انا مش عايز بصراحة اكتب تانى عن الصحيان وكل شوية اصحى اصحى ...فمن الأخر اختصرت الموضوع وحطتيلكم اغنية فيها كل اللى انا عايز اقولة ، تانى حاجة انا جبتلكم الجزء التانى من "حبة كلام من قلبى" ، بعد ما طبعاً اخدت 5 ايام اجازة بين تفكير فى بوست كويس وسوء الاحوال الجوية اللى خلتنى اصيب ببرد شديد شوية .
"فى يوم من الايام اراد الكثير من الناس رؤية ذلك الجمال الذى لا ينتمى الى فئة البشر - فى اعتقاد الكثير ذلك - انهم لا يرون إلا ملاكاً تتسارع خطواته مثل خطوات الغزال فى عفوان عمره ، وعندما تنظر الى السماء مهملة الارض الذى تتخاطى عليها تتذكر قول " يأرض انهدى ماعليكى قدى" ، تلك الروح المنبعثة من محيطات من الأنوثة الجميلة ، لن يلفت نظرها الا شخص واحد ، شخص تضاربت معه الدنيا حتى وإن عاش فقيراً يلقت رزقه من اى مكان ، يعيش بمفرده وينتظر " الفرج" حتى يلتقى بحبيبة عمره .كان يسمع عنها كثيراً ، ويعلم ما هى إلا بنت ناس اكابر فى منطقتهم ، ولكن من طيبته الغريبة لا يعلم ان اميرة الاميرات تقع فى عشقه بدون علم منه ، مش هنسمى دا غباء ، اصل يعنى واحد فى نفس حالته هيعرف ازاى بقى ان بنت ناس اكابر زى دى حباه لدرجة هو ميتصورهاش ، وإن كانت هذه المرة هى الاولى بالنسبة له ، يسير فى الشارع مظلم قلبه ، حتى يرى اشعاع منبعث من اخر الشارع ، فيرى بعينه انها جميلة الجميلات ، وهى تنظر اليه ، تنظر اليه بشغف وهو ينظر اليها ، تقول له بعيونها الجميلة ..متى؟؟ متى ستعلم اننى اريد التحدث اليك ، وهو ينظر لها بنظرة اعجاب لافته (وبعد كدة بص للأرض وقال لنفسه : لا حاسب ..لازم نحترم نفسينا شوية ، لو حصل بقى وحد شافنا هتبقى مصيبة وهنطرد من هنا) ، عاد الى منزله الصغير وهو يسأل داخله ، ما عن تلك النظرات ؟؟ ، اعجاب ام بعض من الحنان بسبب حالته ؟؟ ، اخذ الطريق المؤدى الى غرفة النوم ، وهو مازال قائم على سريره يتساءل ، ما عن تلك النظرات؟؟ لماذا كانت تنظر لى بهذا الشكل ؟ ، فجأة ..طرقات بالباب ، طرقات كبيرة ومخيفة ، يرتديه حالة من الرعب والخوف ، تقدم بسؤال واحد : مين اللى على الباب ، لن يجيب أحد ، عاد تكرار السؤال ، لن يجيب احد ، تقدم الى الباب وفتحه بدون شغف ، وإنه لو كان يفتح هذا الباب ودقات قلبه متسارعه كان اصيب بنوبة قلبية حادة ، لأن الذى على باب الغرفة ...جميلة الجميلات .
لن يتحدث بشئ ، اصيب بحالة من المفاجأة ادت الى ان يكون شخصاً صامتاً ، استأذنته بالدخول ، مازال صامتاً ، أستأذنته مرة اخرى ، فأجاب عليها بضحكة تخفى وراءها اسرار ..: ايوة ايوة ، معلش انا اسف ، لامؤخة مش قد المقام بسسسس ، عرضت له كف يدها الايمن ، اشارة بقطع كلامة واكملت : لا متقولش كدة ، انا بس جيالك فى موضوع لأنى عايزة اتكلم معاك شوية ، نظر اليها وقال : انا اسف بجد ان المكان مش نضيف شوية بس زى ما حضرتك فاهمة انا عايش لوحدى وكدة ، قاطعته مرة اخرى : ممكن ادخل طيب ولا امشى؟؟ ، بسرعة قال لها : لأ لأ لأ تمشى ايه ...ازاى تمشى ، اتفضلى اقعدى على الطرابيزة عقبال ما اروح اعمل لحضرتك الشاى ، ..اتجه الى المطبخ الصغير لعمل الشاى ، وهى كانت تتجول فى غرفة المعيشة الهادئة تنظر الى بعض المعلقات الدينية وهى تقول له : هو مفيش حد معاك ؟؟ ، انت ملكش صحاب ، على فكرة انت انسان غريب اوى بس مش عارفة حاسة ان وراك قصة كبيرة ، قال لها بصوت عال وهو مازال فى المطبخ : انا اتولدت هنا ولدتى اتوفت بعد ولادتى بساعة ، والدى ربانى هنا وللأسف حصلها من كام سنة ، قالت له : انا اسفه لو كنت قلبت عليك المواجع ، قال لها : لاء عادى مش بتفرق ، وعندما احضر لها الشاى سألته مرة اخرى عن قصة حياته ، حكى لها ما تبقى ، وعندما استكملت باقى الحديث (وهو طبعاً مش مصدق انها معاه وعمالة تتكلم عادى...وهو مين يطول يعنى ؟؟) ، فجأة رن موبايلها وقالت فى لهفة : بابا ، وعندما انطلقت حاول الامساك بيدها على الطرابيزة ، ونجح، قالت له : ايه فى ايه؟؟ بأستعجاب ، قال لها : على فكرة انا معجب ووووو - طشششششششش - اخذت كوب الشاى ودفعت به على وجهة علامة من علامات الاعتراض والنرفزة ، اخذ يتألم من الماء الساخن وبعد ما انطلقت تفاجأ بصوت اجش " ايه ياعم فوقلنا بقى شوية وحياتك ، انا جبتلك الفطار علشان متقولش مفيش حد بيسأل عليك ، وهو انا لازم اقومك من النوم بالطريقة دى؟" ، فتحت عيناه على ارض الواقع بأستعجاب ... هو دا كان حلم ؟؟ بجد كان حلم ؟؟ ، اندهش "عم ابراهيم" من الموقف اللى اول مرة يحصل ، وقاله بصوته الاجش مرة اخرة :اه ياخويا كان حلم ، قوم وفز واصحى بقى زى بقية الخلق عايزن نروح شغلنا ، حاضر ياعم ابراهيم حاضر انا رايح البس اهوة ، هكذا قالها وهو متسرع ومرتبك ، كيف ولماذا ، رأيتها ليلة الماضية ورأيتها فى نفس اليلة ولكن الفرق كان مجرد "حلم" اتمنى ان يكون حقيقة ، وان كانت حقيقة فى يوم من الايام ؟؟ هل ستمنعنى من ابداء رأىى بجمالها واعجابى ؟؟ ولاحتى مازالت بقلبى كلمة اتمنى ان اقول لها ، كلمة اختيرت من قلبى .
هل سأفعل ذلك ؟ ام سيحدث ما سيحدث ؟؟ والحمد لله انه كان حلم ، دا لوحقيقة كانت تبقى مصيبة .
حالة حب ، وحالة ارتباك .. مازالت فى قلبى .--- يتبع بس مش النهارضة
تصبحوا على الحب والخير
والقاكم فى البوست الجاى
اسلام ديو الساعة 5:57 التاريخ 3/3/2009
جميع الحقوق محفوظة فى الفريزر لمدونة اصحى يا مصر
هيييييييييييييييييي
ردحذفأول تعليق
لبسومة النعومة
جميلة عجبتني
ردحذفمستنية الباقي
وتعالى عندي في المدونة عشان عايزة حضرتك ضروري
ماشي مستنياك تعلق عندي
ضروووووووووووري
دمت بكل ود
تحيـ بسومة ــاتي(:
بسم الله الرحمن الرحيم
ردحذفاسلام ....
السلام عليكم ورحمه الله وبركاته.
المائده دسمه وفي حاجه لشويه مهضمات كده دعني اهضم واسمتع بتلك الوجبه الشهيه...سلام مؤقت!
بسم الله الرحمن الرحيم
ردحذفالسلام عليكم ورحمة الله وبركاته
اسلام افندى
تحياتى
(شكلك لسه ماغيرتش النضارة)
جميله خالص الحكاية دى
وكمان واقعيه (ايوة كده ماتعملش زى الجماعه بتوع هنعيش فى عش العصفورة ومش عارف ايه دى معاها موبايل وهو شكله عمك ابراهيم مطلع عينه فى الشغل)
فى انتظار الباقى ولما نشوف بقى هيعمل ايه
تحياتى ودمت بكل ود وخير
والسلام عليكم ورحمة الله وبركاته
حكاية جميلة جدا ولا في القصص بتاعة زمااااااااااااااان(( ابن الجنايني واميرة القصر اتجوزو وعاشوا في تبات ونبات وجابوا صبيان وبنات))
ردحذفبس بجد يااسلام قصة رومنسية وشدتني قوي بس للاسف طلعت حلم ان شاء الله تكون حقيقة وتتحقق وربنا يوفق الجميع
تقبل خالص تحياتي
السلام عليكم ورحمة الله وبركاته
ردحذفجميلة اوي القصه والحمد لله انه كان حلم لاني زعلت عليه اوي
ومستنيه باقي القصه..
اولا الف سلامة عليك من البرد ثانيا فى انتظار باقى القصة مع انى بحزن جدا من قصص الحب المستحيلة دى
ردحذفاهئ اهئ اهئ
صحيح الصورة جميلة جدااااا انت اللى راسمها ؟؟؟؟
ردحذفبجد جميلة اوى
أولا سلامتك
ردحذفوالاغنية انا بحبها
وجواها كلام كتير اوى
السلام عليكم / أخى اسلام بداية شفاك الله وعافاك ، ثانياً جميله جداً القصه وفعلاً أضحكنى أنه كان مجرد حلم والحمد لله أنه كذلك ، رزقك الله الخير حيث كان ، ودمت بخير .
ردحذفأخى الكريم :إسلام
ردحذفالسلام عليكم ورحمة الله وبركاته
أحيى أسلوبك السلس والمشوق
دائماً متميز ومتفرد
تقديرى واحترامى
أخوك
محمد
جميل اووووى
ردحذفيا اسلام
انا دلقة الشاى لوسعتنى أنا
ههههههههههههههههههه
فى انتظار الباقى
بس مش عيب البنت تزوره فى انصاص الليالى كدة
الجيران يقولوا ايه
!!!!!
ههههههههههههههههه
بسمة اشكرك على الاهداء الجميل دا بجد
ردحذفواشكرك على تعليقك للقصة دى مع انها لسة فاضل عليها كتير...
تعليق تاني لفنونة
ردحذفيارب يتحقق بس نهايتها ماتكونش كده
تكون ماسك عصير احسن عشان ماتتحرقش ويكون سخن
هههههههههههه
استاذى العزيز / رئيس التحرير
ردحذفاشكرك على زيارتك القيمة
وبما ان المائدة دسمة فمنتظرين تعليقاتك الاكثرها دسم
وتسلم على مرورك الطيب
اخى العزيز / المعتصم
ردحذفبإذن الله صدقنى النضارة هتتغير على اول الشهر هههههههههههههههه
القصة واقعية اينعم ولكن ينقصها الجزء الثانى الذى سيكون ملئ بإذن الله بالمواقف .
اختى العزيزة فنونه
ردحذفازيك الاول واخبارك ايه؟
صدقينى لسة الحكاية هتكبر وهتقلب تراجيدياوحاجات كتير كدة
سمسم
ردحذفأيه الجمال ده يا باشا
علي فكرة أنا كده مضط أني اتابع الموضوع
ومستنيين البوست اللي جاي
بس تصدق أحلي حاجه انك كاتب التاريخ
لاني بقالي فترة كبيرة جداً
فاكر اننا لسه في شهر 2
يلا حصل خير
تحياتي
ايه يا عم الجمال ده بجد حلوة اوى .. ومش بس هى اللى حلوة ده كمان طريقة سردك للقصة رائع .
ردحذفتحياتى .. ودائما الى الامام ،،
نفرتارى
القصة عجبتني بس مش هقدر احكم عليها غير لما تخلص كلها
ردحذففي انتظار الاجزاء التانيه
تحياتي
وانت من اهله
ردحذفخخخخخخخخخخخخخخخ
لو سمحت مش عايزين ازعاج
يعطيك العافيه بس بجد القصه
ردحذفرااااااااااااائعه كتييييير
وحمدالله عسلامتك
دمت بود
تحيــــــاتي
جميلة تسلم يا اسلام وان شاء الله الحلم يبقى حقيقة سلاااامى
ردحذفبوست رائع
ردحذفجدا بس التكمله هتنزل امتى بقه
بجد واقعيه جدا
بس ياريت البقيه
انا فى الانتظار
اختى العزيزة shosho
ردحذفومازال للقصة بقية
مستنيكى تقرى الجزء التانى وتقوليلى رأيك
الله يخليكى يا ايوشة يا رب
ردحذفمستنيكى تقرى البوست بتاع الجزء التانى وتقولى رأيك
البت المشمشية
ردحذفاولاً الله يسلمك
تانى حاجة انا شلت الاغنية علشان شكلها كانت تقيلة عند بعض الناس
بس انا نوهت عنها فوق
اختى العزيزة حياتى نغم
ردحذفاشكرك على كلماتك الجميلة
الله يسلمك
على ما اعتقد ان الجزء الثانى احلى
دمتى وبود
اخى العزيز محمد الجرايحى
ردحذفعودة حميدة
ومنتظر ردك على الجزء الثانى
دمت وبود
اخى العزيز بدراوى
ردحذفشكل القصة عجبتك بس البنت هتزوره فى نصاص الليالى متهيأ لى شئ عادى لو كان "حلم"
اخى العزيز حقودى
ردحذفاشكرك على مرورك القيم
وعلى ان نلتقى فى الجزء الثانى انشاء الله
اختى العزيزة نفرتارى
ردحذفاشكرك على ردك الجميل
ومرورك القيم
دمتى بكل ود
اختى العزيزة دينا حامد
ردحذفاشكرك على مرورك القيم
بس ايه اللى عرفك ان فى اجزاء تانية
ههههههههههههه
اصل الكل مقتنع ان اخرها جزئين
اختى فراشة
ردحذفاسفييييييييين
وشكراً على مرورك الجميل ههههههه
اختى عاشقة القمر
ردحذفاهلاً بيكى فى اصحى يا مصر اللى مش عايزة تصحى
اهلاً وسهلاً بيكى
وعلى امل ان نتواصل بإذن الله
اختى العزيزة بسمة
ردحذفبلييييز تابعى بقى الجزء الثانى
ومتى بكل ود
اخى العزيز ادم المصرى
ردحذفالتكملة نزلت بحمد الله
تقدر تقراها
واشكرك على حسن المتابعة
دمت بكل ود