يوم من اجمل الايام اللي هنعاصرها في حياتنا ! ، 25 يناير 2012 بقى احلى من اللي فات مليون مرة ، مش عايز اقول عليه احتفالية لأننا لسة وبعد مرور سنة على الثورة مرجعناش حق الشهداء ، قاتلهم حر طليق في مستشفى بغرفة عبارة عن اوضتين وصالة كبيرة تسع من الحبايب الف ، بيروح المحكمة وكأنه بيروح المدرسة كل يوم الصبح بس بطيارة مش باص ، بقالة سنة على كدا وللأسف مفيش اي رد من اي جهة على اي حاجة ! ، ولا حتى اتحكم عليه بأي شئ ، الامر اللي خلانا ننزل بالعدد الكبير دا علشان نعيد امجاد الثورة وننزل نطالب بحق الشهيد اللي حقه هيرجع بإذن الله طول ما في ناس بتطالب .
كنت في مسيرة الزقازيق اللي اتحركت من ميدان المحطة ، واتجهت لموقف المنصورة وبعد كدا على القومية ورجعت تاني لميدان المحطة ، كانت بالفعل مسيرة حاشدة ، لحد ما وقفنا تحت تمثال الزعيم احمد عرابي والشباب هتفوا والكل كان بينادي وراهم ، كان المنظر جميل جداً ، كنا عاملين زي غرفة عمليات كدا في القهوة وقدرنا نصور عدد كبير من الصور ، كان يوم بالفعل جميل .
بالنسبة لرأيي في البرلمان انا هكتب بوست منفرد عنه في القريب العاجل بإذن الله - واسيبكم مع الصور
جميع الحقوق محفوظة لمدونة اصحى يا مصر
Magnіficent beat ! Ι woulԁ likе to apрrentіcе while you amenԁ your
ردحذفωeb site, hoω could i subѕcribe for
a blog sіtе? The account aidеd me a acceptable dеal.
I had beеn а little bit aсquainted of thіs
your broadcast pгοvidеd brіght сleaг iԁea
Аlso visit my sіte: payday loans