الجمعة، ديسمبر 11، 2009

اعترافات قلب ساذج - الاعتراف الرابع والاخير

قالت له فى لهفه.. هو دا انت بجد؟؟.. بس فعلاً انت تغيرت كتير
قال لها بهدوء .. انا عمرى ما اتغيرت .. بس مادام دا رأيك خلاص
ردت عليه .. لو كان فى امكانية انى "افتكرك" تانى ..مكنتش اترددت لحظة ، بس انا "نسيتك".. من الاخر .. حب جديد خدنى منك.
رد عليها بتوقع منها الاجابة : اللى بينا.. كان روح فى جسد .. دلوقتى الروح والجسد فرق السما والارض.. ترضى بكدة؟؟
ردت عليه .... انت اللى اخترت .
صحى من نومه كالعادة.. عايز يكلمها ومش عارف .. وفهم انها قابلته فى الحلم للأسف .., وفى الحقيقة هى متعرفش اساساً هو عامل ايه .. حتى صورته .. نسيته ، وقام وكتبلها الكلمات دى
بقلمى كــتــبــت
وبعينى هــمــســت
وبكل دقة قلب ندهت
بـــس قوليلي ...
ازاى هتسمعى صـــمت؟؟
والصمت بقى كل اللى بينا !!
************
حبيتك واتحــبــيــت
ولـــقــيــتنى فجأه اختفيت
من حـــبك
مش بأيدك ولا بأيدى
ولا دا قدرى ولا قدرك
واخرتها راح لمــين
اكيد راح للى حبتيه
اللى قدر يمسك ايدين ..قلبك
.............مع انــــــــك
هتقولى ايه؟؟..
قلب غبى؟؟
مقبولة منك
****************
صرختى ...
نفسى اسمع صوتـــك
انا مش سامعة غير ســــكوتك
وانا بتألم من نـــار ضميرى
سيبينى وشوفى حد غيرى
خلينى اتعلم ان انا من غيرك
مش ممكن اسلم لحد خـــيرى
***************
ارجوقى بأه اسمعنى
بالسرعة دى حبيتى ؟؟
اكيد علشان تنسينى
مهو غباء وفرطت فيكى
اه دا ذنبـــى
فى نهايته ..
وحشنى كل كلامك
عنيا.. حبيبي.. وروح قلبى
دلوقتى بيتقال لغيرى
وعمال يدوق مداقه
ا ازاى حد ياخد مكانـــى؟؟
ولله ما مصدقه
ا واهو فى الاخر ندهت
وبقلمى كتبت وبعينى همست
........**********************
إسلام
الساعة واحدة ونص بعد منتصف الليل - الاسكندرية صيف 2009
جميع الحقوق محفوظة لمدونة اصحى يا مصر

الخميس، ديسمبر 03، 2009

اعتراف قلب ساذج -- الاعتراف التالت

نفسى فى مرة من المرات
بتاعت زمـــان ..
فاكراها ولا نسيتيها؟؟
فــى طريق طــويل وممرات
وايـــدى ف أيـــدك
مشيـنا عليــــها
عــدى اد ايه النبضات
وانا عينى ف عينك
بتضحكى ليــها
ولو اعرف ان اللى فيــها
فـــراق ....
بس سمعته
ا صدقينى لكنت مسكتها
قبل ما يجى فى وقتها
وانخطفتى مني
******
نفسى ف مرة ارجــعلك
تسمعينى وانا اسمعلك
فى كلام كتير ..
هعيد وازيد
ويارتنى ولو بالأيد
اجيــلك وانـــدهلك
بس سيبك
انا لو ف مكانك ...
هفكر ف حب جديد
مع انى هكون محتاجلك
*******
ايوة انا اتأخرت
وانقفل باب السماح
ولغلتطى اعتذرت
لنفسى عشان ارتاح
ضميرى بيموت ..
جواه سكوت
دا ضاع الوقت
والحب راح
*******
نـــفسى ف يوم
اشوفك فيه
وتجرى عليا
واجرى عليكى
دلوقتى مع اللى بتحبيه
سيبانى قاعد
بفكر فيكى !!
ولما جت الايام تدور ..
وشوفتك معاه
بتدارى وشك ..وياه زهــــول
ايوة انا ...
.حبيبك ايـــــــاه
فكراه ؟؟
متقلقيش
انا ماشى على طول
وف خطوتى حنين
.. مقدرش انساه
بس نفسى
إسلام



جميع الحقوق محفوظة لمدونة اصحى يا مصر

السبت، نوفمبر 28، 2009

اعترافات قلب ساذج -- الاعتراف الثانى

عــــارفة؟؟
عنيا لما تقول يا دمـــوع
بتجرى بين وســـط الجموع
لحتة ساكنها ضلام وهـــدوء...
لا فــى نهار ولا فى شموع
والضوء مسروق
سيناريو فى كل يوم بشوفه
اخفى حزنى للناس تشوفه
لا الحب عمره ما كان انهـــيار
ولا كلمة عــــار
بس اختيار ومش بأدينا ...
.بتجرى علينا
ومفيش هـــروب من جنه ونـــار
-------------------------
فــــاكرة؟؟
فاكرة لما الليل كان بيعدى ؟؟
وانتى معــاية .
.وعيوننا لبعض تهمس
بخفوة تقول بحبك
فى اخرها ايدين بتلمس
وبصرخة قلب
رسم قلبك
ونده بنبضه اسمك
دلوقتى الصرخة صبحت صمت
متستاهلش دمـــعة
من تحت جفنك !!
ودا قدرى وقدرك
ينتهى الموضوع
وعارفة عنيا لما تقول يا دموع ؟
جميع الحقوق محفوظة لمدونة اصحى يا مصر

الأحد، نوفمبر 01، 2009

اعترافات قلب ساذج - الاعتراف الاول

اشتاقت ليكى ونفسى اشوفك..
ولو مرة فــ احلامى
اجــرى عليكى واللمس اديـــكى
زى مــا حروفى ماسكة بكلامى
فــراقنا كان لازم وانا الــغلــطان
اه بــعترف...كان نفسى نرجع من تانى
زى زمان
بس ازاى عنيا تشوف عنيكى؟
وانتى ويا انسان..
سرق حلمى اللى بنيته
وعمر انا ضحيته
اه يمكن غباء منى
سبتك وغصب عنى
بس حبك مـــارميته
وساكن جوا قلبى

-------------
من حقك تشوفى غيرى
وحاولتى كتير تعرفى سبب بعدى.
.بس اســـف
كان صعب عليا انى اشرحلك
وانا فى لحظة ضعف محتاجلك
بتألم ومشتاقلك
بموت...ومش قادر اندهلك
وحاولتى معايا كتير,,
,تعرفى سبب بعدى
ولما زهـــقــتى
ومن كتر بٌعدى تعبتى
اختارتى شخص تانى
..ومش بأديكى
ايدك فى ايده كل يوم
وانا ايدى على عنيا
بتمسح دموع...التفكير فيكى
إسلام
جميع الحقوق محفوظة لمدونة اصحى يا مصر

الأربعاء، أكتوبر 21، 2009

الجمعة، سبتمبر 04، 2009

حد ليه شوق ..ف حاجة؟؟



نظراً للتطاول المستمر ، والذى بدء فى اواخر السبعينات ، من تطاول ايدى رجال الاعمال واصحاب رؤوس الاموال فى امور السلطة .. جعل من السلطة (سلاطة) .

بس نرجع بقى ونقول ..؟؟ ، هو مين اللى ادا اتاحة الفرصة.. ؟؟ لتطاول الناس دى على السلطة ؟؟

مين اللى خلا احمد عز يحتكر الحديد ويبقى امين سياسات الحزب الوطنى :))؟؟

مين اللى خلا هشام طلعت مصطفى يحول صحراء الى منجم دهب ؟؟

ميين اللى خلا حسين سالم يتعاقد مع الصهاينة فى اكبر صفقة غاز اللى اتنصب علينا فيها ؟؟

مين اللى خلا ممدوح اسماعيل ويديله تصريح بقتل ما يقرب من 1500 شخص غرقاً واكلاً من الاسماك؟؟

مين اللى خلا يحصل يحصل تحت قبة مجلس الشعب الكثير من الفساد والفساد ؟؟

مين اللى خلا مجلس الشورى يتحرق ؟؟ وايه مصلحته ؟؟

دى كلها اسئلة شعب ، ياريت ولله لو كنت قادر اكتب كمان بس المشكلة ان احنا لو كتبنا هنكتب كتير اوى ومش هنخلص ، من انجازات مصر فى اول التمانينيات الى حد الأن .

كلنا نعرف كويس ان فى 3 طبقات فى الهرم ( الطبقة العليا - الوسطى - الدنيا) وللأسف دلوقتى يأما العالى عاااااااااااااااااااااااالى اوى ، يأما الفقير فقييييييييييييييييييييييير اوى (احدى نظريات الفساد) وهذا هو المطلوب اثباته .

للأسف القلم نشف من البكاء ، فأضطر ان يحبى وهو يتلفظ بأخر كلماته

ربنا ف عونك يا مصر


نكمل البوست الجاى ، لسة المسيرة منتهتش



جميع الحقوق محفوظة لمدونة اصحى يا مصر

الأحد، أغسطس 16، 2009

حصرييياً جايبلكم تتر بوجى وطمطم ... ورمضان كريم عليكم يارب كلكم

وحشونى بجد مع انى معترض على بعض الحاجات فيها

بوجى وطمطم والكنز ...رمضان 2009



بس بجد باسم رحمى عامل شغل جميل جداً جداً وبالذات الاغنية عجبتنى اوى


واسلوب الحركة كمان ، رجعتنى ايام زمااااااااااااااااااااااااان اوى اوى اوى


<





يارب الاغنية تعجبكم وكل سنة وانتم بخير


جميع الحقوق محفوظة لمدونة اصحى يا مصر

مشاء الله عليكم يا دمايطة --- وعااار عليكى يا حكومة

نقلاً عن جريدة الدستور

بعد تمويه مُحكم ومعركة قصيرة مع القراصنة تمكن 40 صيادًا مصريًا كانوا علي متن مركبي الصيد المصريين «ممتاز واحد» و«سمارة» من الهرب من القراصنة المسلحين قبالة السواحل الصومالية.ونجح الحاج حسن خليل- 65 عامًا- مالك السفينة «ممتاز واحد» الذي سافر إلي اليمن والصومال للتفاوض للإفراج عن المركبين اللذين يضمان علي متنهما أربعين صيادًا مصريًا منهم اثنان من أبنائه، في تضليل القراصنة بعد سلسلة من المفاوضات لدفع فدية كان القراصنة يطالبون بدفعها وقيمتها 800 ألف دولار أمريكي.
وطبقًا لمصادر مصرية وصوالية وكينية فقد جرت عملية اقتحام سريعة وخاطفة للمركبين باغتت القراصنة الذين لاذوا بالفرار بعد اشتباك محمود مع 11 مسلحًا صوماليًا كان مالك السفينة المصري قد اصطحبهم معه لدي وصوله أمس الأول إلي قرية «لاس قوري» القريبة من إقليم البونت لاند «أرض اللبان» شمال شرق الصومال.
وقال مركز مساعدة البحارة الكينية في بيان لـ «الدستور» إن الحاج حسن خليل نجح في إقناع الخاطفين بالسماح له وللمجموعة المرافقة له بالصعود علي متن المركب «ممتاز واحد» للاطمئنان علي اثنين من أبنائه ضمن ستة من الصيادين الشباب من أصل المخطوفين الأربعين ورؤيتهما، قبل أن يتمكن المرافقون له وعددهم 11 رجلاً مسلحًا من السيطرة علي المركب في ثوان معدودة بعد اشتباك قصير مع القراصنة ما أدي إلي جرح أحدهم قبل أن يلوذ المركبان بالفرار في حماية المسلحين المرافقين للحاج حسن خليل.ولفت المركز إلي أن عملية هروب المركبين تمت بمساعدة يمنية بالنظر إلي العلاقات الوثيقة التي تربط الحاج حسن خليل بالسلطات اليمنية وعدد من التجار ورجال الأعمال هناك.وجاء نجاح هذه العملية بعد ساعات قليلة فقط من تلقي بعض أسر الصيادين اتصالات هاتفية من بعض القراصنة تهدد بذبح الصيادين المخطوفين، مما أثار حالة من الهلع والفزع بين الأسر المقيمة في عزبة البرج بمحافظة دمياط.ومن المنتظر وصول المركبين وعلي متنهما جميع الصيادين المصريين إلي مصر خلال الساعات القليلة المقبلة.

ياترى فين حكومتنا؟؟؟ ، منقذتهمش ليييييييييه؟؟

يافتحية ...هاتى الشربات ...واقرى الفاتحة على مصر

جميع الحقوق محفوظة لمدونة اصحى يا مصر

الأحد، أغسطس 09، 2009

انا ومحاسن صابر وكيمو على العاشرة مساءًا - الكوااليس بالصور

نعود من جديد
صحابى وزوارى والمدونين اللى بحبهم وهفضل احبهم طول عمرى
امبارح كان تقرير من العاشرة مساءًا ياريت تكونو شوفتوه
وكان كيمو - صوت من مصر معانا ومحاسن صابر والدكتورة نهى (مدونة بلاش فضياح) واختها دعاء
كان يوم جميل جداً وجيبتلكم شوية صور هتلاقوها على الفيس بوك
وانا اسف ليكم بجد عن انشغالى الايام دى ...ولنا رجعة


مقدم برنامج -- ربما دورى اكبر من كدة بس يلا كويس -- خلى بالكم كيمو صوت من مصر ورايا
دى صورة من تقرير العاشرة

دى من الكواليس وكيمو ورايا برضة




دى تقرير فى مجلة الاذاعة والتلفزيون
دا وهما بيصوروا مع محاسن صابر






دا كواليس تقرير العاشرة مساءًا

دا المفروض ان انا ومحاسن مش باصين لبعض اساساً :D



جميع الحقوق محفوظة لمدونة اصحى يا مصر

الجمعة، أغسطس 07، 2009

مشاركتى فى مطلقات راديو ... ومقالى الجديد فى ميكانو

بصراحة يا جماعة فى كام موضوع هكلمكم فيه من النهارضة وحتى الايام الجاية
رجعت لشغلتى الإعلامية التى قد تكون اختفت من اعوام كتير اوى مضت ... وهى مهنة المذيع
عاملكم برنامج صغير جداً مدته لا تتعدى 10 دقئق - بدون فواصل - اسمه من قلوبنا
بتكلم فيه عن العلاقة فى الخطوبة كما اتمناها - وبعد الجواز كما برضة اتمناها
وبالنسبة للأهتمام الاعلامى الكبير بالموضوع فأنا وكيمو ومحاسن
هنكون مع قنوات الحرة ودبى ودريم بإذن الله عن قريب
ارجو الدخول والاستماع وقولولى رأيكم ايه
اما بالنسبة لمقالى فى مجلتى مــيكانو بعنوان "الدهب البنى"
(احدى المواضيع الاساسية من كتابى اللى انشاء الله بعمله)
بس انا جايبة طراطيف كلام مش رغيت اوى :))
اما انا بقى فعاملكم مفجأة ... هتشوفوها فى رمضان
تحياتى ليكم جميعاً ، ويارب اشوفكم على خير وتكونو بألف صحة وسلامة
وكل سنة وانتم بخير
جميع الحقوق محفوظة لمدونة اصحى يا مصر

الأحد، يوليو 26، 2009

مفجأة ليكم كلكم .....تحديث

كل واحد وهو قاعد على كومبيوترة يبص الناحية التانية :D ، او ممكن يسيب الجهاز ويقوم ، ولو قعد يبقى هو حر بقى
طرووق راااااااااااااااااااااااااجججع ، ب 8 حلقات جديدة جداً جداً جداً
هو بلغنى انى اقولكم علشان النهارضة بليل انشاء الله هتستقبلوه
تحديث مهم : انا اسف انى مقدرتش اروح تصوير الحلقة لأنى انا كنت بموت من البرد والالفلوانزا وحاجات كتير اوى ادعولى انى انزل طروق على خير النهارضة يارب يارب يارب
تحياتى لكم جميعاً
جميع الحقوق محفوظة لمدونة اصحى يا مصر

السبت، يوليو 18، 2009

انا والصباغ وسو وسحر على النيل الثقافية ، حلقة حارة لسعان

الفيديو على قناة احمد الصباغ على اليوتيوب ، بس انا هقصرلكم المسافة وجيبتلكم الحلقة هنا ،،،، تعليقاتكم بقى انا مستنيها
حــــارة لسعان ومجلة ميكانو (اسلام جاويش واحمد الصباغ واحمد سو وسحر غريب)
الجزء الاول




الجزء التانى



جميع الحقوق محفوظة لمدونة اصحى يا مصر





الأحد، يوليو 12، 2009

كراتين اثرت فينا .. -- البوكيمون وكابتن ماجد

ازيكم وعاملين ايه؟؟
بعد ما طلعنا من مواجهة حشاش ، اللى فات دا ، وبعد التأهب لعودة ســــــــــى طرووق ، جبتلكم بوست بيتكلم عن حاجة معينة كان نفسى من زمان احكيهالكم بس مجاش الوقت ولله غير الايام دى انى احكيهالكم بقى
واحنا صغيرين ... يعنى 10 سنين كدة ، بطلنانتفرج على توم وجيرى اعتقاداً بأنه بقى للأطفال خلاص الصغنططين وان احنا كبرنا وعايزين نتفرج على كارتون للكبار اللى زيينا :)) ، وكان اياميها مشهور اوى ثورة الكارتون اليابانية واللى كانت من اهمها :
مازنجر


اول اختراع لتكوين انسان الى ، كانوا بيضحكوا علينا من ابو اخر
، من اشهر العبارات : انطلق يا مازنجر

مانجحر كان من اشهر افلام الكارتون وقتها ، او بمعنى اخر يعنى قبل ما يموت مسلسل الاطفال المصرى تعلوبنا ، اتعمله اعلانات كتير اوى عن الشخصية الانسان الالى اللى بتتحرك وبتنقسم ل 100 حتة وكنا بنحس بأستمتاع مفرط واحنا بنتفرج عليه

الكابتن ماجدالكابتن ماجد ، كن بيجيب الجون على مدار 6-7 حلقات ، ومن العجيب ان الجون كان بيجى من تسديدة فى وسط المعلب او من حارس المرمى !! ، ومن المشهور برضة انه لحظة تسديد الهدف كان يقعد يفتكر حبيبته وصحابة كأنه بيموت .

من اشهر العبارات : كرة الصقر المزدوجة

لما باسم كان بيرخم عليه كان بيأجل الجون للحلقة اللى بعده




النمر المقنع
امتازت النمر المقنع حلقاته بين الحقيقة والخيال ، بس مقتنعش ان فيه دلوقت ، اصل لو واحد شاف كلب هيقوم يجرى ، بيقولوا بقى ان النمر المقنع صارع نمر وعمل مغامرات علشان ياخد قناع النمر واتصاحب على نمر وحارب اسود وكام ديب كدة
من اشهر العبارات : سأنهى على عصابة محاربين الفضاء



البوكيمون

الكارتون دا كان المكسب الوحيد لشركات البطاطس الشيبسى ، العيال ياعينى ادمنوا الشيبسى علشان يجمعوا البوكيمونات ، والمفروض علشان تجمع كل البوكيمونات ان انتا تدور على صاحب البوكيمونات دى كلها اللى هو اش ، ولو مش لاقيته يبقى انتا كدة معرفتش تعمل حاجة
الكارتون اللى اتسبب فى جنون اكتر من 20 الف طفل حول العالم ، وبعد مشاكل وقف بثة فى مصر
من اشهر العبارات : دمرهم يا بيكاتشو
---- يــــتـــبــع
اشوفكم فى بوست اخر








جميع الحقوق محفوظة لمدونة اصحى يا مصر

الخميس، يوليو 09، 2009

حوار مع حشاش



اشكال غريبة ، اوضاع غريبة ، كل حاجة غريبة فى غريبة ، روايح الأكل والبصل بالذات ، عمال بسمع اصوات خرمت طبلة ودانى ، توقع ان يلقى على رأسك اكياس من القمامة ، ولو كنت محظوظ هيترمى عليك مية ، ولو كنت محظوظ اكتر هتلاقى عصفورة رخمة تروح مصبحة عليك ..، كان اخرها سيدة فى العقد التاسع او العاشر او ايهما اقرب - من عمرها - تبيع الخضروات فتقول : الكـــيلو بريال ، ولما الكل ينفضلها تسخن اكتر ..فتقول : الكيلووو بريااال ، ولما اخر ما سخنت : الكيلو برياااااااااااااااااااااااااال ياولاد ال................ ، والمشكلة انها نوع معين من الخضراوات ، يمكن ان نقول انه ليس من فصيلة الخضراوات بشكل عام ، وان الريال هنا المقصود ب ورقة مصرية فئة العشرين جنيه!!
عندما فتح سميح الباب ليطل علينا سيد المصور ، اعطيته فكرة فى البداية عن طبيعة وشكل المهمة التى سنجريها ، إنها بمثابة مغامرة خطيرة التى سنقوم بها فى احدى احياء الجيزة القديمة ، وهو ريبورتاج صغير عن الادمان وتجارة المخدرات بشكل عام .

المهم انا روحت لقهوة معينة هناك ، ولاقيت هناك اشكال اعتقدت فى بداية الامر انهم من اسلاف الفراعنة ، القوام ، والتجاعيد الكثيرة فى وشوشهم ، وشوشهم تميل للسمار ، وغير محافظين على الدقن او الشنبات ، كل واحد فيهم وشه يحتوى على العديد من الشوارع والميادين ، ...المهم لاقيت واحد قاعد مع نفسه وعمال يلعب بأديه فوق وتحت ، قولت لما اروح اتكلم معاه واستفهم الامر اكتر ....

المذيع : ازيك ، اسمك ايه ؟؟
الرجل : يعنى هى دى طريقة تعارف ياعم؟
المذيع : معلش ، اسم حضرتك ايه.؟؟
الرجل : يعنى بالذمة ، دا شكل واحد يتقاله حضرتك ...، نهايته ، انتا عايز ايه؟؟
المذيع : عايز اعمل حوار معاك بس
الرجل : اه انتا جاى تحور بقى ، واسمك ، وسنك ، وبعديها بشوية رقم الامن القومى ، انتا من الحكومة ولا ايه ياض؟
المذيع : لا انا محمود شرشفولى الاعلامى بقناة فضائية .
الجل : بجد...؟ الاستاذ محمود؟؟ ، انا مش واخد بالى معلش .
المذيع : ولا يهمك انتا مش واخد نفسك اصلاً J
الرجل : معلش ياباشا ، اللى ميعرفك يجهلك
المذيع : تقدر تقولى ايه اللى فى ايدك دا؟
الرجل : دا موبايل
المذيع : لا لا البتاع التانى دا
الرجل : اه ، دا سجارة خضرا
المذيع : بتعمل ايه الخضرا دى؟
الرجل : بتعمل حاجات كتير اوى ، بتوديك امريكا وترجعك روسيا ، السجارة دى تنسيك اسمك وسنك وعنوانك وكل حاجة ، وتعيشك ملك
المذيع : وايه تانى ؟
الرجل : احنا كنا بنتكلم فى ايه اصلاً؟
المذيع : ولله ماعارف

وهكذا انتهى الحديث


جميع الحقوق محفوظة لمدونة اصحى يا مصر

الجمعة، يونيو 12، 2009

تاريخ المافيا - الطيبون الاشرار - المافيا فى مصر

موضوع مهم ومثير جداً ، كتبت عنه ، بس كل اللى طالبه منك كوباية شاى ، وكوز مية معدنية ، وتقرا برواءه ، وغير متاح للى قلبه قلب خصاية

المافيا ... إسلام جاويش

من وقت لأخر ، وفى ظل الغزو الفرنسى لأرض صقلية ، الذى ومازال فقد وراءه العنف ، وزرع الخوف ، ما بين مناظر القتل للأبرياء وإعدامهم ، وحرق منازلهم او هدمها ، ادى كل ذلك ... الى حدوث طفرة كبيرة بين شعب ايطاليا بينهم وبين بعضهم .
وفى وقت مضى ، وفى سنة 1880 بالتحديد..، بدأت الهجرة إلى ارض الأحلام ، الولايات الجديدة ، الولايات المتحدة الامريكية ، وخرج الجميع من صقلية متجهاً حين ذاك اليها ....يتأملون ويحلمون بأمتع الحياة.
عندما اشتدت زروتهم ، قاموا بتشييد مدينة خاصة بهم تفصل ما بين نيويورك ، ونيو جيرسى ، تسمى ب : نيو ايتالى او New Italy مثال مافيا الياكوزا الصينية المشهورة التى ابتدت نشاطها فى الحى الصينى او كما تسمى China Twon .
وفى سنة 1900 ، ابتدت الأنشطة الإجرامية - حيث كان بعضهم يعمل فى مجال الأتاوه ، او كما نسميه السرقة بالأكراه ، وبالتالى ادى ذلك الى وجود العصابات ، التى عرفت بعد ذلك بأسم المافيا .




يرجع تاريخ كلمة المافيا إلى القرن الثالث عشر مع الغزو الفرنسي لأراضي صقلية عام 1282م ، حيث تكونت في هذه الجزيرة منظمة سرية لمكافحة الغزاة الفرنسيين كان شعارها : Morte Alla Francia Italia Anelia ويعني (موت الفرنسيين هو صرخة إيطاليا) فجاءت كلمة (مافيا MAFIA ) من أول حرف من كلمات الشعار.
وهناك وجهة نظر أخرى حيث يذكر بعض زعماء المافيا وعلى رأسهم جوبونانو (أبوعين) أن بداية المافيا كانت تتويجاً للتمرد والعصيان الذي ظهر بصقلية عقب قيام أحد الغزاة الفرنسيين بخطف فتاة في ليلة زفافها ، يوم إثنين من عام 1282 م ، مما أشعل نار الإنتقام في صدور الإيطاليين والتي امتدت لهيبها من مدينة إلى أخرى ، فقاموا بقتل عدد كبير من الفرنسيين في ذلك الوقت إنتقاماً لشرفهم المذبوح في هذا اليوم المقدس لديهم ، وكان شعارهم في ذلك الوقت هو الصرخة الهستيرية التي صارت ترددها أم الفتاة وهي تجري وتبكي في الشوارع كالمجنونة.
ومن أشهر فرق المافيا فرقة جزيرة صقلية بإيطاليا نشأت المافيا في وقت ما خلال منتصف القرن التاسع عشر في جزيرة صقلية . وأصبحت بحلول الربع الأخير من القرن التاسع عشر القوة الاقتصادية والسياسية والاجتماعية المسيطرة في غربي صقلية، وكانت في بادئ الأمر في أعمال الحماية والابتزاز في منطقة بالرمو وما حولها من مزارع الليمون والبرتقال ، وضمت بين طياتها بعض من أفراد الارستقراطية الحاكمة ، حيث انقسم المجتمع في بداية الدولة الإيطالية الناشئة إلى الساسة وأصحاب الأراضي ودخلت المافيا بين هذين الفريقين كما كانت المحرك للعديد من أفراد الحكومة ورجال الأعمال ، ويتبع أفرادها شفرة خاصة تمنع إفادة الشرطة بالجريمة.
خلال الفترة الفاشية ، هرب الكثير من أعضاء المافيا إلى الولايات المتحدة خشية الإضطهاد والسجن ، من بينهم جوزيف بونانو ، الشهير ب (جو باناناز) والذي جاء ليسطر على فرع المافيا بالولايات المتحدة الأمريكية







دور المافيا في اجتياح إيطاليا وصقلية بالحرب العالمية الثانية
لاكي لوتشيانو :
وقد استخدمت أمريكا الاتصالات الايطالية بالمافيا الأمريكية خلال اجتياح إيطاليا وصقلية في [الحرب العالمية الثانية]عام 1943 ، فقد قام لاكي لوتشيانو وأعضاء آخرين في المافيا الذين اعتقلوا خلال هذا الوقت بأمريكا بمد المعلومات للاستخبارات الأمريكية ، الذين استخدموا نفوذ لوتشيانو لتسهيل الطريق أمام القوات الأمريكية المتقدمة. وطبقاً لدكتور ألفرد. و. ماكوي ، خبير تجارة المخدرات ، فقد سمح للوتشيانو بإدارة شبكته من زنزانته جزاء مساعداته، وبعد الحرب تمت مكافأته بترحيله إلى إيطاليا ، حيث استكمل نشاطاته هناك . فقد ذهب إلى صقلية عام 1946 لاستئناف نشاطه ، وطبقاً لكتاب ماكوي الهام الذي صدر عام 2009 بعنوان " The politics of Heroin in South-East Asia" أو "سياسات الهروين في جنوب-شرق أسيا" ذهب لوتشيانو لإبرام اتحاد مع المافيا الكورسيكية ـ كورسيكا ، مما أدى إلى تطور في شبكة التهريب العالمية للهروين ، والذي كان يورد أساساً من تركيا ومقره في مرسيليا - وهو ما يطلق عليه " The French connection" أو " الحلقة الفرنسية " ومؤخراً ، عندما بدأت تركيا في وقف إنتاجها للأفيون ، استخدم اتصالاته مع المافيا الكورسيكية ، لفتح حوار مع رجال المافيا الكورسيكية بالمهجر في جنوب فيتنام ، فقد استغلوا الأوضاع الفوضوية في الحرب الفيتنامية لتأمين مورد لا ينضب وقاعدة توزيع في " المثلث الذهبي " والذي بعد فترة قصيرة بدأ في ضخ كميات كبيرة من الهيرويين الأسيوي إلى الولايات المتحدة الأمريكية وأستراليا وبلدان أخرى عبر العسكرية الأمريكيه .
يطلق على المافيا الإيطالية عبارة "La Cosa Nostra " باللغة الإيطالية بمعنى " الشيء أو الأمر الخاص بنا " تطورت جمعية سرية أخرى تدعى كامورا في سجون نابولي بإيطاليا . وانتشر نفوذها في بداية القرن التاسع عشر في المدينة والمناطق الريفية المجاورة . واكتسبت منظمة إجرامية أخرى هي أونوراتا سوسيتا ( الجمعية المحترمة ) نفوذًا في إقليم كالابريا الإيطالي حوالي عام 1900 م . وتعتقد الشرطة أن هذه المنظمات لا تزال موجودة. وهناك أمثلة كثيرة على تلك الأسر والجماعات.
وفي إيطاليا، حارب بينيتو موسوليني المافيا بدون رحمة ، بسجن الكثير من الرجال لمجرد الشك في إنتمائهم للمافيا ، ولم تقوى شوكة المافيا في إيطاليا مرة أخرى حتى استسلامها في الحرب العالمية الثانية. إلا أنه في الثمانينيات والتسعينيات ، أدت سلسلة من حروب العصابات فيما بينهم إلى إغتيال الكثير من أعضاء المافيا البارزين ، ركز جيل جديد من رجال المافيا على الأنشطة الإجرامية " للياقات البيضاء" بعكس الأنشطة الإجرامية التقليدية ونتيجة لهذا التغير ، قامت الصحافة الإيطالية باستحداث عبارة " La Cosa Nuova" أو " الشيء الجديد" ، بدلا من العبارة القديمة التي كان يطلقها المافيا الإيطالية على نفسها وهي " La Cosa Nostra " في إشارة إلى التجديدات الجديدة التي طرأت على المنظمة . وقد أبلغت الجهات القانونية الرسمية ـ لأول مرة ـ عام 1891 م عن وجود مافيا في أمريكا . ففي ذلك العام قتلت جماهير نيو أورليانز 11 شخصًا دون محاكمة، وذلك لاتهامهم بارتكاب جرائم قتل . ومنذ صدور قانون الحظر في العشرينيات من القرن العشرين أصبح الأمريكيون الذين ينحدرون من أصل إيطالي يسيطرون على كل الجرائم المنظمة في الولايات المتحدة.
نمت المافيا بالولايات المتحدة الأمريكية في بدايات القرن العشرين بهجرة الصقليين ، حتى قام مكتب التحقيقات الفيدرالي في السبعينات والثمانينات بتقليص نفوذ المافيا إلى حد ما .
اليوم تظل المافيا الإيطالية-الأمريكية هي أقوى منظمات إجرامية بالولايات المتحدة الأمريكية وتستخدم هذه المكانة للسيطرة على غالبية أنشطة شيكاغو ونيويورك الإجرامية ، كما أنها لازالت تحتفظ بعلاقات بالمافيا الصقلية التي نشأت منها. حيث أن قوة المافيا في صقلية أكثر تكاملاً واستقراراً ، حيث أن الفساد مستشري والحكومة المحلية هي تقريباً فرع من فروع المنظمة ذاتها، حيث لهم تأثير حتى على القضاء.
بدأت المافيا نشاطاتها في أمريكا بالسيطرة على مدينة نيو يورك ، وتوسعت المافيا إلى أن أصبحت 26 أسرة عبر الولايات المتحدة الأمريكية ، بالمركز في نيو يورك ، وبعد العديد من حروب العصابات ، إنتهى الأمر إلى سيطرة 5 عائلات على الأنشطة الإجرامية في نيو يورك : عائلات بونانو ،كولومبو ، جامبينو ، جينوفيز ، لوتشيز.
وللأسف تم قتل جميع الحواشينات التي على وجه الأرض .



وهناك وجهة نظر أخرى حيث يذكر بعض زعماء المافيا وعلى رأسهم "جوبونانو" أن بداية المافيا كانتتتويجاً للتمرد والعصيان الذي ظهر بصقلية عقب قيام أحد الغزاة الفرنسيين بخطف فتاة في ليلة زفافها ، يومإثنين من عام 1282 م ، مما أشعل نار الإنتقام في صدور الإيطاليين والتي امتدت لهيبها من مدينة إلىأخرى ، فقاموا بقتل عدد كبير من الفرنسيين في ذلك الوقت إنتقاماً لشرفهم المذبوح في هذا اليومالمقدس لديهم ، وكان شعارهم في ذلك الوقت هو الصرخة الهستيرية التي صارت ترددها أم الفتاة وهيتجري وتبكي في الشوارع كالمجنونة حيث كانت تردد ma fia, ma fia : ابنتي ‘ ابنتي .

وفي الحقيقة ان الكثير من زعماء المافيا يفضلون هذا التفسير لكلمة مافيا لما فيه من معنى نبيل يصورالمافيا على انها جماعة للدفاع عن الشرف والمقدسات رغم انها اكتسبت بعد ذلك صفة الإجرام وأضحتمنظمة للقتل وسفك الدماء وابتزاز الأثرياء الحديثة بعد أن تخلصت من كل ما يربطها بجذورها الأساسية على يد زعيمها "لاكي لوسيانو".
المافيا الحديثة لاتعرف الشرف
المافيا الأمريكية الحديثة تشكلت مع انتقال الإيطاليين من صقلية ونزوحهم إلى الولايات المتحدة نظراً لإنخفاض مستوى المعيشة والفقر الشديد الذي كانوا يقاسونه، ويقدر عمرها في أمريكا بقرن من الزمان وتتميز بتخلصها من طابع المافيا الإيطالية وتقاليدها.
ولم يكن اليهود لتفوت عليهم هذه الفرصة السانحة في السيطرة على عصابة كهذه فكانت البداية على يد السفاح اليهودي "ماير لانسكي" الذي أوعز إلى "لاكي لوسيانو" إغتيال آخر زعماء المافيا القديمة "سلفادور مارانزانو" سنة 1931.
لوساينو كان يرى بأن مافيا صقلية بزعمائها وتقاليدها القديمة تعرقل أهدافه، كالوصول إلى الثروة والمال أياً كانت الوسيلة أو الثمن .. بالإضافة إلى أن المافيا القديمة كانت تقدس أموراً كالشرف والكرامة والعادات والتقاليد وهو ما كان يراه أمراً ثانوياً فكان عليه أن ينتزع المافيا الحديثة من جذورها الأساسية في صقلية، فتطبعت المافيا الأمريكية الجديدة بطابع يهودي بفضل بصمات ماير لانسكي الواضحة في سماتها والتي جعلت من المال والسيطرة هدفاً أساسياً لها دون النظر إلى الثمن
طبيعة التكوين
المافيا في إيطاليا
المافيا جهاز معقد للغاية يبدأ تكوينه بما يسمى بـ"العائلة" كما شاهدنا في الكثير من الأعمال السينمائية، وهي عبارة عن مجموعة من الأشخاص يجمعهم رابط معين كرابطة الدم، الصداقة، النسب .. أو حتى المدينة أحياناً، ويتزعمها عادةً أقوى الأفراد شخصية وأجدرهم بالقيادة، ويتم اختياره بموافقة باقي الأفراد.
- Bos/Don "الرئيس أو الدون" : رأس العائلة وأقوى أفرادها ويمثل رأس السلطة الهرمية ، وهو منفصل عنالعمليات الفعلية بعدة طبقات من السلطة، كما أنه يتلقى جزء من أرباح كل عملية يقوم بها كل فرد منأفراد الأسرة.
الرئيس يتم اختياره بالتصويت من رؤساء المجموعات -
- UnderBoss "المساعد" : عادة يقوم الرئيس بتعيينه ، وهو " الرجل الثاني" في العائلة ، وهو يعد الكابتنالمسئول عن بقية " كباتن " العائلة تحت رئاسة الرئيس ، وهو الرجل الذي يتقدم للرئاسة في حالة سجنالرئيس.
- Consigliere "مستشار العائلة" : يعمل كمسؤول استماع والمكلف بالتوسط في نزاعات الأسرة ، كما أنه
يهتم بالجانب الإقتصادي " للأعمال " وهم عادة رجال عصابات قليلي الشهرة والذين يمكن الوثوق بهم ،يحاولون الحفاظ على صورة العائلة تبدو قانونية قدر الإمكان ، وهم على قدر كبير من القانونية بغض النظر عن المقامرة على نطاق ضيق أو الاحتيال للحصول على المال.
- Capo " كابتن او كابو " : هو قائد مسئول عن مجموعة ، هناك عادة من 4-6 مجموعات في كل عائلة ،كل منها تتكون من عدد من الجنود يصل إلى 10 . الكابتن يدير شئون عائلاته الصغيرة ، ولكن يجب أن يتبعالأوامر التي يضعها الرئيس ، وكذلك أن يدفعوا له حصة من مكاسبهم . الكباتن يتم ترشيحهم من قبلالمساعد أو الرجل الثاني ولكن في الأصل يختارهم الرئيس نفسه.
- Soldier " الجندي " : هم من أعضاء الأسرة " المصنوعين " أي لا ينتمون مباشرة للعائلة ولكن يمكن فقطأن يكونوا من أصل إيطالي أو صقلي ، وهم يبدأون منتسبين أو مساعدين أثبتوا أنفسهم ، والكابتن هو منيرشح الجندي الجديد وعادة يكون الجندي بعد قبوله في مجموعة الكابتن الذي رشحه.
- Associate " المساعد الخارجي " : ليس اعضاءاً في العائلة ، وإنما يقومون بمهام محددة ، ويقومون أحياًناً
بدور الوسيط أو يبيعون المخدرات لدرء الخطر عن الأعضاء الفعليين . الغير إيطاليين لا يمكن أن يصلوا لأكثر من
ذلك بالنسبة للعائلة.

دموية الزعماء
كيرليوني أشهر زعماء المافيا
تاريخ زعماء المافيا يشهد لهم بالدموية من أجل التحكم والسيطرة ومن أشهرهم "الكابون" أكبر زعماء المافيا على الإطلاق، وأكثرهم دموية في تاريخ المنظمة، فقد قام عام 1938 بالتخطيط لاغتيال جميع زعماء المافيا، وأتم ذلك بنجاح في يوم واحد، وتربع بعدها على عرش المافيا الإيطالية.
ولتصفية زعماء المافيا بعضهم بعضاً سجل طويل، فقد اغتيل الزعيم المفيوزي "سلفادور مارانزانو" على يدزعيم آخر هو "لاكي لوتشيانو". ولا يخلو تاريخهم أيضا من النساء فقد ساهمت "نينيتا باغريلا" زوجة أحد

الكابون - اكبر زعيم مافيا عرفه التاريخ والعالم (الطيب والشرير معاً ) او كما نسميه عندنا ادهم الشرقاوى ، كان يغتيل ويسرق ، وكان يساعد الفقراء بشكل ملحوظ
زعماء المافيا في التخطيط لأكثر العمليات دموية وفظاعة ووحشية في تاريخ المافيا ومن بين الأسماءأيضا "آل كابوني" وهو الأشهر بين زعماء المافيا حتى الآن .. والذي عاش من 1899-1947 وكانت نهايتهعلى يد ضابط فيدرالي نجح بإدانته بالتهرب من الضرائب .
ميزانية دولة
تقترب أرباحها اليوم من ميزانيات الكثير من دول العالم . غير أن الجرائم المنظمة تغيرت طبيعتها في الفترةالأخيرة واتخذت شكلاً في غاية الدقة والتعقيد بسبب تعقيد النشاط الاقتصادي في العالم بشكل عام .وقدأصبحت المافيا وعالم الجريمة المنظمة محوراً للعديد من الأعمال السينمائية والأدبية وحيكت حولها الكثير منالحكايات والأساطير. وبرغم كل المحاولات المبذولة للقضاء عليها في الكثير من الدول ، لا يزال تأثيرها القويعلى الساحة السياسية، والاقتصادية العالمية والإيطالية خاصة بشكل يقلق الساسة والشعوب على حدسواء.

واليوم تستخدم كلمة المافيا مجازاً للدلالة على أقصى درجات الإجرام تنظيماً ووحشية مثل المافياالروسية والمافيا اليابانية الياكوزا . وينتظم حوالي 6 آلاف إيطالي أمريكي يشاركون في الجريمة المنظمة فيشبكة عصابات إقليمية تسمى العائلات وتشارك هذه المنظمات في العديد من النشاطات غير القانونية مثلالمقامرة، والدعارة، وبيع المخدرات، والربا . ويقدر المسؤولون عن القانون أن هذه العائلات تكسب حوالي 50 بليون دولار أمريكي سنويًا من هذه النشاطات الإجرامية . ويعتقدون أنها أصبحت تمارس كثيرًا من الأنشطة المشروعة، بجانب أنشطتها غير القانونية "غسيل الأموال" .
أشهر ضحايا المافيا
أما أشهر ضحايا المافيا فمن بينهم القاضيان الإيطاليان الشهيران جيوفاني فالكوني وباولو بورسيلينو ومئات الضباط والقضاة والمحامين. وتجد الشرطة الإيطالية صعوبة في الحصول على أي معلومة حول المافيا من سكان الجنوب الإيطالي، بل إن هناك كتابات حائطية تشيد بالمافيا مثل عبارة "تحيا المافيا".

ورغم ضعف التأييد الشعبي للمافيا، فإن الجنوب يعتبر معقلا حصينا للعصابات المافيوزية، بسبب الفقر واختلال الموازين مع الشمال، وارتفاع نسبة البطالة بين أبناء الجنوب الإيطالي، ما يحولهم إلى أنصار للمافيا.
ولا ينسى العالم اغتيال بابلو سكوبار لاعب كرة القدم الكولومبي بعد إحرازه هدف في فريقه عن طريق الخطأ حيث تم اغتياله أثناء خروجه من مطعم بعد أن تناول وجبة العشاء على يد المافيا ظنا منهم أنه كان يلعب لحساب جهة أخرى لأنهم كانوا يقامرون على فوز المنتخب الكولومبي في هذه المباراة .


المافيا في السينما


من افضل الافلام - بل من اروع الافلام التى رأيتها فى حياتى ، ارجوا من الجميع رؤيته



العراب رواية ماريو بوزو ، قدمت مؤخراً في أفلام من إخراج فرانسيس فورد كوبولا . جسد الفنان العالمي مارلون براندو شخصية دون فيتو كورليوني ، و تعتبر هذه الثلاثية من أكثر الأفلام الروائية تأثيراً والتي جسدت وقدمت المافيا إلى الثقافة الأمريكية الشعبية والعالمية على حد سواء. عائلة كورليوني التي قدمت في الفيلم هي مزج لقصص عدة عائلات حقيقية من المافيا الأمريكية

الفيلم يعرض قصة عائلة الكورليوني بداية من سنة 1945 إحدى أقوى عائلات المافيا الإيطالية في نيويورك والمتورطة بأعمال إجرامية مختلفة كإدارة نوادي القمار والبغاء ومتاجرة الكحول إلا أن علاقات زعيم العائلة دون فيتو كورليوني (مارلون براندو) بشخصيات سياسية هامة قد منحته نفوذا قويا ومنح أعمال عائلته تغطية، غير أن هذه العلاقات تتأثر بعد رفضه لطلب سالازو بحمايته وأعماله في تجارة المخدرات لقاء مبلغ كبير من المال مما يدخل العائلة في حرب مع بقية العائلات فيتدخل للمساعدة و إنقاذ العائلة من الدمار الإبن الأصغر لل دون مايكل (آل باتشينو) الذي كان عسكريا بعد الحرب العالمية الثانية والذي كان لا يريد أن يشارك في أعماله مع العائلة أو يتورط في أعمالهم.

مارلون براندو :بدور فيتو كورليون العراب رئيس عائلة كورليون
آل باتشينو :بدور مايكل كورليون ابن الأصغر
جيمس كان :بدور سونى كورليون الأبن الأكبر والمتهور
Richard S. Castellano :بدور بيتر كلمنزا اليد اليمنى للدون كورليون
روبرت دوفال :بدور توم هيجان

حقائق بسيطةعن الفيلم
صور الفيلم مع أساطير الفن السابع
سلسلة العرّاب من أكثر الأفلام مشاهدةً بالعالم
يختلف النقاد على الجزء الأول و الثاني و يظن البعض بأن الثاني أجمل
يظن النقاد بأن الأدوار لم و لن تكون مثل دور مارلون براندو
سلسلة العرّاب لم تحقق إيرادات كثيرة و لكنها تظل خالدة في عقول الكثيرين
من أجمل أقاويل الفيلم : سأقدم لك عرض لن تستطيع رفضه
بلدة كورليون هي حقيقية و ليست وهمية
آل باتشينو قدم أدوار ممتازة جداً خلال السلسلة
تم تصوير مونتاج الفيلم خلال 63 يوم فقط
كلمة " دون " تعني رئيس أو زعيم

المافيا فى مصر

تعددت وجهات النظر بالنسبة لذلك الموضوع ، فربما نشاهد يومياً وعلى الهواء مباشرة عائلات فى مصر ههههههههه : هكذا اطلق صديق لى تلك الكلمات معبراً عن استياءه وفى ذلك الوقت فى ناشئة بأبتسامة ، وعلى ما اعتقد ان هناك مافيا محلية فى مصر ، مادام هناك فساد عارم ، ويتضح لنا الامر كلما زاد الامر سؤاً ، وكل ما رأيتموه فى هذا المحتوى الكبير ، ربما فى مصر ايضاً ، بلد الامن والامان ، ولكن ان الله بالسر عليم!!
المصادر:
بعض المعلومات من ويكيبيديا الموسوعة الحرة
جميع الحقوق محفوظة لمدونة اصحى يا مصر

الاثنين، يونيو 08، 2009

نبأ هام...سنرى المريخ بالعين المجردة فى حجم القمر الحدث المعجزة فى شهر اغسطس الجارى

قبل ما اقولكم على الخبر دا
فى حاجة مهمة جداً
ادخلوا على المدونة دى
http://tzkar.blogspot.com
صفحة تذكارية لعظماء التدوين المصريين الذين رحلوا عن عالمنا
اقل حاجة نقدر نقدمهالهم بجد لأنهم وحشونا
الدعوة ليهم بالرحمة جميعاً محمد الفارس - محمد رياض الفارس الملثم
ادخل اقرأ الفاتحة وادعوا لهم بالرحمة

------------------------------------------------------------------------------------- الخبر الفريد من نوعه

والحدث المعجزة

سنرى كوكب المريخ فى حجم القمر بالعين المجردة

فى شهر اغسطس 2009 الجاى




يقول علماء ناسا إن القمر في يمين الصورة والمريخ سيظهرانمتقاربين وبنفس الحجم تقريباً في 27 أغسطس 2009م الموافق 6 رمضان 1430هـ ولمدة شهرين. وسيكون بإمكاننا رؤية المريخ بالعين المجردة بحجم القمر تماما ، ويقول العلماء إن آخر من رأىالمريخ بهذا الحجم هم الفراعنة ومن عاش خلال تلك الفترة من البشر قبل خمسة آلاف سنة ... ولن يقترب المريخ مرة أخرى بهذا الشكل إلا للبشر الذين سيعيشون على الارض بعد ستين ألف سنة ...سيبدأ ظهور المريخ اعتبارا الأول من شهر أغسطس2009م ثم يكبر يوميا كلما اقترب إلى أن يصبح بحجم القمــر في 27 أغسطس 2009م حيث سيصبح على بعد 34.649.589 ميل أي 55.439.342 كلم من الأرضأقصر مسافة بين الأرض والمريخ خلال 600 قرن 1142 (GMT+04:00) - 26/08/03لوس انجلوس، الولايات المتحدة (CNN) -- يستعد خبراء الفلك لمتابعة حدث فريد من نوعه لن يتكرر مرة أخرى إلا في عام 2287 وهو اقتراب كوكب المريخ بشكل كبير من الأرض.ويقول المتخصصون أن المسافة بين الكوكبين ستكون 55,67 مليون كيلومترا فقط يوم الأربعاء 27 أغسطس/أب وهو اقترابليس له مثيل طوال القرون الـ 600 السابقة.وتعد هذه المسافة قريبة جدا مقارنة بما كان عليه الأمر منذ 6 أشهر حين كانت المسافة خمسة أمثال المسافة المتوقعة الأربعاء.وحسب ما أكدته الدراسات، فسوف تستمر رؤية كوكب المريخ طوال الليل من الأرض حيث سيشرق عند غروب الشمس ويغرب عند شروقها، وسيكون أقرب ما يمكن إلى الأرض في الساعة (الخامسة و51 دقيقة بتوقيت غرينيتش) حين يبعد عنها مسافة 55 مليونا و756 ألفا و800 كيلو متر. من ناحية أخرى، قال أستاذ الفيزيائية الشمسية، مايلز ستاندش، من قسم بحوث الشمس والفضاء بمعهد Jet Propulsion الأمريكي، إن قرص الكوكب سوف يغطى مساحة 25.1 ثانية قوسية على صفحة السماء، وسيكون ألمع وأكبر من أي وقت مضى، وبذلك يمكن للتلسكوبات متوسطة الحجم ان تظهر بعض الملامح السطحية للكوكب. يذكر أن إدارة الفضاء والطيران( ناسا ) أطلقت في وقت سابق قمرين صناعيين لاستكشاف كوكب المريخ، كما أنها تخطط لإطلاق قمر ثالث خلال العامين المقبلين. أما اليابان فقد قامت بإرسال مركبة فضائية إلى المريخ عام 1998، غير أنها تواجه بعض المشاكل الفنية التي قد تمنعها من استكمال عملية الدوران حول الكوكب.يذكر أن هذه العملية، التي تكلفت تحو 800 مليون دولار أمريكي، ليست الأولى من نوعها لاستكشاف المريخ. فقد قامت الوكالة بـ12 محاولة للوصول إلى الكوكب، ثلاث منها فقط تمكنت من الوصول إلى هناك، غير أن أيا منها لم يتمكن من الهبوط على سطحه.


جميع الحقوق محفوظة لمدونة اصحى يا مصر

الأربعاء، يونيو 03، 2009

سيادة الرئيس اوباما...نورت مصر


متهيأ لى الموضوع باين اهو ، وهما كلمتين هقولهم ورد غطاهم


انا مش رافض زيارة اوباما بلدى ، وبلاش امور التعصب دى ، ومرحب بيه لعل وعسى يكون غير اللى قبلة

احنا شعب ...فينا صفة مش لذيذة ، ويمكن فيا انا كمان لانى واحد من الشعب دا

ان احنا بنظيط مع الظيطة ، بمعنى اخر ، ان احنا عايزين حد يعمل حاجة يبقى يعملها والا لازم ننتقده علشان يعملها

واحد لسة ماسك حكم ، خلاص بقى ارهابى ، خلاص بقى مش عارف ايه وانزلين عليه كلام

دا لسة لاحنا عارفين هو زى اللى قابلة ، ولا هيبقى زى اللى بعدة

يعنى الراجل لسة فى بداية حكمة اهة ولسة مشوفناش ميته فيها ايه ولا عرفنا هو هيعمل ايه

وانا بقوله يالف مرحب بيك يا اوباما فى مصر ... نورت مصر
انتم بقى رأيكم ايه؟؟؟
تحياتى ليكم جميعاً



جميع الحقوق محفوظة لمدونة اصحى يا مصر

الأحد، مايو 31، 2009

وتم انطلاق مجلة ميكانو


التلفزيون المصرى شغال اغنية يارب كتر افرحنا على القناة الاولى :))

تهنئة قلبية من طنط ام سعاد الى حفيديتها وبنتها وحبيبة قلبها جى جى تفاريح

تهنئة قلبية من الدكتور كمال التهابات لطروق العفش

وهنقدملكم فقرة غنائية


http://www.mikanoo.com

تم انطلاق مجلة ميكانو الحمد لله
ادونى كام يوم اجازة بقى علشان انا بجد مش قادر اصلب طولى :D:D:D
تعبت اوى فيها
يلا سلام انا بقى



جميع الحقوق محفوظة لمدونة اصحى يا مصر

مجلة ميكانو...قنبلة التدوين




بعد ساعات قليلة ، سيعلن عن قيام واحدة من اهم واكبر المجلات الشبابية الفنية الثقافية التدوينية فى مصر


مجلة ميكانو

مجلة شبابية ثقافية فنية اجتماعية ترفيهيه شاملة ، تصدر كل اول شهر ولكنها متجددة اسبوعياً ، ثقافة جديدة قد نسميها متعة الإعلام والصحافة الإلكترونية التى ستشهد عاماً جديداً على شبكة الانترنت بالتحديد

مجلة ميكانو الإلكترونية

كتبها المدونين ، وبصوت المدونين ، والى المدونين ، والى عامة الشباب ، وها هى قائمة فريق العمل

إسلام جاويش (ديو) مدونة اصحى يا مصر

سحر غريب مدونة حماتى ملاك

أحمد الصباغ مدونة خالوا احمد الصباغ

د.محمد الجوهرى -مدونة ذكريات واحلام

امينة شريف - مدونة صدى البلوجر Mony Shrief

بسمة عبد الباسط وبدرية طه - البنات عايزة ايه

مصطفى ريان - اعترافات رئيس سابق
اسماء رمضان - المدونخانة

رحاب السيد - صحيفة الدستور - دموع صاحبة الجلالة

حسام غانم - طبعاً غنى عن التعريف :)

محمد مصطفى - فك ذنقة

احمد ســــــــو - عجوز وعنده تلاتين سنة

أحمد بدراوى - د/شرين كردى - علا بركات - سلوى سمير

وهيكون معانا بإذن الله الفنانة رشا سامى العدل بنت الفنان والمنتج سامى العدل لباب الفن المتجدد

وهيكون معانا برضة بإذن الله فى الابواب الاسبوعية المذيعة ايناس ثروت من نجوم اف ام

وجارى التعديل على فريق التحرير حتى يتكون بنسخته النهائية خلال الشهر الجارى

لمذيد من الأقتراحات الاميل مفتوح 24 ساعة : info@mikanoo.com

مهمتنا هى الرفع من مستوى التدوين فى مصر ، مكانة المدونين بين المجتمع ، هيبقى فى كيان خاص للمدونين ودا اللى هنعلن عنه قريب بس مش دلوقتى

اهم المقالات اللى هنتكلم عنها :

الوقاية من فيرس H5 الخنازير

ساندويتش سرطان من فضلك

ريسبشنست رواية جديدة

اوباما على عربية فول

عانس لأول مرة

عن العشق وجوزيه

افتتاح رئيس قسم التفانين

دا غير عررررررررررض كامل لأحلى القصص القصيرة والروايات واخبار كتيير، وشوية نكت وفوازير علشان خاطر الحلوين بس

وبرضة فى باب جديد - المواهب الجديدة - اى حد عنده موهبة دلوقتى هنقدر نخليه ينمها ويظبطها وكمان يحقق حلمه بيها بإذن الله

بمعنى اصح ، المجلة مش خاصة يا جماعة

المجلة بتاعتكم كلكم ، هتكتبو فيها كلكم ، المجلة مجلة المدونين ، واللى عايز يكتب يبعت للميل اللى فوق ويحط اسم مدونته وملوش دعوة بالباقى

قبل ما انهى ، ارجو من اخواتى المدونين اللى بحبهم وبيحبونى يحطوا اللوجو دا فى النيف بار على مدوناتهم ، صدقونى مش نية اشهار ولكن فعلاً المجلة دى موروثة من التدوين فلازم كلنا ندعمها ، واشكر لكل من وضع اللوجو عنده ، شكراً جزيلاً


والى بوست اخر ، إسلام جاويش

جميع الحقوق محفوظة لمدونة اصحى يا مصر

السبت، مايو 23، 2009

قررت اعمل اضراب جديد...الوضع بقى مش مستحمل يا جدعان

بشكركم على كلامكم الجميل والمؤثر فيا فى البوست اللى فات
ويا ابناء شعبى البار ، قررت تانى قرار اخده فى حياتى
هنعمل اضراب ...اه هنعمل اضراب
ولازم لازم تشاركونى فيه كلكم
احنا خلاص زهقنا ، خلاص بجد تعبنا
مش كل شوية وانا قاعد على الكومبيوتر ، وانا صاحى ، وانا نايم الاقى جيش واساطيل وفرق جوية نازلة عليا قرص
ولما بصحى وابص لنفسى الاقى اثار الخسائر كتير اوى ،..اهئ اهئ

انا النموس ضرب سكور عالى فى مص دمى يا بشر
لازم من دلوقتى نعمل اضراب ضد الناموس
دانا لما بجهز اسلحتى وابدء اضرب فيه بالرش ، الاقيه بيغظنى وبيروح طاير قدامى ...حاجة بجحة اوى يعنى

عملت معاه كل المحاولات ، رش ورشيت ، جبت فوطة وقعدت اضرب ومفيش برضة ، حطيت نفسى تحت اللحاف وعنده قدره لا متناهية فى اختراقه




مطالبنا من كبير النموسنجية
1- يطلعوا فوق الهرم ويمصوا من الناس اللى فيه ...احنا غلابة وملناش فيه
2-يحدو من ازمة التطورات اللى فى مجتمعهم ، عمر الحق ماكان يمنعهم
3- اتاحة الفرصة لمزاولة الاعمال من الساعة 1-3 ، وبعد كدة ياخدوا اجازة
4- غير مسئولين عن موت او فعص او رش اى واحد منكم
ولو ماوفقتوش عن االمطالب دى ... هنكمل اضرابنا ، وهندخل حرب بقى



وعلى العموم ، تنبيه لجميع المدونين ، رفع حالة الطوارئ والبدء فى تدريب ماليشيات

جميع الحقوق محفوظة لمدونة اصحى يا مصر

الأربعاء، مايو 20، 2009

قرار جديد ..هنأمم المدونة

اخوانى واخواتى ، ابناء الشعب المصرى المكافح ،المدونون منكم والمدونات
انا خدت قرار مهم ولازم تعرفوه
من النهارضة ...الأسم الرسمى هيبقى اسلام جاويش
اما ..ديو.. هيبقى الاسم المستعار ، فكرت انى اشيله من حياتى بس مش هينفع لأنه بيحمل ذكريات ليا ربما تكون حلوة
الامتحان خلص على خير ، ورجعنا تانى ، من ناحية اسرار الفراعنة انا اهو بحافر فيها وبجمع لكم حاجات جديدة ،اما من ناحية طرووق فهو فى امتحانات دلوقتى ادعولوا بالشفا بقى ، ولما يرجع هيقولنا هو عمل ايه ، ويا جماعة انا وسحر غريب واحمد صباغ وبسمة عبد الباسط ومجموعة كبيييييييييرة جداً هنعملكم مفجأة جمييييييييلة جداً اسمها مجلة ميكانو ، ودا اللينك بتاع الجروب

النهارضة انا قولت مش هسيب البوست فاضى ، بس انا جايبلكم رسومات ارتجالية حلوة يارب تعجبكم
---------------------------------------







جميع الحقوق محفوظة لمدونة اصحى يا مصر

الأحد، مايو 10، 2009

خلاص شـطـبـنـا

الايام دى ايام امتحانات ادعولى ولو مش عايزين تدعو مفيش مشاكل برضة :)))))))))


كلها اسبوع بالكتير وهرجع لكم مع السر الخفى اللى مش عارفينه بتاع الفراعنة وميكانو وطرووق


رسالتى لأدم المصرى: ادم أولاً متزعلش منى وانا مقصدش بكتابة التعليقات فى بوست غير تحليل الموضوع بوجهة نظرنا احنا .، تانى حاجة البوست اللى انكتب فى مدونتك بعيد كل اللى بعد عن ان اللى احنا بنقولة ، لأن احنا مش موضوعنا سر بناء الاهرامات


عــــمــــومـــاً


تحياتى الكتير اوى ليكم، وهتوحشونى ،إسلام


الجمعة، مايو 08، 2009

ومازلنا فى كشف اسرار الفراعنة الخارقون - بصوا بقى الخبر الغريييييب دا

فعلاً انا مجاليش لحد دلوقتى رد من الدكتور زاهى حواس مع انى بعتله الميل مرتين وبإذن الله لو مجلناش رد هحاول انى ابعت نسخة تالتة
طيب دى حاجة انا لاقيتها بالصدفة من خلال تصفحى على الانترنت ، والحاجة دى بدعم الكلام اللى قولناه ، طيب حاولوا تدخلوا على الصورة وتعملوا زووم وتاخدوا بالكم من دية :
غرفة اسرار البناء تفتح فى عام 2002 طبقاً لنظام نجمى محسوب بدقة ، طيب هى مفتحتش ليه؟؟
مازلنا فى عملية البحث ، ويا جماعة صدقونى
وناخد بعض التعليقات اللى اثرت فى الموضوع : تعليق استاذى العزيز فشكول

السلام عليكم اسلام تحياتى ...شوف يا اسلام انا تعبت من حكاية الاهرام دى .. انا قريت كتير عن الاهرام واكتر من 10 كتب والاشعه الكونيه وهجرة الدفن وحاجات كتير عن الاهرام تصدق بالله بعد دا كله ما انا فاهم حاجه ولا وصلت لحاجه فيه ناس بتقول ان البناء كان بالطوب المحمى على النار - بمعنى انه بيجيبوا الطين ويرصوه وبعدين يحموه بالنار وبعدين يبقى صخوروفيه ناس بتقول ان الاهرام بنيت بالراوفع الهيدروليكيه.وفيه ناس بتقول انه تم بناؤه بواسطة جر الاحجار فى شك حلزونى بواسطة البشر وفيه ناس بتقول انهم وصلوا الى سر انعدام الجازبيه وكانوا يجرون ذلك على الاحجار ويرفعونها الى مكانها وفيها حكايات كثيره واساطير كثيرهومن كل دا مش فاهم حاجه ولا عارف حاجهفيه بعثه امريكيه جات وعملت مسح بالاشعه الكونيه.. وما قالوش لنا ايه اللى حصل وفيه بعثه يابانيه جات وجابت معاها روبوت فى حجم الصرصار ودخلته الهرم وراحوا وما قالوش لنا حاجه وفيه بعثه فرنسيه برضه بروبوت واشتغلوا وراحوا وبرضه ما قالوش لنا حاجهوفيه بعثه صينيه وفيه بعثه انجليزيه وفيه بعثه روسيه والدنيا كلها صاحبة زمام العلم والتكنولوجيا جم وما حدش قال لنا حاجه والارجح انهم ما وصلوش لحاجهكله بيدور على غرفة الدفن وايه اللى فيها وما حدش وصل لحاجه او على الاصح لو كانوا وصلوا لحاجه ما قالوش لنا حاجهاوؤمن ومتأكد من انه هناك علوما مخفيه عن العامه وعن المتخصصين ايضا تقوم بها امريكا وروسيا. وهم من يملكون نواصى العلم والمعرفه.ولا يعرف الناس عنها شيئا ومخفيه عن الناس انا دى الوقت حاروح اشوف اللينك اللى عندك واشوف فيه ايه؟تحياتى
اما الاستاذ ادم المصرى فقال :
اكيد الفارعنه كان مصدر ازعاج لكل علاماء العالم وعلماء الاصار ولكن اخى العزيز منز خلق الله ادم عليه السلام حتى جاء نبينا محمد صلى الله عليه وسلم لا يكون ولا يأتى ولا خلق الله احد ألا على وجه الارض ولم يخلق احد فى اى مركذ من الكواب او الفضاء وهذا ما اتانا بهى سيدنا محمد صلى الله عليه وسلم والله اعلم ولكن هذا ما حكمهو عقلى انا قرأت فى السيره والفقه والسنه وجلست مع علماء حتى تأكت من وجه نظرى والله اعلم ايضا ولكن اخى العزيز الحقيقه واضحه من نحيت هذه الغرفه فما هيه الا غرفه ولا تنسو ان الفراعنه كان يشركون بلله فلا يجوز ان نأخذ بوجهت نظر هؤلاء القوم ترك لنا سيد الخلق محمد صلى الله عليه وسلم علمات الساعه الصغرى والكبره ويوم الحشر وشرح لنا احوال كل شيئ واسباب الساعه ونزول المسيح عيسى ابن مريم وظهور الدخال وخروج يأجوج ومأجوجولا يقول ان الغرفه ستهلك العالم فما هيا الا وجهت نظر علماء لا يعرفون العقيده الاسلاميه ولا يقدسون كتاب الله ولا سنه رسوله فأكيد مش هيكون وصقين فى تركتنا من السنه والعقيده وشرح دقيق لعلمات الساعهاتمنى تكون وصلت وجه نظرى وهذا على حد علمى والله اعلم وما انا الى عبد من عبيد الله لا اعلم شيئ ولا افقه شيئ ان هوا الا كتاب الله وسنه رسوله
رجع تانى استاذى الفاضل فشكول وقال :
اسلام قرأت كثير من التعليقات وكلها على ما اعتقد تعليقات تنقصها الدقه فان رسولنا الكريم فى رحلة الاسراء والمعراج علمه الله علما لم يطلعنا عليه لان عقولنا قاصرة على فهمه. ولم يقل لنا الرسول الكريم عليه الصلاة والسلام عن تلك العلوم والمعرفه التى عرفه الله بها اى ان هناك اشياء يعرفها الرسول الكريم لم يقل لنا عليها لقلة عقلنا وعدم استيعابه لمعطيات كثيرة واشياء كثيره والعلوم الدينيه تقول ان هناك دابة ستخرج من باطن الارض من علامات القيامه وما يدريك انها ستخرج من تحت الهرم الاكبر مثلا او من اى مكان آخر ... مثلا مثلاغيبيات تخفى علينا.وتحياتى

واضافت aidy
بالنسبة لموضوع بنى الاهرام انا درسته وكمان هما اكتشفوا كم جثة ظهرها محنى نتيجة لعملهم فى بنا الاهرام وده نتيجة جر الاحجار وعمليات رفعها وطبعا لأننا فى مصر منزلناش وقتها اى رحلات ميدانية عشان اقدر افيد اكتر كل الكلام اللى عندى نظرى بس اللى درسته ان البناء كان عن طريق جر الاحجار فعلا وتفريغ الهواء فيما بينها وبالتالى مكنش فيه اى مثبتات للأحجار دى وكمان الفراعنة كانوا بيعملوا جبانة للعمال فى بناء الاهرام مكان يندفنوا فيه يعنى وكل الصور والكتابات التاريخية اللى اتعرضت علينا كانت بتؤكد ان الاهرامات مكان للدفن فقط ولذلك يتم تجهيزه إعتقادا منهم بالحياة الاخرى والخلود انا فى الموضوع ده ممكن اجيبلكم نصوص الاهرام المسجلة ومعانيها
ياريت يا aidy

استاذى الفاضل صاحب المطعم واستاذى مهندس حر اشكركم على تعليقاتكم الجميلة وعلى ما اعتقد هنقتبس بعض كتابات انيس منصور انشاء الله
واشكر جزيل الشكر لكل اللى علقوا معانا فى الموضوع ، ومنتظر تعليقاتكم فى الخبر الجديد دا

جميع الحقوق محفوظة لمدونة اصحى يا مصر

الفراعنة والفضاء..ومشروع ايزيس..وحقائق بالصور من الاستخبارات الروسية

اول مرة اجيبلكم بوست بيحكى عن الفراعنة ويارب يكون الفتحة خير
الموضوع خاص بملف من ملفات الاستخبارات الروسية
عن موضوع : مشروع ايزيس ، اكتشاف المخابرات الروسية لمقبرة الزوار
ISIS PROJECT..The KGB DISCOVERY OF THE TOMP OF THE VISITORS
هتقولولى ايه الخرف دا ...هقولوكم لا مش خرف وان الموضوع كبييييييير اوى اوى
نزل له فيلم وثائقى ومحدش فاهم ايه الحكاية
ياريت استاذى الفاضل ومؤرخ المدونين صاحب مدونة اللؤلؤة ، والاستاذ فشكول يكونو معانا فى الموضوع دا لأنه فعلاً مثير للجدل
بسم الله الرحمن الرحيم
الحكاية من اولها كدة .... طائفة تسمى نفسها بالأتباع ، ودى طائفة منتظرة زوار من العالم الأخر ..متقلقوش هتفهمو كل حاجة بس ركزوا كويس ، وهم تقريباً 12 شخص روسى جاءوا الى مصر ، وطلعوا من فندق فى القاهرة من غير ما يعلموا حد وتم تحرير محضر تحرى فى يوم 23 ابريل 1985 بأختفائهم وذكر فى المحضر ان اللى فضل عبارة عن كاميرا فقط هى اللى موجودة ، ولما الناس جم فتحوا الكاميرا دية لاقوا المشاهد اللى انتم هتشوفوها دلوقتى
وزى منتم شايفين فى الصور معانا ...مجموعة واقفة ، ولاقوا فعلاً ان فى ضوء جاى عليهم والضوء ظاهر فى الصورة رقم2، وبعد ما النور دا ينزل عليهم هتلاقو شخص بدأ يركع فى الصورة رقم 3 ، وبعد كدة ...طشاش فى الصورة وان الله بالسر عليم.
قالوا ان النور اللى نزل عليهم غير اى نور احنا بنشوفة...طيب ماشى ، جابو عالم فى الضوء ووضح ان الضوء فيه قوى ايونية غريبة وحتى شرح الوان الضوء ، قال انه بيمشى بسرعة قوية اوى ، عمرنا ما شوفنا سرعة زية فى الكون.......












فى المشهد التالى ، الناس دول بقا امتى عرفوا وقت ومكان زيارة الناس اللى جاية من العالم الأخر؟؟؟؟ ، اسئلة غريبة هيتجاوب عليها لما نكمل تقريرنا عن الفيلم الغريب دا.
يقال ان وجد جسم مدفوناً داخل القبر بالهرم ، جسم غريب تم العثور عليه من خلال علماء روس ، وتم ترحيل الجمجمة الى معمل ابحاث
وتم ايضاً العثور على اهرامات اخرى فى بلدان حضارتها تختلف عن حضارة مصر، والكتير بيقولوا ان فيه رابطة تاريخية بينهم ، وفى الشكل التالى يوضح اماكن الاهرامات دى بالتفاصيل المفصلة ، وهى فعلاً صدفة غريبة بتقول ان فى حضارة عامة ، او ان فى حضارة رئيسة اثرت على الحضارات دى ، إن كانت من كوكب الارض ، او من خارج كوكبنا ، وفى الاساطير كلها قالوا ان فى اجسام كبيرة وعمالقة كانت بتيجى من العالم الاخر فى سفن فضائية وكانت بتتنقل بين النجوم ودا اللى جه فى كتابات احمس من 3 الاف سنة ، على حسب ذكرهم ، وهما اللى جابولنا الحضارات والخير والعلوم والحروف واللغات ، استخدمت كلمة "المتنقلون بين النجوم" فى الكتابات المصرية للكشف عن عمالقة كانت تتنقل بين النجوم ويختلفون عن البشر ، او بمعنى اصح غير بشريين ،ويخرجون من الارض بسفنهم ، انهم خارقون بالنسبة لنا ...البشر ،وبصراحة ناس كتير قالوا انها مجرد اكاذيب ، بس بقى لما تيجى تسمع من اكتر من 10 حضارات ان المخلوقات دى موجودة فعلاً !! ..هنا نتوقف
تشابه الاساطير...وبناء الاهرامات فى اماكن مختلفة ، شكك المختصين ان الحضارات كلها انبثقت من الحضارة الام.
قالوا ان هذا الجسم الغريب ترك لنا مفتاح العلم والعلوم ، ومن الواضح ان الفريق العلمى فى الجيزة قد كشف اسرار الاهرامات كعامة فى سائر العالم بقولهم انها كانت تستخدم للملاحة الفضائية وقد استخدمت لتفسير تلك النظرية الابراج والنجوم .



وعلى العلماء المختصين فى المشروع ، رسم سماء الليل كما يبدو منذ الاف السنين ، وفى عام 1050 قبل الميلاد...حصل حاجة غريبة اوى بيقول الباحثين ان اهرامات الجيزة التلاتة كانت متطابقة وعلى نفس الخط الفلكى مع نجوم برج الجوزاء ، استبعد انها تكون صدفة!! ، وهذا بناء على خطط وضعت فى القرن 21 قبل الميلاد ، اى قبل بناء الاهرامات الفعلى!!!!!!!!!!!
ايه ياعم اللى انتا بتقولة دا؟؟؟
عتر علماء الفريق على رابطة مشابهه!! ، بحثوا عن عينات اشعاعية نشطة ، والنتيجة ان المومياء وبقية الجثث سلبية ، وتشير العينات المجهرية عن مكونات معدنية ،وكذلك نيترون الممغنط بيبين انها مزيج من معادن مجهولة المصدر!!!، وبعد ما قعدوا يختبروا هذا النوع من المادة بينلهم حاجة غريبة جداً ، ان الحاجات دى بعد من سنة 10000 الاف قبل الميلاد ، وان التاريخ بيطابق مع تاريخ تصميم اهرامات الجيزة ، وتوصل العلماء ان فى رابط صلة فعلية فى تصميم الاهرامات والمومياء الموجودة داخل القبر ، وطبعاً جابوا علماء وحانيات لدراسة الظواهر الخارقة للطبيعة ، وبصراحة انا هشيل النقطة بتاعت علماء الروحانيات دى لأنى مش معترف بيها .




تم تصوير هذه المومياء الغريبة ، الى معمل ابحاث لكيفية اعادة بناء الشكل المماثل لها ، وقال الباحثون ان من امكانهم اعادة هيكلة بناء الجسم من خلال فسيولوجية الجسم نفسة ...طيب ، تم اعادة تقاسيم الوجه ، واوصافة هى : جمجمته كبيرة ، حجم عنيه غير طبيعي ، ذقن صغيرة وفم صغير ، علامات تدل على وجود اسنان ، رقبة طويلة ، طولة متران .
العالم اللى ماسك المشروع اقسم بأنه لو لم يكن فى المعمل ، ماكان صدق اللى شافه ، وقال ان احنا وصلنا لأكتشاف ان المومياء ليست بشرية ، وان الاساطير حقيقة ، ربما وجدنا فعلاً رجل فضاء ، فى داخل القبر.











كان يحيط مشروع ايزيس السرية ، سرية جاااااااااامدة جداً ، ولكن من كبرة عمل فيه بروفيسيرات وطلاب المنح والعلماء ، وطبعاً بكدة اتفشت الاسرار وانتشرت اشاعات بالنسبة للموضوع دا ، وبدأ مجموعة من الناس تتقابل ، عبارة عن موظفين عملوا فى السابق فى المشروع ، والفنيون ، وخبراء الكومبيوتر ، اطلق هؤلاء الناس على انفسهم لقب.....الاتباع .
استمدت هذه الطائفة او الجماعة اسمها من كتاب الموت المظلم المصرى ، ومن المعتقدات المصرية القديمة هى هبوط عائلةمن الالهة من النجوم ،جلبت لشعب مصر المعارف الكونية ، وفى يوم عادت الالهة الى موطنهم بإستثناء اوزريس ، وقام الاله بتشكيل مجموعة من الناس ، علمتهم الكثير من الحكم والعلوم ، ومن ضمنها سحر الارقام ، وكانو يدعون...بالأتباع ...، وذلك للحفاظ على العلوم ، حتى تكون الارض مستعدة ...لبداية التطوير العلمى .
الالهة اوزيريس ،كان يأتى من خلال ممر العالم الاخر الموجود بالهرم الاكبر ،و كان مسؤلاً عن نمو الحضارة ، وقد عبده الناس.
تجاهل الكى جى بى (المخابرات الروسية) ذلك ، وامرت الناس بمتابعة الابحاث والمشروعات ، وبعد كدة جابو ردار لتحديد اذا كان فى غرف تانية ولا لا ، واللى ظهرلهم ان ميش غير غرفة المقبرة ، والممر ، ومفيش اى شئ غريب حصل ، وكانوا على وشك الانتهاء من العمل ، لولا ان ظهر شئ غريب!!
غرفة كبييييييييييييييييييييييرة فى قاع الهرم!!.

وطبعاً الاشكال مبينة هنا اوى :

















ادى ذلك الوضع لحدوث انقسام فى مشروع ايزيس ، ناس قالوا انها الغرفة المليئة بالمعارف اللى احنا منتظرينها ، والنبش فيها ، والناس قالوا من دراساتهم ان فتح الحجرة الكروية دى سيعرض العالم للهلاك.
وبالتالى اغلقت ملفات مشروع ايزيس رسمياً فى عام 1981 ، وبعد ذلك جائت اخبار بأقالة جميع من كانوا على المشروع ، وقد حدث بالعاملين بالمشروع ...بعدها ...حوادث جنون واختفاءات وانتحار وانتقالات دينية لمعتقدات اخرى ،وظهرت قضية اخرى وهى الاتباع
يعتقد الاتباع ان المدفون فى قبر الزوار هو اوزيس -الاله القادم من النجوم - وان فى حجرته يمكن ان يخترق الزمان والمكان ، وان بها حجر من الكوكب الفضائى ، عليها رسومات على الحائظ ، وفهمت الجماعة ان البوابة ستفتح يوم 23 ابريل عام 1985 .
هل جاءو ذلك السياح لأختطافهم من قبل المتنقلون بين النجوم او المخلوقات الفضائية ؟؟ ، ام بحثاً عن البوابة المؤدية للعالم الاخر؟؟
انا عن نفسى مش عارف .
ياريت تجاوبوا على البوست دا وانا بعت ايميل للدكتور زاهى حواس علشان يجيبلنا التفاصيل كلها ، ومنتظر رده.
الملفات المرفقة....بعض مشاهد من الفيلم الوثائقى غير مترجم

جميع الحقوق محفوظة لمدونة اصحى يا مصر