الأربعاء، يونيو 23، 2010

نحنُ لا نزرع الـكـوسـه

دول المخبرين اللى قتلو خالد على فكرة
مــنــوريــن
الفرق بين مصر والدول الاخرى ..ان الدول عندها منهج ومبدأ وقوانين
.. لكن هنا ف مصر ...الدستور ماشى بالعكس
الفرق بين مصر والدول الاخرى .. ان اى دولة فى العالم بتحارب الرشاوى والفساد ...لكن هنا ف مصر ..،فالرشاوى عملولها وزارة
الفرق بين مصر والدول الاخرى ... ان الشرطة فى اى دولة ف خدمة الشعب ...
اما ف مصر ( مصر والشعب) فى خدمة الشرطة
الفرق بين مصر والدول الاخرى .. ان صح غلط ، وغلط صح
واللى مش عاجبة يرفع طلب احاطة
الفرق بين مصر والدول الاخرى .. ان طلب الاحاطة فى اى دولة علشان تسقط شئ ما
اما فى مصر فهو (علشان يتحط عليك) وبالذات لو مش وطنى
الفرق بين مصر والدول الاخرى ...ان اسرائيل بقت بتصنع الطائرات بدون طيار
واحنا البلد الاولى فى استيراد... التــوكــتوكـ
الفرق بين مصر والدول الاخرى .. ان فى اى دولة بيكون فى احتفالات بالأنتماء للوطن
اما فمصر .. فالأنتماء هو للمنتخب ...الوطنى.. المصرى !! والباقى فكك منه
الفرق بين مصر والدول الاخرى .. ان الشرطة ف اى دولة بتحاول احباط تجارة المخدرات
اما ف مصر.. فالشرطة بتتاجر فيها (لإحباط) المواطنين !!
الفرق بين مصر والدول الاخرى .. ان حكومات الدول الاخرى بتحاول تطور من مصانعها
اما مصانع مصر ... فمشاء الله .. تلات تربعها اتخصخص
اللى يخلي خالد سعيد يبقى شهيد البانجو .. هو هو نفس الشخص اللى قدر يخلي سليمان خاطر منتحر
اللى خلى مراته وابنه يسافروا يتعالجوا برة مصر(على نفقة الدولة) .. هو هو نفس الشخص اللى يبيع المتر لقرايبه ب 250 جنيه !
اللى قدر يصدر الغاز لإسرائيل .. هو هو اللى قدر يقفل علشان خاطر عيونها معبر رفح
اللى قدر يزود نسبة البطالة ... هو هو اللى قدر يخلى الشباب يموت منتحر بعد فقع المرارة
وبيقولولك العنوسة كترت ليه؟؟؟ .. علشان طنط سوزان مش مهتمية يابيه
واخيراً
نــحــنُ لا نزرع الكوسة .. لكن الحكومة زرعتها

جميع الحقوق محفوظة لمدونة اصحى يا مصر

هناك 6 تعليقات:

  1. وضيف عندك كمان
    لفافة البانجو بتاعت خالد سعيد

    ردحذف
  2. هاي اسلام ازيك انا اسفه انا غبت عن عالم التدوين فتره بس رجعت لقيتك لسه شطور ومجتهد زي ما انت يلا شد حيلك عايزين نسمع اخبار كويسه عندك يقبضو عليك مثلا يلبسولك قضيه حشيش اي حاجه يعني > شريره نياهاهاهاهاهااااااااااااااااااا


    لا بجد شد حيلك يا معلم وسيب مصر على جمب ومتفكرش لأنك كل ما تفكر فيها خطوه هترجع لورا عشرين خطوه


    تيك كير

    ردحذف
  3. السلام عليكم ورحمة الله وبركاته

    فى بلد ليس فيها سلام ولا أمان

    فى بلد بتقتل وتنهش وتشوه شعبها

    فى بلد ماشيه بينا بالعكس

    فى بلد ربنا يحمينا من شر متحكميها وأهلها

    خالص تحياتى .

    ردحذف
  4. نحن لانزرع الكوسه

    عنوان فظييييييييييع يا اسلام والله
    ينفع فكرة فيلم


    مصر صعبانه علي

    ردحذف
  5. لو مرة سألت عن الفقرى يبقى بتسأل عنى
    خسـرت نفسـى و صحـابـى و حبيبى ضاع منى
    الحـظ جـه عنـدى شـاف وشـى جـرى مـنـى
    جـريـت وراه و سألته - ليه بعدت عنـى
    فقالى يا مـصـــرى دواك ماهـوش عـنـدى
    انا جيتـلك فى يوم و دى غلطة حـتـعـدى
    لكن الغلطة الكبيرة فـى ساعتـك الوردى
    عطلت بقالـها سـنـيـن زمـنـك بقى يجـرى
    و انـت و لا دارى - الذنـب مـش ذنـبـى
    و عـــــــــــــــــجـــــــــبـــى

    محمد زكى 12/1999

    ردحذف
  6. وبيقولولك العنوسة كترت ليه؟؟؟ .. علشان طنط سوزان مش مهتمية يابيه

    ههههههههههههههههههه

    لاء حلوه دى بصراحه

    هقولك اييه ؟

    لناااااا الله

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم