الجمعة، ديسمبر 11، 2009

اعترافات قلب ساذج - الاعتراف الرابع والاخير

قالت له فى لهفه.. هو دا انت بجد؟؟.. بس فعلاً انت تغيرت كتير
قال لها بهدوء .. انا عمرى ما اتغيرت .. بس مادام دا رأيك خلاص
ردت عليه .. لو كان فى امكانية انى "افتكرك" تانى ..مكنتش اترددت لحظة ، بس انا "نسيتك".. من الاخر .. حب جديد خدنى منك.
رد عليها بتوقع منها الاجابة : اللى بينا.. كان روح فى جسد .. دلوقتى الروح والجسد فرق السما والارض.. ترضى بكدة؟؟
ردت عليه .... انت اللى اخترت .
صحى من نومه كالعادة.. عايز يكلمها ومش عارف .. وفهم انها قابلته فى الحلم للأسف .., وفى الحقيقة هى متعرفش اساساً هو عامل ايه .. حتى صورته .. نسيته ، وقام وكتبلها الكلمات دى
بقلمى كــتــبــت
وبعينى هــمــســت
وبكل دقة قلب ندهت
بـــس قوليلي ...
ازاى هتسمعى صـــمت؟؟
والصمت بقى كل اللى بينا !!
************
حبيتك واتحــبــيــت
ولـــقــيــتنى فجأه اختفيت
من حـــبك
مش بأيدك ولا بأيدى
ولا دا قدرى ولا قدرك
واخرتها راح لمــين
اكيد راح للى حبتيه
اللى قدر يمسك ايدين ..قلبك
.............مع انــــــــك
هتقولى ايه؟؟..
قلب غبى؟؟
مقبولة منك
****************
صرختى ...
نفسى اسمع صوتـــك
انا مش سامعة غير ســــكوتك
وانا بتألم من نـــار ضميرى
سيبينى وشوفى حد غيرى
خلينى اتعلم ان انا من غيرك
مش ممكن اسلم لحد خـــيرى
***************
ارجوقى بأه اسمعنى
بالسرعة دى حبيتى ؟؟
اكيد علشان تنسينى
مهو غباء وفرطت فيكى
اه دا ذنبـــى
فى نهايته ..
وحشنى كل كلامك
عنيا.. حبيبي.. وروح قلبى
دلوقتى بيتقال لغيرى
وعمال يدوق مداقه
ا ازاى حد ياخد مكانـــى؟؟
ولله ما مصدقه
ا واهو فى الاخر ندهت
وبقلمى كتبت وبعينى همست
........**********************
إسلام
الساعة واحدة ونص بعد منتصف الليل - الاسكندرية صيف 2009
جميع الحقوق محفوظة لمدونة اصحى يا مصر

هناك 10 تعليقات:

  1. you make me cry bgd.to7faaaaa...

    ردحذف
  2. you made me cry by these words....to7faaaaa awyyyyy

    ردحذف
  3. حلوة اووووووى بجد


    حستها اووووى

    ردحذف
  4. على قد ما هيا حلوة قوى على قد ما بتوجع قووووى
    :((

    ردحذف
  5. طيب انا مدونه ادخل بغير معرف برده
    ههههههههه
    متابعه الاعترافات وبصراحه تحفه
    انتظر باقى الاعترافات
    فانا من هواه الاعترافات
    مساك شيكولاته بلون قلبك

    ردحذف
  6. ابكيتمونا وابكيتم عيوننا

    جميل احساسك

    وجميل حديث النفس

    ابدعت اخى

    ولكن رفقا بقلبك

    ردحذف
  7. حلوه اوى يااسلام بجد

    اثرت فيا جداااااااا

    تسلم ايديك

    تحياتى

    ردحذف
  8. قالوا الشقيق بيمص دم الشقيق .. والناس ما هياش ناس بحق وحقيق
    قلبي رميته وجبت غيره حجر .. داب الحجر ورجعت قلبي رقيق
    عجبي

    صورة الراجل ده حدفتني على مدونتك الجميلة .. اسم المدونة شدني .. جيت لقيت صورة عمنا صلاح منورة على صدرها .. قلت يبقى قلبها أكيد رقيق

    تحياتي يا بطل

    ردحذف
  9. كل سنه وانت طيب يا اسلام

    عام سعيد عليك وعلينا وعلى الجميع ان شاء الله

    جوجو

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم