الأحد، مارس 08، 2009

نظرية الفهم والعنصرية

للأسف مقدرتش ابعد عنكم لأنكم بجد وحشتونى وبشكركم اوى على تعليقاتكم على الرواية اللى انا كتبتها ، وحبيت اقولكم ان النهاية المؤلمة جت لأن الموقف صعب ، ثانياً مينفعش ان احنا نشيل الروح من الجسد ، ولو حصل والروح انفصلت عن الجسد بتموت ..وهو دا معتقد القصة ، علياء الروح ، وعلى هو الجسد ، ثانياً القصة من وحى خيالى وبإذن الله هتنزلكم فى كتاب الكترونى ومرسومة لأن متهيألى لما تكون مرسومة هتكون افضل ، ومش بس القصة دى ، لا دا قصص كتير هنحكيها وانتظروا بإذن الله عن قريب .
طبعاً انا حاولت انى اجيبلكم بوست جديد ، لفت نظرى موضوع مهم اوى وهو الغباء .. ، يعنى ايه غباء ؟ وهو الغباء ليه اشخاص معينيين؟؟ ، طيب الحكاية بكل بساطة ان مع مرور الزمن تحول مصطلح مرض الغباء بأن يكون اسلوب تنقيصي ووصف جزء من تصرفات اخطاء بعض الناس وفي الغالب تكون رد فعل الشخص غير حميده لانه ليس بمريض , وكما يلي بعض من هذه الصفات .

ساعات برضة بيكون الذكى دا شخص غبى بس لما يطلع عن اساليب معتقداته ، يعنى الغباء مش ناس معينه ممكن تقول كدة قلة تركيز برد فعلنا بنفتكر ان دا غباء ، ومعنى الغباء فهو ليس بمرض ، ناس كتير فاكرة ان الغبى دا شخص ودانه طويله وعنده سنتين بارزين بما نسميه (ضب) ، بمعنى او بأخر بنشبه بحاجات كدة ، بس بصراحة طلع ان المعتقد دا خاطئ من الدرجة الأولى ، يأما فى ساعات بيكون المعتقد دا صح ، لأن الغباء هو نقص فى التفكير ولكن مش مرض .
طيب النظرية التانية وهى رد الفعل اللى ساعات بتكون قوية
لما الواحد بيوصل لأقصى درجات الغباء ، بيكون غبى فحت يعنى ، بيكون اسمه باللغة العربية "الابله" ، وهى المرتبة الثانية بعد التخلف العقلى ، ودا يعنى مش عايز اقولكم لو قعدت تكلم فيه لحد الصبح ولا هيسمع ، ولو حتى قولتله على افعال ممكن يعمل عكسها وبغير عمد ، ولو حتى مديت ايدك عليه ممكن يستلذ الضرب ، وفى الحالة دى مش هيبقى قدامك غير رد فعل ، وهو ان اللى قدامك تزقله عليه ولا تتردد ولكن خلى اسلوبك برضة كويس معاه ، لكن لو واحد بقى "بيستغبى" عليك اهو دا بقى بأكبر حاجة وفى وشه ، دا لو انت معندكش صبر ، وممكن يعمل فيك حركة غللسسسة اوى ويكون ردة جميل اوى : انا اسف ، بس هما كلمتين لو انتا انسان صبور هتاخدهم وتقول انا هاجى على نفسى ولكن لو انت انسان نرفزاوى مش هتقدر وبأى حاجة هتروح هابدة بيها ، بس يا جماعة ولله الناس دى فى منهم الضعاف اوى والواحد بيضعف قصادهم ، اما فى ناس انا هحكيلكم عليهم فى الحوار اللى دار دا ، بجد ناس غريبة اخر حاجة ، عاملة نفسها بتفهم وهما ولا هنا ، بجد نا غريبة اخر حاجة ، والمشكلة ان انتا لو فهمتهم ولا هيصدقوا ..طب تعمل معاهم ايه؟؟ .
فى يوم كنت قاعد مع صديقى فى محل موبايلات ، دخل علينا شخص وقال : هى الديمعة دى بكام ؟؟ يقصد يعنى جهاز نوكيا (7610) ، فرد صديقى وقاله معلش قول تانى ، فقاله الديمعة دى بكااام؟؟ ، والمشكلة انه قالهالة بزعيق ، رد صديقى كنوع من الهزار : الديمعة دى من غير ملح ... بصلى وانا بصراحة مقدرتش امسك نفسى فضحكت ، المهم واصل الشخص دا فى كلامة وسأله سؤال تانى : طب هى عادة ولا نيوزك ، فضحك صديقى ضحكة كانت عالية اوى وقالة : هو ايه دى اللى عادة ولانيوزك ، (هو كان يقصد يعنى عادة ولا ميوزك) المهم قاله : لا دى ولا دى ، استمر الشخص فى كلامة وسأله سؤاله الاخير : طب هى فيلهندى ولا هانجرى ..، رد صديقى بنرفزة : ياعم الحج ، هانجرى نروح فين بس ، الجهاز دا جهاز عادى ، ولله جهاز موبايل ، هيكون ايه يعنى ؟؟، المهم اخينا مشى وجه واحد بعديه على طول وقال لصديقى : انا عايز كارت موبايل ، فستأذن منى صديقى ودخل على درج الكروت ، فقاله اجيبلك كارت ايه ؟؟ ، التانى افتكر ان صديقى بيتريق عليه فزعقلة ومسكوا فى بعض وانا عمال اضحك واضحححححك ، ولله ما كنت قادر امسك نفسى من الضحك ، تانى يوم بقى اللى كان حكاية ، وجه واحد لابس اعلى موضة ، وداخل بقى ومعاه كارت Memory ، وقال : بص يا سيدى انا عايز "أفنط" قصده("افرمط") كارت الذاكرى دى وعايزي نعمله تهيئة وننزلة مالتى فايرس علشان انتا عارف احنا فى الشتا والفايروسات طايرة ، صديقى بصلى بصة ، وانا بصيتله ، حبست الضحكة جوايا وسبته ومشيت..
مش عارف بجد هنصحى امتى
إسلام ديو

هناك 50 تعليقًا:

  1. أزال المؤلف هذا التعليق.

    ردحذف
  2. بسم الله الرحمن الرحيم
    السلام عليكم ورحمة الله وبركاته
    صديقى اسلام
    تحياتى
    الغباء او البله لما يكون الشخص مولود بيهم فدا مش عيب ولازم الواحد يتحمل الشخص ده ويتعامل معاه على قد مخه
    انما المصيبه فى الناس اللى بتستغبى بمزاجها واحيانا غصب عنها
    زى الجماعه بتوع الموبايل اللى بتقول عليهم
    فكرتنى بواحد صاحبى بتاع موبايلات دخل عنده واحد وعمل فيها انه ابوالعريف وقاله عاوز احدث عدة موبايل
    يعنى حاجه كده من الاخر وتكون زى الفل
    صاحبى قالك فرجت بيعه محترمه
    فيه عده N95 بكرتونتها 8 جيجا هاااه قولت ايه
    بص له كده من فوق لتحت وقاله 8 ايجا ايه 8ايجا ده ايجا مين وبتاع مين ايه العبط ده
    وسابه ومشى هههههههههههههههههههههههه
    اهى الناس دى قليل عليهم الحرق بجاز
    سلام ياعم
    تحياتى ودمت بكل خير وود
    والسلام عليكم ورحمة الله وبركاته

    ردحذف
  3. وانا معاك بقول مش عارف هنصحى إمتى يا إسلام؟

    ردحذف
  4. السلام عليكم ورحمة الله وبركاته
    اولا كل عام وانت بخير
    ثانيا*خد ديه
    مره واحد (انا خايف اقول صاحبي)
    اخد مني فلاشه ينقل من عليها شوية حاجات وبعدين لما رجع الفلاشه قاللي ياعم الفلاشه بتعتك مليانه فيروسات
    ولما سألته ازاي
    قالي لما ركبتها وجيت اخلعها
    طلعت معايا بالعافيه
    بقيت انا عمال اشد من ناحيه
    والفيروووس اللي دخل علي الكمبيوتر
    يشد من الناحيه الثانيه
    الناس ديه كترت قوي
    عايزين نشوف حل
    مع تمنياتي ان ربنا ما يوقعكش
    في ناس من هذا النوع

    ردحذف
  5. يخرب بيت سنينك ياديو
    الحوار الاخير مسخره ههههههههه

    بخصوص نظرياتك الكلام جميل جميل يعنى بس انا مش بكره فى حياتى قد اللى يبقى مش يبقى غير ويستغبى
    بتخنق بصراحه ومش بتحمل ومش عارفه ردفعلى بيبقى ايه

    يلا سيبك انت كويس انك ماضحكتش فى الاخر والا ربنا وحده يعلم اكيد كنت انت هتتضرب يومها :))

    ردحذف
  6. بضحك على الجزء الاخير

    واللهم لا اعتراض على الباقى

    ردحذف
  7. الاخ العزيز اصحى يا مصر : اسلام ديو
    السلام عليكم ورحمة الله وبركاته
    فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحب
    وكل عام وانتم فى سعادة وسرور
    لك تحياتى والسلام عليكم ، ولا سلام مع اليهود

    ردحذف
  8. اسكت يا اسلام
    متفكرنيش بالغباء والعيال الاغبيه

    انا فيه فصل فى بتاع حوالى خمسه وعشرين طالب
    منهم خمسه بس اللى يفهموا
    اما باقى العيال

    تقعد تشرح تشرح ليهم
    والعيال فاتحه بقاها
    ومبتردش عليك
    وفعلا فى عيال بيبان عليهم الغباء من عينهم
    يعنى يتبقى عنينهم شارده
    فمهما كلمته وشرحتله ولو لوحده
    هو قدراتهالعقليه ضعيفه

    عموما هو موضوع كييييييييير
    وعايز كلام اكتر

    ردحذف
  9. هههههههههههههههههههههههه

    موضوع جميل وضحكني جدا خصوصا انه جاي بعد موضوع حزين ومؤلم بس بجد ايه ده هما البيدخلوا محل صاحبك ده بيكونوا شاربين حاجة قبل مايدخلوا ولا ايه
    لا بجد مصطلحات لازم نتعلمها هههههههههههههههههههههه
    تقبل تحياتي

    ردحذف
  10. ههههههههههههههههه
    انا مش بكره فى حياتى
    اد الغباء

    جيت اقولك كل سنة وانتا طيب

    ردحذف
  11. هههههههههههههههههههههههههههههههههههههههههههههههههههههههههههههههههههههههه
    جامدة اوي يا ديو بس صدقنمني انا بحب التعامل مع الاغبياء لان تعاملهم بيبقا من باب الفكاهة اهم حاجة لو معرفتش بقا ان الي ادامك ده غبي لانك هتفضل تهاتي معاه وطبعا انت عارف الحظ لما بيهاتي بيخلي الي يتكسف من بنت عمه ميجبش منها خضاار
    بس بوست اصل
    تحياتي يا معلم

    ردحذف
  12. كووووووووووووووووووووووووووووول سنة وانت طيب يا ديو
    واللهم صلي على سيدنا محمد وعلى اله وصحبه وسلم
    حاول تصلي عليه كتير النهاردة عشان تقوله كل سنة وانت طيب

    ردحذف
  13. الحوار الاخير متعة
    وفعلا انا باقابل احيانا ناس من النوعية دى فى شغلى
    وبابقى خلاص قربت انفجر


    ربنا يعينا ونقدر نكون من تانى ناس تفهم

    ردحذف
  14. رجاءا يا اخواتي واخواني في الله اجعلوا حبكم للرسول حبا دائما باقتداء سنته والصلاة عليه وحبه وحب اصحابة وكل من يحبه وليس باكل الحلوى والاحتفال بيوم مولده

    ردحذف
  15. بجد بوست حلو اوى .. كل سنة وانت بألف خير وصحة جيدة .


    تحياتى ،،


    نفرتارى

    ردحذف
  16. السلام عليكم / أضحك الله سنك :)
    شر البلية ما يضحك ، يارب نصحى .

    ردحذف
  17. هههههههههههههههههه

    يخرب بيت كده

    بجد طول ماانا باقرى البوست مش مبطله ضحك

    وعلى فكره دى اول زياره ليا

    واكييييييييييييد مش هتكون الاخره

    ردحذف
  18. أخى المبدع : إسلام ديو
    السلام عليكم ورحمة الله وبركاته
    رغم الطول النسبى للتدوينة إلا أن أسلوبك الشيق المميز جعلنى ألتهمها دون أن يتسرب إلى الملل.
    وهذا فى حد ذاته قدرة ابداعية.

    ردحذف
  19. اخى المعتصم
    وان لم تكن ال ايجا مرادف للجيجا فلازم كنت تزلقة بأى حاجة كانت جمبك

    ردحذف
  20. mohamed ghalia
    ولله مستنى الفرج يامحمد

    ردحذف
  21. محمد فارس
    المفروض كنت تقوله هات الفلاشة نكشف عليها
    ههههههههه
    لك تحياتى

    ردحذف
  22. حبيبة اخبارك ايه
    ولله حصل قدامى بس طبعاً مينفعش اضحك احتراماً للمكان مش للشخص

    ردحذف
  23. مسز محاسسن اشكرك على التعليق الجميل
    وزيارب يكون البوست عجبك

    ردحذف
  24. استاذى العزيز بيرم
    اشكرك على التهنئة الغالية
    وبارك الله فيك وفى كل المدونين
    وكل سنة وانت طيب وجعله الله يوماً جميلاً لكل الأمة الإسلامية

    ردحذف
  25. اختى الفراشة الصغيرة
    طب بما انك مدرسة بقى ياريت اعرف منك حاجة

    هو الجيل الجديد ممكن نطمن عليه؟

    ردحذف
  26. هههههههههه
    كلامك ضحكني وفكرني بمواقفي اللي مريت بيها في حياتي مع الاغبية,
    عاوزين جهاز يبين الغبي والمستغبي ويوصف العلاج ليهم.

    ردحذف
  27. السلام عليكم
    استاذ اسلام اخبارك ايه عامل ايه
    معلش اتأخرت اوي عليك
    بس والله بابا كان حارمني من النت عشان المزاكرة المؤرفه
    انا حاليا علقت اتطمن على حضرتك واعتزر
    وليا جايه للتعليق وقرايه باقي الروايه كمان
    سلام

    ردحذف
  28. اولا السلام عليكم اسلام دا مش غباااااااااء ههههههه دا الجهل بعينه تسلم مواضيعك الحلوة

    ردحذف
  29. ازيك يا اسلام بك .. تحياتى
    يا اخى قول لصديقك يعامل الناس على قد عقولهم .. اصل المصطلحات دى جديده على الناس ومش كله برضه بيعرف فيها وما تعتبروش غباء .. اعتبره قلة تعليم وهما بياخدوا المصطلحات الدارجه .. وانت عارف معظمنا امى حتى والله المتعلمين ساعات بيغلطوا فى المصطلحات دى وعشان المصطلحات دى شائعه واصبحت من سمات الموبايلات فالناس بتحاول تتعامل مع هذه الكلمات كل حسب ادراكه
    .. تحياتى

    ردحذف
  30. اختى العزيزة افنان
    اشكرك على مرورك الجميل
    ودمتى بكل ود

    ردحذف
  31. اخى الفاضل يشرفنا تواجدكم بالرابطة وايضا نتمنى منك المشاركة معنا ووضع لوجو الرابطة بمدونتكم ولوجو حملتنا بايدينا ندفع الخطر للدفع عن المسجد الاقصي الشريف

    ردحذف
  32. شوف يااسلام
    الغباءانواع في مولود كده ويجب التعامل معه بأحترام ونحمد ربناانه عافان من هذا
    امااللي بيتغابا ده فيجب التعامل من منطلق التجاهل لتجنب الصدام وتجاهلهم احسن حل
    اما البسطاء من الناس اللس مش فهميين حاجه ومش عارفيين حاجه فادول واجب علينا ان نعلمهم
    لاتسأل الجاهل عن جهله ولكن اسأل العالم لما لم يعلمه

    ردحذف
  33. اختى العزيزة نفرتارى اشكرك على تعليقك الاكثر من جميل
    وفقك الله

    ردحذف
  34. اختى العزيزة حياتى نغم
    وانا بقول زيك
    يارب نصحى
    دمتى بكل ود

    ردحذف
  35. اختى العزيزة البنت المشمشية
    كل سنة وانتى بألف خير
    دمتى بكل ود

    ردحذف
  36. اخى aMr tA3LaB
    اشكرك على تعليقك الجميل وعلى رأيك فى البوست وانتظر حاجات احلى
    دمت بكل خير وسعادة

    ردحذف
  37. اخى aMr tA3LaB
    اشكرك على تعليقك الجميل وعلى رأيك فى البوست وانتظر حاجات احلى
    دمت بكل خير وسعادة

    ردحذف
  38. اخى العزيز الازهرى
    انا اهم حاجة وعايز اقولها ان المفروض الناس دى نخليها تفهم اكتر ونفهمها اكتر ونخليها على قدر من الاستيعاب
    دمت بكل ود

    ردحذف
  39. اختى العزيزة دودو اشكرك على تعليقك الاكثر من جميل
    وعلى تواصل بإذن الله تعالى

    ردحذف
  40. اختى العزيزة gogo!sf
    كل سنة وانتى بكل خير وسعادة
    وفقك الله

    ردحذف
  41. استاذى العزيز محمد الجرايحى
    انا بجد كلامك دا سعيد جدا ومش عارف اقول سعادتى قد ايه
    اشكرك بكل معانى الشكر
    وجزاك الله كل خير

    ردحذف
  42. اختى العزيزة سلمى محمد
    اشكرك على كلامك الجميل
    وفعلاً احنا عايزين ندون عن الغباء اكتر لأن الظاهرة دى كترت اوى

    ردحذف
  43. اختى الفاضلة بسمة
    انا بجد مش عارف اتأخرتى فى البوست القديم جداً فعلقت عندك وقولت نطمن عليها برضة
    اشكرك والحمد لله ان احنا اطمنا عليكى
    بارك الله فيكى وكل سنة وانتى طيبة

    ردحذف
  44. لا لا يا بسمة لو كان جهل كنت هعرف
    دا غبااااااااااء

    ردحذف
  45. استاذى العزيز فشكول انتظرنى انا بس حبيت اقول نظرية الفهم
    لسة مجيتش لنظرية العنصرية

    ردحذف
  46. استاذى العزيز فشكول انتظرنى انا بس حبيت اقول نظرية الفهم
    لسة مجيتش لنظرية العنصرية

    ردحذف
  47. اختى شمس النهار
    اشكرك على تعليقك الاكثر من قيم
    وبجد كويس لأن التعليقات الخاصة بالبوست دا فيهاا وجهات نظر كتييير
    وفقك الله

    ردحذف
  48. ههههههههههههه
    ياعم طيب امسك نفسك من الدحك
    هههههههههههه
    بصراحه معاك حق متقدرش لاني هموت من الدحك
    اسفه علي التاخير
    بس الحمدالله اديني لحت البست دة
    وانشاءالله هتابع
    بس نصيحه مينفعش لازم تمسك نفسك بعدين مرة تلاقي واحد ما الاحراج نازل فيك خناق
    هههههههههه
    بس صح هي الديمعه بكام
    ههههههههههه

    تحيـــاتي

    ردحذف
  49. كل سنه وانتا طيب يا اخى

    وعلى فكره انا ذهقت من كتر الكلام

    وذهقت من كتر الغباء

    حسبى الله ونعم الوكيل في الاغبياء

    ردحذف

لو انت مش مدون يهمنى برضة رأيك
اتبع الخطوات : 1- اختر :غير معرف ، 2- اكتب تعليقك ، 3- اضغط على نشر
يهمنى تعليقاتكم جداً لأنها بتدينى ثقة وبترفع روحى المعنوية
بس ارجو بلاش كلام وحش او اعلانات عن مدونات الا فى حالة الحملات الانسانية او المدونات التى يختص نشاطها بالنشاط الانسانى
واشكركم