الجمعة، سبتمبر 04، 2009

حد ليه شوق ..ف حاجة؟؟



نظراً للتطاول المستمر ، والذى بدء فى اواخر السبعينات ، من تطاول ايدى رجال الاعمال واصحاب رؤوس الاموال فى امور السلطة .. جعل من السلطة (سلاطة) .

بس نرجع بقى ونقول ..؟؟ ، هو مين اللى ادا اتاحة الفرصة.. ؟؟ لتطاول الناس دى على السلطة ؟؟

مين اللى خلا احمد عز يحتكر الحديد ويبقى امين سياسات الحزب الوطنى :))؟؟

مين اللى خلا هشام طلعت مصطفى يحول صحراء الى منجم دهب ؟؟

ميين اللى خلا حسين سالم يتعاقد مع الصهاينة فى اكبر صفقة غاز اللى اتنصب علينا فيها ؟؟

مين اللى خلا ممدوح اسماعيل ويديله تصريح بقتل ما يقرب من 1500 شخص غرقاً واكلاً من الاسماك؟؟

مين اللى خلا يحصل يحصل تحت قبة مجلس الشعب الكثير من الفساد والفساد ؟؟

مين اللى خلا مجلس الشورى يتحرق ؟؟ وايه مصلحته ؟؟

دى كلها اسئلة شعب ، ياريت ولله لو كنت قادر اكتب كمان بس المشكلة ان احنا لو كتبنا هنكتب كتير اوى ومش هنخلص ، من انجازات مصر فى اول التمانينيات الى حد الأن .

كلنا نعرف كويس ان فى 3 طبقات فى الهرم ( الطبقة العليا - الوسطى - الدنيا) وللأسف دلوقتى يأما العالى عاااااااااااااااااااااااالى اوى ، يأما الفقير فقييييييييييييييييييييييير اوى (احدى نظريات الفساد) وهذا هو المطلوب اثباته .

للأسف القلم نشف من البكاء ، فأضطر ان يحبى وهو يتلفظ بأخر كلماته

ربنا ف عونك يا مصر


نكمل البوست الجاى ، لسة المسيرة منتهتش



جميع الحقوق محفوظة لمدونة اصحى يا مصر

هناك 21 تعليقًا:

  1. و مين
    اللى هرب هدى عبد المنعم
    و رجعها دلوقتى
    ؟!!!

    ردحذف
  2. مهوا ده الفكر الجديد
    الفكر اللي انت ولا انا ولا أي حد يفهمه
    طبعا مش عشان في مشكله في الفكر
    اصلاقا
    الفكر اكيد صح
    واحنا اكيد اللي غلط

    انت سمعت عادل امام في مسرحية الزعيم
    لما بيدعي ان كل اشعوب تختفي ويفضل الرؤساء عشان احنا منستهلمش

    لك الله يامصر

    ردحذف
  3. لا حول ولا قوه الا بالله
    لا واكتر من كده
    وسبحان الله علينا شعب !!!!!!!!!!

    قادر يعيش ويتعايش

    ردحذف
  4. نعمل ايه بقى ادينا مستحملين

    وكل يوم يطلعولنا ببلوه جديده

    ربنا معانا ويصبرنا

    تحياتى

    ردحذف
  5. ههههههههه
    ربنا فى عونك يا مصر
    وليسه وليسه وليسه
    الله حى التانى جى
    لنا الله

    ردحذف
  6. مصر بجد يااسلام ربنا يعين مصر
    والله الواحد لسا ماكملش شهرين وتعب من العيشة في مصر ربنا يعينا

    تقبل خالص تحياتي

    كل سنة وانت طيب

    ردحذف
  7. الاجابة احنا ....ايوة احنا عشان طول عمرنا حاطين جزمة باتا في بقنا وما بنتكلم ....ولو اتكلمنا بنزعق ....ولو زعقنا محدش بيسمع...شوف يا سيدي الظاهر مع التطور حولنا بقدرة قادر الصفات دي لجينات وورثناها ولو دورت في الخريطة الوراثية ح تلاقى اسم باتا قاعد ومربع في الجينوم بتاعنا ...طول عمرنا كدة وحنفضل كدة ...في التاريخ القديم والحديث ..وكل من هب ودب استمتع بحكمنا وطلع عين ابونا ومحدش فتح بقه... الليبيين ..الهكسوس ..العرب .. المماليك ..الترك ..الانجليز واحتلال الداخلي العسكري وهلما جرا....بصراحة مفيش امل وح نفضل كدة
    ومهما تعمل ح يفضل باتا كاتم على بقنا وحتى لو اتباع فهو محفور جوانا....كل باتا وانت طيب

    ردحذف
  8. ياااااااااااااااااااه
    تصدق من اسهل الأسئله
    صدقنى
    عارف المثل بتاع
    يا فرعون ايه فرعنك
    اهو هو ده الاجابه
    الشعب
    احنا
    طول ما احنا ساكتين عمر ما اى حاجه هتتغير

    تحياتى دوما

    ردحذف
  9. حسبى الله ونعم الوكيل

    مش عارفة هنفضل مستحميلن لحد امتى

    وليه دا كله بالزمة دا يرضى مين

    وبعدين ايه اخرة دا كله

    كله غلط فى غلط ومحدش بينطق ولا بيتكلم

    واللى يحاول قول عليه يارحمن يارحيم

    ردحذف
  10. السلام عليكم / للأسف العيب فينا شعب سلبى وذليل عايز يعيش وخلاص !!!

    اتعلمنا على مر التاريخ الذل والانكسار واعتادنا الحياة الغير كريمه .

    أشعر بالغيره والقهر فى مشاهدة انجازات باقى الدول وبنيانها وتطورها ... وكأننا فى كوكب آخر .

    شاهد برنامج " خواطر شاب " على الرسالة أو mbc أو فور شباب لترى العجب على كوكب اليابان .

    ردحذف
  11. للاسف الواقع كدا فعلا وافظع من كدا

    السلام عليكم
    صوما مقبولا وافطارا شهيا ويعيد الله عليكم رمضان بكل خير

    كل سنه وانت بخير وعيد سعيد ويعيده الله عليك بالخير واليمن والبركات

    ردحذف
  12. طب فاضل إيه من المفسدات ؟
    نفكر مع بعض !!!

    ردحذف
  13. الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل

    ** بيرم المصري

    ردحذف
  14. كل سنة و انت طيب
    و عيد سعيد عليك يارب ان شاء الله

    طبعا انا مش هأناقش و لا أرد
    لأن الاجابة تظل مفتوحة غير معلومة تحديدا

    لكن فى انتظار البوست القادم


    دمت بكل خير

    ردحذف
  15. كل عام و انتم بخير
    عيد سعيد يا مصر

    ردحذف
  16. كل سنة و حضرتك طيب و فى أحسن حال

    ملأ الله عيدكم بالسعادة
    و رزقكم الحسنى و زيادة
    و حبب فيكم ملائكته و عباده
    تقبل الله منكم رمضان
    و كل عام و أنتم بخير و إلى الله أقرب و فى طاعته أدوم إن شاء الله

    عيــــــد سعيــــــد

    ردحذف
  17. يا اسلام باشا

    مع احترامى ..احنا اللى خليناهم يعملوا كده فينا

    كل لما بنطاطى لتحت بنتركب اوى منهم

    ع العموم بلاش نفتح لأن الواحد مخنوق أصلا

    وكمان العيد فرحة
    وكل سنة ونتوا طيبين وسنة سعيدة عليكوا

    ردحذف
  18. عادى هى دى مصر بمسئولينها
    لان الامر فيها مش للى يستحق المسئوليه
    فطبيعى ضاعت الامانه للمسئوليه دى
    الفساد خلاص بقى معشش فيها من تحت لفوق
    للاسف من اصغر حد الى اكبر مكان

    الامل موجود بس زى الحلم كدا خيالى

    دمت طيب

    ردحذف
  19. هو كده وإن كان عاجبك
    ليك شوق في حاجة
    بجد مقال جميل جداً
    جزاكم الله خيرا
    أدعوكم لتشريف مدونتي بزيارتكم
    صلي علي النبي

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم