راجعت نفسى كتير ، وارجع واقول انا ليه بقيت؟؟
زى ما الطير ليه حق يطير ، اخترت الطريق ومشيت
همسة هزتنى كل لما اشوف الدنيا بوشها التانى
يصعب عليا انسانها اللى انكتب على بطاقته انانى
يجرى فى وسط الخطر مهو اخرته.. فقير
ويوم ما شوفتها دقت بختم الموت على ورقته وبكيت
مهى الدنيا ايه غير كدة ؟؟
زى الطفل لما يبكى بتطر تسايسه وانت عليه بتغير
ولما يفرح بتكون فرحان ولما يزعل انت الضرير
راجعت نفسى كتير ، وارجع اقول انا ليه بقيت؟؟
اتخدعت واتهنت كتير
وفى الأخر انت الكبير
من طيابتى مسكت نفسى والكره زاد فيا وصحيت
ولما زاد الكره فيا بعدت عن اهلى وناسى
حاولت ارجعلهم ، بس الكل بقى قلبه قاسى
وانا اللى كان جوايا خير
راجعت نفسى كتير ، وارجع واقول انا ليه بقيت؟؟
راجعت نفسى وقولت حرام
اسيب نفسى اتخدع واتهان
ومع ناسى مدورها خصام
وبقيت خلاص من غير كيان
وقولت نتصالح من تانى
ولما روحت اصالحهم
قالولى طول عمرك انانى
وانا قلبى كله خير
مواطن مصرى
شعر بقلم : إسلام ديو
جميع الحقوق محفوظة لمدونة اصحى يا مصر
اولا مبروووووووووك حتى الشعر كتبت فيه القصيدة بدايةو عودة جميلة لاجمل فنان تسلم كتير من غير حسد هههههه
ردحذفحاله مواطن كتير بتتكرر في حياتنا
ردحذفتسلم ياجميل
السلام عليكم / كلام جميل حسيته ، فعلاً لما نحاول نكره ونقسى زى الناس نتعب كتير ونحتار ولما نحاول نرجع يصدونا بقسوتهم ، ربنا يهدينا جميعاً .
ردحذفايه الجمال والروعة وكمان شعر .. بجد انت كل يوم بتزيد ابداع وتألق .
ردحذفتحياتى ،،
نفرتارى
ازاي قلبك كله خير والناس تقول عليك اناني !!!!
ردحذفيعيش القلب اللى كله خير
ردحذفودايما الانسان الغير سوى يقول على الحلو فسيخ
دمت بكل خير
لا بجد شعر رائع تسلم ايدك من غير مااحكي او اتكلم انت مبدع بمعنى الكلمة
ردحذفيارب بالتوفيق وفي تقدم اكتر واكتر
تقبل خالص تحياتي ومودتي
ازيك يا اسلام بك
ردحذفيا خويا احنا قادرين عليك فى الرسم جاى تقول لناشعر كمان .. جاتنا نيله فى حظنا الهباب .. الواحد بيكتب الكلمتين بالعافيه .. وانت ترسم وتكتب شعر .. كمان يومين نلاقيك بتعزف موسيقى كمان .. هو احنا مش كان كفايه علينا صلاح جاهين واحد حيطلع لنا صلاح جاهين تانى ..
والله انت راجل فنان وعظيم .. كمان زلطه ونقول عليك فنان شامل
تحياتى يا فنان
السلام عليكم
ردحذففنان الشعب
دائما سباق بالخير
وأنا أعر أنك ذكى وتفهمها وهىا طايرة
هذا الإحساس أشعر به ولم أستطع أن أكره أو أقسو ولكنى لم أستطع
دمت بكل الخير
راجعت نفسى كتير ، وارجع واقول انا ليه بقيت؟؟
ردحذفراجعت نفسى وقولت حرام
اسيب نفسى اتخدع واتهان
ومع ناسى مدورها خصام
وبقيت خلاص من غير كيان
وقولت نتصالح من تانى
ولما روحت اصالحهم
قالولى طول عمرك انانى
وانا قلبى كله خير
-------------------
كلمات جميلة بجد أخى الفاضل
فعلا المشكلة اننا حتى لما بنراجع نفسنا بنلاقى الطريق مسدود ومحدش عنده استعداد يتغير
أهم حاجة ان الخير يفضل جوانا ومنتغيرش للاسوأ
دمت مبدعا أخى الفاضل
سالى
إنت عارف أنا لسة متابعاك قريب بس من الواضح من التعليقات إن دى أول مرة تنشر فيها شعر
ردحذفأحب أقولك إن كلماتك تلقائية ورائعة وبسيطة ومعبرة جداً
تحياتى
عاشقة الورد
أخى الفاضل: إسلام
ردحذفالسلام عليكم ورحمة الله وبركاته
كل يوم نكتشف فيك موهبة جديدة
على مايبدو أن ينبوع يتفجر فناً
وإبداعاً
دائماً التميز يصحبك
بارك الله فيك وأعزك
أخوك
محمد
بسم الله الرحمن الرحيم
ردحذفالسلام عليكم ورحمة الله وبركاته
صديقى العزيز اسلام
تحياتى
ايه الكلام الجامد ده ؟
لأ لأ لأ لأ لأ
دا انت طلعت شاعر كبير واحنا مش عارفين اهه
بس على فكرة كده انا اتأكدت انك غيرت النضارة يامعلم
امال شوفت الحقائق والوقائع دى كلها ازاى ؟؟؟؟؟؟؟؟؟؟؟؟؟
صح ؟؟؟
هههههههههههههههههههه
بجد يااسلام انت انسان هايل وموهبتك جميله جدا
ربنا يديم عليك فضله
تحياتى ودمت بكل خير وود
(مش داخل باسمى علشان داخل من جهاز غير بتاعى )
اخوك المعتصم
والسلام عليكم ورحمة الله وبركاته
الله ياأستاذ اسلام بجد شعر رائع جدا
ردحذفبجد عندك حق كلماتك بجد جميله
بجد سوري اتأخرت أوي بس يلا يلا بفتح النت بالعافيه عشان المذاكرة وماما وبابا
انا رايحه اقرا البوستين اللي فاتوني
سلام مؤقت وهاجي اعلقلك عليهم هنا
الله ياأستاذ اسلام بجد شعر رائع جدا
ردحذفبجد عندك حق كلماتك بجد جميله
بجد سوري اتأخرت أوي بس يلا يلا بفتح النت بالعافيه عشان المذاكرة وماما وبابا
انا رايحه اقرا البوستين اللي فاتوني
سلام مؤقت وهاجي اعلقلك عليهم هنا
حرام عليك ياأستاذ اسلام قلبي اتقطع
ردحذفبقى دي نهايه كنت فاطراها هتكون سعيده بجد وجعتلي قلبي
بس مع كدا حضرتك ماشاء الله عليك موهوب
وطور موهبتك وهتكون كاتب ان شاء الله بس ربنا يخليك بلاش النهايات التعيسه دي
سلام
إيه يا عم الحلاوة دية
ردحذفبـ ريشتك وضحت وفهمت
وبقلمك قصصت وعبرت وسحبت الألباب
وكمان شاعر ده كثير ولا هو قليل من شخص حكيم
لكن لا يوجد انانى بيحب يتصالح ويصالح
ممكن تكون مشاعرك غير التى بداخلك لكن الأجمل ما قمت به
دع الناس وما تريد وكن كما تريد حتى لو وقف الناس أمامك
أسف على التأخير و عدم المتابعه
بصفة مستمرة
اختى العزيزة بسمة مسلم
ردحذفاشكرك على تعليقاتك الدائماً اكثر من جميلة
وتحياتى ودمتى بخير وسعادة
محمد الشاعر اشكرك على مرورك الطيب
ردحذفودى اول حالة وانشاء الله فى حالات اخرى
اختى الفاضلة / حياتى نغم
ردحذفاشكرك على رأيك الهادف جداً وردك الجميل
دمتى بود
اختى الفاضلة نفرتارى اشكرك على رأيك الجميل واللى بجد بيخلينى اقدم حاجات افضل واحسن
ردحذفاختى الفاضلة green eyes
ردحذفبحكى عن قصة مواطن طيب حاول انه يتكايف مع حياته فى كل حاجة
بنعيش مع ناس كتير ، ولما بنزعل معاهم بدون نقاش بنتهاجم ، مع اننا معملناش حاجة ، بس معروف عنهم انهم صح..وكل كلامهم صح ، دا علشان زعلنا معاهم ، وهما فى قلوبهم شر ، بنيجى على نفسينا ونقول نتصالح ، برضة فى قلوبهم شر ، مهو اتهاجم واتقال عليه وحش وانانى ، بس هو فى قلبه خير
حاول يفهم للناس انه صح مقدرش
لأن الشعب كله عارف انهم بيتكلموا صح ، فبالتالى مش هيصدقوه ، هيصدقوا الفقير ويكدبوا البيه ؟؟ طبعاً لا
بس علشان ياكل عيش ، لازم يتهان
هى دى الفكرة واشكرك على مرورك اختى الكريمة .
امى الفاضلة (الفراغ)
ردحذفههههههههههههه
عجبنى اوى تعليقك الجميل
دمتى بكل خير وسعادة
اختى العزيزة افنان
ردحذفبارك الله فيكى
وبجد تعليقك اسعدنى اوى
دمتى بكل خير
ههههههههههههههه
ردحذفربنا يخليك يا سمسم
والله كدة كتير انا ما اخدتش نوبل يعنى ده هو جيد وبلعافيه اساسا
ههههههههههههه
بجد جدع جدا
بس انا مش قطة مشمشية
انا بت مشمشية
ان امش بحب القطط
هههههههههههههههه
عقبال كدة ما اوزع شربات الواد كريم ابنك بيأدى
كلمات بسيطه وجميله يااسلام
ردحذفومفهومه جدا
معلش اصل في ناس بتكتب كلام مش مفهوم خالص
استاذى الفاضل فشكول
ردحذفالله يخليك على كلامك الاكثر من جميل
وعلى فكرة انا فى الاصل موزع موسيقى :d
وبإذن الله هنزل قطعة انا عاملها فى البوست القادم
وفقك الله ودمت بكل خير
اخى الفاضل السيد المؤرخ لؤلؤة
ردحذفبجد شرفتنى بكلامك الجميل
وتعليقك اللى كل مرة بيدينى قوة الاستمرار
اشكرك وجزاك الله كل خير مؤرخنا العظيم
اختى الفاضلة سالى
ردحذفاشكرك لى ردك الاكثر من جميل ودمتى بكل ود
تحياتى لك
صدى الصمت
ردحذفهو اه انا فعلاً اول مرة انشر فيها شعر ليا ، بس مش اول مرة اكتب انا كتبت كتير وانقطعت عنه ، وحالة مواطن هو ديوان كامل متكامل من عدة دواوين ، زى شوية حاجات فى قلبى مجموعة روايات ومصورة بس مش حالفنى الحظ انى انزلها مصورة بس بإذن الله عن قريب
اشكرك على التعليق الجميل
استاذى الفاضل محمد الجرايحى
ردحذفاشكرك لمتا بعتك لتدويناتى وتأكد اننى بتابع مدونتك بس كان فى شوية مشاكل فى النت فمقدرتش ادخل كتير
لك منى تحياتى استاذى الفاضل وبإذن الله على ان نتواصل دائماً انشاء الله
معتصم انا قولت ان انتا اول واحد هتعلق كالعادة
ردحذفبس طلعت انا غلط ههههههههههههه
انتا عرفت منين ياخويا ان انا غيرت النضارة ؟؟؟؟
لا بجد انتا جامد اخر حاجة
انا فعلاً غيرتها بس كلهم نمر واحدة هههه
يعنى محصلش تغيير
بس نضارة سبور شوية
الحقائق دى يا معتصم بنشوفها على طول بس مش بناخد بالنا منها
ربنا يستر يا معتصم
عزيزتى بسمة صلاح
ردحذفاولاً اهلاً بيكى من جديد والحمد لله اطمنا عليكى .
اخبار الثانوية العايمة ايه؟؟ ههههههههه
اهم حاجة تطمنينا عليكى واسف اخر الرواية جت كدة لأنها مبنية على الدراما شوية
اشكرك بجد وياريت نتواصل ونشوف ابداعك الجميل
اخي العزيز الاستاذ اسلام
ردحذفايه الجمال ده
روائي وشاعر ورسام
اختارلك حاجه من اتنين
(1)تعلمني (2)ولا احقد عليك
مع تمنياتي بان تكون ناجح دائما في كل الدروب
اخى اعشق الليل فى ضوء القمر
ردحذفاولاً اشكرك على مشاعرك الجميلة
ولكن عايز اقولك حاجة
هما اللى سموه انانى
مع انه غيركدا خالص
صديقتى البنت المشمشية
ردحذفهههههههههه خطأ فادح فعلاً
هيتغير
عموماً الف مبروك دى اقل حاجة اعملها
ودمتى بكل توفيق
شمس النهار
ردحذفاشكرك على تعليقك الاكثر من متميز
ودمتى سالمة بإذن الله
صديقى محمد الفارس
ردحذفههههههههههه لو حقدت عليا فدا عادى شئ عادى بيحصل بين الاخوات
اما فى حاجة تانية
حكاية انى اعملك فانا معنديش مانع بس ياريت يكون عندك اصرار وبتفهم وهيا طايرة
ههههههههههههه اه بتفهم وهيا طايرة علشان مبعرفش اشرح ههههههههههه
تسلم يا حبيب قلبى
حلو قوى
ردحذفالبوست
تسلم ايدك
طول ما انتا مواطن غلبان
ردحذفهتفضل علطول بالاحساس ده مليان
الفراشة الصغيرة اشكرك على تعليقك الجميل ودمتى بكل خير وحب
ردحذفمسز محاسن اشكرك على كلامك الجميل
ردحذففعلاً طول مهو غلبان
قلبة بالخير مليان
بس بعد ايه؟
تسلم ايدك يا ديو ويا رب دايما ككده متفوق و متقدم وكمان موفق في كتاباتك و ديوهاتك
ردحذفو متنساش
ماونتن ديو جمد قلبببببببببببببببك
سلامكشة
ايه ياسلم الحاجات الجامدة دى مقدرش والله على كده
ردحذفبعد إذن السيادة طبعا حطيت رابط مدونتك عندى سلام اخوك محمد
بجد كلماتك جميييييييله ومؤثره
ردحذفواكتر جزء عجبنى فيها الجزء الاخير
راجعت نفسى كتير ، وارجع واقول انا ليه بقيت؟؟
راجعت نفسى وقولت حرام
اسيب نفسى اتخدع واتهان
ومع ناسى مدورها خصام
وبقيت خلاص من غير كيان
وقولت نتصالح من تانى
ولما روحت اصالحهم
قالولى طول عمرك انانى
وانا قلبى كله خير
اثر فيا اووووووى
تحياتى
جااااااامده
ردحذف