الأحد، نوفمبر 01، 2009

اعترافات قلب ساذج - الاعتراف الاول

اشتاقت ليكى ونفسى اشوفك..
ولو مرة فــ احلامى
اجــرى عليكى واللمس اديـــكى
زى مــا حروفى ماسكة بكلامى
فــراقنا كان لازم وانا الــغلــطان
اه بــعترف...كان نفسى نرجع من تانى
زى زمان
بس ازاى عنيا تشوف عنيكى؟
وانتى ويا انسان..
سرق حلمى اللى بنيته
وعمر انا ضحيته
اه يمكن غباء منى
سبتك وغصب عنى
بس حبك مـــارميته
وساكن جوا قلبى

-------------
من حقك تشوفى غيرى
وحاولتى كتير تعرفى سبب بعدى.
.بس اســـف
كان صعب عليا انى اشرحلك
وانا فى لحظة ضعف محتاجلك
بتألم ومشتاقلك
بموت...ومش قادر اندهلك
وحاولتى معايا كتير,,
,تعرفى سبب بعدى
ولما زهـــقــتى
ومن كتر بٌعدى تعبتى
اختارتى شخص تانى
..ومش بأديكى
ايدك فى ايده كل يوم
وانا ايدى على عنيا
بتمسح دموع...التفكير فيكى
إسلام
جميع الحقوق محفوظة لمدونة اصحى يا مصر

هناك 10 تعليقات:

  1. الله عليك :)

    ردحذف
  2. حلو اوى اعترافك بس اعزرها
    بصراحه انت الغلطان
    لكن
    مراتك
    مححدش
    حيتجوزها
    غيرك
    دمت بخير

    ردحذف
  3. جميلة بجد يا اسلام

    بس اللى يحب لازم يشارك اللى بيحبه فى كل حاجة حتى ألمه لأن اللى بيحب حد بيحب يكون جوا حياة حبيبه وكل حياته بيتعبه جدا لما يبقى مش عارف سبب للبعد

    دمت بكل الخير والسعادة

    ردحذف
  4. هو مش قلب ساذج ده قلب طيب
    والاغنيه بتقول الطيب في الزمان ده .... كمل انت بقي
    تحياتي

    ردحذف
  5. تم بدء التدوين بمدونة اسيوط بلدي نسعد بزيارتكم

    ردحذف
  6. بالعكس أنا مش شايفة إنها إعترافات قلب ساذج ولكنه قلب عاشق ورقيق ورومانسى
    أحييك على الكلمات لرائعة

    ردحذف
  7. رائعة و احاسيس عالية اوى

    ردحذف
  8. السلام عليكم
    تحياتى

    عيد سعيد وعمر مديد اعاده الله عليك بالخير واليمن والبركات .. وكل عام وانتم بخير وسعاده

    ردحذف
  9. الاعتراف الاول هايل بجد وحلو اوى وعجبنى من اول ما كتبته واكتر واحد ف الاعترافات شدنى لان الكلام يتحس .............ربنا يوفقك...

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم