الخميس، مارس 19، 2009

كل سنة وانتى غالية عليا


من اول ما تولدت ، حسيت بكل ما فى الدنيا من حب وحنان ، عرفت طعم الحنان من حضن بيخلينى اروح فى دنيا تانية ، رسمتلى معالم ضحكتى بجميع فرش المشاعر والاحساس الطيب ، جت على نفسها كتير اوى علشان متحرمنيش من اى شئ ، بتسهرلى كل يوم ، بتخفف عليا دموعى ، بأديها تمسح كل احزانى ، بمشاعر الأم المصرية اللى روحها اجمل من اى ام فى الوجود ، اللى بتخاف على اى شخص مش مجرد انه يكون ابنها وبس ، هى...كل شئ ليا فى الدنيا ، ساعدتنى انى اتفوق ، واكون انسان ليه قيمة ، ..ساعدتنى انى اكون مبدع ، ولما كبرت لسة فى عنيها مرسوم الطفل الصغير اللى محتاج اللى يطبطب عليه ، وياخد بأيده ، دا كله من حنانها ليا ، وعطفها ليا ، مش عارف اقولكم ايه لأنى بجد لو قعدت احكى واحكى الحكايات هتطول وقصصنا هتطول ، يارتنى ارد لها ولو 1% من الجميل ، اللى هفضل شايلهولها ، وفى اليوم الجميل دا ، اللى هو عيد الأم بقولها كلمة بجد ليها لوحدها ، وبقولهالها قدام كل الناس ، يا اعز ما املك فى الدنيا :
كل سنة وانتى غالية عليا
ابنك اسلام

تانى حاجة عايزكم فيها ، مش بس فى ام واحدة فى حياتى ، لا لو سمحتم انا ليا امهات هنا برضة ، لما دخلت حياة التدوين ولاقيت فيها عيلتى واخواتى وامى وابويا وكل ما هو مدون فهو قريب لي ، وفعلاً احنا لو دخلنا يا جماعة مدوناتهم هتعرفوا قيمة الحب دا وهتشوفوا بيكتبوا حاجات قد ايه مفيدة لينا ولأجيال غيرنا ...بصراحة ..هيا دى فعلاً الأم المصرية ، فتعالوا بقى نقولوهم ربنا يخليكم لينا
إلى الأم بستان الحب
إلى الأم شمس النهار
إلى الأم صاحبة مدونة فراغ
إلى الأم ماما امولة
ولو نسيت حد ادونى اخطار بليييز
اشكركم جزيل الشكر
جميع الحقوق محفوظة لمدونة اصحى يا مصر

هناك 74 تعليقًا:

  1. كل سنة ومامتك طيبة وربنا يخليهالك

    ردحذف
  2. هو انا اول تعليق فى عيد الام ولا ايه

    ردحذف
  3. ربنا يبارك فيك يا اسلام

    وكل سنة وانت طيب يارب

    ويسعدني ويشرفني ان اكون مثل امك

    وكل سنة وامهات الدنيا كلهم بخير

    دمت بكل الخير

    ردحذف
  4. كل سنة وكل الامهات بخير ويارب يسلمولى كتير يارب ااااااااااااميين

    ردحذف
  5. كل سنة ومامتك وكل أمهاتنا بخير
    وفى سعادة وهنا وسرور
    وجميل منك انك اهديت لأمهاتنا فى عالم التدوين
    دمت بكل الود

    ردحذف
  6. السلام عليكم / كل عام وأنت ووالدتك بخير حال وسعادة وأمان ، كلمات جميله سهله وبسيطه وكلها مشاعر صادقه وكأنك فيها بتتكلم مع نفسك ، جعلك الله لها نعم الابن البار وجعلها لك نعم الأم ودمتما وكل أمهات المسلمين بخير .

    ردحذف
  7. كل سنه والام بخير وانت كمان بخير وتكون السنه الجايه فى اتم صحه وعافيه

    ردحذف
  8. الاخ العزيز اسلام
    كل سنه وامهاتنا بخير وصحه وسعاده
    وربنا مايحرمناش من عطفهم وحنانهم
    واحنا مهما نقول ونتكلم ما تبقي من
    اعمارنامش ممكن نوفيهم حقوقهم علينا
    رتنا يبارك لنا في اعمارهن وصحتهن
    وكل عام وكل ام وكل اسره بخير وسعاده

    ردحذف
  9. كل سنه ومامتك طيبه ياب
    ويارب يخليهالك تفضل تاج علي راسك طول عمرك
    ويوفقك ببرها
    وكل سنه وحضرتكم طيبين ياامهات المدونه الرائعات
    اسلام
    ربنا يبشر اهلك فيك خير يارب
    بالتوفيق يارب
    تحيــــاتي

    ردحذف
  10. كل سنه
    وامهات مصر كلهم بخير وصحه وعافيه

    يارب

    ردحذف
  11. شكرا ليك يااسلام علي اللفته اللطيفه الجميله دي منك
    وعايزه اقول لولدتك كل سنه وهي طيبه
    وبشكرها انها طلعت لنا شاب جميل الطباع زيك مش اي حد يقول الكلام اللي انت كاتبه في البوست ده
    ومش اي حد في الزمن ده بيغترف بصنيع حد حتي لو الحد ده امه
    ربنا يبارك فيك ويكرمك يااسلام

    ردحذف
  12. كل سنه وانت ومامتك وكل الامهات بخير يارب

    ردحذف
  13. كل سنة وكل ام بالف خير وصحة وامان وسعادة يارب

    ربنا يخلي لك والدتك يارب وكل سنة وهي بالف خير

    تحياتي

    ردحذف
  14. بسم الله الرحمن الرحيم
    إسلام ...
    السلام عليكم ورحمه الله وبركاته
    كل سنه وأمي و أمك و أنا و أنت و كل الناس بخير يارب .
    بشكرك عل زيارتك ، و المعلومات القيمه التي تركتها لنا .بشكرك عليها رغم تحفظاتي علي اشياء كثيره إن شئت تحدثنا فيها...
    شكرا لك...

    ردحذف
  15. شكرا ليك يا اسلام على الموضوع الجميل ده انا اول مره ادخل المدونه بس بجد عجبتنى خالص واتمنى ان تتقبل مرورى
    واقول كل سنه وانتى طيبه يا امى ويا كل ام محبه فى هذه الدنيا

    ردحذف
  16. كل عام و أمى و أمك فى تمام الحال و الصحه أسأل الله أن يبارك فيهم ويرعاهم

    ردحذف
  17. قبل ماكتب الكومنت
    لفت انتباهي الكلام الي في اترك تعليقك
    (: لو انت مش مدون اتبع الخطوات الاتيه
    ولقيتني ببتسم
    بس تعرف انها حاجه حلوة ..
    أنا قبل ماادون كان بيبقى نفسي أرد ومكنتش بعرف ..
    المهم ...
    كل سنه ووالدتك بخير ..
    وأمهاتنا جميعا ..

    تقبل مروري
    تحيـــــــاتي

    ردحذف
  18. ابنى اسلام ادخلت السرور على قلبى يارب يبارك فيك ويحفظك من كل سوء كل عام وانت بالف خير وانا اتشرف ان اكون اما لك دمت فى سعاده وراحة بال

    ردحذف
  19. كل سنه وكل يوم وكل دقيقه وكل ام في الدنيا بخير وغاليه اوووى عند اولدها

    ردحذف
  20. اولا:

    المدونه بقت شيك اوووووووووووووووى بجد

    ثانيا : كل سنه ومامتك ومامتى وكل الامهات بخير
    وربنا يخليك مامتك يارب

    ثالثا : بما ان صراحتى دايما بتودينى في داهيه
    فانا مليش ام في التدوين غير ماما اموله بسسسسسسسسسسسسسسسسسسسسسسسسسسسسسسسسسسسسسسسسسسسسسسسسس

    وبقولها كل سنه وانتى طيبه يا مامتى

    وكمان يا اسلام ماما اموله مامتى انا بس هههههههههه

    ايه ده؟؟؟؟؟؟

    ردحذف
  21. أخى الفنان
    السلام عليكم{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا} (23) سورة الإسراء
    دمت بكل الخير

    ردحذف
  22. ربنا يخليكم لبعض ويطول عمرها .. وكل سنة وهى وانت بألف خير وسعادة .


    تحياتى ،،


    نفرتارى

    ردحذف
  23. السلام عليكم
    طيب الحمد لله ان حضرتك بخير
    والف مبروك على النيو لوك
    بجد حلو اوي وباين على حضرتك شاطر جدا
    مش عارفه بتعمل الحاجات والمحتاجات دي ازاي
    وكل سنه ومامتك وباباك كمان طيبين
    مبحبش انسى حق الاباء
    ربنل يخليك لغواليك
    دمت بكل ود
    تحيـ بسومةــاتي(:

    ردحذف
  24. كل سنة ومامتك بألف خير وصحة وسعادة ربنا يخليهالك ويحفظها
    على فكرة أنا كمان أم بس بنتى لسة صغيرة

    تحياتى

    عاشقة الورد

    ردحذف
  25. كل سنه وكل ان وحضرتك وكل شيئ جميل فى الدنيا او حرف منو ماما يكون بخير وفى حفظ وامان ورضا الرحمان

    وبارك الله فى كل ام وكل اب

    وربنا ميحرمنا منكو ابدا

    ردحذف
  26. كل سنة وكل امهات مصر بخير
    وبجد اجمل واسمي تكريم للام هو من اولادها لما يذكروها بالخير ويكونوا الذرية الصالحة البارة بيها اللي ما تنكر جميلها وتذكر دايما لها الحب والحنان والعطف والدفا اللي فيها

    ردحذف
  27. اخي الفاضل / اسلام


    تحية فائقة ،

    اشكرك على الاهتمام والاشادة بي وهذا امر يجعلني في غاية السعادة

    وانا اؤيدك في رأيك بخصوص الهدف من انشاء المدونة وهذا الاسم وهو اصحي يام مصر لقد قرأت هذا الموضوع وانا اتفق معاك عقلاً وقلباً

    ولك مني بالغ التقدير وكثير الامتنان

    فارس عبدالفتاح ... قومي عربي

    ردحذف
  28. كل سنة ومامتك وكل الامهات بخير يااسلام ياااااااااااااااااارب

    ردحذف
  29. كل سنه وكل ام بخير
    وبعدين تعالى هنا ايه حكايه مارينا دي لا ارجع احكي ليه

    ردحذف
  30. البنت المشمشية

    الله يبارك فيكى يا اعز اخت فى التدوين

    ردحذف
  31. the kin xp

    thanx for ur comment

    islam dew

    ردحذف
  32. ماما امولة
    دا اقل حاجة اقدر اقدمهالك فى عيد الأم
    تسلمى

    ردحذف
  33. اختى العزيزة بسمة مسلم
    شرفتى ونورتى مدونتى الصغيرة بارك الله فيكى

    ردحذف
  34. mohamed ghalia
    بالفعل وحشتنى
    اشكرك على تعليقك الاكثر من جميل
    ودمت بكل توفيق

    ردحذف
  35. حياتى نغم
    بكل المشاعر الصادقة
    اقول بارك الله فيكى ورضا عنك

    ردحذف
  36. استاذى الفاضل فشكول
    اشكرك على تعليقك الأكثر من جميل
    وفقك الله

    ردحذف
  37. اخى محمد فارس
    وكل سنة وانت بكل صحة والف خير
    تقبل تحياتى

    ردحذف
  38. اختى الفاضلة ايمان روحى
    اشكرك على تعليقاتك الدائماً متميزة فى المدونة
    وتسلمى على كلمتك الجميلة
    ستبقى دائماً والدتى وامهاتى هنا تاج راسى

    ردحذف
  39. الفراشة الصغيرة
    اولاً اشكرك
    وكل سنة وامهات مصر بألف خير

    ردحذف
  40. امى شمس النهار
    دا اقل حاجة بجد اقدر اعملهالكم
    كفاية كلامكم الجميل واحساسكم الاجمل

    واشكرك على كلماتك الرقيقة دى

    ردحذف
  41. بس خلاص
    اشكرك على كلماتك الرقيقة
    وتحياتى لك

    ردحذف
  42. اختى الفاضلة دينا حامد
    اشكرك على كلماتك الجميلة
    ودمتى بكل ود وسعادة

    ردحذف
  43. استاذى الفاضل فركشاوى ناوى
    اشكرك على مرورك الجميل بمدونتى
    احب اقولك المدونة نورت بجد
    وانا على استعداد للمناقشة بداية من الأن

    ردحذف
  44. اختى حواديت بنوتة
    نورتى المدونة واسعدنى لقائك
    واتمنى ان نتواصل بإذن الله

    ردحذف
  45. اعشق الليل فى ضوء القمر

    ويبارك فيك اخى
    وتبقى طمنا عليك دائماً
    تحياتى

    ردحذف
  46. ميرام
    اشكرك على رأيك الجميل

    وبارك الله فيكى
    ونورتى المدونة ومنتظر اشوفك تانى

    ردحذف
  47. امى بستان الحب

    فعلاً دى اقل حاجة اقدر اعملهالك وللأمهات اللى معانا
    تسلمى يا امى
    وتحياتى القلبية لك

    ردحذف
  48. ماء تشريين

    نورتى المدونة

    بجد نورتى المدونة ومنتظرك على ان نتواصل بإذن الله

    ردحذف
  49. غرووووب
    اشكرك على تعليقك الجميل
    ههههههه النيو لوك جه فى معاده علشان الاستاذ طرووق اللى انا منتظره

    واشكرك لتانى مرة على تعليقك الجميل

    تقبلى تحياتى

    ردحذف
  50. اخى الفاضل اللؤلؤة
    اشكرك على الايه الجميلة ايها المؤرخ العضيم

    وبتأسف على تأخيرى علشان طرووق واخد منى كل وقتى

    ردحذف
  51. اختى الفاضلة نفرتارى
    اشكرك على تعليقاتك الاكثر من جميلة
    ودمتى بكل خير

    ردحذف
  52. صدى الصمت
    بارك الله فيكى ورضا الله عنك
    وربنا يخليهالك يارب

    ردحذف
  53. ادم
    اخيراً رديت
    فعلاً ولله ليك وحشة
    كويس انك طمنتنى عليك
    وليكم يا صديقى العزيز فى مدونتى الصغيرة وارجوا انها تكون حازت اعجابك

    ردحذف
  54. اختى سما الحب
    فعلاً احلى تكريم ان احنا نفتكرهم مش بس فى يوم زى دا
    لا فى كل يوم
    اشكرك على الكلمات الجميلة

    ردحذف
  55. اخى الفاضل فارس عبد الفتاح
    اشكرك على كلامك الجميل
    ونورت المدونة
    وبإذن الله سنتواصل

    ردحذف
  56. اختى الفاضلة ايوشة
    اشكرك على مشاعرك الصادقة
    وكلامك الجميل

    تقبلى تحياتى

    ردحذف
  57. اختى العزيزة appy
    اشكرك على تعليقك الجميل

    وانا اسف التعليقات دخلت فى بعضها بس اول جملتين كانوا ليكى فعلاً ودا علشان انتى مكنتيش بتدخلى المدونة عندى خااالص

    اسف تانى مرة على الخطأ
    وتقبلى تحياتى

    ردحذف
  58. اسلام كلامك وضحلى ان انت انسان جميل
    وممتاز
    مش فاكرة اذا كنت هتفتكرنى ولا لا
    ريم محمد

    ردحذف
  59. السلام عليكم و رحمة الله و بركاته

    أولا : بأشكرك بجد على يارتك الجميلة
    و ان شاء الله مش تكون الاخيرة

    ثانيا : رائع ماخطته يداك ،
    فعلا الأم دى نعمة من ربنا
    ربنا يكرمنا بيهم و يقدرنا على برهم

    مش هأقول رد حقهم علينا لاننا مش هنقدر





    كل سنة و مامتك طيبة
    و أمهاتنا كلهم طيبين



    دمت بود

    ردحذف
  60. عزيزى اسلام

    اول مرة ازور تلك المدزنة الثرية .. وان يمون اول بوست ازوره عيد ..

    هذا فال جميل .. ورأيت انك رساك كاريكاتير هايل أيض ومنه فهمت ان يكون صلاح جاهين مثلا أعلى ..

    انا ايضا ارسم واعرض كل اعمالى على بلوج آخر .. شئ رائع ان يكون الانسان متعدد المواهب مثلك

    اسعدتنى زيارتك كثيرا وارجو ان تكرر كما وانه بالتأكيد سآتى هنا مرارا

    كل تمنياتى لك بالتوفيق دائما

    ردحذف
  61. الاخ العزيز ،اصحى يا مصر : اسلام ديو
    السلام عليكم ورحمة الله وبركاته
    اهلا بك وشكرا لك وتكمل سعادتى لو شاركت بالتعليق فى موضوع الغد مسالمة اليهود
    لك تحياتى والسلام عليكم ، ولا سلام مع اليهود

    ردحذف
  62. السلام عليكم...
    الله يبارك في جميع الأمهات ..
    وكل يوم وكل الأمهات بخير..
    ..
    دمت بخير

    ردحذف
  63. السلام عليكم

    كل سنه وكل ام طيبه وبكل خير
    كل سنه وامك وامى وكل ام لكل مصرى وعربى بخير وصحه وسعاده
    وكل سنه وكل ام مدونه بألف صحه وسعاده وخير ويارب دايما يكونوا جنبنا منورين عالم التدوين
    على فكره انت نسيت واحده ام عبدالرحمن محاسن صابر صاحبة مدونة عايزه اتطلق و ودى شرقاويه زيك بالظبط وده عنوان مدونتها يمكن انت مش تعرفها
    http://ayzaatalawa.blogspot.com/

    تشرفت بمعرفتك ولك كل احترامى

    ردحذف
  64. أهلا ريم
    بما انى مش فاكر خاااااالص
    بس عموماً نورتى المدونة
    واهلاً بيكى

    ردحذف
  65. اخى محمد (امبارح كان عمرى العشرين)
    نورت المدونة
    وكل سنة وانت طيب
    تحياتى

    ردحذف
  66. اخى الفاضل شريف
    اولاً اهنئك بصدور كتابك
    تانى حاجة بإذن الله هشتريه
    تالت حاجة اشكرك اوى على الكلام الجميلدا
    انا زورت المدونة وعارف انك انسان مبدع
    وفقك الله

    ردحذف
  67. استاذى الفاضل بيرم المصرى
    اشكرك على مرورك الطيب
    وانا اتى الى مدونتك

    ردحذف
  68. نهار
    اشكرك على مرورك الجميل
    تحياتى لك ودمتى بكل خير وود

    ردحذف
  69. اخى son of egypt
    طبعا مسز محاسن ام بيدو غالية علينا كلنا
    وانا اسف على النسيان بجد لأنى كنت مشغول ببوست طروق

    ردحذف
  70. وفقك الله مدونتك جميلة جدا ومصرية جدا وقريبة جدا من القلب حسه كأنى بدردش مع ناس طبيعييييين جدا خالييين من العقد والنقص ومفيدة تجمع بين الفن والإجتماعيات والأدب والسياسة والموسيقى ..فى رأيى هى موسوعة فى مدونة واحدة .. فى راحة إستشعرتها فى مدونتك وطبيعة تفوق الحد..وفقك الله

    ردحذف
  71. Beautiful wards very toushy,,,

    ردحذف
  72. beautiful wards,,very touchy,,

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم