الثلاثاء، أغسطس 28، 2012

رسائل من مغرور 1


انا انتي .. انا حبيبتي
انا سيرتك .. انا حكايتك
انا سيرتي اللي محكية في اول باب في قصايدك
انا عوايدك  انا طبيعتك انا عقلك
انا جنونك لما تنعكشي شعرك
انا خواطرك انا شعورك ..
انا قلمك لما بتكتبي سطورك
انا غرورك..
 انا ضفورك ..
انا الوردة اللي مالية الارض بعطورك
انا نورك انا نهارك ..
انا وياكي طول الليل ..انا جوارك
انا ضميرك انا عذابك .. انا حضورك انا غيابك
 انا الكائن في عز البرد عمال بخبط على بابك
انا الرسمة اللي موهومة على شفايفك ..
 انا الرعشة اللي بتحسيها ساعة ما تحضني كفوفك
انا عشقك انا صوتك انا جنونك...
انا جفنك انا روحك انا عيونك...
انا البسمة اللي بين النن ورموشك ..
انا صباحك انا رباحك انا جمالك انا طموحك ..
.انا املك انا سامعك ..انا وداعك انا رجوعك..
انا دماغك انا فكرك انا قربك انا الاصحاب ..
انا حبيبك انا قريبك انا كلمة ف محل اعراب .. 
انا عشقتك بدون اسباب .....

انا وجودك .
انا عاينك انا حافظك انا أصلك  
انا صاينك من اللي ما يصلي حسودك
انا الضحكة اللي مزروعة بين الحُسن وخدودك
انا الفرحة اللي ممنوعة من التكشير
انا الحاجة اللي محتاجة تكون لحدودك
انا مجموعة من كلام وحروف كتير
انا مالك انا حالك انا فكرك انا بالك
انا اللي بّميل راسي على راسك واقول مالك ؟؟
انا خيالك انا سؤالك انا جوابك
انا سهرك انا نومك انا تعبك انا راحتك
انا بيتك انا مكانك انا شارعك انا عنوانك
انا همك على عيالك
انا بردك انا نارك .. انا الخطوة في قرارك
انا جّدك انا هزارك
انا حلاوتك.. انا مرارك
انا الحفاظ بأسرارك
انا المغرور ....
وتاني بقول ..
انا المغرور
انا اللي غيري لو ما يعتر في وطن زيك
يلف يدور !!


جميع الحقوق محفوظة لمدونة اصحى يا مصر

هناك 5 تعليقات:

  1. راقتني بشده ...اكثر من رائعه..
    اعجبني هذا "الغرور المحمود "
    فما وجد الا ثقة في حب الحبيبة وحباً لها أيضا...

    ــــــــــ
    اسلوبك حلو ومش معقد منتظرة الباقي ^_^
    نحياتي لكلماتك المميزة

    بسمــة صلاح

    ردحذف
  2. حسَنَاً ايُهَا المغرور فلتُحدِثُنا قليلاً عمّا تُمثِلُهُ هِىَ لَك ؟

    انت دايما واثق ثقة المغتر :) ودا شئ رائع فى معشر الرجال :)

    ردحذف
  3. انا بقى مش عارفه اوصف قد ايه هى عجبتنى انا تايهه ومبسوطه هو الكلام ده فيه كحول

    ردحذف
  4. أزال المؤلف هذا التعليق.

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم