تحديث هاام : انا بتأسف يا جماعة لعدم كتابة اليومية الخامسة لسى طرووق ، او ردى على التعليقات ، ودا لمرورى بحالة برد شوية ، وانتظرونى بكرة بإذن الله على موعدنا مع طروووق 5 : انا والحرنكش
تحديث هاام : المدونة دى ورسوماتها ملك لكل للمدونين واى مصدر صحفى حــر ومش ملكى انا بس ، يعنى اللى عايز اى صورة لطرووق او جى جى انا معنديش مانع ، او مقالاتى ...، وانا بتأسف على عدم متابعتى الفترة اللى فاتت بجد كنت بمر بحالة مش كويسة ، والحمدلله انى قدرت اكتبلكم السكريبت الرابع... ودا لإنى بحبكم كلكم .... إسلام ديو
تحديث هاام : المدونة دى ورسوماتها ملك لكل للمدونين واى مصدر صحفى حــر ومش ملكى انا بس ، يعنى اللى عايز اى صورة لطرووق او جى جى انا معنديش مانع ، او مقالاتى ...، وانا بتأسف على عدم متابعتى الفترة اللى فاتت بجد كنت بمر بحالة مش كويسة ، والحمدلله انى قدرت اكتبلكم السكريبت الرابع... ودا لإنى بحبكم كلكم .... إسلام ديو
لا تقولى ليدسى لوهان ولا سارة كورنر ، احنا الاصل دايماً يابا ، اه مهو حبيبتى لهطة القشطة بالسمنة البلدى ، جىجى بنت طنط تفاريح ،وعمو كمال التهابات ، خارجة معايا النهارضة ، يالهوىىىىى ، مش مصدق نفسى بجد ، دايماً بقول لنفسى يا واد يا طرووق امك دعيا عليك ،طول عمرها تقولى روووح جاتك وكسة ، الله يخليكى ليا يا ماما ، ، ايه دا... ايه الجمال الربانى دا بس يا ربى ، يالهوى على النضارة التوحفة والشعر المدلوق عليه ربع كيلو زيت زتون بتاع عمو حسنى تسعيرة ، والشوز البلارينة الفظيع ، اللى اتهرا من كتر صوت الطقطقة ، اول ما مسكت اديها حسيت بكهربا خلت جسمى قشعر ودقات قلب عمالة تخر مشاعر واحاسيس ...مكنتش عايزة تخرج معايا غير لما اجيب عربية علشان شكلنا ميبقاش وحش ، طبعاً مرضتش اقولها لاء ، رحت جايب زمارة بتاعت تييييت تييت دى وزمرت تحت البيت وكان فى عربية راكنة ، عيشتها الدور ، ولما نزلت وسألتنى على العربية مقدرتش اقولها غير : عيشى عيشة اهلك ياجىجى ،
طبعاً نزلت وخرجنا واول حاجة روحنا الكورنيش ، وفتحت اغنية تامر عشور " انا هاجى على نفسى" ، مش عارف فاتحاها ليه ، اصلها كانت ساكتة ، مع ان طول الطريق كانت حنفية رغى وكلام ، بس الحمدلله انها سكتت ، حاولت اتكلم معاها بس تقريباً حد بخ علينا بنج ، راحت قايلة بصوت عالى
جى جى : بحبببببببببببببببك يا طــــــــ
رحت ماسك بوقها وقافله بأيدى
طرووق : يخربيتك هتفضحينا ، هو انتى كنتى بتحوشى الصريخة دى ولا ايه؟
جى جى : يعنى يا حبيبى بلاش اعبر عن حبى ليك
طرووق : عبرى ياختى مقولتش حاجة بس انتى كان سنة وهتفرقعى اخر طبلة
ليا فى ودانى .
ليا فى ودانى .
جى جى : بجد انتا مش عارف احساسى بيك وانتا معايا بيكون عامل ازاى ،
بجد يا طروووووقة يا حبيبى انتا كل حاجة فى حياتى
بجد يا طروووووقة يا حبيبى انتا كل حاجة فى حياتى
طرووق فى سره : هههههه كل حاجة فى حياتك ..، شكلها مش فاكرة اللى
حصل امبارح مع ابوها .
حصل امبارح مع ابوها .
جى جى : ايه يا طروقة يا حبيبى مش بتتكلم ليه؟ ، وعلى فكرة انا زعلانة منك
علشان مش عايز تتكلم
علشان مش عايز تتكلم
طرووق : ههه..ههههه. مش عايز اتكلم ، دانا على رأى تامر بس "لما
بتكون بعيد بحضر كلام اقوله ، ولما بتكون قريب بتنسينى اليوم بطوله ، واول ما
شوفتك يا حبيبتى نستينى اسمى
بتكون بعيد بحضر كلام اقوله ، ولما بتكون قريب بتنسينى اليوم بطوله ، واول ما
شوفتك يا حبيبتى نستينى اسمى
جى جى : نفسى اسمع منك كلام من قلبك مش بتاع الاغانى
فجأة سرح طروق مع اصوات زنت فى ودانه ، اصوات البحر ، واصوات كتيير اوى ، عيش نفسه فى وهم وقعد يفكر يقولها كلام من قلبه ... عاش فى وهم ان كيوبيد جاى ومعاه الفرج ، وهينشن سهم على قلبه وبالتالى هيعرف يتكلم ، بس للأسف كيوبيد كان جاى فى شكل الحاج ابو طرووق ، وراح نازل عليه بالشومة وطبعاً عنيه احولت من تقل الضربة
طرووق :اىىىىىىىى
جى جى : مالك يا حبيبى خييييير؟
طرووق : ايه يا جىجى ..ههه..انتى بقيتى بخار يا حبيبتى ولا انا
احوليت؟
احوليت؟
جى جى : مااااالك يا طروق فى ايه خير؟
طرووق : واحد غلس اوى ورذل جداً خبطنى بالطوبة بس مش عارف فين
جى جى : مين دا يا طرووق ؟؟
طرووق : طب مفيش اختيارات يا جىجى؟
جى جى : بكلمك بجد مين دا؟
طرووق : وانا ايش عرفنى يعنى يا جيهان اكيد واحد غلس وبيغلس علينا ،
وبعدين ايه الأسئله الكتير دى ؟؟
وبعدين ايه الأسئله الكتير دى ؟؟
راح قايل فى سره : وانتا يابابا مش عايز تفرحنى يوم؟؟ ، مش عايزنى افرح
يوم ، طب انا عملتلك ايه بس؟
طبعاً بعد اللى حصل ساب طرووق المكان وكان عايز ينتقل لمكان اخر ، بس للأسف لقى معاكسات كتير اوى بدأت تترزع على جىجى ، ولقى واحد راح
رامى كلمة كدة : ياجميل انتا يا مفهطط
يوم ، طب انا عملتلك ايه بس؟
طبعاً بعد اللى حصل ساب طرووق المكان وكان عايز ينتقل لمكان اخر ، بس للأسف لقى معاكسات كتير اوى بدأت تترزع على جىجى ، ولقى واحد راح
رامى كلمة كدة : ياجميل انتا يا مفهطط
طرووق : مفهطط .. مفهطط ايه
كريم شلفة : فى حاجة يا برنس؟
جى جى : يلا يا طروق سيبه .. طروق كفاية كدة انا عايزة اروح
طرووق : استنى بس لما نشوف المعلم دا عايز ايه ، وبعدين انا مش برنس
كريم شلفه : بص يا برنس انا اللى رميت الكلمة ، وعلى رأى المثل بيقولك دارى على شمعتك تأيد ، وبصراحة انتا داريت عليها لحد ما ولعت ، والمفترض يعنى ان احنا نفرح بيها بقى ، لو كان حبيبك عسل ياخويا متلحسوش كله .
طرووق : انتا عايز تعمل مشكلة يعنى ولاايه؟ ،
كريم شلفة : تعالى بس فى السكنوف كدة بقى وكلمنى ، مش انتا عايز الاخرة فى الحوار دا يابا ، ماشى ، انا هريحك ، انا اللى قولت الكلمة ، واللى نفسك فيه
يابا اعمله .
يابا اعمله .
طرووق : سكنوف ايه واخرة ايه ، انتا مين اصلاً علشان تقول الكلام دا ..
شييييت
شييييت
كريم شلفة : شت ، شتت ايه ، انتا بتشتمنى ياض ، طيب انا بقى هجيب اخرتك
، ولا يا زعفرااااااانى ، يا سميييييييييير ، ياشلمح ، يا زننننجر
، ولا يا زعفرااااااانى ، يا سميييييييييير ، ياشلمح ، يا زننننجر
ولما الشلة كلها جت
الشلة : ايوة يابو الكرم ؟
كريم شلفه : الواد دا بيشتمنى يا رجالة
طرووق : يا استاذ كريم ..انا بالفعل غلطان ، عندك حق ، شيت دى كلمة
اجنبيه ، وعادى يعنى معناها ينهار اسود.
اجنبيه ، وعادى يعنى معناها ينهار اسود.
كريم شلفة : دانا اللى هسود عشتك اتقل عليا
(وساهم الرجالة كلها فى تقطيع وتقسيم طرووق حتة حتة)
جى جى : طروووووق ، انتا كويس يا حبيبى ؟؟ ، سيبوه حرااااام عليكم ،
كفااااااايه ،
كفااااااايه ،
طروووق : كــ..ــ..ويس ايـــــــ..ـه يــ...خــر..بييتك ، انــ.. ــا بــمــوت يــا جــــ...جـــى ، أعــ...ملـ..ى حااااججججججججججة
وبعد ما حصل اللى حصل ، وكمية التعاوير اللى اخدها اخونا طرووق ، ولما روح مع جى جى متكسر ومتجبس ، لدرجة ان بعض الحروف بقى بيكسر فيها بعد ما طقم اسنانة كله باظ
طرووق : بثياحة يا جىجى كانت خيوووجة ميهااش حل ، بث متعثعلينيش منك تانى وتقوييى يلا نخيج يا طيييووق تاانى لحسن منعيفش نتكلم تااانى انا وانتى
خاايص
خاايص
جى جى : ليه بس يا حبيبى كدة ، دانتا حتى كبرت فى نظرى اوى لما شوفتك
بدافع عنى
بدافع عنى
طرووق : ياختى انثاله اتغل فى نظلك بحق جاه النبى ، لو هضلب علثانك على
طوى كدة .
طوى كدة .
جى جى : انا فعلاً غلطانة انى سبتك تنضرب لوحدك
طرووق : يعنى كنتى هتعميي ايه؟ ، عايزه يتحفيى لينا قبيين سوا ونتكتيم فيهم ، اهو بالمية تيتاحى من تفاييح وكماى التهابات ، وانا ايتاح من ابويا ومى ،
وهما ماشيين راح واحد تااااانى شبيه لكريم شلفة عاكس جىجى
طروووق : طب باقويك ايه بقى يا جىجى ، بثى يا بينت الناس انا هيوح ، ولما تيوحى تبقى اتصلى ، كفاية لغاية كدة كويث اوى .
جميع الحقوق محفوظة لمدونة اصحى يا مصر
السلام عليكم
ردحذفمفيش خفة دم اكتر من كدة بجد
وبصراحة طرووق يستاهل انه خرج في المكان ده
الكورنيش بقي للناس اللي من نوعية الاخ ابو الكرم ده وشلته
يعني المفروض كان اخدها مكان تاني
ههههههههه
يلا اهو طقم سنانه راح خلاص
هايدفع كام الف عشان يصلحه
تعيش وتاخد غيرها يا طروق
ياعم الرومنسى ياعم طروق حد يقوله انه لازم يطلع الكلام من قلبه وبس حتى لو كلام اغانى بس من قلبه
ردحذفقعدت الكوؤنيش قعدت عليها كتير بس للاسف مش هخقولك كنت بقعد فين مكان محدش بيرخم عليك غير واحد بتاع ورد بيقولك هات سيجاره وياخدها ومتشوفش وشه تانى
جميل السرد للموضوع
السلام عليكم / جميله بس ياريت طروووق يخف من العلقه دى علشان كلامه كده محتاج ترجمه وتركيز :) وكمان صوتها العالى راح فين وهوه بيتضرب :)
ردحذفدمتَ بكل خير ومبدع .
هاى يا اسلام ازيك
ردحذفبجد طروق ده يستحق علقتين
عشان اللى يحب جىجى يستاهل اكتر من كده
فى وحده يكون اسم مامتها تفاريح وابوها التهابات وتتحب حرام عليك والله
وبعدين لازم يعنى تتفلسف على الراجل وتظهرلو ثقافتك اديك اتنشيت يا فالح
بس كنت عملت زى محمد هندى ومسكت جىجى ضربتها لما شلفه عاكسها كده كان هو اللى هيحوش عنها
يلا معلش تعيش وتاخد غيرها يا طروووووق
بجد قصه حلوة اوى
تسلم يا اسلام
ههههههههههه
ردحذفايه يابني ده
سيبتها تروح لوحدها
طيب ما انت كده كده خلاص اتشلفت علي الاخر كمل بقي
ههههههههه
ولا كنت خدتها في مكان حلو بدل الكورنيش وبعدين فك الكيس ياعم علشان جيجي تفرح بيك
ههههههههههههه
بس البوست زي العسل
ربنا يكرمك
سلام
أزال المؤلف هذا التعليق.
ردحذفالسلام عليكم
ردحذفحد يعرفه جى جى ؟؟؟
جى جى بنت تفاريح وكمال التهابات ومش عاوز تأكل علئه وسخنه كمان؟؟
وفقك الله لما يحبه ويرضاه
على فكره أضفتك فى مدونتى
ردحذفعثثثثل
ردحذفانثاله كنت علفتك من زمان
الرجل ده قمراية والنبى وانا بحييى الرجالة اللى بتضرب ماهو الراجل لزم ولابدن وحتمن يثبت لحبيبته انه ممكن يحميها واللا ايه يا جدعان؟
ههههههههههه
ومعلش ياطروووق
ههههههههههه
تقبل مرورى واعجابى
ازيك ياطروق عارفه والله اتأخرت عليك يابني
ردحذفبس اعمل ايه في المذاكرى اللي طلعت روح روح روح اللي خلفوني
ايه يابني دا انا قرات الحكايه اللي فاتت دي يخرب مطنك
خاف على نفسك وبلاش رومانسية تودي في داهيه وبقولك ايه دورلك على وحده غير بنت تفاريح والتهابات دي اه اصل وشها فقر اعوذ بالله
وضرب الحبيب زي اكل الزبيب ما بالك بقى باللي يضرب عشان الحبيب هع هع هع
سلاموز ياطرقرق مستنيه باقي بلاويك المهببه
هى جىجى مالها داخله كدا على الحامى من اول مقابله بحببببببك يا طوطو دى شكلها من الناس اللى مش بتضيع وقت
ردحذفبس بجد احييك على خفة دمك فى طريقة السرد
معلش يا طروووووق
ردحذفتعيش وتاخد علقه غيرها
بس تصدق جىجى ندله قوى
ازاى متجبش ضبه بدل
سنانك اللى اتكسرت دى
ايه البخل ده
لا تحفة المرة بجد
ردحذفطرووق راح فى شربة مية
ان لله وانا اليه راجعون
شكله كده هو وجىجى مش هينفعوا بعض تانى
ولو كملوا مع بعض الحلقة الجاية طروق هيبقى ذكرى
تحياتى ليك جميلة جدا المرة دى
طروق ده بصراحه يستاهل حد يعمل كده مع جارته وبنت حتته
ردحذفاهو خد جزائه
بسم الله الرحمن الرحيم
ردحذفالسلام عليكم ورحمة الله وبركاته
صديقى العزيز
اسلام
تحياتى
حراااااام عليك يااسلام
ايه اللى بتعمله فى الواد ده
يعنى بدل ماتخليه يعيش شويه شعوريات ومحاسيس من اللى هما
تخليه ياكل بدل الايس كريم علقه
لا بجد انا زعلان منك
بس هو بمبداء الاستفاده من الكوارث كلامه بعد الضرب بقى عسسسسسسسسسسسسل
هههههههههههههههههههههههههه
بش ايه ده دا على كده طلع واد جامد اخر حاجه اهه واتخانق علشام جى جى
امال بس كنت مدينا فكرة انه يعنى واد نص كم ليه
مش هتبطل تطلع عليه اشاعات ؟؟؟؟
انا مش عارف انت بتغير منه ليه بس
ههههههههههههههههههههههههه
تسلم ايدك ياصاحبى
بس ياريت يخف بسرعه علشان يكمل يوميات
احنا مستنيين
تحياتى ودمت بكل خير وود
والسلام عليكم ورحمة الله وبركاته
السلام عليكم ورحمة الله وبركاته
ردحذفإذيك يا إسلام
أنت فين من زمان ليه الغيبه الطويله دى
ولا حتى مريت ولا سئلت بجد قلقت عليك
على العموم أنت عسل قووى
وانا أتعودت على طررررررررررووووووووق مووووووووووووووت
بجد رائعه يا إسلام
بجد بعيش معاها قووى
ربنا يسعد ايامك ويوفقك للخير
اختك إيناس
تقبل تحياتى
هههههههههه جامد
ردحذفنصيحة لطروق يروح المترو !
انا لسه كاتب عن موضوع شبه ده امبارح بس قصة واقعية و حقيقية
اولا : باعتذر جدا جدا جدا على التأخير
ردحذفوالله غصب عنى
ثانيا : بجد مش قادرة امسك نفسى من لضحك
تحفة بجد
يسلم قلمك بجد
بثياحة يا جىجى كانت خيوووجة ميهااش حل ، بث متعثعلينيش منك تانى وتقوييى يلا نخيج يا طيييووق تاانى لحسن منعيفش نتكلم تااانى انا وانتى*
ياربىىىىىىىىىىى
بجد مت على نفسى من الضحك
لا و لا لما قالها :طب باقويك ايه بقى يا جىجى ، بثى يا بينت الناس انا هيوح ، ولما تيوحى تبقى اتصلى ، كفاية لغاية كدة كويث اوى .*
ياعينى ع الشباب الجامد
ههههههههههههههههه
تحفة بجد
و هأروح أقرا اللى فاتنى
سلام
جامده المره ديه يا إسلام حلوه بجد يا صديقى
ردحذفلا بجد حلوه انا فضلت أضحك لما دمعت عينى
يسلم قلمك و ريشتك
يعني البت مزة والعالم كلها بتعاكسها
ردحذفوهو متأمر ومتنطط عليها ومش عارف يقولها كلمة حلوة ....
اهي لقت غيره يقولها ... وهو اخد العلقة
احسن
بجد بقيت ادور على البوست الجديد
ردحذفلقيت حاجة بتخرج الضحكة من جوايا
ربنا يسعدك يارب
وبعدين اول خروجة على الكورنيش
طب روح جنينه ههههههههههه
اول خروجه لينا كانت على الكورنيش
برده هههههههههههههههههههه
وربنا يفرحك بدون مشاكل
هههههههههه
smilyrose
وردشان
روح الحب الصادق
ها ها ها ها
ردحذفضحكتنى جدا .. لا يلدغ مؤمن من جحر مرتين
ادى اخرة المرجلة والجدعنة
تحياتى للكاريكاتير الجميل
هههههههههههه كنت اعمل زى هنيدى واضرب جيجى زى ما ضرب دنيا سمير غانم:)
ردحذفولا سيبها واجرى اجدع استندال
ههههههههههههههههههههههههههههههههههههههههههههههههههههههههههههههههه
ردحذفانا لازم اتابع طرووق وجيجي دي من الاول
سعدت جدا بمروري الاول
ورسمت الابتسامه علي وجهي
مودتي
ههههههههههههه
ردحذفالسلام عليكم
وعامل ايه دلوقتى يا طرووق
الف سلامه ليه
عرفت ان دعوة الام مستجابه
اهى مفيش اكتر من كده وكسه جىجى بنت طنط تفاريح وكمان طقم سنانه باظ وحروفه كلها باظت
لو مش هيراضى امه هيلاقى وكسات تانيه اكتر من كده بكتير
تحياتى اسلام وتسلم ايدك
جميلة بجد مدونت ودمه خفيف موووووووت بس الحكاية دى غريبة ياعينى ده على رأى شكوكو الحب بهدلة وطروووق ياحرام طلع نصيبه مش البهدلة ده طلع نصيبه علق وتكسير يالا ربنا يقوية بس انت فكرك هيعيش لحد امتى ربنا يستر .....
ردحذفتقبل مرورى ويارب أكون ضيفة خفيفة ومرحب بها
السلام عليكم.......
ردحذفانا اول مرة اجى عندك المدونة بس بجد تحفة اسلوبك حلو اوى فى السرد وكمان صور الكركتير حلوة اوى ........ربنا يوفقك وانا حاجى كمان على طول علشان اتابع المدونة واكمل قصة طروووووووق وجى جى ويارب يصحى من العلقه دى ووجىجى بجد ندلة اوى سبيته يضرب لوحدى يعنى هى فلحة بس تتعاكس وهو يضرب يلا ربنا معاه ويشفيه حجى تانى علشان اشوف بقيت البوست.......سلام يا اسلام .....دومت بخير.
ههههههههههههههههههه
ردحذفهههههههههههههههههههههههه
ياخررررررررررررابي خفة دم مفيش اجمل من كدا
بس تستاهل يا طروقة عشان تبقى تستنضف ال جيجي تفاريح ال خلي البت الصيعة دي تنفعك بقى وانت مبقاش ببقك ولا سن هههههههههههههههههههههههههههه
بصراحة بصراحة شمتانة فيك ههههههههههه
على فكرة دعوة امك تجنن لو تحب انا ادعدي عليك كمان اهو نخلص منك عالبدري ههههههههههههههههههههههه
اسلوووووبك يجنن يا اسلام
وبعدين فك كدا ونفض للمشاكل انا زيك بقالي يومين مليش نفس لحاجة وزهقانة من النت وعادي الحياة بمبي برووضو ^ـ^
ربنا يوفقك
تقبل مرورى
ردحذفوتقديرى واحترامى واعجابى
بقلمك وريشتك
يسلم نوفوخك
ردحذفالكلام جميل والرسم اجمل
يلا خلى طروق يتربى ويبطل يعمل فيها برم
ههههههههههههههه
السلام عليكم
ردحذفأذيك يا اسلام
انا عندى ليك تاج هديه
تعالى عشان تاخده
منتظراك
وبجد زعلانه منك عشان عدم التواصل معى
بالرغم انى بحب مدونتك قووى ومن المتابعين
تقبل تحياتى
يا خبر دة الموضوع كبر قوى والدنيا إتلخبطت معاك
ردحذفههههههههه
بس حقيقى إسلوبك لذيذ وكتاباتك خفيفة على القلب
تحياتى
عاشقة الورد
السلام عليكم يااستاذ اسلام
ردحذفانا اشكر طرووووق جدا علشان عرفنا
انك صاحب ابداعات ومواهب ده مش بس كده دا عرفنا ازاي نعلق في مدونتك الجميله خفيفة الظل
بس انا عندي سؤال
لما طروووق صاحبك كان بيتضرب انت كنت فين؟
في انتظار حلقات قادمه من حلقات ظروووق
مع خالص تحياتي وامنياتي لك بالسعاده
الدائمه
ان شاء الله
معلش يا إسلام التعليق متأخر شوية بس اعذرنى
ردحذفبصراحة كل مرة بضحك لحد ما الجهاز بيهنج منى
واللى اكتر من كده رسوماتك الكاريكتيرية جنان
شكرا يا جميل على زيارتك الخفيفة واهدائتك الحلوة
محمد عماد
صديقى الفنان
ردحذفالسلام عليكم
أسعدنى زيارتك
طروق ده بصراحه يستاهل حد يعمل كده مع جارته وبنت حتته
اهو خد جزائه
تقبل تحياتى
ههههههههههههههههههههههههههه
ردحذفهههههههههههههههه
كا العادة من يوم ما وقعت فى مدونتك وانا بدخل علشان اضحك وبجد ملكش حل
وجى جى دى هتخلينى اخسر طروق خالص :D:D
سلااااااااام
ههههههههههههههههههههههههههه
ردحذفهههههههههههههههه
كا العادة من يوم ما وقعت فى مدونتك وانا بدخل علشان اضحك وبجد ملكش حل
وجى جى دى هتخلينى اخسر طروق خالص :D:D
سلااااااااام
حلوة مدونتك يا اسلام
ردحذفبالتوفيق
السلام عليكم برافووووو يا اسلام يادى طروووق وكمان من غير سنان هههههههه ربنا يستر من نجاح لنجاح يارب
ردحذفوينك مختفي
ردحذفطمنا عنك
ليك تااج عندي تعال خده
مستنياك ^ـ*
هههههههههههههههههههههه
ردحذف(:
لا بجد هايل
مستنيين الحلقة الجديدة
تحيـــــــــاتي
الف سلام عليك يااسلام من البرد ربنا يشفيك يارب هروح اقرا بئا
ردحذفالف الف سلامه يااسلام
ردحذفهاجيب اتنين كيلو قشر برتقال واجى ازورك
(:
السلام عليكم / شفاك الله وعافاك ، ألف لا بأس عليك ان شاء الله تخف وتنور مدونتك ومدوناتنا .
ردحذففى الانتظار
ردحذفيا مسهل يارب
الف سلامة عليك
ردحذفمنتظرينك بطرووق وبالتااااااج
ربنا يقومك بالسلامة
اصحى يا مصر : اسلام ديو:ـ
ردحذف=================== تقديري و أحترامي لك أخي العزيز ...كونك قاهري أو شرقاوي فالمهم إنك ( إسلام ).
أعلم ان مدونتكم جاده ولها هدف و تبذل فيها مجهود ممتاز لا ينكره عاقل وكون أني قلت صاحب مدونه إصحي يا مصر علشان تنامي تاني ...لم أقصد به إلا انتزاع البسمه المفقوده علي وجوه ابناء مصر .إن كان خاننى التعبير أعتذر عن الخطأ و أمحو الكلمات ايضا لو كان هذا يرضيك ...انا بحبك جدا يا أبو طارق ....
ولا تحرمنا من شرف زيارتك لينا ,,,,
الف سلامة عليك يا أسلام
ردحذفوان شاء الله تبقى تمام
ربنا معاك
الف سلامه عليك يااسلام
ردحذففي انتظار مشاكسات طرووق
لك مني تحية طيبه
السلام عليكم
ردحذف" أسئل رب العرش العظيم أن يشفيك "
اسلام
ردحذفالف سلامة عليك شوفت اخرة الخروجة مع بنت التهابات هى الا جبتلك التهاب وبرد
متبقاش تندمج فى الكتابة اوى احسن سنانك تقع كمان
منتظرة الباقى وشد حيلك يا بطل
تحياتى
ههههههههههههههااااااااي
ردحذفكل علقه وطروق طيب
بس عسل جيجي كده قمر قمر
مايستاهلهاش الواد طروق ده
ولا زي بعضه يستاهلها مش اضرب عشانها
فكرتني بفيلم اللي بالي بالك لما اللمبي اضرب عشان فحااااااااء وهي تقوله
مبسوطه يا نااااااااااس
ههههههههههه
مستنيه الباقي
والف سلامه
عمرى ما قعدت ع الكورنيش
ردحذف...
لذيذ قوى الحوار
ومكتوب بشكل كويس
امتعتنى
..
الى الامام دائما يا اسلام
اولا الف سلامه عليك من البرد وتوابعه
ردحذفربنايعافيكى ان شاء الله
الصور بئه قبل ما تحلق وممكن اعرفك واستدل عليكى بس بعد ما حلقت لو قابلتك فى الزقازيق وحلفتلى انك ديو مش هصدقك
شكلك اختلف كليا وجزئيا ومكانيكيا مع انى مش شفتك غير مره واحده
سما الحب
ردحذفاشكرك على تعليقك الدائماً متميز
ويارب اشوفك فى التدوينة القادمة
اخى صوت من مصر
ردحذفههههههههههههه
وللللله هتتزل يعنى هتتزل
مع انى مجربتهاش
اخى صوت من مصر
ردحذفهو الكورنيش كله كدة
هههههههههههههه
بس يا ترى هتلاقى مكان كويس تقعد فيه؟؟
تحياتى
اختى حياتى نغم
ردحذفولله هو دا كلام الشباب
ههههههههه صوت مين بقى هى لحقت تصوت؟
تحياتى
أخى فى الاسلام والدين والاخلاق والعفه أسرع وأحذف معدومه الاخلاق والعفه من مدونتك حتى لاتشارك فى الاثم وانصحك لن تفتحها حسب الله ونعم الوكيل
ردحذفtovisitmy
jennifer
:
اسرع أخى
gogo!sf
ردحذفاخبارك ايه؟
يارب تكونى بخير
اشكرك على كلامك الجميل
ومنتظرك فى تدوينات اخرى بإذن الله
وردة
ردحذفالحمد لله ان البوست عجبك
ونورتى المدونة
تحياتى ليكى
المجاهد الصغير
ردحذفاشكرك على اضافتك للمدونة
وتم حذف التعليقات
واشكرك على التنبيه وبتأسف
تحياتى
ملكة بحجابى
ردحذفنوووووووورتى المدونة
واشكرك على تعليقك الجميل
بسمة صلاااااااااااح
ردحذففيييييييينك؟؟
يارب تكونى كويسة
وياريت تطمنينا عليكى
تحياتى
desert cat
ردحذفنورتى المدونة
واشكرك على تشريفك ليا