الجمعة، مارس 13، 2009

حالة مواطن (1)


راجعت نفسى كتير ، وارجع واقول انا ليه بقيت؟؟

زى ما الطير ليه حق يطير ، اخترت الطريق ومشيت

همسة هزتنى كل لما اشوف الدنيا بوشها التانى

يصعب عليا انسانها اللى انكتب على بطاقته انانى

يجرى فى وسط الخطر مهو اخرته.. فقير

ويوم ما شوفتها دقت بختم الموت على ورقته وبكيت

مهى الدنيا ايه غير كدة ؟؟

زى الطفل لما يبكى بتطر تسايسه وانت عليه بتغير

ولما يفرح بتكون فرحان ولما يزعل انت الضرير


راجعت نفسى كتير ، وارجع اقول انا ليه بقيت؟؟

اتخدعت واتهنت كتير

وفى الأخر انت الكبير

من طيابتى مسكت نفسى والكره زاد فيا وصحيت

ولما زاد الكره فيا بعدت عن اهلى وناسى

حاولت ارجعلهم ، بس الكل بقى قلبه قاسى

وانا اللى كان جوايا خير


راجعت نفسى كتير ، وارجع واقول انا ليه بقيت؟؟

راجعت نفسى وقولت حرام

اسيب نفسى اتخدع واتهان

ومع ناسى مدورها خصام

وبقيت خلاص من غير كيان

وقولت نتصالح من تانى

ولما روحت اصالحهم

قالولى طول عمرك انانى

وانا قلبى كله خير


مواطن مصرى


شعر بقلم : إسلام ديو

جميع الحقوق محفوظة لمدونة اصحى يا مصر

هناك 46 تعليقًا:

  1. اولا مبروووووووووك حتى الشعر كتبت فيه القصيدة بدايةو عودة جميلة لاجمل فنان تسلم كتير من غير حسد هههههه

    ردحذف
  2. حاله مواطن كتير بتتكرر في حياتنا

    تسلم ياجميل

    ردحذف
  3. السلام عليكم / كلام جميل حسيته ، فعلاً لما نحاول نكره ونقسى زى الناس نتعب كتير ونحتار ولما نحاول نرجع يصدونا بقسوتهم ، ربنا يهدينا جميعاً .

    ردحذف
  4. ايه الجمال والروعة وكمان شعر .. بجد انت كل يوم بتزيد ابداع وتألق .

    تحياتى ،،


    نفرتارى

    ردحذف
  5. ازاي قلبك كله خير والناس تقول عليك اناني !!!!

    ردحذف
  6. يعيش القلب اللى كله خير
    ودايما الانسان الغير سوى يقول على الحلو فسيخ
    دمت بكل خير

    ردحذف
  7. لا بجد شعر رائع تسلم ايدك من غير مااحكي او اتكلم انت مبدع بمعنى الكلمة
    يارب بالتوفيق وفي تقدم اكتر واكتر

    تقبل خالص تحياتي ومودتي

    ردحذف
  8. ازيك يا اسلام بك
    يا خويا احنا قادرين عليك فى الرسم جاى تقول لناشعر كمان .. جاتنا نيله فى حظنا الهباب .. الواحد بيكتب الكلمتين بالعافيه .. وانت ترسم وتكتب شعر .. كمان يومين نلاقيك بتعزف موسيقى كمان .. هو احنا مش كان كفايه علينا صلاح جاهين واحد حيطلع لنا صلاح جاهين تانى ..
    والله انت راجل فنان وعظيم .. كمان زلطه ونقول عليك فنان شامل
    تحياتى يا فنان

    ردحذف
  9. السلام عليكم
    فنان الشعب
    دائما سباق بالخير
    وأنا أعر أنك ذكى وتفهمها وهىا طايرة
    هذا الإحساس أشعر به ولم أستطع أن أكره أو أقسو ولكنى لم أستطع
    دمت بكل الخير

    ردحذف
  10. راجعت نفسى كتير ، وارجع واقول انا ليه بقيت؟؟


    راجعت نفسى وقولت حرام


    اسيب نفسى اتخدع واتهان


    ومع ناسى مدورها خصام


    وبقيت خلاص من غير كيان


    وقولت نتصالح من تانى


    ولما روحت اصالحهم


    قالولى طول عمرك انانى


    وانا قلبى كله خير

    -------------------
    كلمات جميلة بجد أخى الفاضل
    فعلا المشكلة اننا حتى لما بنراجع نفسنا بنلاقى الطريق مسدود ومحدش عنده استعداد يتغير

    أهم حاجة ان الخير يفضل جوانا ومنتغيرش للاسوأ

    دمت مبدعا أخى الفاضل
    سالى

    ردحذف
  11. إنت عارف أنا لسة متابعاك قريب بس من الواضح من التعليقات إن دى أول مرة تنشر فيها شعر
    أحب أقولك إن كلماتك تلقائية ورائعة وبسيطة ومعبرة جداً
    تحياتى

    عاشقة الورد

    ردحذف
  12. أخى الفاضل: إسلام
    السلام عليكم ورحمة الله وبركاته
    كل يوم نكتشف فيك موهبة جديدة
    على مايبدو أن ينبوع يتفجر فناً
    وإبداعاً
    دائماً التميز يصحبك
    بارك الله فيك وأعزك
    أخوك
    محمد

    ردحذف
  13. بسم الله الرحمن الرحيم
    السلام عليكم ورحمة الله وبركاته
    صديقى العزيز اسلام
    تحياتى
    ايه الكلام الجامد ده ؟
    لأ لأ لأ لأ لأ
    دا انت طلعت شاعر كبير واحنا مش عارفين اهه
    بس على فكرة كده انا اتأكدت انك غيرت النضارة يامعلم
    امال شوفت الحقائق والوقائع دى كلها ازاى ؟؟؟؟؟؟؟؟؟؟؟؟؟
    صح ؟؟؟
    هههههههههههههههههههه
    بجد يااسلام انت انسان هايل وموهبتك جميله جدا
    ربنا يديم عليك فضله
    تحياتى ودمت بكل خير وود
    (مش داخل باسمى علشان داخل من جهاز غير بتاعى )
    اخوك المعتصم
    والسلام عليكم ورحمة الله وبركاته

    ردحذف
  14. الله ياأستاذ اسلام بجد شعر رائع جدا
    بجد عندك حق كلماتك بجد جميله
    بجد سوري اتأخرت أوي بس يلا يلا بفتح النت بالعافيه عشان المذاكرة وماما وبابا
    انا رايحه اقرا البوستين اللي فاتوني
    سلام مؤقت وهاجي اعلقلك عليهم هنا

    ردحذف
  15. الله ياأستاذ اسلام بجد شعر رائع جدا
    بجد عندك حق كلماتك بجد جميله
    بجد سوري اتأخرت أوي بس يلا يلا بفتح النت بالعافيه عشان المذاكرة وماما وبابا
    انا رايحه اقرا البوستين اللي فاتوني
    سلام مؤقت وهاجي اعلقلك عليهم هنا

    ردحذف
  16. حرام عليك ياأستاذ اسلام قلبي اتقطع
    بقى دي نهايه كنت فاطراها هتكون سعيده بجد وجعتلي قلبي
    بس مع كدا حضرتك ماشاء الله عليك موهوب
    وطور موهبتك وهتكون كاتب ان شاء الله بس ربنا يخليك بلاش النهايات التعيسه دي
    سلام

    ردحذف
  17. إيه يا عم الحلاوة دية
    بـ ريشتك وضحت وفهمت
    وبقلمك قصصت وعبرت وسحبت الألباب
    وكمان شاعر ده كثير ولا هو قليل من شخص حكيم
    لكن لا يوجد انانى بيحب يتصالح ويصالح
    ممكن تكون مشاعرك غير التى بداخلك لكن الأجمل ما قمت به
    دع الناس وما تريد وكن كما تريد حتى لو وقف الناس أمامك
    أسف على التأخير و عدم المتابعه
    بصفة مستمرة

    ردحذف
  18. اختى العزيزة بسمة مسلم
    اشكرك على تعليقاتك الدائماً اكثر من جميلة

    وتحياتى ودمتى بخير وسعادة

    ردحذف
  19. محمد الشاعر اشكرك على مرورك الطيب
    ودى اول حالة وانشاء الله فى حالات اخرى

    ردحذف
  20. اختى الفاضلة / حياتى نغم
    اشكرك على رأيك الهادف جداً وردك الجميل
    دمتى بود

    ردحذف
  21. اختى الفاضلة نفرتارى اشكرك على رأيك الجميل واللى بجد بيخلينى اقدم حاجات افضل واحسن

    ردحذف
  22. اختى الفاضلة green eyes

    بحكى عن قصة مواطن طيب حاول انه يتكايف مع حياته فى كل حاجة

    بنعيش مع ناس كتير ، ولما بنزعل معاهم بدون نقاش بنتهاجم ، مع اننا معملناش حاجة ، بس معروف عنهم انهم صح..وكل كلامهم صح ، دا علشان زعلنا معاهم ، وهما فى قلوبهم شر ، بنيجى على نفسينا ونقول نتصالح ، برضة فى قلوبهم شر ، مهو اتهاجم واتقال عليه وحش وانانى ، بس هو فى قلبه خير
    حاول يفهم للناس انه صح مقدرش
    لأن الشعب كله عارف انهم بيتكلموا صح ، فبالتالى مش هيصدقوه ، هيصدقوا الفقير ويكدبوا البيه ؟؟ طبعاً لا
    بس علشان ياكل عيش ، لازم يتهان
    هى دى الفكرة واشكرك على مرورك اختى الكريمة .

    ردحذف
  23. امى الفاضلة (الفراغ)
    ههههههههههههه
    عجبنى اوى تعليقك الجميل
    دمتى بكل خير وسعادة

    ردحذف
  24. اختى العزيزة افنان
    بارك الله فيكى
    وبجد تعليقك اسعدنى اوى
    دمتى بكل خير

    ردحذف
  25. ههههههههههههههه
    ربنا يخليك يا سمسم
    والله كدة كتير انا ما اخدتش نوبل يعنى ده هو جيد وبلعافيه اساسا
    ههههههههههههه
    بجد جدع جدا
    بس انا مش قطة مشمشية
    انا بت مشمشية
    ان امش بحب القطط
    هههههههههههههههه
    عقبال كدة ما اوزع شربات الواد كريم ابنك بيأدى

    ردحذف
  26. كلمات بسيطه وجميله يااسلام
    ومفهومه جدا
    معلش اصل في ناس بتكتب كلام مش مفهوم خالص

    ردحذف
  27. استاذى الفاضل فشكول
    الله يخليك على كلامك الاكثر من جميل
    وعلى فكرة انا فى الاصل موزع موسيقى :d
    وبإذن الله هنزل قطعة انا عاملها فى البوست القادم

    وفقك الله ودمت بكل خير

    ردحذف
  28. اخى الفاضل السيد المؤرخ لؤلؤة

    بجد شرفتنى بكلامك الجميل
    وتعليقك اللى كل مرة بيدينى قوة الاستمرار
    اشكرك وجزاك الله كل خير مؤرخنا العظيم

    ردحذف
  29. اختى الفاضلة سالى
    اشكرك لى ردك الاكثر من جميل ودمتى بكل ود
    تحياتى لك

    ردحذف
  30. صدى الصمت
    هو اه انا فعلاً اول مرة انشر فيها شعر ليا ، بس مش اول مرة اكتب انا كتبت كتير وانقطعت عنه ، وحالة مواطن هو ديوان كامل متكامل من عدة دواوين ، زى شوية حاجات فى قلبى مجموعة روايات ومصورة بس مش حالفنى الحظ انى انزلها مصورة بس بإذن الله عن قريب

    اشكرك على التعليق الجميل

    ردحذف
  31. استاذى الفاضل محمد الجرايحى
    اشكرك لمتا بعتك لتدويناتى وتأكد اننى بتابع مدونتك بس كان فى شوية مشاكل فى النت فمقدرتش ادخل كتير
    لك منى تحياتى استاذى الفاضل وبإذن الله على ان نتواصل دائماً انشاء الله

    ردحذف
  32. معتصم انا قولت ان انتا اول واحد هتعلق كالعادة
    بس طلعت انا غلط ههههههههههههه
    انتا عرفت منين ياخويا ان انا غيرت النضارة ؟؟؟؟
    لا بجد انتا جامد اخر حاجة

    انا فعلاً غيرتها بس كلهم نمر واحدة هههه
    يعنى محصلش تغيير
    بس نضارة سبور شوية

    الحقائق دى يا معتصم بنشوفها على طول بس مش بناخد بالنا منها
    ربنا يستر يا معتصم

    ردحذف
  33. عزيزتى بسمة صلاح
    اولاً اهلاً بيكى من جديد والحمد لله اطمنا عليكى .

    اخبار الثانوية العايمة ايه؟؟ ههههههههه
    اهم حاجة تطمنينا عليكى واسف اخر الرواية جت كدة لأنها مبنية على الدراما شوية

    اشكرك بجد وياريت نتواصل ونشوف ابداعك الجميل

    ردحذف
  34. اخي العزيز الاستاذ اسلام
    ايه الجمال ده
    روائي وشاعر ورسام
    اختارلك حاجه من اتنين
    (1)تعلمني (2)ولا احقد عليك
    مع تمنياتي بان تكون ناجح دائما في كل الدروب

    ردحذف
  35. اخى اعشق الليل فى ضوء القمر
    اولاً اشكرك على مشاعرك الجميلة
    ولكن عايز اقولك حاجة
    هما اللى سموه انانى
    مع انه غيركدا خالص

    ردحذف
  36. صديقتى البنت المشمشية
    هههههههههه خطأ فادح فعلاً
    هيتغير
    عموماً الف مبروك دى اقل حاجة اعملها
    ودمتى بكل توفيق

    ردحذف
  37. شمس النهار
    اشكرك على تعليقك الاكثر من متميز
    ودمتى سالمة بإذن الله

    ردحذف
  38. صديقى محمد الفارس
    ههههههههههه لو حقدت عليا فدا عادى شئ عادى بيحصل بين الاخوات

    اما فى حاجة تانية
    حكاية انى اعملك فانا معنديش مانع بس ياريت يكون عندك اصرار وبتفهم وهيا طايرة

    ههههههههههههه اه بتفهم وهيا طايرة علشان مبعرفش اشرح ههههههههههه

    تسلم يا حبيب قلبى

    ردحذف
  39. طول ما انتا مواطن غلبان
    هتفضل علطول بالاحساس ده مليان

    ردحذف
  40. الفراشة الصغيرة اشكرك على تعليقك الجميل ودمتى بكل خير وحب

    ردحذف
  41. مسز محاسن اشكرك على كلامك الجميل
    فعلاً طول مهو غلبان
    قلبة بالخير مليان
    بس بعد ايه؟

    ردحذف
  42. تسلم ايدك يا ديو ويا رب دايما ككده متفوق و متقدم وكمان موفق في كتاباتك و ديوهاتك

    و متنساش
    ماونتن ديو جمد قلبببببببببببببببك

    سلامكشة

    ردحذف
  43. ايه ياسلم الحاجات الجامدة دى مقدرش والله على كده
    بعد إذن السيادة طبعا حطيت رابط مدونتك عندى سلام اخوك محمد

    ردحذف
  44. بجد كلماتك جميييييييله ومؤثره

    واكتر جزء عجبنى فيها الجزء الاخير

    راجعت نفسى كتير ، وارجع واقول انا ليه بقيت؟؟


    راجعت نفسى وقولت حرام


    اسيب نفسى اتخدع واتهان


    ومع ناسى مدورها خصام


    وبقيت خلاص من غير كيان


    وقولت نتصالح من تانى


    ولما روحت اصالحهم


    قالولى طول عمرك انانى


    وانا قلبى كله خير

    اثر فيا اووووووى

    تحياتى

    ردحذف
  45. جااااااامده

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم