى

    ردحذف
  27. السلام عليكم / فكرتنا بأيام زمان فعلاً وقتها كنا مبهورين بيهم ودلوقتى نضحك على طبيعة سير الأحداث الهزليه اللى كانت بتحتوى عليها الحلقات ...
    تحياتى .

    ردحذف
  28. نسيت أذكر بعض البرامج القديمه المصريه الجميله اللى أثرت فينا وياريتها تعود .
    بابا ماجد ، سينما الأطفال وماما ساميه ، بقلظ وماما نجوى ، بوجى وطمطم .... وغيرهم من البرامج الهادفه اللى نفتقد وجودها الآن .
    ولا عزاء لأطفال هذا الزمان !

    ردحذف
  29. شكرا على الموضوع والله انت فكرتنى بكراتين زمان و خصوصا بوكيمون انا كنت بموت فى الانمى ده وانا كان عندى 7 سنين كنت ارجع من المدرسة اتفرج عليه حتى جائت شائعة تقول ان البوكيمون يهودى كيف ذلك وان بوكيمون انمى والانمى من اليابان وليس من اسرائيل وكمان سمعت انهم قالو ان اسماء البوكيمونات حرام حتى اصدرت فتوى على تحريم البوكيمون حيث قالو ان بيكاتشو pikachu تعنى كن يهوديا يسلام اسماء البوكيمونات ليس فيها حرام لان بيكاتشو pikachu كلمة يابانية مشتقة من كلمتين بيكا pika و تشو chu وسأقول معناها الحقيقى بعد ترجمتى لها بيكا pika تعنى فأر بالغة اليابانية و تشو chu تعنى صعقة كهربائية بالغة اليابانية اذا بيكاتشو pikachu تعنى الفأر الكهربائى باليابانية نسبة له لانه فأر يطلق صواعق كهرابائية وايضا سكويرتل squretle حيث قالو ان معناها لا نعم فى الحياة يا سلام على الذكاء سكويرتل squretle كلمة اجنبية مشتقة من كلمتين سكوير squre و تل tle ولقد ترجمتها وهى كلمة بسيطة جدا سكوير squre تعنى مربع بالاجنبية و تل tle اختصار لكلمة سحلفاة turtle با الاجنبية اذا سكويرتل squretle تعنى السحلفاة المربعة بالاجنبية نسبة له لانه سحلفاة صغيرة مربعة الشكل اترون جميع اسماء البوكيمونات مشتقة من اسماء حيوانات بالغة اليابانية و بالغة الاجنبية ومعظم الكلمات بالغة الاجنبية وبعض الكلمات بالغة اليابانية اذا معنى ذلك ان اسامى البوكيمونات ليس فيها حرام اذا ما معنى ذلك معناه انها شائعة جائت من احد الاشخاص كان حاقدا على البوكيمون بسبب شهرته الواسعة واراد ان يوقف شهرة المسلسل مثل اى مسلسل يشتهر يوقفوه عند حده حت كتب هذه الشائعة الكاذبة حتى صدقها معظم الناس والشيوخ حتى اصدرو فتوى بتحريم البوكيمون لمفروض علينا اننا اما نسمع حاجة لازم تتحقق منها مش لازم نسمع حاجة ومنتحققش منها لانى اما سمعت بهذه شائعة لم اصدق وبحثت وترجمت بنفسى حتى علمت الحقيقة واذا كنتم تريدون مزيد من المعلومات ساحضرها لكم حتى ادافع عن هذا الانمى البريئ لانى قلت فقط الاختصار لان الحقيقة اكثر من ذلك
    وشكرا كثيرا على البوست

    ملاحظة:كلمة بوكيمون pokemon التى كان يقولون ان معاناها انا يهودى ماهى الا كذبة عرفت ذلك عندما لاحظت ان اسم المسلسل فى اليابان بوكيت مونسترز pocket monsters عندما شاهدت احدى حلقات المسلسل فى اللغة اليابانية وكلمة بوكيمون pokemon هى اختصار لهاتين الكلمتين لان الشركة الامريكية العالمية فور كيدز 4kids قامت باختصار الكلمتين حتى اصبحت بوكيمون pokemon فأرجو عدم تصديق هذه الشائعة الكاذبة

    وشكرا جزيلا على الموضوع

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم