للأسف مقدرتش ابعد عنكم لأنكم بجد وحشتونى وبشكركم اوى على تعليقاتكم على الرواية اللى انا كتبتها ، وحبيت اقولكم ان النهاية المؤلمة جت لأن الموقف صعب ، ثانياً مينفعش ان احنا نشيل الروح من الجسد ، ولو حصل والروح انفصلت عن الجسد بتموت ..وهو دا معتقد القصة ، علياء الروح ، وعلى هو الجسد ، ثانياً القصة من وحى خيالى وبإذن الله هتنزلكم فى كتاب الكترونى ومرسومة لأن متهيألى لما تكون مرسومة هتكون افضل ، ومش بس القصة دى ، لا دا قصص كتير هنحكيها وانتظروا بإذن الله عن قريب .
طبعاً انا حاولت انى اجيبلكم بوست جديد ، لفت نظرى موضوع مهم اوى وهو الغباء .. ، يعنى ايه غباء ؟ وهو الغباء ليه اشخاص معينيين؟؟ ، طيب الحكاية بكل بساطة ان مع مرور الزمن تحول مصطلح مرض الغباء بأن يكون اسلوب تنقيصي ووصف جزء من تصرفات اخطاء بعض الناس وفي الغالب تكون رد فعل الشخص غير حميده لانه ليس بمريض , وكما يلي بعض من هذه الصفات .
ساعات برضة بيكون الذكى دا شخص غبى بس لما يطلع عن اساليب معتقداته ، يعنى الغباء مش ناس معينه ممكن تقول كدة قلة تركيز برد فعلنا بنفتكر ان دا غباء ، ومعنى الغباء فهو ليس بمرض ، ناس كتير فاكرة ان الغبى دا شخص ودانه طويله وعنده سنتين بارزين بما نسميه (ضب) ، بمعنى او بأخر بنشبه بحاجات كدة ، بس بصراحة طلع ان المعتقد دا خاطئ من الدرجة الأولى ، يأما فى ساعات بيكون المعتقد دا صح ، لأن الغباء هو نقص فى التفكير ولكن مش مرض .
طيب النظرية التانية وهى رد الفعل اللى ساعات بتكون قوية
لما الواحد بيوصل لأقصى درجات الغباء ، بيكون غبى فحت يعنى ، بيكون اسمه باللغة العربية "الابله" ، وهى المرتبة الثانية بعد التخلف العقلى ، ودا يعنى مش عايز اقولكم لو قعدت تكلم فيه لحد الصبح ولا هيسمع ، ولو حتى قولتله على افعال ممكن يعمل عكسها وبغير عمد ، ولو حتى مديت ايدك عليه ممكن يستلذ الضرب ، وفى الحالة دى مش هيبقى قدامك غير رد فعل ، وهو ان اللى قدامك تزقله عليه ولا تتردد ولكن خلى اسلوبك برضة كويس معاه ، لكن لو واحد بقى "بيستغبى" عليك اهو دا بقى بأكبر حاجة وفى وشه ، دا لو انت معندكش صبر ، وممكن يعمل فيك حركة غللسسسة اوى ويكون ردة جميل اوى : انا اسف ، بس هما كلمتين لو انتا انسان صبور هتاخدهم وتقول انا هاجى على نفسى ولكن لو انت انسان نرفزاوى مش هتقدر وبأى حاجة هتروح هابدة بيها ، بس يا جماعة ولله الناس دى فى منهم الضعاف اوى والواحد بيضعف قصادهم ، اما فى ناس انا هحكيلكم عليهم فى الحوار اللى دار دا ، بجد ناس غريبة اخر حاجة ، عاملة نفسها بتفهم وهما ولا هنا ، بجد نا غريبة اخر حاجة ، والمشكلة ان انتا لو فهمتهم ولا هيصدقوا ..طب تعمل معاهم ايه؟؟ .
فى يوم كنت قاعد مع صديقى فى محل موبايلات ، دخل علينا شخص وقال : هى الديمعة دى بكام ؟؟ يقصد يعنى جهاز نوكيا (7610) ، فرد صديقى وقاله معلش قول تانى ، فقاله الديمعة دى بكااام؟؟ ، والمشكلة انه قالهالة بزعيق ، رد صديقى كنوع من الهزار : الديمعة دى من غير ملح ... بصلى وانا بصراحة مقدرتش امسك نفسى فضحكت ، المهم واصل الشخص دا فى كلامة وسأله سؤال تانى : طب هى عادة ولا نيوزك ، فضحك صديقى ضحكة كانت عالية اوى وقالة : هو ايه دى اللى عادة ولانيوزك ، (هو كان يقصد يعنى عادة ولا ميوزك) المهم قاله : لا دى ولا دى ، استمر الشخص فى كلامة وسأله سؤاله الاخير : طب هى فيلهندى ولا هانجرى ..، رد صديقى بنرفزة : ياعم الحج ، هانجرى نروح فين بس ، الجهاز دا جهاز عادى ، ولله جهاز موبايل ، هيكون ايه يعنى ؟؟، المهم اخينا مشى وجه واحد بعديه على طول وقال لصديقى : انا عايز كارت موبايل ، فستأذن منى صديقى ودخل على درج الكروت ، فقاله اجيبلك كارت ايه ؟؟ ، التانى افتكر ان صديقى بيتريق عليه فزعقلة ومسكوا فى بعض وانا عمال اضحك واضحححححك ، ولله ما كنت قادر امسك نفسى من الضحك ، تانى يوم بقى اللى كان حكاية ، وجه واحد لابس اعلى موضة ، وداخل بقى ومعاه كارت Memory ، وقال : بص يا سيدى انا عايز "أفنط" قصده("افرمط") كارت الذاكرى دى وعايزي نعمله تهيئة وننزلة مالتى فايرس علشان انتا عارف احنا فى الشتا والفايروسات طايرة ، صديقى بصلى بصة ، وانا بصيتله ، حبست الضحكة جوايا وسبته ومشيت..
مش عارف بجد هنصحى امتى
إسلام ديو
أزال المؤلف هذا التعليق.
ردحذفبسم الله الرحمن الرحيم
ردحذفالسلام عليكم ورحمة الله وبركاته
صديقى اسلام
تحياتى
الغباء او البله لما يكون الشخص مولود بيهم فدا مش عيب ولازم الواحد يتحمل الشخص ده ويتعامل معاه على قد مخه
انما المصيبه فى الناس اللى بتستغبى بمزاجها واحيانا غصب عنها
زى الجماعه بتوع الموبايل اللى بتقول عليهم
فكرتنى بواحد صاحبى بتاع موبايلات دخل عنده واحد وعمل فيها انه ابوالعريف وقاله عاوز احدث عدة موبايل
يعنى حاجه كده من الاخر وتكون زى الفل
صاحبى قالك فرجت بيعه محترمه
فيه عده N95 بكرتونتها 8 جيجا هاااه قولت ايه
بص له كده من فوق لتحت وقاله 8 ايجا ايه 8ايجا ده ايجا مين وبتاع مين ايه العبط ده
وسابه ومشى هههههههههههههههههههههههه
اهى الناس دى قليل عليهم الحرق بجاز
سلام ياعم
تحياتى ودمت بكل خير وود
والسلام عليكم ورحمة الله وبركاته
وانا معاك بقول مش عارف هنصحى إمتى يا إسلام؟
ردحذفالسلام عليكم ورحمة الله وبركاته
ردحذفاولا كل عام وانت بخير
ثانيا*خد ديه
مره واحد (انا خايف اقول صاحبي)
اخد مني فلاشه ينقل من عليها شوية حاجات وبعدين لما رجع الفلاشه قاللي ياعم الفلاشه بتعتك مليانه فيروسات
ولما سألته ازاي
قالي لما ركبتها وجيت اخلعها
طلعت معايا بالعافيه
بقيت انا عمال اشد من ناحيه
والفيروووس اللي دخل علي الكمبيوتر
يشد من الناحيه الثانيه
الناس ديه كترت قوي
عايزين نشوف حل
مع تمنياتي ان ربنا ما يوقعكش
في ناس من هذا النوع
يخرب بيت سنينك ياديو
ردحذفالحوار الاخير مسخره ههههههههه
بخصوص نظرياتك الكلام جميل جميل يعنى بس انا مش بكره فى حياتى قد اللى يبقى مش يبقى غير ويستغبى
بتخنق بصراحه ومش بتحمل ومش عارفه ردفعلى بيبقى ايه
يلا سيبك انت كويس انك ماضحكتش فى الاخر والا ربنا وحده يعلم اكيد كنت انت هتتضرب يومها :))
بضحك على الجزء الاخير
ردحذفواللهم لا اعتراض على الباقى
الاخ العزيز اصحى يا مصر : اسلام ديو
ردحذفالسلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحب
وكل عام وانتم فى سعادة وسرور
لك تحياتى والسلام عليكم ، ولا سلام مع اليهود
اسكت يا اسلام
ردحذفمتفكرنيش بالغباء والعيال الاغبيه
انا فيه فصل فى بتاع حوالى خمسه وعشرين طالب
منهم خمسه بس اللى يفهموا
اما باقى العيال
تقعد تشرح تشرح ليهم
والعيال فاتحه بقاها
ومبتردش عليك
وفعلا فى عيال بيبان عليهم الغباء من عينهم
يعنى يتبقى عنينهم شارده
فمهما كلمته وشرحتله ولو لوحده
هو قدراتهالعقليه ضعيفه
عموما هو موضوع كييييييييير
وعايز كلام اكتر
هههههههههههههههههههههههه
ردحذفموضوع جميل وضحكني جدا خصوصا انه جاي بعد موضوع حزين ومؤلم بس بجد ايه ده هما البيدخلوا محل صاحبك ده بيكونوا شاربين حاجة قبل مايدخلوا ولا ايه
لا بجد مصطلحات لازم نتعلمها هههههههههههههههههههههه
تقبل تحياتي
ههههههههههههههههه
ردحذفانا مش بكره فى حياتى
اد الغباء
جيت اقولك كل سنة وانتا طيب
هههههههههههههههههههههههههههههههههههههههههههههههههههههههههههههههههههههههه
ردحذفجامدة اوي يا ديو بس صدقنمني انا بحب التعامل مع الاغبياء لان تعاملهم بيبقا من باب الفكاهة اهم حاجة لو معرفتش بقا ان الي ادامك ده غبي لانك هتفضل تهاتي معاه وطبعا انت عارف الحظ لما بيهاتي بيخلي الي يتكسف من بنت عمه ميجبش منها خضاار
بس بوست اصل
تحياتي يا معلم
كووووووووووووووووووووووووووووول سنة وانت طيب يا ديو
ردحذفواللهم صلي على سيدنا محمد وعلى اله وصحبه وسلم
حاول تصلي عليه كتير النهاردة عشان تقوله كل سنة وانت طيب
الحوار الاخير متعة
ردحذفوفعلا انا باقابل احيانا ناس من النوعية دى فى شغلى
وبابقى خلاص قربت انفجر
ربنا يعينا ونقدر نكون من تانى ناس تفهم
رجاءا يا اخواتي واخواني في الله اجعلوا حبكم للرسول حبا دائما باقتداء سنته والصلاة عليه وحبه وحب اصحابة وكل من يحبه وليس باكل الحلوى والاحتفال بيوم مولده
ردحذفبجد بوست حلو اوى .. كل سنة وانت بألف خير وصحة جيدة .
ردحذفتحياتى ،،
نفرتارى
السلام عليكم / أضحك الله سنك :)
ردحذفشر البلية ما يضحك ، يارب نصحى .
هههههههههههههههههه
ردحذفيخرب بيت كده
بجد طول ماانا باقرى البوست مش مبطله ضحك
وعلى فكره دى اول زياره ليا
واكييييييييييييد مش هتكون الاخره
كل سنة وانت طيب
ردحذفأخى المبدع : إسلام ديو
ردحذفالسلام عليكم ورحمة الله وبركاته
رغم الطول النسبى للتدوينة إلا أن أسلوبك الشيق المميز جعلنى ألتهمها دون أن يتسرب إلى الملل.
وهذا فى حد ذاته قدرة ابداعية.
اخى المعتصم
ردحذفوان لم تكن ال ايجا مرادف للجيجا فلازم كنت تزلقة بأى حاجة كانت جمبك
mohamed ghalia
ردحذفولله مستنى الفرج يامحمد
محمد فارس
ردحذفالمفروض كنت تقوله هات الفلاشة نكشف عليها
ههههههههه
لك تحياتى
حبيبة اخبارك ايه
ردحذفولله حصل قدامى بس طبعاً مينفعش اضحك احتراماً للمكان مش للشخص
مسز محاسسن اشكرك على التعليق الجميل
ردحذفوزيارب يكون البوست عجبك
استاذى العزيز بيرم
ردحذفاشكرك على التهنئة الغالية
وبارك الله فيك وفى كل المدونين
وكل سنة وانت طيب وجعله الله يوماً جميلاً لكل الأمة الإسلامية
اختى الفراشة الصغيرة
ردحذفطب بما انك مدرسة بقى ياريت اعرف منك حاجة
هو الجيل الجديد ممكن نطمن عليه؟
هههههههههه
ردحذفكلامك ضحكني وفكرني بمواقفي اللي مريت بيها في حياتي مع الاغبية,
عاوزين جهاز يبين الغبي والمستغبي ويوصف العلاج ليهم.
السلام عليكم
ردحذفاستاذ اسلام اخبارك ايه عامل ايه
معلش اتأخرت اوي عليك
بس والله بابا كان حارمني من النت عشان المزاكرة المؤرفه
انا حاليا علقت اتطمن على حضرتك واعتزر
وليا جايه للتعليق وقرايه باقي الروايه كمان
سلام
اولا السلام عليكم اسلام دا مش غباااااااااء ههههههه دا الجهل بعينه تسلم مواضيعك الحلوة
ردحذفازيك يا اسلام بك .. تحياتى
ردحذفيا اخى قول لصديقك يعامل الناس على قد عقولهم .. اصل المصطلحات دى جديده على الناس ومش كله برضه بيعرف فيها وما تعتبروش غباء .. اعتبره قلة تعليم وهما بياخدوا المصطلحات الدارجه .. وانت عارف معظمنا امى حتى والله المتعلمين ساعات بيغلطوا فى المصطلحات دى وعشان المصطلحات دى شائعه واصبحت من سمات الموبايلات فالناس بتحاول تتعامل مع هذه الكلمات كل حسب ادراكه
.. تحياتى
اختى العزيزة افنان
ردحذفاشكرك على مرورك الجميل
ودمتى بكل ود
اخى الفاضل يشرفنا تواجدكم بالرابطة وايضا نتمنى منك المشاركة معنا ووضع لوجو الرابطة بمدونتكم ولوجو حملتنا بايدينا ندفع الخطر للدفع عن المسجد الاقصي الشريف
ردحذفشوف يااسلام
ردحذفالغباءانواع في مولود كده ويجب التعامل معه بأحترام ونحمد ربناانه عافان من هذا
امااللي بيتغابا ده فيجب التعامل من منطلق التجاهل لتجنب الصدام وتجاهلهم احسن حل
اما البسطاء من الناس اللس مش فهميين حاجه ومش عارفيين حاجه فادول واجب علينا ان نعلمهم
لاتسأل الجاهل عن جهله ولكن اسأل العالم لما لم يعلمه
اختى العزيزة نفرتارى اشكرك على تعليقك الاكثر من جميل
ردحذفوفقك الله
اختى العزيزة حياتى نغم
ردحذفوانا بقول زيك
يارب نصحى
دمتى بكل ود
اختى العزيزة البنت المشمشية
ردحذفكل سنة وانتى بألف خير
دمتى بكل ود
اخى aMr tA3LaB
ردحذفاشكرك على تعليقك الجميل وعلى رأيك فى البوست وانتظر حاجات احلى
دمت بكل خير وسعادة
اخى aMr tA3LaB
ردحذفاشكرك على تعليقك الجميل وعلى رأيك فى البوست وانتظر حاجات احلى
دمت بكل خير وسعادة
اخى العزيز الازهرى
ردحذفانا اهم حاجة وعايز اقولها ان المفروض الناس دى نخليها تفهم اكتر ونفهمها اكتر ونخليها على قدر من الاستيعاب
دمت بكل ود
اختى العزيزة دودو اشكرك على تعليقك الاكثر من جميل
ردحذفوعلى تواصل بإذن الله تعالى
اختى العزيزة gogo!sf
ردحذفكل سنة وانتى بكل خير وسعادة
وفقك الله
استاذى العزيز محمد الجرايحى
ردحذفانا بجد كلامك دا سعيد جدا ومش عارف اقول سعادتى قد ايه
اشكرك بكل معانى الشكر
وجزاك الله كل خير
اختى العزيزة سلمى محمد
ردحذفاشكرك على كلامك الجميل
وفعلاً احنا عايزين ندون عن الغباء اكتر لأن الظاهرة دى كترت اوى
اختى الفاضلة بسمة
ردحذفانا بجد مش عارف اتأخرتى فى البوست القديم جداً فعلقت عندك وقولت نطمن عليها برضة
اشكرك والحمد لله ان احنا اطمنا عليكى
بارك الله فيكى وكل سنة وانتى طيبة
لا لا يا بسمة لو كان جهل كنت هعرف
ردحذفدا غبااااااااااء
استاذى العزيز فشكول انتظرنى انا بس حبيت اقول نظرية الفهم
ردحذفلسة مجيتش لنظرية العنصرية
استاذى العزيز فشكول انتظرنى انا بس حبيت اقول نظرية الفهم
ردحذفلسة مجيتش لنظرية العنصرية
اختى شمس النهار
ردحذفاشكرك على تعليقك الاكثر من قيم
وبجد كويس لأن التعليقات الخاصة بالبوست دا فيهاا وجهات نظر كتييير
وفقك الله
ههههههههههههه
ردحذفياعم طيب امسك نفسك من الدحك
هههههههههههه
بصراحه معاك حق متقدرش لاني هموت من الدحك
اسفه علي التاخير
بس الحمدالله اديني لحت البست دة
وانشاءالله هتابع
بس نصيحه مينفعش لازم تمسك نفسك بعدين مرة تلاقي واحد ما الاحراج نازل فيك خناق
هههههههههه
بس صح هي الديمعه بكام
ههههههههههه
تحيـــاتي
كل سنه وانتا طيب يا اخى
ردحذفوعلى فكره انا ذهقت من كتر الكلام
وذهقت من كتر الغباء
حسبى الله ونعم الوكيل في الاغبياء