بروفايل عتريس الديلر .. صاحب اول وكر مخدرات على الفيس بوك

جت الفكرة من خلال شخصيات رسمتها كان "عتريس" واحد منهم ، وكان الاسم الحقيقي ليه هو مرعى ، لكن بعد احتياطات ، ومواجهات بالحشاشين ومغامراتى فى الكلام معاهم ، عملت الفكرة ، وهى استخدام الفيس بوك فى تجارة المخدرات هههههه .
فليصبح اول تاجر مخدرات الكترونى عبر التاريخ "عتريس" الديلر ، ودلير هنا بمعنى التاجر ، اى تاجر المخدرات
ارفع الصورة

اللى عايز ينقلها ينقلها بس يسيب حقوق التصميم .. ويذكر مصدر النقل .. تحياتى
جميع الحقوق محفوظة لمدونة اصحى يا مصر

بروفايل احمد افندى السلحدار على الفايس بوك

جاتلى الفكرة المطرقعة دى الساعة 1 وانا نايم .. تخيلت الفيس بوك فى 1928 .. بما انى بعشق الحقبة دى لأنها كانت ايام الانتكاسة الاقتصادية الامريكية نياهاهاهاها ... ، فقولت نقدر نعمل بروفايل يكون فيه المقومات المضحكة وف نفس الوقت اللى يشوفه فعلاً يتخيل ان دا بروفايل قديم اوى ، لأنه دار سءال ف دماغى تانى وهو ان الناس دى لو كان عندها فيس بوك فعلاً ..كانت عملت ايه؟؟؟
دى بقى الصورة الحقيقية لعمو احمد افندى قبل ما احطها على البروفايل ..كان بطل القصة ، وعلى فكرة الراجل الطيب دا اسمه احمد لكن انا لاقيت صورته عند صديق ليا بالصدفة ..احمد كمال افندى سلامة السلحدار وعلى ما اعتقد انه كان من احد الاتراك العثمانيين اللى فضل فى مصر من بعد قضاء الإنجليز عن الدولة العثمانية .. دا المعلومات اللى صحبى يعرفها .. معرفش بقى هو بيشتغلنى ولا ايه الحوار
دا البروفايل بعد التصميم

من ناحية الاعلانات دى بقى .. فزوزو دا مصرى وكان موجود فى جريدة الاهرام ، وعجبنى بطريقة كبيرة ، واما اللى فوق دا فدا اعلان امريكي لعلب سجائر
رابطة عشاق السيد درويش .. بما انه كان فنان الجيل ساعتها ، حاولت اجيب كل الكلام القديم فحت دا ، دستور يا اهل البيت ، وبما انه بيحب الحريم .. وعلاقته بباكينام هانم وصافيناز هانم ههههههه
احتمال انى اعمل جزء التحتانى لأحمد افندى السلحدار .. انتظرونى
مصدر الصورة : مدونة اصحى يا مصر

جميع الحقوق محفوظة لمدونة اصحى يا مصر