السبت، مارس 13، 2010

إنتخبونى .. رئيساً !!

احياناً .. وعندما اكون ذاهباً فى شوارع "الزقازيق" العتيقة ..، ارى جميعهم مفتقدين لل " بسمة" فى وجوههم..
دا لدرجة لو الشارع دا من غير حيطة يروحوا الشارع اللى جمبيه اللى فيه حيطة عشان يمشوا جمبها !!
ترى بعيناك "قطة" نائمة فى وسط الشارع وغارقة فى دمائها ..ضربها سواق عربية تاكس غلس ..، ثم تقوم بالاستغاثة عن احداً يساعدها .. مهى دى برضة روح..، تلقى الرد فوراً : ياعم الحى ابقى م الميت ..وبعدين دى قطة .
"وبعدين دى قطة".. يقولها المواطن ببراءه وكأنها صرصار وانضرب بالشبشب .
ينتابك شعور بالوحدة ..، ليس انت فقط..، بل جميعهم. ..وعندما تسأل بكل صراحة .. هو احنا ليه بقينا كدا يا جماعة ؟؟ يكون الرد : ملناش ف السياسة .
السياسة - تلك الملعون اللى ظهر مرة واحدة دا ، فى اعتقادهم انك عندما تتحدث فيها وان كان مع نفسك فأنت مراقب بالأقمار الصناعية التى تتجسس على احساسك (شغل الأفلام الاكشن دا.. الله يخربيت الافلام الاجنبى) ، ولو طولت ف الكلام ممكن تتاخد ومحدش يشوفك يومين ، وربنا يستر بقى عليك بقى وبكبيرة تكدير الامن العام ، ومش بعيد الاضرار بالأمن القومي ، ومش بعيد الاضرار بممتلكات البلد ..ينهار اسوح ... ومش بعيد انتشار الرعب بين المواطنين !!..
دا كله علشان جربت تتكلم ف السياسة؟؟..
لو طفل : مش كفاية السياسة بتاعت ماما..
لو شاب : ياعم انا بتاع مخدرات ..ستات .. مليش ف الكلام دا..بيس يامان :))
لو متجوز : ياعم انا عندى عيال .. عايز اربيهم .. فكك
لو عجوز : ياعم انا عايز اعيش الباقى من عمرى .. مش ناوى ادخل الكاراكون .
هكذا انجرفت بنا الوطنية ..، والكل بقى وطنى بنفسه.، بداخله وطن يريد ان يحميه من براثين نفسه، ومن براثين الحكومة برضة ، لو جيت بصيت على قفاه هتلاقيه مختوم بختم النسر.. ولو مش مختوم ميبقاش مصرى !!
حاولت يابرادعى انى انتخبك .. وهفضل انتخبك ..، ولونى عارف انتصار الحكومة الحالية لا محالة ..، بسبب الفشل الكلوى وفرقعة المرارة التى يعانى منها الشعب والتى ادت الى شلل تام بسبب الحكومة الحالية ، فقررت قرار .
هنتخب نفسى .. لجمهورية نفسى ..، هسن قوانينها بنفسى ..، هتبقى جمعوريتى انا وبس ..
البوست القادم : جمهوريتى العظمى !!
جميع الحقوق محفوظة لمدونة اصحى يا مصر

هناك 9 تعليقات:

  1. البوست جميل جدا يا اسلام وعندك حق فى كل كلمة قولتها ربنا يوفقك.

    ردحذف
  2. إنسانية اوى حكاية القطه دى ...الناس فعلا خلاص من كتر همومهم ومن كتر مالبنى ادم بقى رخيص فى بلادنا نسوا ان الحيوانات دى ارواح برضه وليها حرمه وحقوق ...
    تصدق حلوة اوى حكاية انك تبقى رئيس جمهورية نفسك يالله ياسمسم اتكل على الله ورشح نفسك وبإذن الله مش هنتخبك لانى هقتبس فكرتك وارشح نفسى انا كمان وهنتخب نفسى برضه...
    :))
    تقبل مرورى

    ردحذف
  3. ايه ده انت من الزقازيق؟
    بلدياتي يعني
    وماله ياعم ماترشح نفسك اشمعني سلمي

    ردحذف
  4. كل واحد يرشح نفس
    احنا باقين عايشين فعلا كل واحد فى جمهورية لوحده
    لكن ايييييييييه بقا اعتراضك على مواطنى الزقازيق العظمى
    بوست جاااااامد يا اسلام

    ردحذف
  5. هى بجد الزقازيق بقت كدة ... طيب الحكاية دى معدية بين البلاد وبعضها يعنى

    القطة صعبت عليا أوى

    أنا بقترح إن أول واحد يصحى بدرى كل يوم هو إللى يمسك الحكم .. كدة يبقى عدل

    ردحذف
  6. من حقنا
    نحكم العالم كله
    وانا عايشة فى كدا ههه بوهم نفسى

    ردحذف
  7. ونبي لايق يااسلام

    ::))

    خلاص رشح نفسك وانا اول من ينتخبك

    بس ونبي اعمل لي وزارة امسكها للأخلاق والنظافة


    سلامي

    ردحذف
  8. كل حاجة رااااااااااااائعة بمعنى الكلمة :)

    وأحلى حاجة جملة انك تبقى رأيس جمهورية نفسك :)

    طول عمرك مبدع يااسلام :)

    تحياتي ،،

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم